Zaune take tana wanke wanke a farfajiyan tsakar gidan nasu inda yarta yar wata tara take zaune daga baran da tana wasa kasan cewan yaran ta biyu da suka dan tasa sun tafi islamiya.
Mama ce tafito daga nata dakin ta idon ta akan yar jikan ta dake zaune gefe tana wasa ita kadai.
A,a Nusaiba kece zaune haka ga yamma ya kusa maryam ina fada maki kullun da zaran almuru yayi ki dinga goya yaran nan bai da kyau barin yaro a zaune shi kaida haka.
Kiuya yai maku yawa yaran yanzu mu manyan mu ko yaushe suna fada muna mu kula da hakkin yaran mu don gujewa fadawa hannun shedanu.
Umma so nake na gama wanke kayan nan na zo na dauke ta Allah ya kyauta kawai mama tace tare da daukan yarinyar dake zaune saman suminti tana wasa irin na yara yan shekara daya sai faman gwalaci take irin na yara.
Daukan ta tayi suka koma cikin daki itako maryam hakane yasa ta jin dadin karasa aiyukan dake gaban ta kafin dare ya karaso mata.
Bayan wasu yan mintina sai ga sauran yaran biyu sun dawo Ahmed dan shekara hudu da rabi sai kaunan shi Amira yar shekara uku.
Suna dawowa gidan ya fara da baku bari ko dan fadan da suke a tsakanin su da yawan kawo kara mama kinga wani yai mun abu kaza ko.
Oya ki zauna kuci abinci nai maku wanka nan ta kawo masu tuwon masara da miyan kubewa danya yaji attarudu sai kamshin daddawa dake tashi a cikin shi.
Tsakar gida ta aje masu don kada su bata mata barandan da ta share dazun da yamma.
Don maryam mace mai tsaba da tsanda bata son kazan ta ko kadan a rayuwan ta.
Nan yaran suka zauna suna tacin abinci suna fada a tsakanin su daga inda uwar take tana aikin ta take tsawata masu.
Umma ce tafito tana fada tana goye da Nusaiba a bayan ta sai kuka takeyi tace kai kuyi ku daga daga gurin nan ku koma ciki almuru yayi sosai.
Maryam zo ki karbi yar nan ta damay ni da kuka tun dazun daga abin arziki zata saka min kuka na shegen kiuyan ta.
Kai Nusaiba don Allah ki bari na karasa wanke tukunyan nan mana.
Ni dai zoki karbeta ban iya kiuyan wannan yar taki mai shigen fitinan tsiya ita har yau bata saba da mutane ba uwar ta sai ubanta kawai ta sani.
Maryam tadata daure hannunta tana dan gogewa da zanin jikin ta takaraso gurin tana dariyan maganan Umma.
Ta karbi Nusaiba dake miko mata hannu daga bayan Umma da zata karbe umma takai mata dan duka a bayan ta.
Sallama akayi daga kofan shigowa gidan Laure mai ganye ce Umma tace innalillahi ni gaskiya ban san mai ke kawo wanan matar da magariban fari ba haka gidajen mutane.
Laure lafiya dai ko kika zo muna gida haka a lokacin da kowa ya ke kokarin natsa kan shi gida saboda yamma da yayi.
A,a Umma Aliyu zuwa nayi idan kuna da dan gishiri ku bani don nawa ya kare kuma yanzu nasan masu shago sun rufe suna shirin zuwa sallah.
Maryam don Alla debo mata gushiri ki bata inji Umma maryam ,ta juya da yarta a hannu ta nufi kitchen din su ta dauko gishiri a leda.
Tana mika wa laure na karba taji kan ta yai wani irin uban sarawa a lokaci guda da sauri ta daga kai ta kalli laure dake tsaye a kofan dakin Umma.
Idon laure akan yaran ta dake zaune a tsakar gida ganin haka Umma tai saurin gane may maryam ke nufi.
Da sauri ta wuce inda yaran suke zaune tana cewa oyaya kutashi muje na wanke maku hannu ku koma daki.
Nan tabar laure a tsaye tana kallon su, sai da ta dan numfasa tace to mama Ali ni zan koma na gode lokacin har an fara kiraye kirayen sallah ko.
Futan laure daga gidan duk maryam sai take jin jikin ta ba dadi a lokaci guda kanta yana wani irin sarawa.
Take jikin ta yai wani irin zafi radau dashi a dadafe ta samu tai sallah magariba ta samu guri ta kwan ta.
Jin maryam shiru yasa Umma lekowa don da zaran tagama sallah zata koma dakin Umma suyi kallo duk da dakin ta akwai kayan kallo a cikin shi.
Amma don su debewa Umna kewa a dakin ta suke zama ita da yara suna mata hira.
Samu Umma tayi maryam ta rufe cikin wani katon zanin gadon ta tana rawan sanyi don zazzabi yariga ya rufe mata jikin ta ko.
A,a maryam yaya haka kuma ikon Allah ina yanzun ne kike walwalan ki a tsakar gida kina aikin ki.
May ke damun kine maryam Umma take tambayan ta tare da daukan Nusaiba dake kuka.
Maryam ta bude baki da kyat tace Umma kaina jikina duk ban jin dadin shi wallahi.
Tana taba jikin maryam yadda yai zafi a lokaci daya yaba umma tsoro tace a,a maryam ashe ba abin wasa bane.
Take zuciyar ta tace mata laure a fili cewa tayi ina bako a gidan nan ba wallahi.
Nan ta juya da sauri zuwa dakin ta sai gata da wani dan kulin magani ta kada a ruwa tace tashi ki sha maryam .
Dakyat maryam ta mike tasha maganin ta koma ta kwanta fita umma tayi ta samo mata magani a chemest din unguwan su.
Sai zuwa dare sosai maryam ta dan samu sauki ganin haka Umma ranan a dakin su maryam ta kwana da ita.
Washe gari tun da sassafe bayan Umma ta sa maryam tai hayaki da wani garin magani ta fita gidan sai gidan laure.
Babu ko sallama ta fada gidan ta samu laure zaune a dan madafin ta tana dama wani bakin koko a roba.
Laure na ganin ta tace a,a mama Ali kece da farar safiyan nan haka Umma tace eh nine laure kin san ance a rama takwarkwari nazo ne yadda kika shiga muna gida da magariba shine nima nazo in maki kashedin hakan.
Wallahi laure idan kina cin kasa ki kiyayi na shuri don kayan gidan malam mai Allo ba taki bace idan kuma kin ki ji bakyaki gani ba .
Na fada maki wallahi ki kiyayi duk wani abin gidana in ba kina son watan tonon asurin ki ya kama a garin nan bane.
Mama Aliyu ban fahinci may kike nufi ba ne ni tace zaki fahinta wallahi kiyi gagawan sake min matar da ko asirin ki ya tonu a garin nan.
Wa ni mama Ali don Allah kada ki kulla min sheri idan ma sheri ne ai zaki gani kada ki sakar min sarakuwa kisha mamaki wallahi.
Umma ta juya tafita gidan tana fada laure tai tsaki bayan fitan umma tana cewa ni dama gwadawa nayi wane ni da wanan yarinyar da take a tabaibaye bani ba jinin kuma ai.
Umma na fita ta hadu da wata makwaciyar su tace a,a manan Aliyu ina aka fito haka da safen nan kuma.
Tace daga gidan laure nake jiya daga shiga wai neman gishiri ashe sheri ne yakawo ta sai kawai ga yarinyar nan maryam jiki ya gashe mata a tsatsaye muka kwana da ita.
Shine nazo nai mata kashedi akan gidana tace kinyi daidai wallahi watau ashe kudundumin nan da ake wa laure ta hurhura da gaskiya ke nan.
Kafin wani lokaci sai maryam taji wani wasai a jikin ta nan ta mike kamar ba ita ba ta fara aiyukan ta kamar kullun.
Tun wanan ranan Umma duk marance sai ta hake gidan nasu da hayakin miyagu don neman tsari.
Maryam kan har ta manta da zancen laure don yanzu wasai take jin kan ta kamar ba abinda ya taba samun ta a baya.
Maigidan maryam Aliyu dan Umma Rabi ma aikacin custom ne na kasa shi kadai Allah yabar wa umma duk haihuwan da takeyi basu tsayawa sai su koma.
Akan Aliyu ne tun tana da ciki ake ta neman maganin wabi don ance wabi take yi ko ta haihu yaran da sun dan tasa sai su rasu.
Allah da ikon shi saiga Aliyu an haifa sannu sannu Allah yaraya matashi har yakai ga girma yai karatun secondry inda ya tafi karatu a A B U zaria ya karanta engineering kuma ya fito da first class.
Kasancewan yadda kasamu ta koma babu aiki ga fanin da mutu yai karatu dole ya joner da hukuma shige da fice na kasa watau Custom.
Anan yanzu yake aiki da farko Enugu aka kaishi yai shekara uku acan yana can ne ya auri maryam diyar malam babba na garin su Auna wani gari dake can cikin yakin kasan kwantagora na Niger state.
Tun da sukai Aure da maryam bai tafi da ita ko ina ba rana zaune ne tare da mahaifiyam shi na gida su na garin Auna.
Har yakai sun kai ga haihuwan diya uku yanzu tsakanin su Umma tana jin dadin zama da sarakuwarta maryam don irin yadda maryam ke daukan ta tankar uwa a gare ta.
Ko itace ta haifi maryam abin ya tsaya a haka don irin yadda maryam ke bata hakkin ta na uwan mahaifiya a gare su .
Wani lokaci zakaga har suturan su kusa kala dayane da umma sai dai kala ya dan banban ta kawai.
Umma ma tana matukar son maryam don halin maryam na dabian arziki a gare su.
Maryam bata taba damuwa da rashin zuwa inda mijinta baiyi ba da ita don komai na bukatan su yana aje masu.
Gashi kuma mutum ne Aliyu wanda yasan daraja da hakkin iyalin shi daga su har yaran su a wadace suke da sutura abinci da sauran su.
Duk karshen wata Aliyu yake zuwa gida duba iyalinshi sai dai idan aiki ya tare shine zai kara yan kwanaki akai.
Yauma ya kasance karshen wata ne don haka maryam take ta faman gyaran jikin ta irin yadda ta saba yi idan zai zo garin.
Daga gida har jikin ta ita da yara wani lokaci ma har umma takan tilstawa sai tai mata kitso da kumshi don dai kada yazo ya samay su a kazance kawai.
Da sauri yau na kamala komai don kada ya dawo ya samay mu a cikin kazanta daga girki har gyaran gidan mu duk da dai gidan namu bawai ginan zamani bane.
Amma sai ta koma tsab dashi nai wanka na shirya cikin wasu material din buje da riga daga kasan buje a bude yake kamar fish tail daahi.
Yaran suna gurin umma tun yamma nasan shigowan dare yake muna don isan dake tsakanin kaduna da mu.
Dakin Umma na koma cikin su sai dai duk abinda nakeyi idona naa kofan gida don naji sallaman masu shigowa gidan.
Gashi yar wayata nokia mai tocila babu caji tun da rana ta dauke ga neper basu kawo wuta ba har lokacin.
Kawo wutan neper yai daidai da dirin motan da ya tsaya a kofan gidan mu a lokacin.
Van kawo cewa shi bane don nasan baida mota shiga shi sai dai kuma baifi minti biyar ba muka ji sallaman shi a tsakar gida.
Daga ni har yara rage rige mukeyi gurin taron shi har umma tafito dauke da Nusaiba da ihun mu ya tayar daga barci a lokacin.
Yana tsaye cikin kanan kaya da leda a hannun shi mukai kan shi da murnan ganin shi.
Yaran sun kankamay shi suna murna na karaso inda yake fuskana dauke da murmushi ina mashi sannu da zuwa.
Common yau ba zan samu hoging din bane da ido nai mashi signal da ga Umma nan waje.
Hakan bai hana shi dan rugomo ni ba a jikin shi nai mashi sannu da zuwa tare da karban ledan dake hannun shi.
Dakin Umma na nufa da ledan inda na barsu suna gaisawa da ita a tsakar gida.
Bai shigo ba ya juya yafita daga gidan sai ga yaran makwabtan mu dake wasan dare a waje suna shigowa da kayan tsaraban da yazo muna dashi.
Duk a kofan dakin Umma aka jibge komai da yazo dashi sai yar jakar kayan shi kawai na dauka zuwa dakina.
Nafito bayan na aje jakar ne nafito don na shiga da kayan daga cikin dakin Umma.
Sai dai nai matukar mamakin ganin yawan tsaraban da yazo muna dashi wanan karon don yafi karfi abinda ya saba kawo muna abaya.
Bayan nagama saka kayan daga ciki su doya da irish nabarsu a wajen juyawa nayi kitchen na juye mashi ruwan wanka a lokacin.
Nasama shi tsaye a tsakiyan daki yana kokarin cire rigan shi don nasaba mai da ya iso yai wanka kafin ya zauna cin abinci yana ci muna gaisawa dashi.
Juyowa yayi inda nake tsaye yana kallona cikin sha,awa yake cewa miss you maryam .
Murmushi nayi nace nafi ka kewa ai baban Abba yanzun dai ga ruwa can kai wanka kazo kaci abinci.
Yafita zuwa wanka nikuma na kara gyara dakin yadda naga ya kamata duk daba baci yayi ba kafin yafito nafitar mai da kayan da zai saka na aje mai a saman gado daga gefe daya.
Koda ya fito ina zaune saman kujera ina shayar da Nusaiba nono a lokacin.
Ina zaune ina kallon yadda yake shirin shi a tsanake tare da sake min murmushi yana tambayana ya bayan robo da kuma yara duk da dai muna waya dashi kusan sau biyu a rana.
Yana gama shiri muka kwasa sai dakin Umma mun samay ta da yara suna fira muka shigo dakin nata.
Nan suka kara gaisawa da Umma ga tv yana aiki daga gefe daya can cikin hiran su da Umma naji tana cewa yau sai muka ga tsaraba haka dayawa amma kan kasha kudin mota wanga uban tsara ba haka mai yawa.
Murmushi yayi yace umma ban fada maku bane dai amma maryam ta samu kishiya ai.
Da sauri na dago daga kallon tv da nakeyi nake kallon shi ita ma dai Umma din kallon mamaki take mashi.
Yace tana waje yanzun haka da ita nazo ma sai da safe zaku fita ku gan ta aiko ?
Baba kace min alheri ya samu ke nan bamu da labari nikan da nai mutuwan kasko a zaune ban fahinci maganan su kuma gashi naji umma har da murnan ta.
Sai da naji yace ban dade da sayen taba don batakai sati biyu ba ma hannuna.
Sabuwa ce dal Umma na samu dama na dade ina son sayen mota don nagaji da shiga motar haya hakanan.
Sai a lokacin na dan saki murmushi a fuskana da na fahinci motace ashe yasayo nan muka shiga murna mun kagara ya gama cin abinci mu fita tare dashi mu gani.
Sai da ya gama muka kwasa har yaran da basuyi barci muka fita waje ganin motan nashi.
Sabuwar motace ta zamani 406 launin blue sai sheki takeyi a cikin farin wata.
Ko ina na motan sai da muka duba muna yaba kyawon ta muka dawo cikin gida da murnan mu.
Wanan karon bai koma dakin Umma ba dakin mu ya shiga nima ban bata lokaci va nabi bayan shi zuwa dakin.
Shimfida na fara yiwa Nusaiba kafin na juyo inda yake zaune yana waya da abokin aikin shi.
Fita nayi na kara watsawa jikina ruwa nazo na shafa maina mai kamshi daya sayo min wancan zuwan da yayi don ya san ni da balain son kamshi sosai.
Ina gamawa ban tsaya bata lokaci ba naje naiwa su Umma sai da safe na dawo na rufe kofan dakin mu.
Kamar kullun yadda yake dawowa a matse xa bukata na yau ma hakane ya kasance a tsakanin mu dashi.
Sai bayan komai ya kamala ne yake cewa maryam ina ganin fa idan Umma ta yarda zan dauke ku dake da yaran mu koma kaduna don yaran nan su samu karatu ingantace a rayuwan su.
Sosai naji dadin magan nan shi har na kasa boye farinciki na a ciki nace Allah yasa umma ta yarda ka tafi damu danafi kowa farin ciki da hakan kasancewan zamu zauna a guri daya dakai.
Hira muke tayi dashi har barci ya dauke mu don yana da gajiya a jikin shi sosai ga kuma wanda yazo ya kara a tare dani.
Washe gari tun da nai sallah ban kwanta ba kuma nashiga hada muna abin karyawan mu.
Kafin sani lokaci na hada na shiga daki na samay shi still yana barcin gajiya wankan shiga kafin wani lokaci har na gyara jikina inda na saka wani dogon rigan wani atamfana ja mai kyau dashi.
Sallama da yaro yayi ne yasani lekowa yana fadin wai ana sallama da baban Abba a waje inji malam hassan makwabcin mu ke nan.
Komawa nayi zuwa bakin gado inda yake a kwance na dan taba kafan shi kadan.
Abinda yasa shi bude idon shi ke nan yana kallo na a hankali cikin yanayin mai jin barci a lokacin.
Nace wai baba hassan ne yake maka sallama a waje yanzun ya aiko yaro daga wajen.
Dakyat ya bude idon shi tare da dan jan guntun tsoki yana fadin kai yanzun mutane bazasu bari mutum ya hutu ba wallahi gashi duk a gajiye nake .
Dogon rigan jallabiyan shi dake gefe ya zura yafi gurin mai sallaman makwabcin mu ne dattijon kirki yana kula mu sosai kuma ya daukan yarana kaman jiko kin shi.
Murnan motar da ya gani a kofan gidane yazo yi mashi inda yai mashi fatan alheri da fatan a gama da,karfe lafiya.
Nan sauran makwabta suka samay su ana ta taya shi murnan samun karuwan da yayi na sayan mota.
Sai zuwa rana da mutane suka rage ne ya samu ya shigo gida wanka yayi ya zo ya shirya ya zauna ya karya.
Anan ne yakewa Umma magana kan yana son kwashe iyalin shi ya tafi damu can gurin aikin shi.
Nayi zaton Umma zatai farin ciki da jin haka amma tace mai yanzu kai kaga ya dace ka kwashi iyalinka sunan cikin kwanciyan hankali ka tafi dasu garin da,baka da kowa a cikin shi.
Murmushi yayi yace umma ai da ita kaduna ainihin sunan ta ke nan garin masaukin bakine tan arewa garin kazo na zo.
Zakiga akasarin mazauna garin duk baki ne dako ina na nahiyar arewancin Nigeria dama sauran kasashen africa don gari ne da yaci sunan shi na bariki a cikin kasan nan yanzu dai abuja ce kawai zata nunawa yan kaduna wayewa kawai.
Umma tace bakaji ba bariki fakace garin shege da shigiya ke nan ina tarbiya a gurin nan.
Dariya umma tabashi yace umma ai idan tarbiya addini kike bukata to kije kaduna don acan addini ya yanke cibinsa sosai.
Ni dai yanzu kabari sai nayi shawara don gaskiya ni hankalina bai kwanta da ka kwashi yaran zuwa har wata kasa ba inda ba kusa da gida ba.
Yace tau Umma sai dai gaskiya ni nagaji da zama ni kadai a gida hakana ina bukatan zama da iyali a kusa da ni don na samu gida yanzun idan su bazasu tafi ba sai na samu wata yar can na aura ke nan.
Dif naji kamar ruwa ya cinye ni a lokacin wani irin sakaiyya Umma da dan ta zasu yi min haka a daidai lokacin da nake ganin riban hakkuri na yazo min a rayuwa.
Don yanzun alama ya nuna yaya yana a cikin budi da samu daga gurin aikin shi.
Haka ya mike yafita zuwa cikin gari don ya gaisa da yan uwa da abokan arziki na gari.
Nima mikewa nayi ba tare da nai magana ba na fice daga dakin umma tare da kayan da yaci abincin shi.
Umma tabi ni da kallon tausayi don ta san indai hakkuri ne na yi shi a gidan nan akan komai yanzun kuma gashi yazo da wani magana mai wuyan sha,ani.
Idan har da zasu tafi ne ya barta da yaran zasu dan debe mata kewa ai kila amma kuma yace zai kwashe su gaba daya har yaran gaskiya zaman kadaicin zai mata yawa sosai.
Tasaba da hayaniyan su a gida suna debe mata kewan shi yanzun kuma yace zai kwashe su har zuwa wani kasa mai nisa haka.
Nikan yinin ranan duk abinda nakeyi tunane ne yai min yawa kan yadda umma ke kokarin jawo min komawa baya a gidan.
Ke nan fa idan yai auren bariki ni sai dai naci gaba da zaman hakkuri agidan ke nan don nasan halin mijina akan mata hankalin shi gaba daya zai koma ga sabuwar marar shi ke nan ni sai yadda akayi damu kuma.
May zan gane nasan bani gane komai daga gare shi kuma gashi ina na da matular son ace na bishi inda yake aiki tun farko ban dai da yadda zan yine kawai na hakkura na zauna a gida.
Ina ganin yadda anty na suwaiba keyi idan tazo daga minna yan uwa naji kamar su lashe ta daga ita har diyan ta don dan hausan su daya banbanta da namu da kuma shigan su daban yake dana yaran mu damuma kan mu iyayyen yaran sai kaga ta fito daban a cikin mu.
Sallaman wasu makwatan mune da muke abin arziki dasu sunzo yi muna murna da arzikin sayen motan da sukaji yayi.
Daga ciki har da kawata Lariya da tsohon cikin ta haihuwa ko yau ko gobe amma ta iya tasowa zuwa ganin abin arzikin da ya samay mu.
Dakin Umma suka fara shiga sukai mata murna da fatan samun ci gaban da yafi wanan watarana.
Suka fito muka shiga dakina nan muka fara gaisawa dasu suna min murna da samun sabuwar kishiya a cewan su.
Suwaiba tace ai karfe kishiya ce don tafi kai matar gida cin abin hannun maigida sosai.
Lariya dai tana gefe sai murmushi kawai takeyi a zancen mu nan nake fada masu labarin da yazo muna dashi na son tafiya da mu.
Amma kuma ga cikas din da Umma take son ta kawo muna ga tafiyan.
Sai a lokacin ne Lariya tai magana tace kai haba ita ko umma idan tai maku haka batai maki adalci ba gaskiya.
Duk hakkurin da kikeyi kuma yanzun samu yazo zata tace haka ai wanan ba so bane ni yanzu fa ba aikin gwaunati yake zuwa yi ba amma da zai ce zai tafi damu lagos din da yake zuwa gurin cirani aida nabishi tuni wallahi.
Nan dai kowa ke fadin maganan shi suke cewa gaskiya kada na yarda da zancen umma na gwada mata ina son bin mijina kawai.
Lariya tace a,a ta kyaleta ai tasan abinda ya dace itama ai mace ce kamar mu tasan abinda ya dace da ita.
Yanzun idan ta nuna mata rashin kunya ba umma ba har shi dan nata zai iya canza mata zaman su ya lalace ai ba abinda ya gagari Allah.
Don haka kikai kukan ki ga Allah ya haushe ki akan umma da dan nata don tunda kikaji ya fara maganan aure killa ya shiryawa hakan ne kawai.
Maganan lariya yai matukar tasiri a zuciyana sosai don haka na hau kan shi na zauna akan zan kai kukana ga Allah yai min jagora ga al,amarin.
Sun dan dade muna hira dasu suka fito zasu tafi sukaiwa umma sallama na raka su ina cewa wai lariya anya wanan cikin naki abin baizo ba kuwa sukai dariya sukace gata nan dai wallahi.
Bayan tafiyan su lariyane nai alawala na shiga sallah tun a lokacin na fara sallah ina kai kuka na ga Allah kan al,amarin.
Shiko Aliyu sai harkokin gaban shi kawai yake yi ya murje yayi kyau sosai dashi sai annuri yakeyi kawai yana bushashan shi hankali a kwance .
Niko ina cikin matukar damuwa a lokacin don nasaka zancen tafiyan nan a raina sosai.
Kwanan shi biyu zai tafi yake cewa yana sauraren shawaran da Umma ta yanke don idan yai wani dawowa sai batun tafiya kawai da mu zai rage umma tace mai taji.
Mukai sallama dashi ya tafi yana cikin farin ciki da jin dadi gashi ya murje yayi kyau duk macen da ta ganshi dole ne ta kyasa a kan shi.
Don Aliyu ba dai kyau ba da iya shiga ga ilimin zamani da ya ke dashi kaman shi yasawa kan shi brain.
****** ********* ******
Tafiyan Aliyu washegari muka tashi da tashin hankali a unguwar mu don Lariya ce gurin haihuwa haihuwan yazo mata da matsala aka kwashe ta zuwa asibiti.
Nan mayan uguwa suka kwashi jiki zuwa asibiti don diba matsalan ta a can .
Sunyi dafifi a kofan dakin haihuwa Laure na zaune a saman wani gawo lokacin da likita yazo da kan shi zai shiga dakin haihuwan ne sai faman gaidashi mutane ke yi.
Har ya dan zauda inda suke a zaune sai yadawo gurin tsofin ya tsaya can yai dan murmushi ya kalli inda laure take a zaune yace.
Mama aida kin tashi saman wanan gawon naki ko zata samu ta haife abinda ke cikin ta kafin ku karasa ta.
Yai matukar girgiza duk wanda yake gurin a zaune yadda ya likitan banufe yai tsaye akan su laure da wata kawar ta da,ba,a san tana maita ba.
Shi bai wuce ba su kuma basu daga ba kamar yadda ya bukaci su daga a saman gawon da suke zaune akai.
Ganin zai iya tona masu asuri yasa laure ta dan zauda kadan ta tura gawon baya ya fadi kasa baya table din da suke zaune sama, yana ganin haka yai murmushi ya shiga dakin theater sai ko ga kukan jariri ya kauraye dakin a lokaci guda.
Ga murna ga kallon mamaki gaba daya mutane sai mamakin su laure sukeyi ga kuma murnan haihuwan Lariya da tayi.
Likita ya kalli Lariya dake cikin wahala a lokacin yaji matukar tausayin ta ya kamashi don yasan is too late don sun riga da sun gama da ita ko lokaci kawai ake jira gare ta.
Abin tausayi ga yan uwa da abokan arziki sai murna sukeyi na ta haihu lafiya a lokacin.
Yafito yana share hawayen da ya dan zubo mashi a lokacin sai faman gaida shi mutane ke yi suna mashi sannu da kokari.
Fitan shi daga dakin bai kokai office din shi ba sukaji an saka salati Lariya rai yayi halin shi lokaci yayi.
Muna gida zaune wannan bakin labarin na,rasuwan Lariya kawata ya samay mu.
Hankalina yai matukar tashi, ranan munga tashin hankali don haka a ka dauko gawan Lariya zuwa gida cikin tashin hankali kafin wani lokaci labarin abinda su laure sukai wa lariya yabi gari ko ga jariri ana mata wanka sai faman tsala ihu yakeyi a gidan hankalin kowa a tashe.
Muna ji muna gani aka tafi da lariya gidan ta na gaskiya akabar mu da yaron ta kowa yazo gaisuwa yaga yaron sai hankalin shi ya tashi aita kuka.
Haka aka wuni a cikin uguwan mu a cikin tashin hankali kowa sai tunanen yadda tashi zata kasance mai yakeyi.
Bamu ga tashin hankali ba sai da dare duk gidan dake makwabtaka da gidan su lariya irin namu sai da muka wayi gari da abin al,ajabi.
Har dani da Umma bata bari nabar koda kyalen mu a waje da tukwane duk dare sai na tattara kayan aikin mu nakai kitchen na boye.
Amma ranan a can na kwaso su kofan gida a,watse haka mutane akai ta kwasan kayan su ana kaiwa juji ana watsar wa.
Mutuwan sai ta girgiza mutane don yadda yazo da abubuwan al,ajabi wasu sukace ranan ma wa yan da ke cikin gidan sunfi shiga tashin hankali sosai.
Don ga jariri na ta tsala ihu ga iska ya cika gidan kamar guguwa zai daga masu kwanon dakin su dan katfin shi.
Sai da safe kowa ke fadin abinda yaji a dare jiya a gidan nan suka samu anfito masu dakayan gidan an kai waje cikin juji an tara masu tsibi guda.
Hankalina yai matukar tashi ranan sosai don abin da,bamu taba gani bane ko ji.
A kaita zancen Laure gari nan takoma abin tsoro ga manya da yara yan uwan ta da,suka zama dolen ta kawai ke hurda da ita ko su a cikin dari dari suke hurda da ita.
Mun kan a gidan mu Umma a tsaye take a kan mu ba Laure ba shigowa a gidan mun don yai mata nisa amma dai nikan duk da abinda Umma take kirarin tana yi darr nake da,al,amarin laure tunda ta lashe min kawata har abada ta tafi ta bar mu.
Muna waya da Baban Abba sosai don yana yawan kiran mu yaji lafiyan mu ko yaushe.
Nan nake bashi labarin rasuwan Lariya da kuma sanadin mutuwan nata da,akace shine sila.
Dariya yayi yace kai ku dai mata wallahi baku gajiya da shirmay wallahi ba,a mutuwan Allah sai kun canfawa mutum kun bata mai gawan shi.
Nace nima abinda naji ana fadi ke nan na fada maka amma gaskiya akwai kamshin gaskiya a zancen.
Yace adduan ku take bukata kawai yanzu ita nata ai yakare kuma tayi kyakyawan tafiya tafarki maikyau hanyan haihu.
Har mun gama,waya banji yai muna zancen tafiyan mu gurin shi ba ni kuma ina jin nauyi na fito mashi da zance daga bakina matan hausawa ke nan akan kunyan bin hakkin su.
A bangaren Umma ba,wani zance ita ma koda ma naji ta tayar da zancen daga bakin ta babu shi.
Dalilin dayasa na yanke shawaran naje gidan mu da zancen ke nan naji shawaran da za,a bamu.
Na shirya da yara na duka mukaiwa Umma sallama muka tafi tana cewa gaba daya zaku tafi ba wanda zai zauna dani a gida.
Nace a raina ashe akwai aiki ke nan kuwa don umma da,wuya tabar mu da zancen tafiyan nan tamu.
Ko da yake ba komai take wa haka ba sai shakuwan da mukayi da itane kawai yake damun ta a zuciyar ta.
Mun fita ke nan daga gida sai ko mukai kicibis da Laure nikan banji kunya jaye yara a gefe ba muka wuce ta don Ance maye ko da ido yana daukan kurwa in yaso.
Bin mu tayi da kallo nace a raina kurwan mu kur muguwa li,ilafi kureshin .
A zaure muka samu mahaifina yana tila karatu kamar yadda ko yaushe mutum.yaje zai samay shi yanayi.
Ko kuma ka samay shi da jama,a masu zuwa gurin shi tambaya abubuwan rayuwa.
Yana ganin mu ya sake muna murmushi yana cewa ai mutanen Alangasa ne yau a gidan namu haka.
Nan muka zube muna mika gaisuwan mu a gare shi yake tambayan mu Umma nace tana nan lafiya kalau.
Yake cewa yaya shi wajen maigidan naki kuna jin labatin shi ko ?
Nace cikin kunya lafiya yake baba yace ai kwanaki yazo yake ce min yana son ya koma da ku can wajen shi.
Nace hakane Baba yace amma sai dai umma ce bata yarda ba da zancen har ya tafi ba tsayar da matsaya ba kan zancen.
Yace subbahanallahi ita kuma Ige mai yakaita wanan halin yau ba dadin ta bane ace ya kwashe ku inda yake ai shine kamalan shi da ita ma.
Yau har Allah yasa da kan shi yai magana zai tafi daku amma har zata kawo cikas ga maganan.
Kai mata dai mata ne wallahi bata gudun fadawan shi a cikin halaka da kamuwa da cututunkan zamani da sukai yawa.
Idan tai maku haka bata kyauta ba daga ke har maigidan naki zata shiga hakkin ku ne sosai.
Baba yake cewa Abba abokina ga shi kayi sa,a andama hura yanzu sai ka dauka kaje kusha ko.
Nace Baba kaifa idan suka shaye maka yace ai arzikin ke nan maryam mu godewa Allah da yasa har suka san mu yau ina Amina take cewa mahaifiyana nace hakane Baba yace su sha sai a sayo min wani a dama min.
Na mike ina cewa bari mu shiga gida na gaida su umma kasancewa mahaifiyan mu mu ta dade da rasuwa a gurin kishiyoyin ta muka tashi kuma sun muna riko mai kyau baka cewa basu ne suka haife mu ba.
Ga idona ya ciko da hawaye a lokacin fon tina min da mahaifita da Baba yai min a lokacin.
Don mu shidda ne mahaiyar mu tabari nice babba a dakin mu saran duk kanne na ne su mu mata mu biyu ne sauran duk maza ne su.
A yadda muka ji wai iskokaine suka saka mahaiyar mu a gaba wanda suka hanata lafiya har rai yai halin shi.
Ina shiga na samu amaryam baban mu tana daka wa je tsakar gida tana ganin mu take cewa a,a yau mutanen Alangasa ne a gidan namu.
Nai murmushi na shiga gaida ita nake gaisawa da yan uwa na yan mata dake zaune a tsakar gida suna cin tuwo a lokacin.
Dakin Inna muka wuce don an ce muna tana ciki muna shiga na samu yayata tazo diyar mama da tayar dani nan muka baje muka shiga gaisawa dasu nakawo dan tsaraban da na kawo masu na basu tashiga saka min albarka da fatan gamawa da duniya lafiya.
Ban dade da shiga ba itama Amaryan baban mu da muke kira innan sahura tashigo dakin gurin mu tana cewa.
Dada maryam sai mukaji labarin rasuwar kawar ki boyan Allah ashe haka abin yazo mata da akasi nace wallahi innan sahura.
Lariya boyan Allah ta tafi ta barmu anty lami dake zaune tace ba ance mayune wai makwaciyar ku suka kashe ta ba nace haka ake fadi wallahi anty aida kafin ita da dani tafara sharewa.
Nan nake fada mata abin da ya faru tsakani na da Laure daga neman gishiri ya zama min alkakai a gurin ta.
Innan sahura dake ta kofa a duke take cewa aiko da kashin ta ya bushe idan ta taba diyan malam a garin nan.
Ita batasan kunfi karfin ta bane wai da zata jinjina ki haka mama dake sauraren mu tace wasa dai amma watan jin kunyata ko na tsayawa in takai gare ku.
Mama tace kwanaki mijinki yazo yana gayawa malam yana son ya tafi daku can gurin aiki ko ?
Na dan tabe bakina ce eh haka yaso mama sai anty tace wai dako nai maki murna maryam.
Nace amma ai Umma ta hana anty lokaci daya suka hada baki suna fafin ta hana fa ta hana may zakiyi mata in kin zauna nan.
Na marairaice nace to nima ban sani ba sai dai ina ganin kaman saboda yaran nan ne bata son mu rabu kawai don shakuwa.
Don ko yanzun da zamuzo saida tace dukkan mu zamu kwashe mu bar mata gidan.
Oh lalai shi takewa amma banda abin Ige ai hakan da yayi shine dai dai ko nace haka dai Baba yace yanzu ai.
Kawai gaskiya baba yai mata magana inji anty na tace ta yaya zatai maku haka idan kin zauna nan ba wata zai karo muku can ba tunda yana da muradin zama da iyalin shi kusa dashi.
A marairaice nace ni dai yanzu wallahi duk a rude nake don gaskiya kodan karatun yaran nan a can zaifi.
Gaskiya dai idan tai maku haka bata kyauta maku ba dai wallahi dole ne ai mata magana ko zata sake shawaran ta.
Nace yanzun dai yace idan ya dawo idan ta yarda damu zai tafi idan kuma bata yarda zai samu wata a can ya zarga da ita.
Kai ba za akai ga haka musan bamu hana shi aure idan ya tashi amma aikece zata cuwa gaskiya haka ba adalci bane.
Nan dai muka wuni muna zancen akan batun tafiyan har sisters dina suna cewa wallahi ke ta samu anty maryam da mune ai sai dai ta wayi gari kawai mun tafi abin mu.
Wanan mara kunyan zata iya shi inji Innan sarahura tanacewa sahuran dake magana to bake bace dadin abin ke nan ita tana da ta ido.
Sai da la,asar mukai masu sallama muka tafi lokaci daya mula fito da anty na daga gidan tana kara jadda min cewa na fa dauki mataki kada na yarda da zancen Umma nace haka za,ayi ai anty takama hanyan gidan su nima nabi nawa.
Mun samu har umma ta aza min girki ko ina cire hijjab dina na fito don na
karba a hannun ta.
Nan nake fada mata mun hadu da laure ai da zamu tafi take cewa aniyar ta dai yabita wallahi.
Nagama na kwashe kamar yadda muka saba yi kafin magariba na gama komai muka shige daki saboda tsaro.
****** ********* ******
Yana gurin aiki yake fadawa abokin shi zancen son ya dawo da iyalin shi da yakeyi garin.
Mutumin yace kai amma kan ka kyauta gaskiya zama kusa da iyali shine kamalan namiji wallahi kuma zasu samu inganttacen rayuwa bisa ga zaman kauyen da suke a can.
Yace sai dai gidan dana samu ba mutane sosai a gurin don can sabon easte din da aka gina ne a yakubu gawon road na samu gida.
Aiko gurin ba laifi kaga ma ba nisa sosai da nan office din namu zai maka sauki sosai zuwa office.
Kawai ka kama abinka idan gurin yai maka kyau da sannu zakaga mutane sun cika gurin ai.
Akwai wani a malali yafi cikin mutane sosai amma dai wancan sabon easte din yafi kyau sosai gaskiya.
Mutumin yace yafi kyau mana kasan an dade da gina su amma ba bude shi ba dai yanzun aka fara shiga.
Yace kawai dai maganan shi zanyi da na bar nan gurin zanje gurin inchage din gurin muyi magana dashi.
Muna zaune a dakin umma da yamma ya bugo waya suka gausa da faranta ga fuska suke gaisuwa da umma din can ban san may yace mata ba sai ji nayi umma na fadin kai kana ga zancen tafiyan ne wai har yanzu.
Na fada maka ban da ra,ayin wanan tafiyan nasu can wani uwar duniyan na daban.
Nafison ina ganin su a gidan nan a tare dani idan ka kwashe su ni dawa zan zauna a gidan nan.
Ka tausaya min mana Baba kai dai fa Allah yabar min nake gani sai yanzun da kadamu iyali kuma suke debe min kewan ka.
Ina ganin ce mata yayi to shikan sai dai yai aure don ba zai iya zama shi kadai ba don yagaji da hakan.
Sai cewa umma tayi kaje kayi mana idan haka kaga yafi maka daidai a rayuwan ka.
Wani irin mugun faduwan gaba naji a raina nace may umma take nufi da nine wai so ne haka ko dai kiyayya take min .
Ranan ban mata ko sai da safe ba na mike abina na bar dakin tare da daukan Nusaiba a kafada na.
Daki na koma sai kuka na kulle kofana ban sake fitowa ba again sai faman tunane nakeyi kawai a raina ni kadai a daki.
Washe gari ma ban fito ba ina daki kwance har rana ya haska sai jin muryan umma nayi tana fadin oh yau maryam bazakiyi muna ko abin karin bane ?
Gidan ko shara babu ban amsa mata har takai ta kawo kofan daki ta daga labule ina kwance na kunna redio ina saurare zabi sonka da akeyi a tashan redio kwantagora.
Daga labulen da tayine tana fadin maryam yau ko lafiya kike ne na dan zauna kadan saman gadona nace lafiya nake Umma.
Toowoo ko maganan da kika ji inayi da,Baba na jiyane kike wa fushi haka hmmm maryam baki gane manufa tane ke.
Ke da,yaran nan fa kukadai nake gani inji sanyi ina zan barshi ya,kwashe ku zuwa wata uwar duniya can.
Ni yadda duniya takoma yanzun ne nakeji wa baka kwana da mutum ba ya tashi dakai a ranshi.
Ga kaduna ba karamin gari bane tun can baya don mu acan ne muka,fara jin labarin yankai kai da sace mutane .
Nace Allah ya tsare mu umma amma dai ai bamu kadai zamu zauna ba aiko?
To abun har yakai can to fito kiwa yaran nan girki su karya rana tayi ni na gama magana ta.
Yaje can yasamu yar barikin da yace su zarga a tsakanin su yafi min sauki nikan.
Wani iri naji a raina haka na mike banda yadda zanyi don ban iyayiwa umma rashin kunya naje na dora masu girki abin karyawa.
Haka muka wuni ina share umma a gidan sai magana take sake min idan yyara sunyi abu nai masu fada sai tace kai ku kama kan ku kada a fashe haushin daba naku ba akan ku yau.
Bayan kwana biyu anty na tazo don taji yaya mukayi akan zancen tafiyan namu nake cewa cikin kuka wallahi anty tana akan bakan ta ta hana.
Don a gaba sukai waya dashi take cewa yaje ya nemi wata can a,bariki ya aura.
Kai ashe haka matar nan take wallahi ni har ta zube min Allah ashe bata da imani bari zanje gida zan fadawa baba halin da ake ciki ai.
Shiya hankalina bai kwanta ba nace bari nazo naji may ake ciki akan zancen don mu sanan abin yi kafin ku tafi don naga wata ya kusa karewa nasan zaizo ke nan.
Nace wallahi anty babu zancen don ta hana tafiyan tace bazamu tafi mu barta ita kadai ba.
A,a tace dai dama ita kike aure ba Aliyu ba ke nan da zata fadi haka kai tsaye.
Ko da anty na zata wuce umma taga canjin fuska sosai a gurin ta don batai mata yadda ta saba ba inda tazo gidan.
Direct anty na gidan mu ta wuce can take fadawa iyayyen mu yadda mukayi da Umma kan zancen tafiyan mu kaduna.
Aiko sukai ta yanka fada suna aibanta umma da halin da ta tsiro suna fadin bata sona ashe duk sallon yaudara ne kawai.
Sai da baba ya shigo gida ake fada mashi abin dake faruwa dani murmushi yayi yace kubarta ai zan ganta muyi maganan naji hujjan ta.
Haka dai baba ya kashe maganan ya hana kowa ya kara magana sai yaga umma din.
Aliyu ya bugo waya ban iya dauka ba sai kukan da nakeyi kawai hankalin shi ya daga ya shiga tambayana may akayi may ke faruwa ne wai.
Na kasa magana sai dakyat nace mai ni abinda umma ta yanke a kan mune bai min ba ai wanan ba so bane ko gata gare mu.
Maryam may ye abin tayar da hankali ga zancen nan ba ina zuwa gurin kuba duk karshen wata yanzun fa haka jibi ma zab shigo idan Allah ya yarda.
Kada ki bari ajiku da umma ai maku dariya don son da Umma taje min ne ya koma a gare ku ai.
A raina nace wani so ko kiyayya dai da yarta ne ni aida batai min haka ba wallahi.
A fili cewa nayi ai baza aji mu ba amma ni dai gaskiya naso mu dan zo ko ma dai don miga gari kawai.
Hakuri yabani yace mu bar zancen har yazo zai san yadda za,ayi idan bata yarda ba sai a hakkura mu zauna kawai.
Nikan sam umma takasa gane kaina duk kwanakin nan harda dan kwaliyan da mukeyi idan zayazo yanzu wanan zuwa da zaiyi duk banyi ba hakana na zauna komai ban anyana ba akaina har yaran dagidan ido kawai tasamin tana kallona .
DOWNLOAD COMPLETE BELOW