K’ADDARA CE CHAPTER 10
Had’a ido sukayi duk saida gabansu yafad’i dasauri Amina tamik’e tsaye tare da murza idonta , shima kallonta yake cikin mamaki yana rufe idonsa yana bud’ewa domin ji yake kamar mafarkin da yasaba yi ne tabbas ko ba a fad’a mashiba ya san wannan itace wadda yake nema koda ta canza ba kamar da dayasantaba, tambayar kansa yake me yakawota nan ko gizo takemin k’ara murza idonsa yayi yaga dai itace a gaske,
Itama Amina kokwanto tashiga yi a ranta shin shine guy d’inta ko bashi bane? Cikin ranta tace ammah ai shi wancan d’an fashine kuma a katsina nabarshi kai it can’t be possible wannan bashi bane… maganar mummy ce takatse mata tunani tace ya dai Amina?
Dafe kanta tayi tak’irk’iro murmushi tace mummy am just feeling headache, cikin tausayawa tace ayyah sorry sannu nan kowa yayi mata sannu ammah banda fahad da yake ta faman tunani.
Mummy tace kuzo muje muyi lunch sai kisha magani nasan harda gaganiyar aikin da kikasha, my son kutaso.
Dakyar ya iya mik’ewa yanufi dining d’in nan fatima tayi serving d’in kowa shidai tura abincin kawai yake baisan dad’insa ba domin kwalwarsa duk a cunkushe take da tambayoyin da yarasa amsarsu ido yazuba ma Amina yana kallonta,
Itama a 6angarenta juya cokali kawai take a cikin abincin tana satar kallonsa a duk lokacin da tad’ago zata kallesa sai sun had’a ido kan dole takoma kallonsa ta gefen ido, cikin ranta tace kai dole intambayi fatima akan wannan d’an uwan nata chan kuma gefen zuciyanta tace mata shi da ba a nan k’asar yayi karatu ba kuma gashi d’an gayu ya ma za ayi ace ya ta6a fashi me suka rasa a gidansu kuma ko a labari fatima ta ce mata basu ta6a zuwa katsinaba, dafe kanta tayi tare da kawar da tunanin domin tana ganin yana shirin rikita mata kwalwa mik’ewa take shirin yi kawai sai taga sun mik’e lokaci d’aya da fahad nan suka fara kallon kallo dasauri ita tazauna.
Daddy yakallesu yace ina zakuje Amina tayi karaf tace ba ko’ina daddy, fahad ya k’ak’aro murmushi tare da safar sumar kansa yace daddy na k’oshine inaso inje ind’an huta domin agajiye nake.
Mummy tace my son har yanzu kana nan da rashin son cin abinci ko? A’a mummy zan ci Fatima takawo min a d’aki idan nahuta zan ci, toh shikenan my son ni gani nake duk ka bi ka wani canza fuskarkaka ta canza me yake damunka ne?
Murmushi yayi yace no mummy kar kidamu bakomai hutawa kawai nakeso ind’anyi, toh shikenan my son ahuta lafiya, kallon Amina yayi da taketa juya cokali a cikin plate sannan yakalli Fatima yace kikawo min abincina a d’aki in kingama, tace toh yayana zan cika umurninka, dariya aka sanya gaba d’aya Aunty khairat tace ina ruwan mai yaya kafin yafara hantararki, shidai wucewa yayi yanufi d’akinsa jiki ba k’wari.
Mummy kallon Amina tayi tace tun d’azu fa ina lura da ke ba cin abinci kikeba ko duk ciwon kan ne? Murmushi ta k’irk’iro tace mummy ina ci.
Oya toh yi maza kici sai kisha magani, toh mummy daganan kowa yacigaba da cin abincinsa.
Tunda yashiga d’akinsa bakin gado yazauna tare da dafe kansa yana tunani shin itace ko kuma watace? Toh wai ma in itace me zai kawota kaduna? Inma itace ita da take katsina? Tsoki yaja Jin tunani yana neman rikitashi yace ko wa zai ban amsar wannan tambayoyin? Dasauri yace yauwa Fatima ce ba kowa ba murmushi yayi sannan yajawo waya yakira fatima bugu d’aya tad’auka tare da sallama amsa mata yayi yace idan kin gama kisameni a room d’ina.
Toh yaya da fatan dai lafiya ko?
No lafiya lau saidai kinzo bai jira jin me xataceba yakashe wayar.
Jin ana Kiran sallar azahar yasa yatashi tafad’a toilet yad’auro alwallah sannan yafito suka nufi masallaci tare da daddy.
Tunda Amina tak’ar6i magani wajen mummy takoma d’akinta zagaye d’akin tashiga yi tana tunani tace tabbas wannan bashi bane ammah suna kama sosai saidai wannan ya fi wanchan kyau da gayu da fari kuma wanchan batasan sunansaba, jin tunanin yana neman rikata mata k’walwa yasa tafad’a toilet tad’auro alwallah tazo tagabatar da sallah.
Ko da yagama sallah bai tsaya gaisawa da kowaba yabaro daddy yayi tafowarsa gida, d”akinsa yakoma yafad’a saman gado yakwanta bai dad’e da dawowaba sai ga salma ta shigo da sallamarta hannunta d’auke da tray d’in kayan abinci nik’i-nik’i tana tafiya tana karairaya ko inda take bai kallaba ajewa tayi gabansa tace yaya fahad ga abincin nan, batare da ya kalletaba yace kin iya tafiya idan kin aje,
Ta ji haushin yadda yabata amsa ammah ya ta iya dole tajuya zata tafi yace am idan kinje kituro min fatima, toh tace sannan tafita.
Fatima ce tashigo da sallama ya amsa mata batare da ya kalletaba sannan yatashi yazauna gefen gadon kusa da shi yanuna mata itama tazauna tare da maida hankalinta garesa domin jin kiran me yake mata.
Murmushi yayi mata yace ya karatun kina dai maida hankali sosai ko? Eh yaya sosai ma, toh Allah yataimaka
Ameen yayana.
Yauwa wanchan wacece wadda nagani d’azun naga ban santaba ko a cikin family d’inmu, murmushi fatima tayi tace oh Amina? Sai da gabansa yafad’i domin zai iya tunawa tabbas shine sunanta da mahaifinta yakirata da shi lokacin da sukaje gidan a’a Amina bana son su cutarmin da ke ni nayi masu laifi kaina yakamata su d’au fansa, kalaman ne suka shiga yi mai yawo a kwalwa dogon numfashi yaja sannan yace wane gari take? Me taxo yi gidan nan? Miye alak’armu da ita?
Tambayoyinsa sunba fatima mamaki domin a yadda tasan yayan nata babu ruwansa da abunda bai shafesa ba ammah yau sai gashi yana tambaya akan abinda bai shafesaba murmushi tayi a karo na biyu tace yaya garin katsina take,
Me tazo yi mu da bamuda kowa a katsina? Yaya kasaurareni mana infad’a maka komai.
Numfashi yaja yace ina saurarenki fatima,
Amina ‘yar garin katsina ce iyayenta sun rasu ta ta6a aure ta dalilin rabuwarta da mijinta yasa tabaro garin……. nan takwashe komai akan labarin da Amina tabasu tafad’a mashi.
Tashin hankaline k”arara yabayyana a fuskar fahad nan da nan kamanninsa suka sauya cikin ransa yace ta ta6a aure har da d’iyarta shin ko ba ita bace noo wannan itace anya zancen gaskiya tafad’a masu? Toh in irace me yarabota da iyayenta ko bayan rabuwarmu suka rasu? Tabbas amsata tana wajen yarinyar chan,
Maganar fatima ce takatseta yace yaya fahad ya naga duk ka canza? Me yake faruwane? Murmushi ya k’ak’aro yayi mata yace yarinyarce taban tausayi gaskiya mijinta baida kirki da har ya iya rabuwa da marainiya, kwallah tacika idon fatima tace wlh yaya na ji haushinsa ga Amina babu ruwanta tana da kirki sosai domin duk zaman da mukayi da ita ko da sau d’aya babu wanda yata6a kuka da ita daga gani laifin mijin ne, yace gaskiya da alama, Allah dai yakyauta, zubamin abinci inci Toh yaya.
Bayan ta zuba mashi yace tana iya tafiya, dakyar yaci kwatan abincin sannan yatattara kwanukan dakansa yafito yanufi kitchen ko da yafito yayi sa’a ba kowa tsakar gidan duk suna d’aki , kwanukan ya aje a kitchen sannan yafito yanufi d’akin Amina da sallama yashiga sannan yamaida yakulle k’ofar jin bata amsaba yasa yafad’a d’akin kwance yahangota saman gado kanta yana kallon cillin duk gashinta a baje yake da alama ta yi nisa cikin tunanin da take………..
Da alama ta yi nisa a tunanin da take batasan shigowarsa matsawa yayi daf da ita yana k’are mata kallo tabbas itace domin kamanninta basu canzaba ko da a yanzu ta fi da kyau ba zai mance da kamanninta ba gyaran murya yayi, firgit tayi ta tashi zaune saida gabanta yafad’i ganinsa a tsaye bakin gadon ya tsareta da manyan idanuwansa itama tashi tayi tsaye tace malam lafiya me yakawoka d’akina?
yamutsa fuska yayi yace ke zan tambaya me yakawoki gidanmu? harararsa tayi tace ban saniba,
d’aga kafad’a yayi yace ohk tafowa yayi kamar zai wuce kawai sai taji ya jawota tafad’o jikinsa yace Amina na san kece kuma kin san komai kifad’a min gaskiya,.
gabantane yafad’i tace ni kasakeni ban san komai ba wai me kake nufi?
hmm kin san abinda nake nufi idan kuma mancewa kikayi tohm bari intuna miki jawota yayi yak’ara matseta a jikinsa duk yadda taso taturesa ammah ta kasa, hannunsa taga yana shirin tura mata cikin riga zaro ido tayi tace wai fahad meye haka kake shirin yi ba na son iskanci.
had’e fuskarsu yayi waje guda yana murmushi yace na ga kin mance shine nake son tuna miki, turesa takeson yi ammah ta kasa hawayene suka shiga kwarara daga idonta tace fahad kasakeni daman kaine kacutar da rayuwa ta? wlh sai Allah ya sakamin duk wani hali da nashiga ta dalilinkane kaine sila.
runtse idonsa yayi cikin takaici yace Amina kar kikamani da laifin da ba nawaba Web *k’addara ce* kawai, d’aga murya tayi cikin kuka tace k’addara ce fa kace? k’addara ce tasa ka6atamin rayuwa fahad? mutane suna min kallon ‘yar iska? ni karabu da ni kasakeni ko yanzu inyi maka ihu.
sakinta yayi yace kiyi hak’uri Amina, harararsa tayi dan duk haushinsa takeji yanzu, yace kizauna inbaki labarin komai wlh ba laifina bane,
cikin d’aga murya tana kuka tace toh laifin wanene? please kafitar min daga d’aki bana buk’atar jin komai daga gareka fadawa tayi saman gado tare da fashewa da sabon kuka mai ban tausayi.
gefenta yazauna tare da dafe Kansa, sunyi kusan minti biyar a haka sannan yad’ago idanuwansa da suka canza kala suka koma launin ja yace Amina kitashi ki sauraran please inaso inwanke zargin da kike min
cikin kuka tace babu abinda zan saurara katashi kafitar min daga d’aki kar su mummy suzo suganka. cikin d’aga murya yace sai me dan sun zo? ai ni nafi son suzo Susan komai
da sauri tatashi zaune tace dan Allah kar kabari susan wannan maganar, ba tare da yakalletaba yamik’e tsaye yace idan har kika saurareni kuma kika fad’amin gaskiya toh shikenan ba wanda zai san maganar nan
gyara zamanta tayi ta share hawayen fuskarta tamaida hankalinta gareshi domin jin abinda zai fad’a mata domin a yanzu ba ta son abinda zai rabata da su mummy dan ji take kamar sune iyayenta idan tarabu dasu batasan hannun wad’anda zata fad’a ba.
STORY CONTINUES BELOW

bakin side bed yazauna yana fuskantarta yace kamar yadda kika sani sunana fahad umar kuma haifaffen nan garin kd ne…….. nan yakwashe komai yafad’a mata har labarin dalilin barinsa gida da haduwar sa da su ogah kai har dawowarsa gida da zuwan da yayi nemanta babu wanda ya6oye mata.
Amina ta tausaya masa sosai har da kukanta tana jin sonsa yana k’ara shiga a ranta ammah tadanne bata nuna mashiba dan batasan ko shi ba sonta yakeba.
Murmurshi yayi wanda bai kai zuciba yace kin ji labarina Amina wlh duk abinda yafaru ba da son raina hakan yafaruba domin inkare maku mutuncinku ne ke da iyayenki dan Allah kiyi hak’uri kiyafemin.
Runtse idonta Amina tayi hawaye suna zuba tabbas itama ta san fahad ya taimakesu a lokacin, muryarsa yana cewa Amina inaso kibani labarinki dan Allah dagaske ne wai kinyi aure? Kuma Ameerah d’iyarki ce?
Bud’e ido tayi takallesa tare da wurga masa harara tace eh na yi aure Ameerah d’iyar mijina ce? Dasauri yamik’e tsaye yace what!!! Da aurena kikayi aure Amina??
Kallonsa tayi a wulak’ance tace ni babu wani aurenka a kaina kar kamance *k’addara ce* kawai tahad’ani da kai Kuma mun rabu toh me zai hana inyi aure,
Ke! Bakida hankali? A lokacin ai ban sakekiba aure kan aure kikayi? Ta tsorata da tsawar da yayi mata ammah tadake tace wannan ai auren wucen gadine mukayi da kai, mugun kallo yawurga mata yace ammah ai ban sakekiba Kuma kar kimance har sadaki nabayar kuma and’aura mana aure.
Jikin Amina duk yayi sanyi tabbas bata ta6a tunanin hakan ba duk iliminta ammah ta mance da hakan sai a yanzu toh ya hakan ta kasance duk rayuwar da tayi daman da aure akanta? Maganar abbah ce tafad’o mata a rai lokacin da yace Amina ga sadakinki da aka baki, cikin kuka tace abbah bana sonsa banson auren, kiyi hak’uri mamana aure dai ya d’auru nima ba a son raina ba ammah kiyi addu”ar sake ganinsa domin amaida mashi sadakinsa kuma yasakeki nima banason d’an fashi yakasance mijinki mamana burina ki auri mutumin kirki, kikwantar da hankalinki kinji ko? Share hawayenta tayi tace toh abbah, yauwa mamana Allah yayi maki albarka….
Maganarsa ce takatse mata tunani yace kifad’a min gaskiya Amina da auren nawa kika auri wani?? Shuru tayi takyalesa hawaye suna zuba daga idonta.
Matsowa yayi daf da ita tare da rik’o hannunta cikin d’aga murya yace ina saurarenki kibani amsa nace miki.
Fusge hannunta tayi itama cikin d’aga murya tace idan nak’i fa ? Me zaka iya yi? Murmurshin takaici yayi tare da jawota tafad’o jikinsa kallon tsakiyar kwayar idonta yayi saida ta tsorata ganin yadda ida nuwansa suka rine yace zan d’au mataki kuma dole kowa yasan labarin nan.
Jin ya ce kowa zai san labarin yasa hankalinta yak’ara tashi domin batason su mummy suyi mata kallon mak’aryaciya kuma mazinaciya, kwace jikinta tayi tace ni kasakeni, gaba tawuce tajuya masa baya hawaye suna ta kwaranya daga idonta ba tare da ta kallesaba tace idan ka shirya da anjima kadawo inbaka labarina,
Ni yanzu nakeso kibani.
Cikin kuka tace ba kaji ana kiran sallah? Numfashi yaja yace ohk shikenan idan nadawo masallaci kishirya zan zo.
Zaro ido tayi tare da juyowa takallesa tace no kar kazo kabari bayan sallar magrib muhad’u a guarding area sai muyi Maganar a chan.
‘Dage kafad’a yayi tare da ta6e baki yace ohk shikenan Allah yakaimu bai jira jin me zata ce ba yabud’e d’akin yaficce.
Saman gado Amina tafad’a tare da fashewa da sabon kuka tana jin sonsa yana k’aruwa a ranta dafe k’irjinta tayi jin yadda zuciyarta take bugawa tare da lumshe ido tayi kusan minti goma a kwance ga ciwon kai da yake matsa mata sauk’inta ma tana fashin sallah, ko da Ameerah tashigo ganin zata dameta yasa takorata har da d’an dukanta tayi saboda ta d’aukar mata waya ta yarda a k’asa da kuka Ameerah tafita daga d’akin.
Bayan sun idar da sallah duk yadda fahad yaso yagudu gida ammah ina daddy yatsaida shi saida yagama gaisawa da mutane sannan suka tafo gida tare, hanyar d’akinsa yanufa daddy yace kazo muje ciki mana ba dan ya so ba yabi daddy suka shiga gidan a parlour suka tadda su mummy zaune suna hira dan da suka gama sallah nan sukazo suka yada zango nan su ma suka zauna,
Ameerah ce tashigo dagudu tana kuka tanufo jikinsa, d’aukarta yayi yana dariya yace sarkin rigima wa kuma yata6a ki? K’ofa tanuna mashi cikin gwaranci tace momo she, dariya salma tayi tace yaya wai tana nufin mummy ce,
Dariya duk su Aunty khairat sukayi sukace ina ruwan Ameerah da gwaranci. Wai ni Amina shuru maimakon tafito ayi hira ammah sai tak’unshe d’aki,
Fatima tace wlh Aunty khairat haka Amina take ko ma ta fito ba k’asafai take magana ba miskilanci gareta. Mummy tace ai ko ba zatayi magana ba zama cikin mutane ai yana da dad’i kije kikarata.
Ko da Fatima tashiga d’akin kwance tataddata murmushi tayi tace manyan mata ana ta hutawa, murmushi kawai Amina tayi batare da ta ce komai ba,
Fatima tace wai me d’iyata tayi miki kika doketa? Dakyar Amina tabud’e idonta da suka canza kala murmushi tayi a karo na biyu tace wlh ba ta jine ta shigo ta taddani a kwance shine take ta hawana ganin ban kula taba sai tad’auki wayana tayarda a k’asa nikuma sai na korata waje shine tafita tana kuka.
Dariya fatima tayi tace kin dai duketa zaki ce yanzu dai kitaso muje parlour ana can anhad’u ana ta hira kekuma kina nan, a’ah fatima kije kawai na gajine so nake in d’an huta, harararta fatima tayi cikin wasa tace wlh mummy ce tace inkiraki inkuma baki zuwa inkoma infad’a mata ince kince baki zuwa ,
Dasauri Amina tatashi tare da jawo hijab tasanya tace na san halinki fatima k’aramin aikinkine kifad’a mata hakan, dariya fatima tayi tace dagudu ma wannan hijab d’in da kika sanya fa sai kace wata matar liman, daman bakisan ita bace? Ai naga alamar hakan ni dai kizo mute kar ajimu shuru.
Fatima tana gaba Amina tana biye da ita a baya har suka shiga parlourn cikin siririyar muryarta tayi sallama tunda tashigo yakafeta da manyan idanuwansa waje tasamu gefen aunty khairat tazauna………..
Kallonta mummy tayi tace Amina ko ciwon kan ne ya6oyeki? Murmishi tayi tace mummy ai na ji sauk’i, toh Allah yak’ara sauk’i, gaba d’ayansu sukace Ameen.
Ameerah ce tata6o fahad da yake ta kallon Amina sun6uro baki tayi tata6e fuska kamar zatayi kuka tace kalamamin dukan da momo tayimin, lakuce hancinta yayi yana murmushi yace toh zan rama miki kinji ko my angel kar kiyi kuka.
Dariya su mummy sukayi, Aunty khairat tace Ameerah k’arar mummy aka kawo kenan, toh ke mummy meyasa kika doketa , murmushi Amina tayi tare da sunne kai k’asa tace Aunty khairat kin dai san halin Ameerah wlh ba ta ji,
Toh ya za ayi yaran ne sai hak’uri
Hakane, satar kallon fahad tayi taga wasa kawai yake da Ameerah kamar bai ma san maganar da sukeba ta6e baki tayi tace ka ji dashi.
Daddy ne yace fatima kunna mana news mukalla dasauri fatima tatashi tace toh daddy, murmushi mummy tayi tace kallo zamuyi kenan Alhaji,
Toh me zamu jira ai k’ara musan halin da duniya take ciki,
Hakane kuma, kallon salma mummy tayi da take ta dannar waya tace salma je kid’auko mana kunun ayan da Amina tayi d’azun kitafo mana da cups, aje wayar salma tayi tace toh mummy angama.
Fahad yakalli fatima yace muga wayarki my lil tashi tayi takai masa bai dad’eba yamaida mata.
Salma bata dad’e da fitaba tadawo da jug biyu da cups saman tray ta aje sannan tazuba ma kowa tabi kowa tabashi koda tazo kan fahad ahankali tace yaya fahad ga shi, ko kallon inda take baiyi ba, cikin shagwa6a tace yaya fahad please kakar6a, a gadarance yace kin iya ajewa ai,
Aje masa tayi takoma tad’auki nata sannan takoma mazauninta kusa da shi tazauna ta ji haushin yadda yayi mata ammah sai tayi hamdala da ba wanda yakula da dizgin da yayi mata ,
Ita dai Amina tana kallonsu ta gefen ido, ahankali taga ya jawo cup d’in ya kai bakinsa, yana kur6a taga ya lumshe ido ko ba a fad’aba ansan ya ji dad’in kunun ayan,
Murmushin jin dad’i tayi a ranta taji sanyi, itama tad’auki nata tafara sha, d’akin yad’auki shuru kallo kawai ake gwanin sha’awa itadai Amina sai satar kallon fahad take yana burgeta domin komai nasa cikin aji yake yinsa, tana lura da salma itama da taketa satar kallonsa duk haushinta da kishi suka kama Amina domin gani take kamar salma itama sonsa take,
Ahankali ake d’an ta6a hira ganin lokacin magrib ya gabato yasa daddy yace akashe kallon kowa yaje yayi shirin sallah dukkansu suka amsa da toh tare da mik’ewa tsaye kowa yanufi d’akinsa .
Bayan sun idar da sallah direct fahad guarding yanufa domin amatse yake yaji labarin Amina saman d’aya daga cikin plastic chair yaxauna yana jiranta.
STORY CONTINUES BELOW

Kasancewar bata sallah zaune take saman gadonta tana azkar wayanta ce taji tana ruri janyo wayar tayi ganin number ce ke kiranta ba suna yasa taji kamar kar tad’auka aje wayar tayi har saida takusan tsinkewa sannan tad’auka tare da yin sallama,
Daga d’ayan 6angaren wata murya mai dad’i taji ta amsa mata ji tayi ance ina fa jiranki na baki 5 minutes inkuma ba hakaba yanzu inzo d’akinki batare da tayi magana ba taji ankashe wayar.
Ko ba a fad’a ba tagane wanene tsoki taja tace wannan mutumin yana son takuramin sharewa tayi tacigaba da abinda take tunowa tayi da ya ce in bata zoba toh yana nan tafe dasauri tatashi tajawo hijab d’inta dan ta san halinsa he has no fear for d out come.
Tun daga nesa tahangosa a zaune yana ta dannar wayansa sallama tayi masa, batare da yad’ago ya kalletaba ya amsa mata, kujerar da take facing d’in tashi tajawo tazauna ahankali yad’ago yakalleta dariya taso tabashi ganin yadda tayi kicin-kicin da fuska, murmushi yayi bai tanka mataba yacigaba da dannar wayansa,
Haushi Amina taji ganin yadda yayi kamar bai san da zamantaba, batare da ya kalletaba yace idan kin shirya ina saurarenki, itama d’auke kanta tayi gefe tace banga alamun hakan ba daga gareka, murmushi yayi yace ohk ai kunne yakeji,
Nikuma idan ba zaka aje wayar ba sai infasa, kallonta yayi yace ina saurarenki kuma ina so duk abunda zaki fad’amin kifad’i gaskiya kar kimin k’arya.
Harararsa tayi sannan tacigaba kamar yadda kasani kokuma bana tunanin ka san hakan sunana Amina Ahmad haifaffar k’aramar hukumar mashi dake cikin garin katsina mahaifina d’an kasuwane, mahaifiyata ta rasu tun ina k’arama daganan rik’ona yadawo hannun kishiyar mahaifiyata………………… nan takwashe komai tafad’a mashi bata 6oye mashiba har zuwanta gidan hajiya maimuna da dalilin dayasa tabaro gidan, da dalilin da yasa ta6oye ma su daddy gaskiyar labarinta domin kar suma su kyamaceta su gujeta domin ba kowa takega zai yadda da maganartaba,
Cikin sheshek’ar kuka tace ka ji gaskiyar labarina tabbas Ameerah d’iyarka ce wlh ban ta6a aureba kuma ban ta6a zina ba, hankalin fahad in yayi dubu toh ya tashi kwalwarsa nema tayi tarikice masa saida yakusan firgicewa jin Ameerah d’iyarsa ce innalillahi wa inna’ilaihi raji’un kawai yake nanatawa dafe kansa yayi yace wannan wace irin *K’addara ce* nikuma tawa kalar k’addarar kenan, Amina kuka kawai take a tsorace take domin kar yak’i kar6ar Ameerah a matsayin d’iyarsa domin batasan yadda zatayi ba idan bai yarda ba,
A k’asan zuciyarsa yana jin tausayin Amina sosai musamman ma da yaji tarihin rayuwarta da gwagwarmayar da tasha,
Ahankali yad’ago idanuwansa da suka k’arance saboda tashin hankalin da yashiga yasafkesu akan Amina da take kuka ammah ta tsaresa da ido dakyar ya iya tattaro nutsuwarsa cikin tashin hankali yace Amina *k’addara ce* da rabo suka had’ani da ke na amshi wannan kyautar da Allah yayi min na san jarabtace daman Allah yana jarabtar bawansa domin yaga k’arfin imaninsa ni da ke gaba d’aya ya kamata mucinye wannan jarabawar kikwantar da hankalinki na yi miki alk’awali zan baku kulawa daidai gwalgwado ba zan cutar da ku ba zan kula dake kamar yadda Abbanki yakula dake na san ta dalilina duk kika shiga wannan matsalar dan haka insha Allahu ba zan barki kik’ara kuka ba zan baku kulawa bakin gwargwado
Cikin kuka Amina tace nagode fahad tabbas kacika musulmi da har kayarda da k’addara kuma ka amshi Ameerah a matsayin d’iyarka batare da ka yi jayayyaba, murmushi yayi wanda yafi kuka ciwo yace Amina kenan wa ye zaiyi jayayya da ikon Allah wlh tunda nad’aura idona akan Ameerah naji tashiga raina sosai ashe jinana ce kar ki damu Ameerah zata samu kulawar da bata samuba ta mahaifi yanzu zan bata ita kamar yadda kowace d’iya mai gata take samu wajen iyayenta.
Dariyar jin dad’i Amina tayi cikin kuka, hankalinta a tashe tace fahad dan Allah kar kabari su mummy susan wannan maganar ina tsoron yadda zasu d’au maganar,
Murmushi yayi yace kar kidamu su mummyna basu da matsala zasu fahimcemu, a’a fahad dan Allah kar kabari susani dan Allah inaso kayi min taimako d’aya,
Wane kalar taimako ne kifad’a zan miki, please ina so ka sauwak’e min aurena da ke kanka, cikin tashin hankali yakalleta yace kinsan me kike fad’a Amina kina da hankali? Share hawayen fuskarta tayi tace na sani fahad cewa nayi kasakeni domin inason wannan maganar tazama sirri a tsakaninmu,
Toh d’iyarmu fa?
Kayi hak’uri kabarta wajena ni zan cigaba kula da ita,
Saboda baki sona ko?
A’A ba haka bane fahad baka dace dani ba kafi k’arfina kasamu daidai da kai ka aura kaduba kaga karamcin da su mummy sukayi min bai daceba ace naso d’ansu,
Amina wannan ba hujja bace,
Runtse idonta tayi tana kuka tace fahad ba zaka fahimta ba,
Shuru sukayi na kusan minti biyar fahad ji yake kamar ta soka mashi kibiya a mak’ogwaro damuwace k’arara a fuskarsa kogin tunani yafad’a kallonsa Amina kawai take domin jin amsar da zai bata, murmushi taga yayi har saida gabanta yafad’i ko da ita tanemi surabu ammah dan ba yarda ta iya batasan yadda su mummy zasu d’au maganar ba tana tsoron su rabu da ita ga karatun da ta kwallafa ma ranta ta samu tana yi ta san shima zai iya watsewa.
‘Dagowa yayi yakalleta yace na ji na amince da maganarki gabantane yacigaba da fad’uwa nan sabbin hawaye suka cigaba da zarya a kumatunta,
Ammah da sharad’i d’aya
dakyar tahad’e wani miyau da yatsaya mata ne tasamu tahad’e tace wane kalar sharad’i?
Tasowa yayi cikin tafiyarsa ta k’asaita yazo gabanta yatsaya yace sharad’in shine ba zan rabu da ke ba sai nan da wata shidda kuma dole kidinga min biyayya idan kuma kika k’i toh ba zan sakekiba.
Cikin tashin hankali tace wata shidda fa kace dan Allah karage,
‘Daga kafad’a yayi yace haka naza6a inkuma bai mikiba toh dole su mummy susan komai,
Dasauri tace wlh ya yi min dan Allah kar kabari su mummy su sani.
Murmushin samun nasara yayi yace toh shikenan tashi kishiga gida kar afito a ganki, Dasauri tashare hawayenta tatashi tanufi cikin gida,
Binta yayi da kallo har tashige murmushi yayi cikin ransa yace lallai yarinta daban ce, wucewa yayi shima yanufi masallaci saboda kiran sallar isha da yaji ana yi.
_*WAIWAYE ADON TAFIYA*_
___________________
Ummah tunda Amina tabar gidan hankalinta yakwanta daman burinta kar Amina tasamu gado a cikin abinda alhaji yabari, duk wani abu da tasan Alhaji yana da shi a hannun mutane saida tabi takar6o,
Duk wanda yatambayeta Amina cewa take ai ta shiga yawon duniya ta ce karuwanci ya fiye mata daman chan tayo cikin shege har tahaife d’iyar, ummah nan take zama takimtsa ma mutane maganar k’arya akan Amina har da kukanta wai ta hana Amina tafiya shine Amina taci mutuncinta ta zazzageta tatafi,
Mutane dayawa sun yarda ammah ita dai gwaggo ladi kallon ummah kawai take dan ta san halinta sarai, addu’a kawai take Allah yabayyana Amina a duk inda take, tayi neman har ta gaji ammah babu Amina babu dalilinta kan dole tahak’ura tacigaba da addu’ar Allah yabayyana ta
Ummah facaka kawai take da kud’in yar uwarta suwaiba mai zugata tun Alhaji na da rai tana yadda taga dama a k’arshe gidan tadawo suna ta cin karensu babu babbaka,
Bayan wata shidda ummah tafara cinikin wani company na had’a takalma Bayan sun gama ciniki sukasa ta tatura masu kud’in duk wani abu da tamallaka saida ta saida tahad’a da kud’in dasuke banki, bata tsira da komai ba sai gidan da take ciki da naira dubu hamsin ko da tatura masu kud’in ashe ‘yan 419 ne nan suka bata takardun k’arya,
daga ranar bata k’ara ganinsu ko Jin labarinsu ba, ko da taje companyn nan tasamu labari wajen ma aikatan company banasu bane har wajen shugaban mai companyn aka kaita duk yadda takwatanta masu mutanen ammah ba wanda yaganesu ko ta kira wayarsu bata shiga takardun ma aka shaida mata ba na companyn bane aka bata, nan hankalinta yatashi a k’arshe zubewa tayi nan aka kwasheta aka kai asibiti nan ake shaida ma ‘yar uwartata paralyse ne yakamata a 6arin jikinta na dama,
A k’arshe gida suka dawo aka cigaba da jinyarta………..
Ummah bata iya komai saidai akwantar atayar kullum bata da aiki sai kuka da nadamar abinda ta aikata tabbas ta san ta zalunci mijinta da matarsa a lokacin da suna da rai kafin sutafi subar duniyar ko alkalin Amina aka barta dashi itama ta san ba zata kai labari ba tabbas ta san alhakine yake bibiyarta domin Allah ba azzalumin bawansa bane duk abinda mutum yashuka shi zai girba, tabbas ta san *k’addara ce* kawai tahad’ata da mutanen nan har suka damfareta ammah babu yadda ta iya tunda har da hak’k’in marainiya taci, a duk lokacin da tafara tuno rayuwar da tayi a baya hankalinta tashi yake tana nadama tana cewa ina ma taga Amina ko ta nemi gafararta domin tasan ta cutar da marainiyar Allah ayanzu ta yi nadamar abunda ta aikata tabbas ta san Allah ba azzalumin bawansa bane, danginta ne suke samu suna lalla6ata a duk lokacin da tashiga kogon tunani irin haka domin yanzu jininta ya hau sosai, ummah duk ta rame ta yi bak’i idan ka santa a da kaganta yanzu ba zaka ta6a cewa ita bace, rayuwa kenan mai juyi-juyi kar kazalunci wani domin bakasan yadda k’arshenka zai kasanceba, kar mu mance Allah dakansa ya hana zalunci, kar ka cutar da bawan Allah domin bakasan matsayinsaba a wajen ubangijinmu Allah yasa mudace.
_______________________
A 6angaren hajiya maimuna tunda Amina tabar gidan babu wanda yasan da tafiyarta sai lokacin da za suyi bacci babah salame taji shurun ya yi yawa domin Amina ba ta kai har tsawon wannan lokacin batare da ta fitoba kuma abinda yak”ara bata mamaki rashin jin kukan Ameerah,
‘Dakin Amina tabud’e tashiga hankalintane yatashi ganin ba kayansu Amina saida tabincike d’akin tas ammah bataga 6ar6ashinsuba nan babah salame tafara ta6a hannu tana salallami dasauri tafito duk sauran d’akunan da ke gidan saida tashiga ammah ba Amina,
‘Dakin hajiyane kawai bata jeba domin alokacin hajiya ta yi bacci,
Tun da tagama sallar asuba d’akin hajiya tanufa bayan sun gaisa hajiya maimuna tace babah ladi lafiya naganki a wannan lokacin? Akwai abinda kuke buk”atane?
Babah ladi tace lafiya lau hajiya daman Amina ce naga batanan bata kwana gidan ba shine nace ko kinsan inda taje?
Cikin tashin hankali hajiya tace ban fahimcekiba mi kike nufi da ba nan ta kwana ba?
Toh hajiya nidai tun jiya bayan la’asar rabonmu da Amina,
Dafe k’irji hajiya tayi tace na shiga ukku kar dai ace Amina ta gudu, zaro ido babah salame tayi tace ta gudu kuma?
Hajiya arud’e take dan haka dasauri tafito daga d’akinta tanufi d’akin Amina ganin babu kayan Amina yasa hankalinta yak’ara tashi arikice takalli babah salame tace salame kuje kubinciko min ita dan girman Allah,
Hajiya wai meyake faruwa ne ya akayi Amina tagudu wani abu akayi mata? Yanzu fa ko munje babu inda zamu ganta dan tun jiya tabar gidan nan,
Nashiga ukku asirina ya tonu yau ni ya zanyi ? Hajiya wai miyake faruwane?
Numfashi taja tace bakomai salame kuje kucigaba da aikinku,
Toh Allah yakyauta Allah yasa tadawo, ficcewa tayi daga d’akin cikin jin takaicin tafiyar Amina.
STORY CONTINUES BELOW

Hajiya zagaye d’akin tashiga yi cikin tashin hankali, ya zanyi da Alhaji idan yaji labarin guduwar Amina? Ya zanyi idan yace inbiyasa kud’insa da nacinye nashiga ukku, kwala ma babah salame kira tayi dasauri babah salame tazo tace gani hajiya,
Kallonta hajiya tayi tace babu inda kike tunanin Amina zata je a anguwar nan ko gidan inda suke mutunci?
Eh toh hajiya gaskiya Amina babu inda take zuwa bata shiga gidan kowa domin Amina ba ta da shige-shige asalima ba ta da sakin jiki da mutane,
Cije yatsa hajiya tayi tace toh shikenan kina iya tafiya,
Toh hajiya.
Fitowa hajiya tayi takoma d’akinta cikin fargaba domin tana tsoron had’uwarta da Alhaji Faruk, a ranar hajiya bata ci abincin kirkiba saboda tashin hankali kowa na gidan saida yasan hajiya tana cikin tashin hankali duk a tunaninsu saboda tafiya da Amina tayi ne domin gani suke kamar hajiya tana tausayin Amina ne.
Bayan sati d’aya Alhaji Faruk yazo gidan, hankalin hajiya in yayi dubu toh ya tashi a nan take shaida mai guduwan Amina, ran Alh Faruk a 6ace yace hajiya ban ce miki ki lalla6ata kar kibari wani abu yasametaba?
Duk”ar da kai hajiya tayi cikin kwantar da murya tace ka ce min d’an la6ai wlh ban san tafiyarta ba,
Kuma shine tun lokacin baki fad’a min ba?
Shuru hajiya tayi.
Toh bari kiji inma had’a baki kukayi kika sata tagudu toh wlh sai kin biyani duk kud’in da nakashe kije kid’auko min kud’ina dan ni ba mutumin banza bane ni zaki yaudara?
Jikin hajiya yana 6ari tace Alhaji wlh ba ni nasa Amina tagudu ba wlh ko ‘yan aikin gidan nan zaka tambaya toh katambayesu kaji bamusan lokacin da taguduba,
Ke!! Kirufemin baki ba na son munafunci baki san halina bane ko kin d’auka kud’ina suna ciyuwa a bazan? Toh ba haka bane ni Alhaji faruk banda mutunci ko dan kinga shekara ukku baya ina zuwa cin abinci gidanki shine zaki yaudareni? wlh baki isaba kishiga kid’auko min kud’ina ko ind’au fansa a kanki,
Zaro ido tayi tace a kaina kuma Alhaji?
Eh kina jin wasane? Wlh minti biyar nabaki kid’auko min kud’ina inkuma ba hakaba zaki gani,
Harararsa hajiya tayi tace kai faruk dan kaga ina lalla6aka shine kake nema kaci min mutunci? To wlh baka isaba kuma kud’i ba za a biyaba,
Dariya yayi yace yau zan gwada miki ni cikakken d’an duniya ne wajen hajiya yanufa ta tsorata da yanayin da taganshi nan tafara ja da baya tana rok’onsa shikuma yana biye da ita har tashiga bed room d’inta dasauri tamaida k’ofa zata rufe cikin zafin nama yarik’e k’ofar rok’onsa tashiga yi ammah baisan tana yi ba ihun duniya babu wanda hajiya bata yi ammah kasancewar d’akinta ya yi ciki dayawa kuma duk ma”aikatanta suna wajen aiki saisa babu wanda yajita.
Saida yagama biyan buk’atarsa sannan yatashi yabar hajiya nan kwance dariyar mugunta yayi yace hajiya maimuna kenan ya kika ga abun na fanshe kud’ina a wajenki ko da maneji nayi dake, gobe ma idan ance kiyaudari wani ba zaki k’araba sanya kayansa yayi yace na barki lafiya hajiya,
Ficcewa yayi daga gidan yana dariyar mugunta duk takaici ya cikata da nadama cikin kuka tace na cuci kaina tabbas na jawo ma kaina fitinar da tafi k’arfina daman ita rayuwa haka take kar kacuci d’an kowa kar kaxalunci d’an kowa miyasa ban d’auketa a matsayin d’iyaba? Daman ramin magenta k’urarrene, lallai bahaushe ya yi gaskiya da yace in zaka gina ramin rugunta ginasa gajere domin baka saniba ko kai zaka fad’a toh nidai yau ganinan tsundum na fad’a k’ara fashewa tayi da kuka tace na shiga ukku daman *k’addara ce* tahad’ani da wannan baiwar Allah gashinan kwad’ayina ya ja min lallai na yarda da maganar bahaushe da yace kwad’ayi mabud’in wahala inba kwad’ayi ba wulak’anci fyace majinar hancinta tayi tace nidai yau an wulak’antani wannan ya zama darasi agareni insha Allahu ba zan k’araba, dakyar tatashi tanufi toilet Jikinta sai ciwo yake mata domin Alhaji faruk mugunta yayi mata, takaici duk yacika tace Allah ya isa da girmana da yarana aka wulak’antani wannan ya zama darasi agareni.
Alhaji faruk ko da yafito bai zame ko ina ba sai gidansa yana yin parking d’in motarsa yanufi cikin gida tun kafin ya ida shiga yaji hayaniya tana tashi dasauri yak’arasa matarsa karima ce yaga tana dukar d’iyarsa kamar zata kasheta dasauri ya k’arasa ya janyeta cikin 6acin rai yace karima bakida hankali sai kin kashe min ita? ita d’aya fa Allah yabani ko ma mi tayi miki ai yakamata kiyi hak’uri,
STORY CONTINUES BELOW

Hawayen bak’in cikine suka zuba daga idon karima tace Alhaji kabarni inkasheta wannan abun kunyar da tajawo mana ina zamu kai shi, me ummi tanema tarasa a gidan nan?
Wlh ba zaki kashe min d’iyaba ni ina son abuna,
Harararsa karima tayi tace Allah wadai wannan halin naka toh ai gashinan d’iyar taka tazo ta kwaso maka abun kunya cikine gareta,
Zaro ido yayi yace ciki kuma?
Eh gatanan katambayeta sai tayi maka bayani idan baka yardaba,
Kallonta yayi yace ummi dagaske ciki gareki?
Cikin sheshek’ar kuka ummi tace daddy kayi hak’uri wlh ba zan k’araba.
Zuface tashiga kwarara daga jikin Alh faruk hularsa yacire yana fita sai nanata innalillahi wa’inna ilaihiraji’un kawai yake ya kasa ta6uka komai,
Hajiya karima yakalla yace kitambayeta wa yayi mata shi, aikam hajiya karima kamar jira take tajawota tacigaba da duka ummi cewa take kutsaya wlh zan fad’a tukur driver ne yayi min, shine kullum idan zai kaini makaranta sai y biya da ni wani gida.
salati hajiya tashiga yi tace nashiga ukku Alhaji ka ji mun yarda da tukur ammah shi abinda zai saka mana da shi kenan toh wlh dole akamasa
Shidai Alhaji faruk yakasa motsin kirki domin ya san abunda yake aikatawa ga ‘ya’yan wasu shine aka aikata da d’iyarsa tilo wadda yafi k’auna a rayuwarsa bai ta6a nadamar abinda yake aikatawa ba sai yau tabbas ya san alhaki kwikwiyone, lallai ya yarda *duk tsuntsun da yaja ruwa shi ruwa kan doka* (my second novel 😍) dafe k’irjinsa yayi jin yadda zuciyarsa take bugawa baice komaiba yaja k’afarsa dakyar yanufi part d’insa maida k’ofar yayi yakulle yajingina jikinta zuciyarsace tacigaba da bugawa nan da nan yafara aman jini duk yadda yaso yayi magana ammah ya kasa duk ya bi ya galbaita nan yazube k’asa idanuwansa suka fara kafewa,
Hajiya dakanta tad’auko waya takira police ba a fi minti biyarba sai ga police nan suka shiga boys quarters aka damk’o tukur aka tafi da shi.
Ita dai ummi kuka kawai take, hajiya bata k’ara bin ta kantaba tawuce tanufi d’akin Alhaji faruk domin hankalinta ya tashi ganin yanayin da yashiga, tura d’akin tayi tashiga k’ara tasaki ganin Alhaji a zube, ummi da take ta faman kuka dagudu tanufi d’akin ganin mahaifinta a kwance yasa tayi kansa tana kuka tace baba dan Allah kayi hak’uri katashi wlh ba zan k’araba, cikin kuka Hajiya karima tace yi sauri kije kikira min mai gadi dagudu ummi tafito tazo takira maigadi nan shima yashigo a kid’ime kama Alhaji sukayi sukayi suka nufi wajen mota aka sakashi hajiya karima taja motar suka nufi Federal Medical Centre nan da nan aka zo aka d’aukesa aka nufi emergency da shi, nan suka fara sintiri bakin k’ofa Ummi kuka kawai take tana nadamar rayuwar da ta jefa kanta a ciki domin ta san ta zalunci kanta.
Bayan minti talatin doctor yafito daga d’akin yana zufa dasauri su hajiya suka nufi wajensa suna tambayarsa jikinsa, kallon hajiya karima yayi yace hajiya saidai kuyi hak’uri domin Alhaji ya rigamu gidan gaskiya saboda zuciyarsace tabuga… tun kan yak’arasa hajiya karima tazube k’asa a sume dasauri suka d’auketa aka shigar da ita nan doctors suka hau kanta domin ceto rayuwarta, ummi kasa motsin kirki tayi kukanma k’in fitowa yayi, addu’a kawai takeyi, bayan minti ashirin hajiya karima tafarka nan ta dasa sabon kuka saida baba maigadi yazauna yayi masu wa’azi yafad’a masu illar kukan mutuwa sannan suka yi shuru suka cigaba da yi mashi addu’a.
baba mai gadine yayi waya gida akazo aka d’auki gawar suka nufi gida, tun kan su isa hajiya karima tatura ma dangi message, Dan haka lokacin da suka isa gidansu ya fara ciki da mutane
Nan akayi mashi wanka aka shiryasa akayi mai sallah aka nufi dashi gidansa na gaskiya _(Allahu akhbar kullunafsin za’ik’atul maut, daman haka rayuwa take babu Wanda yasan lokacin tafiyarsa mutuwa tana kan kowa duk abinda mutum yashuka shi zai girba in khairan to zai gani inma sharran shima zai gani, ba a fitar da k’auna daga rahamar Allah, Allah yasa mudace, Allah yasa mucika da imani idan tamu ta zo_
Ahaka acigaba da zaman gaisuwar Alhaji faruk, bayan wata ukku ummi tahaifi d’anta namiji anan tamaida mashi sunan daddynta, hajiya kharima ta yi sanyi sosai ta kar6i d’an shegen da d’itarta tahaifa amatsayin *k’addarace* da rabo ta yarda ita rayuwa babu mai iya tsallake abinda ubangiji yak’addara mashi.
Allah yasa mudace.
*CIGABAN LABARI*
_________________
Amina ko da takoma gida d’akinta tashiga tafad’a saman gado tacigaba d’s kuka kamar ranta zai fita ita kanta ta rasa kukan minene takeyi saida tayi mai isarta sannan tayi shuru nan bacci yayi awon gaba da ita.
Fahad ko da yagama sallar isha’i bai dawo gidaba abokinsa ne yusuf yajasa suka shiga gari basu suka dawoba sai wajen k’arfe goma, ko da yadawo d’akinsa yanufa wanka yafad’a yayi bayan ya fito yashirya cikin kayan bacci yataje sumarsa.
Ba ita tafarkaba sai wajen karfe goman dare mamaki tashiga yi yadda bacci yad’auketa har takai tsawon wannan lokacin bata bi takan Ameerah ba domin ta san tana d’akin babah mairo dan wani lokacin wajenta ko wajen fatima take kwana,
tashi tayi tacire kayanta tanufi toilet tawatsa ruwa bayan ta gama towel tad’auro daidai cinya tafito tana tufke gashinta, wajen gado tanufa domin tad’auki rigar baccinta da ta aje saida tazo daf da gadon taga mutum kwance saman gadon ya tsareta da manyan idanuwansa gabantane yafad’i…………….