K’ADDARA CE CHAPTER 6 BY MAMAN NUSAIBA

_KADA KU MANTA WANNAN LITTAFIN NA KUD’I NE KI GARZAYO KI BIYA NAKI KUD’IN DOMIN AYI  TAFIYAR NAN DAKE  SISTER_

_NOMAL N300_

_VIP N500_

_Ku tuntubeni ta WhatsApp number na+966599791573_

_Mai buk’atar HAFSAT BOOK 2 ya zama  document complete zaki biya N400 ki  samu  wannan  labarin, duk mai son  HAFSAT BOOK 2 ku  tuntubeni ta WhatsApp number na +966599791574_

_بسم الله الرحمن الرحيم_

_17/ 18_ 

Zaman  dirshan  Hanan  Tayi,  tana  tunano  maganar da  Baba ya fad’awa Yaya Faris. Ta  gumi  Tayi  tana  fad’in  shikenan  ni  Hanan zanyi  Auren  cin  amana! Waiyo Allah  Baba  dan Allah karki  amince  da maganar shi! Nifa ko  mutuwa  zanyi ba Mijin aure bazan auri  Yaya Faris ba, haba!  ai d’an halak  baya  manta halacci, bazan  iya  ba Baba na! Ka taimake ni  Baba!  karka ce ka yarda. Da  sauri  ta share  hawayen  ta jin  Baba  na kiran  ta, tashi  Tayi  ta shiga toilet ta wanke  fuskar ta,duk dan kar Baba  ya gane Tayi  kuka, tana isowa wajan  Baba  Ta ce.” Baba  gani  naji  kana  kirana ko?

Baba Ya ce.” Eh Hanan na kira ki,  ina fatan dai kinsan  da zuwa  Faris  Gidan nan ko?

Danna  kukan  daya tafo mata Tayi  Ta ce.” Eh Baba  na sani zaizo  yau..

Baba  Ya ce.” To Masha Allah, to dama  yazo  min da wata  magana ne wadda  yasa  nace mishi saina tambayeki  naji  ra’ayin ki akai..

K’ara sunkuyar  dakai  Hanan  Tayi  Ta ce.” To Baba  wata  magana ce haka? Tayi  maganar  kamar  bata  san komai ba…

Baba  Ya ce.” Faris  Yace” min  yana son na aura mishi ke, saboda  ya yaba  da hankalin ki, kuma Matar  ma ta yaba da hankalin ki, Yace” baya  so a dauki  lokaci wajan  bikin  naku, dan yana  son zuwa  Ummura Saudiya, Yace” zaiyi  wata  d’aya acen, daga nan zai wuce  K’asar China saboda  kasuwancin shi, shine nace saina tambaye ki naji  ra’ayin ki akan maganar, Yan zu ke Ya kike ganine Hanan?

Tin da Baba  ya soma magana, Hanan  ta kasa  rike hawayen  ta , sosai  take jin  zuciyar ta na zafi  da k’una, taya ma zata fahimtar da Baba? Ko ta mishi  bayani  kila ba tabbas ya fahimci mai take  nufi,. D’ago da idon ta Tayi  ta zuba su akan  Baba, wanda suka ji  jajur saboda kukan data ci Ta ce.” Baba  ka fahimceni  dan Allah! 

Jikin  Baba ne Yayi  sanyi  ganin  yadda  Hanan take kuka, jikin  ta har  rawa yake  da kuma muryar ta, a hankali  ya rike  hannun ta Ya ce.” Hanan  ki  kwantar da hankalin ki  nasan  me kikeson  fad’a min, amma  bamu da mafita ne,kuma kinga mutanen nan sun magana halacci a rayuwar mu! To taya  kike gani  idan suka rok’i alfarma a wajan kuma muka ki amincewa da buk’atar su? Kin san ai baza suji  dad’i ba idan har muka zama masu  manta alkhairi a garesu! Kiyi Hak’uri  nasan  kika tunanin  in kika auri  Faris kinci  amanar  Ilham ko? To ki  dena  ita ce ma ta bada kwarin gwiwar  haka  kinji  Ya’ta!

Share  hawaye Hanan  Tayi  Ta ce.” Shikenan  Baba  naji  zan aure shi, kuma Insha Allah  zan zama mai biyayya a gareka, bazan tab’a  b’ata wa Anty  Ilham rai ba da sunan kishi, duk da shi  dan  Adam  ajazi ne. Tana  fad’in haka  ta daura kanta à kafad’ar Baba  taci gaba da kukan ta gwanin ban tausayi…

_*************************_

_B’AN GARAN SU IMAN_

Sultana ce zau ne  tayi  tagumi ana  ta mata magana bata ma san ana yiba, tunanin Aminiyar ta take,  Yan zu da suka tare  da suna ta hirar su ,gashi  sai ita d’aya  take  siyar da Abinci.. ji Tayi  an dafa kafad’ar ta, da sauri  ta d’ago da kanta dan ganin  meye ya tab’a ta.. 

Abdul Malik ne t’a gani  cikin  k’ananan kaya  masu  tsadar gaske, kayan  sun amshi  farar  fatar shi,  gashin  kanshi  yasha  gyara, ga wani  tsadaddan agogo dake manne à hannun shi, takalmin shi kalar  wandon shi  da rigar shi, kyakyawar fuskar shi dauke  da k’ayataccen Murmishi ,duk à cikin  minti  da bai fi  daya ba Sultana  Ta k’arewa  Abdul Malik  kallon.. Kamar  wata  sakarya ta saki  baki  da hanci  tana  kallon  shi  da  mamaki, Al’ajabi tama rasa  me zata fad’a. A zuciyar ta take  nanatawa  wai dama  Abdul Malik  yana da cikakken hankali ashe?  Kai gaskiya  nasha  mamaki  ko  dama , shaye-shayen  ne da yake yasashi  zama  mahaukaci?

Ajiyar zuciya ta sauke Ta ce.” Abdul Malik  kaine ko dai  wani  mai kamar  ka ne nake  gani? In kuwa kaine to ya naga ka canja  kamar ba kai ba? 

Dariya  Abdul Malik  Yayi  yana zama  a gefen  Sultana  wajan  da Iman  take  zama  Ya ce.” Eh nine dai  Sultana  ba wani  bane. Wai Sultana  ina Mutumiyar  ne? Kinsan  bana  Gari ne  shiyasa  banzo  mun  gaisa  daku ba…

Ita dai  Sultana  bata dena  Mamaki  ba na ganin  yadda  Abdul Malik  Ya canja Ta ce “ai Iman  ba lafiya, wani  ne ya tada  mata  Aljannun ta , to tin  ranar  bata sake  zuwa talla  ba, Yanzu  haka tana  Gida  kwance na ba
ro ta amma  da sauk’i  sosai  kila wani  satin  ta soma zuwa  tallar…..

Da sauri Abdul Malik  Ya kalli  Sultana  kamar  zaiyi  kuka, dan ba k’aramin  so yake  yiwa Iman ba, so  na gaskiya yake mata wanda babu  Algus a cikin  shi, wannan  tafiyar ma da Yayi  kasa jure  rashin  ganin  Iman ne yasa shi dawowa  daga  inda yaje ya dawo.. Ya ce.” Haba Sultana  Yanzu  Iman d’ina ba lafiya shine ko ki sanar  dani  ta waya! Ai koda baki  da number ta saiki  shiga wannan  Babban shagon  na Baba nane,  da kince wa Masu  siyar  da kayan  wajan  kina son magana  dani  zasu  kirani  muyi magana, amma  shine kika k’i fad’a min  Sultana  why? 

Sultana  k’ara  shiga duhu  tayi jin  Yace” wai wannan  fakeken  shagon  wanda babu  mai girman  shi a kaf  cikin  Kasuwar _MARSHÈ DANTOKPA_ Yace” na Mahaifin shi ne? K’ifce- k’ifce  ta ringa  yi da ido kamar tayiwa Sarki  k’arya  an kama  ta, tagumi  Tayi  ta zubawa  Abdul Malik ido  saboda  Al’ajabi da rad’anin  data shiga……

Dariya  sosai  Abdul Malik  keyi  ganin  yadda  Sultana  Ta kafeshi  da ido  ko  K’iftawa  babu,  yasan kuma dole  zatayi  mamaki,  saboda  bai taba  nuna musu  shi waye  ba  shiyasa  duk take ganin  abun  ban barakwai wai Namiji da suna  Hajara. Ya ce.” Nasan  dama zakuyi  mamaki  inna fad’a muku  cewa  _Alhaji Aliyu mai atamfa  shine Mahaifina_ saboda  baku san waye  Babana  ba, kuna dai ganina  kamar  mai tab’in hankali,  yanzu  na dawo  hayyacina  Alhamdulillah…

Nannauyar ajiyar zuciya Sultana Ta sauke  tana  dauke kallon ta daga  kan Abdul Malik  Ta ce.” Kai  Wallahi  badan kai bane ka fad’i  haka ba, da wani  gaskiya  zance Yayi  k’arya,  ni  sai Yanzu  ma nake ganin  kamannin  ku  dashi,  duk da ba koda yaushe  yake  zuwa kasuwar nan ba, yana  zuwa ne kamar  duk bayan  wata  d’aya ko  sati biyu,  gaskiya  ba wanda zai dauka  kai D’anshi  ne, amma  kuma yanzu  ka fito  a asalin  D’anshi…

Murmishi  Yayi  Ya ce ” please  tashi  muje  Gidan su Iman  na duba jikin nata! Saboda  fa da  kasa jure  rashin  ganin  ta na baro Abuja  na dawo  Kwatano, ina zuwa ko  zama banyi ba na garzayo  kasuwar nan, dan Allah muje  ki kaini  na ganta ko  zanji  sanyi  a zuciya ta! 

Sultana  Ta ce.” To Abincin nawa fa? 

Ya ce.” Ba ki gani. Wayar shi Babba  ya ciro  a aljihun shi kirar IPhone 12 ya danna ya kara a kunnen  shi, Ya ce.” Zashali  kazo nan gefen  shago  ina jiran ka, zaka ganni  da wata  Yarinya muna zaune. Yana fad’in  haka  ya kashe  kiran, bai k’ara  magana ba saima murtuke  fuska  da Yayi   ,yana danna  wayar shi….

Ita dai  Sultana  tana ganin  kayan  Al’ajabi da mamaki,  a  Ranta Ta ce”. Hmm  lallema dama  haka  Abdul Malik  yake  da shan  kunu  haka?, duk wai Dan kar  a renashi….

Shazali  na zuwa ya rusuna  Ya ce.” Ranka ya dad’e  gani  nazo. 

Abdul  Malik Ya ce.” Ka dauki  Abincin  nan  ka kai ciki  kuci  kaida Y’an Uwan ka, nasan  ba’a  kawo  muku  Abincin  rana ba, to kuje kuci..

Shazali  dan murna  yama rasa  mai zaice saboda  yunwa sukeji ba’a  kawo  musu  Abincin  rana  ba, sai gashi  Mai Gidan basu ya siya musu. Sake  rusunawa Yayi  Ya ce”. Godiya  muke  Oga  Allah  ya k’ara girma…

Abdul Malik  bai d’ago  ba Ya ce.” Emeen  ya  Allah..

Shazali daukar  Abincin Yayi  ya shige  shagon su, su kuma su Sultana  suka nufi bakin  hanya.. har  zasu  fita a kasuwar  Abdul Malik  Yace” wa Sutlana  muje ga motata  cen  nazo da ita sai  muje a ciki.. 

To kawai  Tace” tana  binshi  a baya kamar rakumi  da akala. Suna zuwa ya bud’e  mata ta shiga shima ya shiga  suka nufi  Unguwar  su Iman..

Suna isa  k’ofar Gidan su Iman Sultana  Ta fita  Ta ce.”  Bari  naje  na kira ta sai tazo. To kawai  Yace” ya koma jikin kujerar  motar  ya lumshe  idon  shi  kamar  mai jin bacci….

Sultana  n’a shiga ta  shiga ta gaishe  da Mama  tukun  tayi  ciki, tana shiga ta samu  Iman  na daura  dan kwali  alamar  bata jima da fitowa daga wa ka  ba, k’arasowa  Tayi  kusan  gadon yana  murmishi  Ta ce.” Ta  Abdul Malik  bada kanki  a sare  kije  gida kice ya fad’i….

Wurga  Mata Harara  Tayi  Ta ce.” Ke nifa ki karki  dameni  daga  zuwab ki! Iman  Ta k’arashe maganar  tana  turo baki gaba…

Dariya  Sultana Tayi Ta ce” to wannan  turo  baki fa? Ki  tashi  yau zan baki  mamaki  muje waje,  Abdul Malik ne yazo ganin ki….

Iman Ta ce.” To shikenan muje  tana  saka hijabin ta. Suna  fitowa  tacewa  Mama  zata  fita wani ne yazo  dubata da jiki.. Murmishin  Manya  Mama  Tayi  Tace” musu su dawo lafiya. .. suna fita  Iman  taga  wata hadaddiyar  mota  mai masifar  kyau,  sosai  motar  ta tafi da ita  sai da Sultana  Ta tab’a ta tukun  ta saita nutsuwar ta….

Abdul Malik na ciki  yana bin  Iman  da kallon  k’auna  mai narkar da zuciyar  masoya, ji  yake kamar ya fita  ya rumgume  ta  saboda  ba k’aramin  cutuwa  Yayi  ba na rashin  ganin  ta. Ajiyar zuciya  ya sauke  Ya ce.” My  Iman kin  tafi  dayawa, bazan  iy
a jure  rashin ki a kusa dani ba, ai dole ma inna koma Gida  na cewa  da Abba  yazo ya nema min auren ki, bazan  so ganin  wani  Namiji  a tare  dake  ba inba ni ba, ke tawace ni  kad’ai  da yardar Allah.. bud’e  motar  Yayi  ya fito  yana zuba  k’amshi ,, idon  shi akan  Iman  yana mata kallon  Yayi kewar ta  da kuma tausayin ta….

Iman  baki da hanci  ta saki  tana  kallon wanda yake  mata  murmishi mai saka  zuciyar masoyi  cikin  shauk’in  k’auna, badan  tasan  fuskar  shiba da baza tace” shi bane, sosai  take  kallon  shi har ya k’araso  inda suke bata sani  ba, sai da taji  zazzak’ar muryar shi Ya ce .” Assalam alaikum  Ya  Masoyiya abar kaunar ta……

Murgud’a baki Tayi  tana  juya mishi  baya, tana  magana  k’asa².

Ita  dai Sultana  ganin  ta had’a su saita koma ciki  tana  dariya, dan yau tasan  sai Iman  tayi  halin  nata..

Ganin  Sultana  Ta tafi  Iman  Ta juyo  tana  aikowa da Abdul Malik sak’on  harara.. Dariya  Yayi  Ya ce.” Kai  Masoyiyar k’auna  bako sannu  da zuwa?  Sai sak’on harara..

Iman Ta  ce.” Yo  naga ka wani  zama  Babba  kamar  wanda ake busa ka, kuma a ina kaje ka dauko  motar  aro da kayan  aro, hadda wani  askin Y’an  Gayu, to baka burgeni  ba ma da kayi haka. Tana maganar  tana  mishi  gatsine….

Abdul Malik  murmishi Yayi jin  Abun da Iman  Ta fad’a,  wai yayo  kayan  aro? Koda yake  ai bata san shi waye bane shiyasa Ya ce.” Ayya  My  d’ina  kiyi  Hak’uri da ban sanar dake ko ni dan wanene  bane! Na san  dai kinsan  _Alhaji Aliyu mai atamfa_ ko? To shine Maihaifina, ganina da kike a kasuwar _MARSHÈ DANTOKPA_ To ina zuwa shagon  Daddy na ne…

Warm ido  Iman  Tayi  jin  bayanin  Abdul Malik,  nan da nan ta had’e  rai jin  sunan  Baban shi,  Tace.” Wato da munafurta na kaso yi ko? Shine ka fito min a Talaka, sai da na kamu  da sonka ka bayyana min  asalin ka ko? To sai dai ka sani  ni bazan iya aurar  Mai  kud’i  ba, a tsarin  Rayuwa ta babu  auren  mai kud’i,  saboda  shi  mai kud’i  inka aure zai dauka  dan kud’in shi kake  tare  dashi, ni  kuma bazan  yarda da renin  hankali  irin na masu  kud’in  zamani  ba, to ka fice min a nan ! Iman  Ta k’arashe  maganar  tana  had’e rai babu  alamar  wasa a fuskar ta, kana ganin  zaka gane maganar  daga cikin  zuciyar  ta take  ba daga bakin  taba……

Abdul Malik kamar  zaiyi  kuka  jin  Abun da Iman Ta fad’a  wai bazata  iya  auren  shiba, wanda hakan  barazana  ne ga Rayuwar  shi inhar ya rasa  Iman,  zuciyar shi bazata  juri haka ba.  Sunkuyawa  Yayi a gaban ta ya had’e  hannun shi biyu  alamar rok’o Ya ce.” 

Haba  Iman  wannan  wani  irin  ra’ayi ne gareki  , dan Allah  karki  sa zuciya ta ta buga! Bazan iya jure  rashin  kiba, please Iman  kice bugun  munfashi  na karki  min  haka! Ni  bana cikin  mutanen  da kike magana akai, kiyi Hak’uri  kinji!  bana  son rasaki  a rayuwa ta, kin zama  jini da b’argo na jikina, kar muyi haka dake Iman dan Allah please  mana! 

Iman  Ta ce.” Ka gama bayanin  nake ne koda saura? 

Mik’ewa  Yayi Ya ce.” Na gama  ki  duba magana ta Iman, kiji  tausayi na karki  gujeni a lokacin  da nake buk’atar ki a kusa dani! 

Numfashi  taja  tukun  ta kalle  shi , Allah  yana gani  ta kamu  da k’aunar  Abdul Malik  , amma  tinda ya kasance  d’an  masu  kud’i  dole ta Hak’ura dashi, dan bazata iya auren  wulak’anci  ba. Ta ce.” Kayi hak’uri! bazan  auren  mai kud’i ba sai anjima. Tana fad’in haka  ta shige  Gidan su….

Abdul Malik  dafe kanshi Yayi Ya ce” a a Iman ! No! No!! No!!! Karki min haka  Iman ki  dawo  gareni bana son rasaki a wannan  lokacin! Ganin ta shige  ciki  bata ko  waiwage shiba , saiya Hak’ura ya koma motar shi. Saida  ya kwashi  minti goma tukun yaja motar shi a hankali  yabar  Unguwar. …

Idan kin karanta ki daure kiyi comment sister 🤝🏻

_Maman Nusaiba ce. ✍🏻Alk’alami yafi takobi_