MATAR MUTUM (kabarinsa) CHAPTER 10
Na Samira Harouna
👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨
*MATAR MUTUM*
_(K’abarinsa)_
👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨
*NA*
_SAMIRA HAROUNA_
*SADAUKARWA*
_GA DUKA_
*’YAN AMANA TA*
💫✨ *TAURARIN MARUBUTAN NIGER (ASSO.)*🌟
_(Tsintsiya mad’aurinki d’aya)_🤝
☆ *[ T.M.N.A]* ☆ 📖🖊️
https://www.facebook.com/Taurari-marubutan-niger-111773560677003/
*37*
Daga kallon nan bacci ne ya d’auketa dan saida ta bincike receiver nan amma tashoshin nan dai ne tsiraru, 09:45 daddab’ata Asma’u tayi da shigowarta kenan, bud’a ido tayi a nauyaye tana kallonta, da k’yar ta yunk’ura ta tashi zaune tana sake kallonta, tunawa fa jiya ta cizgata dayawa sai kawai ta d’auke kan ta, zaune Asma’u tayi a inda ta d’auke k’afafunta tana fad’in “Bacci kike sha a bin ki?”
Kallonta tayi kallon dake nuna ina jin haushinki, murmushi Asmaa’u tayi tace “Haba Mimin Asma’u, kiyi hak’uri mana komai ya wuce ai.”
Turo baki tayi gaba tace “Kin tabbata ba zaki sake ba?”
Dariya tayi tace “Wannan shagwab’a haka kamar ana gaban sheikh, to na tabbata ba zan kuma ba.”
Harara ta galla mata tace “A gaban carbi nake iyakar sheikh.”
Mik’ewa tayi zata shiga d’akinta dan yin wanka Asma’u tace “Dan Allah me kika dafa da zan iya ci ne? Yunwa fa nake ji.”
Juyowa tayi tace “Baki ci komai a gidanki ba?”
Girgiza kai tayi tace “Ban ci ba.”
Tab’e baki tayi tace “Ni ma kuma ban dafa ba, in zaki shiga madafar da kanki to.”
Girgiza kai Asma’u tayi tace “Naki salon karb’an bak’in kenan?”
Juyowa tayi tace “Ke ce bak’uwar? Ai nan gidan sirikarki ne, ko kin manta ne?”
Murmushi kawai tayi tace “Hummm!” Dan bata so su tado maganar data shafi ranar d’aurin aurensu ko kuma baya, d’aki ta shiga tayi wanka har Asma’u ta kai kayan data zo dasu d’akin da Mimi take, fitowa tayi ta shirya cikin doguwar rigar kanti mai kyau da d’an kwalin daya dace da ita.
Tana fitowa ta samu Asma’u zaune tace “Me kika dafa mana?”
Zaro ido tayi tace “Me na dafa? Me kuwa zan dafa daga zuwana?”
Tsaki tayi tace “Karki dafa d’in, shiga zanyi yanzu na had’a sauce na k’wai da doya, ko kallona kikayi ina ci Allah ya isa zan miki.”
Mik’ewa tayi ta bi bayanta tana fad’in “Tare zamu je ai ki dafa a gabana na gani, kinsan babu abinda nake da buk’atar k’warewa a kan shi yanzu kamar girki.”
Ba tace komai ba har suka shige madafar dan in zata iya tunawa tasan waye Asas a wannan fannin, yanda yake so matarshi ta zama yar kwalliya haka yake so ta zama gwanar girki, shiyasa ta dage a lokacin ta dinga koyon sababin kala na yan zamani, saidai kash ta auri old man da ta tabbatar tuwo ne cimar sa.😎
Mimi na fasa k’wai Asma’u na yanka albasa suka shiga hirarsu ta rayuwa, saidai dukansu babu wacce ta tab’o hirar bikinsu ko kuma mazansu kamar dai kowa da abinda yake b’oyewa a zuciyarshi, Mimi na cikin soya sauce d’in ta wayarta ta shiga kururuwa, jim tayi dan a take tayi tunanin shi ne, juyawa tayi ta koma falo inda ta bar wayar, tana dubawa sai ta ga lambar Hajia ce data saka mata lambar sanda suka dawo daga asibiti, d’auka tayi da ladabi tace “Assalama alaikum.”
Daga wajen Hajia ta amsa da “Wa’alaiki salam, Mimi.”
“Na’am.” Ta fad’a a sanyaye, d’orawa tayi da “Dama dan na fad’a miki ne gamu a asibiti har yanzu…”
Da sauri tace “Hajia lafiya? Jikin nata ne?”
Amsa mata tayi da “Lafiya lau Mimi, Hafsat dai gata ma har ta haihu.”
Da d’an k’arfi tace “Haihuwa kuma? Cikinta ya isa haihuwa dama?”
Da murmushi kamar tana gabanta tace “Bai isa haihuwa ba tunda ko wata bakwai bai shiga ba.”
Ajiyar zuciya ta sauke tace “Allah sarki, me aka samu?”
A raunane tace “D’iya ce gata can a kwalba an sakata dan bata kai haihuwa ba.”
Cike da tausayawa tace “Ayya! Allah ya rayata akan sunna, Hajia to kuna buk’atar abinci ne?”
Cike da jin dad’in karamcinta tace “Kinga kam kamar kinsan ina tunaanin yanda zamuyi.”
Da ‘yar fara’a tace “Shikenan Hajia dama nima yanzu kad’ai na shiga madafar, bari na k’arasa sai mu je mu kai muku.”
Da fara’a tace “Asma’u ta zo kenan?”
“E Hajia ta zo.” Taa fad’a kai tsaye, Hajia ce tace “To shikenan dreba yana nan idan kun kammala sai ku ce ya kawo nan asibitin sheikh.”
Jim ta d’anyi da tunanin dama yana da asibiti ne? Sai kuma ta tab’e baki tace “To Hajia.”
Da haka suka yanke kiran ta shiga da sauri madafar suka k’arasa aikinsu tare Asma’u, hibajinta zumbulele na wajen sheikh ta saka saidai duk da Asma’u tace “Ki d’aura nik’ab mana.”
Sai kuwa ta d’aga kafad’a tace “Na k’i d’in, idan ya dawo ki fad’a masa.”
Dariya tayi tace “Wahalar fad’a masa ma zanyi? Ai zai ji a jikinsa kuma zai matsi mutum wallahi a hannu.”
Sak’e tayi tana kallonta da alamar rashin yarda da kai tace “Me kike nufi? Ko dai shi ne ya fad’a miki?”
Dariya Asma’u tayi tace “Kin tsargu kenan? Ke ma ai kinsan ko gaisuwa da k’yar mukeyi bare magana irin wannan.”
Tab’e baki tayi suka fita a gidan indz Kabiru ya d’aukesu zuwa asibitin.
*Tunisie*
Zaune yake k’afa d’aya kan d’aya yana danna wayarshi jefi jefi kuma ya d’an kalli Asas dake kwance gadon duba marasa lafiya da likitan ke dubashi duk da a rufe wurin yake da labule, yana kuma jin tambayoyin da yake masa har da tambayar yana da aure? Yaushe yayi auren? Mayar da duban yayi kan waya yana son kiran Hafsat saidai kuma baya son shiga hakk’in likitan, aje wayar yayi tare da zubawa wani hoto dake bayan kujerar likita mai d’auke da sassan kayan cikin mutum, motsin daya ji yasa shi saurin kallon wurin, likitan ne ya zauna akan kujerarshi yana kallon Asas dake saka rigarshi, saida ya zo ya zauna kafin ya kalli sheikh.
Likitan ba wani babba bane dan sheikh ma zai iya yin k’ane dashi, cikin wani kwarjini da sheikh d’in ke masa ya sassauta muryarshi a harshen turanci yace ” Matsalar ta shi na ga ba kamar yanda nayi tunani ba, da nasan haka ciwon na shi yake da ban bari kuyi wahalar zuwa ba, a magani kawai zan d’orashi daga can ma.”
Gyara zama sheikh yayi cikin k’wamewa sosai yace “Ba wata matsala bace? Suma fa yake idan ciwon ya tashi, ya jima yana wahala.”
Murmushi yayi yace “A gaskiya abinda bincike na ya nuna min kenan, gashi har jininshi da aka d’iba da kuma scanin da aka masa duk ban ga wata matsala ba.”
A hankali sheikh ya kalli Asas shi ma kuma ya kalleshi, numfashi suka sauke a tare kafin likitan yace “Zan d’orashi a magani na kwana bakwai, na tabbata zai warke daga ciwon nan har abada, idan kuma bai samu lafiya ba to gaskiya saidai ku hak’ura da larurar nan.”
Kallonshi sheikh yayi yana jinjina al’amarin bayahude, wato ba zai ce a kaishi wurin wani ba yana ganin shi ne k’arshen k’warewa? Wata ma’aikaciyar lafiya ya kira wacce ita ta musu jagora zuwa d’akin da za’a kwantar da shi, kaya ta bashi ya canza na jinya kalar shud’i kafin ta fita, jim kad’an ta dawo tare da likitan da d’an haranti a hannunta d’auke da magani, suna kallo Asas dake zaune likitan ya b’alli magani yasa a k’aramin kofi mai kama da tangaran, maganin dake gari ne dandanan ya jik’a, sirynge yasa na allura ya daidaita daga bakin 5 cl ya zuk’a, mik’awa ma’aikaciyar yayi ta d’ora a faranti sannan ya mik’awa Asas na cikin kofin ya shanye, fita sukayi yana sake jadaddawa ma’aikaciyar da k’arfe 05:00 na yamma ta bashi sauran maganin, kuma ta kula haka zata dinga mishi zai dinga dubashi lokaci lokaci.
Suna fita kira ya shigo wayar sheikh, yana dubawa yaga Hajia sai bai d’auka ba dan yasan za’a ja kud’i sosai, saida ta tsinke sannan ya maida kira, a gaggauce ta d’auka a lokacin dan zasu tafi da Hafsat asibiti ne, yanda ya ji muryarta yasa shi saisaita nutsuwarshi yace “Hajiarmu, nutsu ku fad’a min abinda ke faruwa?”
Daidaita nutsuwarta ta tayi tace “Sheikh Hafsat ce ba lafiya, ina so na kaita asibiti ne.”
Lumshe ido yayi yana jin zuciyarshi ta canza bugawa, wani sanyi yaji jikinshi yayi lak’was kafin a raunane yace “Hajiarmu na damu akan cikin nan nata, ina yawan fad’a mata ta je asibiti sai ta ce to kawai, dan Allah Hajia a kaita asibiti a dubata.”
“To, to yanzu dama can zamu.” Ta fad’a alamar a gigice take, yana aje wayar Asas dake kallonshi yace “Lafiya? Me yake faruwa da Hafsy?”
Kamar zai fashe da kuka yace “Bata da lafiya, zasu kaita asibiti ne.”
Cike da tausayawa yace “Ayya! Allah bata lafiya.”
“Ameen.” Ya fad’a a hankali, mik’ewa yayi daga kujerar da yake zaune yace “Ni zan fita, kaga sun ce ba sai na zauna tare da kai ba, zasu kula da komai.”
Yar dariya Asas yayi yace “Salo ne ai na cin kud’in mutane.”
Hararenshi yayi yace “Kuma kaga salon ya min, tunda zai bani damar fita na je yawona.”
Waro ido yayi yace “Au! Dama wahala kake tunanin zakayi? Lallai ma zan fad’a ma Hajia.”
Tab’e baki yayi ya nufi hanyar fita, cike da zolaya Asas yace “Ashe dama da shirin shak’atawa ka zo shiyasa na ganka yau cikin k’ananan kaya.”
Girgiza kai yayi yana murmushi bai ce komai ba ya fice, yana rufo k’ofar wata tsohuwa na rik’e rigarshi ta fashe da kuka cikin harshen french take fad’in “Dr. Yarinyata zata mutu, muje ka duba ta.”
Galala yayi yana kallonta sannan ya kalli jikinshi daga k’asa har sama, bleue rigar daya saka shemise ya tank’wasa hannayen zuwa gwiwar hannu da bak’in wandon daya saka na lallausan yadi sai kuma bak’ak’en takalmi k’afa ciki su ne suka sakata kiranshi likita? Tab’e baki yayi tare da bin bayanta dan tuni taja rigarshi alamar dai a rud’e take, suna shiga d’akin na kusa da su takawa yayi har daf da gadon da matashiyar ke kwance kamar gawa, wani madanni ya danna hakan yasa ya d’anyi k’ara kad’an girrr! Ko minti d’aya ba’ayi ba sai ga ma’aikaciyar jinya ta shigo d’akin da farantin magani, yana ganin ta fara duba yarinyar kawai ya fice a d’akin yana fatan samun waraka ga kowa.
Bayan minti talatin yana zaune a wani k’aramin shagon shan coffee ya sake kiran Hajia, labarin haihuwar Hafsat kawai ta fad’a masa, da mamaki yace “Hajia ta haihu fa? Amma ai cikinta ko wata bakwai baiyi ba.”
Da fara’a tace “Ai kam dai ta haihu, saidai abinda aka haifa yana cikin kwalba.”
Lumshe ido yayi a sanyaye yace “Ya Manga take?”
Murmushi tayi tace “Lafiya k’alau take babu wata matsala, bacci dai take.”
A tausashe ya furta “Alhamdulillah ala kulli hal.”
*Niger*
Suna zuwa asibiti sun samu d’akin da take kusan a cike da mutane, haka kawai Mimi ta samu kanta da jin kunya da kuma jin dad’i data zo da wannan hijabin, ajiye kwanukan sukayi suka samu wuri suka zauna a kan tabarma inda su Aisha suke, tunda suka shigo ta kasa kallon Hafsat ta furta ko da kalmar a, kanta na sadde k’asa taji Hafsat tace “Mimi sannu da k’ok’ari, hada wahala haka?”
Da sauri ta kalleta, tun ranar kamu rabonta da ita, ta d’auka idan suka had’u zata shak’i wuyanta ne ta mata d’an banzan duka ai, sake sunkuyar da kanta tayi tana mirmushi mai d’auke da kunya tace “Ba komai aunty Hafsat, ya jikin?”
Da murmushi sosai a fuska tace “Jiki da sauk’i sosai.”
Daga haka basu sakewa juna magana ba, haka dangi suke ta kai da kawowa ana ta hira, Asma’u da Mimi kuma dake bak’i ne a cikinsu su dai suna saurarensu kawai, wani abun suyi dariya wani su murmusa, Mimi kuma kunya da takaici ke rufeta idan aka nunawa wasu ita aka ce ga matar sheikh, musamman da wata abokiyar wasa ta kalleta tace “Kai kai kai! Wannan ce sheikh ya kwasa, gaskiya yan mata karki yarda, ya za’a had’aki da tsohon gwangwani wanda ya kusa ritaya a duniya ma ba’a aiki ba, ke kika yarda? Lallai da ni ce ke saina nunashi da bakin wuk’a nace ya sakeni.”
Dariya wasu sukayi sai Hafsat da tace “Ke dai kina jin haushin rasa mijinmu da kikayi.”
Kallon Mimi tayi tace “Kinga Mimi kafin tayi aure ba irin asirin da batayi ba dan mijinmu ya aureta, da k’yar ta shafa masa lafiya har kotu aka shiga tsakaninsu.”
Dariya aka yi sai Hajia da tace “Yanzu *Karima* d’an nawa ne ma gwangwani? Kinsan fa da a gabansa kike ba zaki iya furta a ba.”
Cikin d’aga murya Karima tace “Hajia ai gaskiya na fad’a, shi ma tunda ya zama malamin duba ne ya asircemu indai muna gabansa bama iya d’aga kawunanmu mu kalleshi saboda cuta.”
Kallon Mimi tayi tace “Ke k’anwata bari in fad’a miki, yana dawo ki ce ya maida ke gidanku kinji, daga shi har Asas d’in banga wanda ya dace dake bâ tubarkallah dake, idan kuma kikayi wasa yana dawowa nan da wata tara bikin sunan d’anki ko d’iyarki zamu zo, kinga kenan dai kin tabbata a *matar tsoho*.”
Sunkuyar da kai ta sake yi inda Hafsat tayi murmushin yak’e sakamakon tunawa yanzu fa duk yanda suke da sheikh ko dan sauke hakk’in yarinyar nan sai yaje mata, sanyayyan numfashi kawai ta sauke aka ci gaba da hira ta raha da nishad’i har su Aisha suka zo ganin k’anwarsu bayan dawowarsu daga makaranta.
Bayan sallah la’asar Rakiya data kula da Hafsat ta shigo tana fad’in “Hajia zaku iya tafiya gida, ba wani abun yanzu insha’Allah.”
Take idon Hafsat suka kawo ruwa da tunanin tafiya da zatayi ta bar yarta anan, kallonta likitar tayi tace “Ayya madame! Kiyi hak’uri karki damu, ko ba yarinyarki bace ai zamu kula da ita saboda abinda sheikh ya d’aukemu muyi kenan, bare kuma ‘yar sheikh guda?”
Murya a raunane tace “Dan Allah yaushe zan iya zuwa ganinta to?”
Shiru ta d’anyi dan gaskiya ba dan tana ita ba a tsari da dokar asibitin nan da wata biyu da yarinyar zatayi ba zai wuce ta zo ta ganta sau uku ko kad’an da haka ba, amma dake ita ce sai tace “Madame zamu iya yi miki alfarmar zuwa ganinta sau uku a kowane wata.”
Da sauri Hafsat ta kalli su Hajia ta kalli Rakiya tace “Sau uku kawai? Amma kuma taya zan rayu nesa da ‘yata.”
Murmushi tayi tace “Karki damu madame, zata kasance cikin kulawarmu.”
Kamar zata fashe da kuka tace “To amma Rakiya ina so ‘yata tasha nono ko kad’an ne.”
Da fara’a tace “Wannan ba matsala bane madame, duk sanda kika zo ma idan kina so za’a iya tatsa mata nonon na ki sai a bata.”
D’an murmushi tayi ta jinjina kai alamar to, da haka ta mik’a musu katin maganin da za’a siya kafin ta fita, haka suma suka mik’e suna shirin tafiya, Hajia ce ta fara kallon Mimi tace “Mimi ku zaku wuce gida ke da Asma’u, idan kunje saiku d’ora abinda zaku ci ko? Zuwa dare zan dawo nima.”
Jinjina kai sukayi a tare kafin suka fita dukansu kowa yayi hanyar da zata sadashi da inda ya nufa.
Suna zuwa gida madafa suka shiga suka d’ora lafiyayyen girki da miyar hanta, Asma’u ma na taimaka mata saidai tana koya daga haka, suna kammalawa daf da magriba suka nufi d’akinsu dan yin alwala, wayarta ce tayi k’ara ta duba dan ganin mai kira, lambar sheikh ce ta bayyana hakan yasa gabanta fad’uwa, gyara tsayuwa tayi ta dafe k’ugu tace “Wai me tsohon nan yake nufi dani ne?”
D’auka tayi ta kara a kunne tace “Hello.”
Sautin muryarshi ta ji yana murmushi kafin yace “Assalama alaiki yan matan tsohonta?”
Numfashi ta sauke ta dafe k’ugu tace ” Ustaz, wai me yasa kake kirana yan matanka ne? Hakan fa da kake ba kyau ko kad’an, kaga dai ni yarinya ce har yanzu, idan kana min irin haka kunya nake ji wallahi.”
Yar dariya yayi ya gyara zamanshi sosai yana lumshe ido yana sauraren tab’ara yace “Allah ne ya wankeki ya bani duk da tsufana, kinga dole na kiraki yan matan tsoho, batun kunya kuma da kike fad’a wannan ki aje gefe, dan ina dawowa da kaina zai d’aukeki zuwa gidanki.”
Bud’e baki tayi tace “Lahhhh! To ni ai na fad’a maka bana son zama da kai ko, ya kake so na zauna da kai ne a takure?”
Numfashi ya sauke yace “Ba a takure zaki zauna ba, na miki alk’awarin zaki ji dad’in zama dani har ma ki so ni a zuciyarki.”
Kyab’e fuska tayi baki tab’e tace “Tabd’ijam, a hamsin ba biyu d’in?”
Shafa sumar kan shi yayi yana lumshe ido sosai yace “Ba hamsin ba biyu bane, nan da d’an lokaci da mun zama d’aya ni dake zai zama 48+17 kinga zasu zama 65, ni dake zamu zama yan shekaru d’aya.”
Shiru tayi dan kanta ya kulle da wannan lissafin daya mata, d’an sosa k’eya ta shiga yi na tunanin ya ne abun yake? Muryarshi ta ji yace “Yan matan tsoho, zan turo miki da lambar bud’ewa na asusun nan, na rok’eki Ryma ki ciri duk abinda kika da buk’ata amma karki rok’i wani kinji, kinga fa yanzu ke matata ce ko?”
K’yabta idonta tayi kafin tace “Me yasa kake tunanin zan rok’i wani to idan ka yarda ni matarka ce?”
Ajiyar zuciya ya sauke yayi shiru, kamar ba zai amsa ba sai kuma ya bud’i baki da k’yar yace ” *A tsorace nake Ryam, tsoro nake ji*.”
Da rashin bawa abun mahimmanci tace “Tsoron me?”
Murya k’asan mak’oshi yace “Tsoron kar wani ya sake shiga *gonata, hurumi na*.”
Gyara tsayuwarta tayi cike da k’uruciya da rashin hankali ta bud’e baki ta fashe da kuka tace “…
*Alhamdulillah*👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨
*MATAR MUTUM*
_(K’abarinsa)_
👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨
*NA*
_SAMIRA HAROUNA_
*SADAUKARWA*
_GA DUKA_
*’YAN AMANA TA*
💫✨ *TAURARIN MARUBUTAN NIGER (ASSO.)*🌟
_(Tsintsiya mad’aurinki d’aya)_🤝
☆ *[ T.M.N.A]* ☆ 📖🖊️
https://www.facebook.com/Taurari-marubutan-niger-111773560677003/
_Bismillahir rahamanir rahim_
*38*
Gyara tsayuwa tayi cike da k’uruciya da rashin hankali ta bud’e baki ta fashe da kuka tace “Ni d’in dama taxi ko wata katifa ka mayar dani, Allah zan fad’awa Abba na ce kawai kallon taxi kake min.”
A rikice kuma a rud’e ya mik’e tsaye daga zaunen da yake yana fad’in “Ba fa haka nace ba Ryam, nufi na ta wa gonar, ni kad’ai.”
Dakatawa tayi dan dama kukan ba hawaye ne da shi ta shiga sharewa tana turo baki tana fad’in “To naji, kuma ai kai ma nasan ba zaka maidani gonarka ba ko? Tunda ai kaga ni kamar y’arka ce bani da wayo.”
Wani murmushi ya saki mai sauti yana girgiza kai ya koma ya zauna a k’asan mak’oshi yace “Um.”
Cikin shagwab’a tace “To zanyi sallah.”
A ladabce yace “Ki min addu’a kinji yan matana.”
Kamar wata sakarya sai kuwa tace “Me zan rok’a maka?”
Cike da jin dad’i yace “Na dawo lafiya na sameku cikin k’oshin lafiya, sannan ki rok’a min Allah ya bani nasara a kan ki.”
Bud’e baki tayi tace “Kai! So kake ka cuceni?”
Murmushi yayi yana jin a ran shi “Oh Allah.” Kafin a zahiri yace “Ba zan cutar dake ba.”
“To me zaka min.” Ta fad’a tana turo baki, cikin raha yace “Kawai ina so ne idan kin tare gidana na mayar dake yar lelena, autar gidana, shagwab’ab’iyata, rigimammiyata, rikicina kuma sarauniyar kukana.”
Kyab’e fuska tayi tana d’an zama bakin gadon tace “Duk ni ce ma mai wannan halin? Shikenan Allah dai yana gani.”
Cikin rarrashi yace “Oh ba haka nake nufi ba, ina so ne na mayar dake kamar wata sarauniya, na dinga miki wanka ina baki abinci sannan kiyi bacci idan kin gama kukan jin dad’i.”
Rufe fuska tayi saboda jin kunya tace “Da gaske?”
Cikin gasgata yarintarta tace “Da gaske.” Jinjina kai tayi tace “To amma ai ba’a wanka sai an cire kaya, kana nufin saina tsaya a gabanka babu kaya?”
Me sheikh zai yi sai ya tintsire da dariya yana dafe goshi, jin yana dariya sai kawai ta murgud’a baki ta daste kiran ta aje wayar ta mik’e, jin ta kashe yasa shi kallon wayar da mamakin wai kashe mishi waya tayi? Girgiza kai yayi yana sakin wani murmushin.
Har suka ci abinci wajen k’arfe 09:00 na dare sannan Hajia ta dawo, sannu suka mata kafin Mimi tace “Hajia a kawo miki abinci ne?”
Cike da gajiya tace “A’a Mimi barshi, mun ci abinci a can, wanka zanyi yanzu na samu kwanta.”
D’an murmushi tayi kafin ta mik’e tana d’aukar jakarta da hijab zata shiga d’aki tace “Idan kunyi waya daa sheikh ki nemi izininshi gobe sai kuje can ku wuni ko?”
Cike da kunya ta jinjina kan ta alamar to, suna kallo ta shige kafin Mimi ta gyara zama daga d’an durk’usawar da tayi tana kallon Salamatu, yanda ita ma take kallonta yasa Mimi had’e fuska tace “Na zubo miki tuwon ne?”
Tab’e baki tayi ta wuce na ta d’akin ita ma dan a nan take kwana, tsaki Mimi tayi tana binta da harara, dariya Asma’u tayi tace “Ke kuma me ya had’aki da tsohuwar mutane?”
Tab’e baki tayi tace “Hum! Bata da kirki da kike ganinta.” Nan ta kwashe komai ta fad’a mata daya faru wanda ya jawo silar rashin shirinsu, Asma’u dai dariya take sosai.
*00:10*
Mimi na bacci ta ji wayarta na vibration, daddab’ata Asma’u tayi ta farka tana d’aukar wayar, kallon Asma’u tayi da ita ma wayarta mak’ale a kunne da alama da na ta mijin take waya, sake kallon wayar tayi tana danna ok tana fad’in “A wannan lokacin kike wani waya da miji ke jarababbiya, mtsss!”
Tsakin da tayi yasa shi lumshe ido can k’asan mak’oshi yace “Shiyasa nake son ki yan matana, ke ba jarababbiya bace, ko?”
Yanda ya tambayeta yasa saurin cewa “E mana.” Ta k’arashe tana hararen Asma’u, kamar wata mai iskokai sai cewa tayi “Yawwa sheikh, Hajia tace gobe zamu je gidanka wajen aunty Hafsat.”
Jim yayi yana d’orawa da tantancewa hak’ik’anin me yake ji a kan yarinyar, shirme dai take tabka mishi na gaske, amma sai ya ji ranshi bai b’ace ba, idan kuma ya b’ace na wucen gadi ne komai zai wuce. Asma’u ma kallonta tayi dan wallahi ita tasan da gangan Mimi ta maida kanta kamar wata sakara idan tana gaban sheikh, ai ba haka take ba a da, yarinyar mai ajin tsiya wani zubin ma har da d’aukar kai, amma yanzu ta zama wata mai ido a tsakar ka.
A saanyaye sheikh yace “To fitar d’azu da kukayi da izinin wa aka yi?”
Kan ta tsaye tace “Ai Hajia ce tace muje.”
A hankali yace “Kenan Hajia tana bada izini ne?”
A sangarce tace “To kayi hak’uri dai yanzu amma ka barmu mu tafi gobe.”
Cike da baccin dake idonshi yace “Shikenan, Allah ya kiyaye hanya.”
Kamar wacce aka kad’awa da hanji sai kawai tace “To saida safe.”
Da sauri yace “Baki ji ba.” Dakatawa tayi tace “Uhum.” Kamar zaiyi bacci yace “Bacci nake ji, dan Allah ki min addu’a.”
Da mamaki murya a sanyaye tace “Addu’a kuma? Kamar ya?”
Saida ya sauke numfashi yace “Na saba idan ina cikin iyalina na kanyi musu addu’a idan sunyi bacci, yau kuma da bana tare dasu sai naji ina sha’awar nima a yi min, Hafsana ta jima da yin bacci bare tayi min.”
Maganarshi ta k’arshe ce tasa ta jin wani irin duka da k’arfin gaske a zuciyarta, shirun da dukansu sukayi yasa ta jin idonta taf da hawaye, lumshe ido tayi murya na rawa tace “Abdul zuciyata rawa take, bana jin dad’i kaji, ban da lafiya yanzu bacci zanyi.”
Shiru yayi yana saurare da karantar yanayin muryarta, a sauk’ak’e yace “Shikenan rik’e waya zan tofa miki addu’a.”
Wayar na kunnenta ta ji yana karanta mata addu’ar bacci, yana kammalawa cikin muryar rad’a yace “Saida safe yan matan tsohonta, kiyi bacci lafiya, ina k’aunarki.”
K’it! Ya kashe kiran yana k’urawa wayar ido, maganarshi ta k’arshe da maganarta ta k’arshe ya shiga d’orawa a mizani yana san yasan me ya jawo mata rashin lafiyar data fad’a a nan take? Da wannan har ya yi addu’ar bacci ya gyara kwanciyar kafin ya tashi anjima ya gana da mahaliccinsa.
*03:00* daidai goshinsa na k’asa yayi sujada ga ubangiji yana fad’a masa buk’atunsa idonshi na zubar da ruwa, cikin k’ank’anr da kai da kadnaita Allah da mayar da kai ba kowa ba yake kuka yana fad’in “Ya Allah ka gafarta min zunubaina, ni mai laifi ne a gareka Allah ina tuba a duka kurakuraina dana sani da wanda ban sani ba, Allah ka yafe min zunubaina, Allah nagode abisa ni’imominka gareni, Allah nagode da ni’imarka gareni, buwayarka mafi d’aukaka, izzar mulkinka mafi guda, tsarkakar mulkinka wanzanjiya, kyautarka mafi anfanuwa, Allah ina k’ara gode maka. Allah ka shirya min yarana shiri irin na addinin musulunci, Allah ka shirya min kan iyalina su zama mafiya kyawan alak’ar zumunci, Allah ka raya min *Khadija* ka inganta lafiyarta, Allah ka bawa mahaifiyarta lafiyar shayar da ita, Allah ka bata juriya da ikon tarbiyar yaran. Ryam! Allah ka fini sanin sirrin dake cikin tarayyata da ita, bansan komai ba Allah face ilimin daka yarje min na sani a bayyane, ina k’ara neman zab’inka akan lamarina da ita, idan har alkairi ce a gareni Allah ya ka dawwamar da alak’armu tare da saka mana fahimtar junanmu, idan kuma akasin hakane Allah ka gaggauta yin nesa da ita dani da kuma ahalina, Allah na rok’eka da zuciya d’aya inhar Ryam ba alkairina bace duk son da nake mata Allah ka cire min ita a zuciya sannan ka nesanta ta dani da iyalina na har abada. Idan kuma aurena da ita yana nufin koya min darasi akan kalamaina da suke nuna k’yamar mace mai biyar maza ne, Allah gani a gabanka kaina k’asa, ka fini sanin abinda ke cikin zuciyata, idan har tubana na gaskiya ne Allah ka shirya min yarinyar nan ka d’auke idonta da hankalinta daga kowane namiji bayan ni mijinta, Allah na rok’eka inhar tubana na gaskiya Allah ka saka farin ciki a rayuwata data iyalina, astagfirullah, astagfirullah, astagfirullah-alzeem, astagfirullah wa’atubu ilaikh.”
D’agowa yayi hawaye na ci gaba da zarya a fuskarshi, sunkuyar da kai yayi tsabar k’ask’antar da kai yana tahiya kafin ya yi add’u’oin bayan tahiya ya sallame, jim ya d’anyi kafin ya d’aga kanshi ya kalli gabanshi, wata k’akk’arfar ajiyar zuciya ya sauke, cikin muryar data sha kuka a shak’e yace “Nayi alk’awari tsakani na da ubangijina, Allah kaine shaidata kan alk’awarin nan da zan d’auka a yanzu, *Ryam ta riga da ta zama matata, nayi alk’awarin tsare mutumcinta da k’arfina, sannan nayi alk’awarin rik’eta abisa gaskiya da amana, nayi alk’awari ba zan tab’a k’yamarta ba saboda laifin data aikata a baya, nayi alk’awarin ba zan gujeta ba haka kuma ba zan tab’a fallasa sirrinta*, Allah na rok’eka idan har wannan nayi shi ne saboda kai ina fatan zan samu sakamako na a wajenka kamar yanda kayi alk’awarin kyakyawan biya ga ma’abota kyauta da kyautatawa.”
Wata ajiyar zuciyar ya sake sauke yana jin wata nutsuwa na ratsashi a sanyaye, gyara zama yayi ya tokare k’afarshi d’aya ya fara zikhri da hannayenshi, bai gushe a wurin ba saida wayarshi ta alamta mishi k’arfe 05:00 kafin ya mik’e ya kabbara sallah subh dan a nan ba masallaci zai ji ba.
*Niger*
Masha’Allah kam Mimi dake akwai wayewa da kuma kunya, tuni ta sake a cikin gidan dan kuwa ita da Asma’u da Fanna cousine d’in su Hafsat sukayi girki na rana dana dare, sosai ta saki jikinta saidai bai hanata kama jikinta ba, dan ko abun dariya akayi zata murmusa, aiki dai nai zata mik’e ta taimaka ko ba’a nemeta ba, yamma nayi ita da Asma’u suka gyara falon tsaf sukayi turaren wuta dana tsintsiya dan sun fahimci a fannin tsafta dai kam Hafsat bata da tsara, dan in maganar gaskiya za’ayi to Mimi zata iya cewa gabanta ya girgiza sanda ta shiga d’akinta ta samu ko ina k’al-k’al kamar ba mutum ke rayuwa a nan ba, amma dake ita d’in yar sa kai uku ce sai ta yatsina fuska ta nuna inhar zasu zauna a matsayin kishiyoyi to zata zauna da ita kuma zata iya ita ma.
Sun idar da sallah magriba tana zaune a falon tare da Munzeer da Aswan kasancewar akwai d’akin da aka ware ana shiga ayi sallah, Hafsat ne gefe zaune akan katifa tana waya k’asa k’asa tana murmushi da alama da sheikh suke magana, Mimi kam da bata damu ba ma remonte ne a hannunta tana ta canza tasha (🤣Baiwar Allah mbc take nema), kallon Munzeer tayi dake kan k’afarta tana murmushi tace “D’an tanti, wai ku baku da wasu tasha ne bayan wannan?”
Cikin maganarshi ta yara yace “E aunty, duka wannan ne kawai.”
Aswan dake jinsu ne yace “Auntynmu ai idan nishad’i kike so saidai in kin fita mak’wabta.”
Harara Hafsat ta cilla mishi daga nesa hakan shi mik’ewa ya fita waje, Mimi kam aje remonte d’in tana ji a ranta ai ba nishad’i babu mbc, fitowar Asma’u yasa ta fad’in “Asma’u mu wuce gida ko?”
Hafsat dake jinsu d’an d’auke wayar tayi a kunne tace “Ku tafi kamar ya? Tun yanzu?”
Cikin jin kunya tace “E aunty, naga dare ya fara ai.”
Girgiza kai tayi tace “Ba yanzu ba gaskiya, to ke Mimi me zai hana kiyi zamanki ma kawai tunda gidanki ne?”
Da sauri ta kalleta sai kuma ta sunkuyar da kanta, murmushi Hafsat tayi ta d’ora wayar a kunne, duk da ya ji me take fad’a kuma yaji kamar yace “E hakane Manga, ki matsa mata ta zauna dana dawo ba sai na wahala d’aukota ba.”
Amma kuma sai ya nuna kamar ma bai ji ba suka d’ora a inda suka tsaya, fitowar Hajia ne tasa su shiryawa suka d’auki hanyar gida tare da Kabiru dreba.
Suna hanyarsu ta komawa gida Mimi ke fad’in “Wai ita matar nan bata kishina ne? Sai tayi ta abu kamar ba mace ba.”
Murmushi Asma’u tayi tace “Hankalin data nuna ne baiyi kama da d’abi’ar mace ba? Ko kuma dai iliminta da take anfani dashi ne ya zama illa?”
Tab’e baki tayi tace “Ke maganar gaskiya idan ni ce ita ko yaya sai nayi kishin mijina, haba ai ko d’an tayar masa da hankali sai nayi ko da nayi masa kuka ne na kwana bakwai.”
Dariya Asma’u tayi tace “Ke sarauniyar kuka ba?”
Kallonta tayi dan a take ta tuna mata da shi, rabonta da shi dai tunda safe da zasu zo gidan sukayi waya, a sanyaye ta furta “Ko me yake?”
Sai kula tayi saurin yin k’yaci tace “Ina ruwana ma.” Kamar kuwa yasan me take yi yana kuma son k’aryata ta sai kuwa kiran wayarshi ya shigo, tana ganin lambar kuma sai tayi d’an murmushi, dama tun fil’azal kiransa bata gagara d’aukarshi, dan haka yanzu ma da sauri ta d’auka, shiru tayi har saida ya furta “Ina fatan kina cikin aminci?”
D’an satar kallon Asma’u tayi kafin ta matse bakinta tace “Lafiya lau.”
Murmushi yayi jin tayi shiru yace “Har kun tafi kenan?”
“Um.” Ta fad’a shi ma a tak’aice, ba tare daya gaji ba yace “Me yasa kika k’i zama a gidanki? Kinga fa da ina nan da tun jiya kika tare.”
Tsam tayi sai kuma tace “Kamar wata yar beby? Kuma ma ai ni ba yanzu zan tare ba.”
A take yace “Sai yaushe kenan?” Cike da lalata tace “Sai na k’ara girma.”
Wani malalacin murmushi yayi yace “A gidan Hajia zaki zauna kuma?”
A hankali tace “Me yasa ka tambaya?” A zuciyarshi cewa yayi “Saboda na ji a inda zaki min rainon cikina mana.”
A zahiri kuma sai yace “Saboda nasan inda zan dinga aika miki madara.”
Yatsina baki tayi tace “Ni bana shan kowace irin madara sai lacstar.”
Da wani shak’iyin murmushi a fuskarshi yace “Ni ma ita nake nufi.”
A wani d’arare yace “Ryam.”
A sanyaye tace “Na’am.”
Cikin muryar saukar da kasala yace “Zan sa Hajia ta fara miki shirin tariyarki, ina so ranar da zan dawo garin nan ki tare a d’akinki.”
Baki sake tace “Yaushe kenan?”
Cikin muryar rad’a yace “Insha’Allah ina sa ran zamu dawo ranar laraba, dan maganin da aka d’ora Asas talata zai k’are, laraba mu kuma zamu juyo.”
Waro ido tayi tace “Ana gobe bikin aunty Hafsat fa kenan?”
Yar dariya yayi yace “Yan matan tsohonta kenan, ban da abinki yarinyar dake cikin kwalba a asibiti ne za’a wa biki? Kuma ni ai a tsarina ba’a min wannan bidi’ar, ana zanawa yaro suna ne ranar da yayi bakwai sai yan uwa da akan gayyata a ci abinci dan godiya ga Allah, sannan a lissafinki ya nuna a al’adance kike lissafi shiyasa kike tunanin ranar alhamis ne sunan.”
A girmame ta furta “Tabbd’!” Baya biki fa? To yanzu da yake son ta zauna da shi idan ta haihu shikenan ba zatayi biki ba? Cikin rashin fahimta tace “Yanzu nan shikenan ba za’ayi biki ba ayi shagali? To yaushe ne sunan ya kama?”
Cikin sakin murmushi yace “Ranar laraba, idan kika k’idaya kwanakin zaki ga a ranar ne bakwai.”
Shiru tayi ta ma rasa me zata fad’a, jin haka sai kawai yace “Katin dana bar miki na ga har yanzu bakiyi aiki dashi ba, ai ya kamata ke ma ki bawa Khadija wata kyauta ko?”
A sanyaye jiki a mace tace “Zan yi, sai gobe insha’Allah.”
Cike da rarrashi yace “Ryam, dan Allah idan zaki tafi karki manta da hijabanki manya da kuma nik’abi kinji, sannan karki jima ki dawo gida ki huta.”
“To.” Ta fad’a a hankali, da haka sukayi sallama ta aje wayar kan cinya tana kallon Asma’u tare da labarta mata abinda ya faru, dariya Asma’u tayi haka ma Kabiru dake tuk’i murmushi yayi yana jinjina lamarin wannan sabuwar sirika ta gidan yar gayu kuma da alama ma yar casu ne.
Washe gari tsaf suka shirya ita da Asma’u zasu je banki, Hajia dai da addu’a ta rakasu dan tasan da mijinta bai bud’e mata bakin aljihu ba me zai kawo maganar zuwa banki, Kabiru ne ya kaisu kuma basu jima ba dan tana nuna katin wa wani ma’aikaci aka shiga girmamata alamar sani, saida ta d’ibo kud’in sai kuma ta kalli Asma’u ta fashe da dariya tace “To wai me zanyi da kud’in nan ma?”
Tab’e baki Asma’u tayi tace “Kud’i ana rasa abunyi ne dasu dama?”
Rik’e hannunta tayi suka nufi mota tana fad’in “Muje zanyi tunanin abun yi.”
Bin ta tayi tana fad’in “Allah yasa dai ba a leshe da atamfa zasu k’are ba.”
Dariya tayi tace “A’a zan san me zanyi kedai, ba mijinki zai dawo ba?”
Mota suka shiga Asma’u na fad’in “Me ya shafi kud’inki da shi kuma?”
“Zaki gani kedai.” Ta fad’a suna barin wurin, daga nan gidan Hafsat ya ajesu dan yau ma nan zasu wuni, suna zuwa sun samu Hafsat dake zaune tana magana da Salamatu tana fad’in “Baaba Salamatu ki fara d’ora min su na fi so na yi anfani dasu anjima.”
Juyawa tayi zata shiga madafa tace “To bari na wanke su sai a d’ora silalarsu.”
Da ladabi Mimi tace “Aunty Hafsat me za’a d’ora ne?”
Da fara’a tace “Hanji ne na ke son romonsu, ita kuma da tana so ta fara da girkin rana.”
Mik’ewa tayi tana cire zumbulelen hijab d’in tace “Bari na d’ora miki to.”
Asma’u ma mik’ewa tayi tana fad’in “Bari ni saina kama ma Salamatu girkin to.”
Da jin dad’i tace “Ba kwa gajiya da aiki, to sannunku.” Wucewa sukayi madafar suka shiga aiki gadan gadan.
Sanda ta gama silala ganin ta juye ruwan silalar zata zubar yasa Salamatu saurin fad’in “Ke ke! Baki da hankali ne zaki zubar? Ko dai baki san miye silala ba?”
Numfashi ta sauke ko kallonta ba tayi ba ta juye ruwan ta zubar, Asma’u ma kallonta take saidai tasan akwai dalilin da yasa tayi haka, saida ta tsane hanjin kafin a tsanake ta shiga soya miyarta da kayan miya masu yawa, sanda ta gama girkinta tsaf ta zubawa Hafsat a kula mai kyau ta kai mata falo, dawowa tayi ta zuba a k’aramin plate ta bâ wa Salamatu tace “Iya ne sunanki ko Baaba? Ki d’and’ana ki ji kiga kalar dahuwarki ce, a ido kawai zaki tabbatar da banbanci.”
Tana fad’a ta fito daga madafar, cikin sakin fuska ta kalli Hafsat tace “Aunty ko na zuba miki ne?”
Da fara’a tace “Da kin barshi ma ai.”
Mik’ewa tayi ta d’an zauna bakin katifar ta shiga zuba mata, mik’a mata tayi kafin ta koma kan kujerar, Hafsat na kai lomar hanta bakinta ta kalli Mimi ba tare da bak’in ciki ba tace “Mimi dahuwar nan ta min dad’i, kinga kuwa miyar batayi irin kaurin nan ba wani har kaga yana tayar ma da zuciya.”
Murmushi kawai tayi ba tace komai ba, sosai Hafsat ta ci naman nan kamar zata tsinka harshenta, saida ta kammala tasha ruwa tace “Wannan a ranar da sheikh zai dawo zaki girki masa wannan, dan mutum ne shi mai son miyar hanji sosai.”
Dariya ita dai kawai tayi ba tayi magana ba sai a zuciyarta da take fad’in “Sheikh d’inki dai, zaki dafa masa ne yarinya in kuma ba haka ba to yunwa zata kamashi.”
Ko da k’arfe 01:00 tayi su Asma’u ma suka gama girkinsu suka cire ma kowa na shi, lokacin Mimi ta shiga sallah a d’akin da aka ware bak’i na sallah Mamanta ta zo gidan yin barka tare da Shapi’a da Sahura.
Asma’u ce ta karb’esu inda Hafsat ma ta shiga girmamasu ta nuna musu murnarta a fili, Mimi na fitowa ta gama sallah ganinsu yasa ta k’arasowa da farin ciki tana fad’in “Mama, aunty.”
Tana zuwa bata zauna akan kujera ba k’asan carpet ta zauna tana rik’e hijabin Mama tana fad’in “Mama yanzu kuka shigo? Me yasa baku fad’a min zaku zo ba? Mama ina su Yaseen? Ina Abba na Mama?”
Mama sunkuyar da kai tayi cike da kunya dan ita Mimi ma kunya ta bata sosai, ganin ba zata amsa ta ba yasa ta kallon su Shapi’a tace “Aunty Ina wuninku?”
Da fara’a suka amsa mata suka gaisa sosai, Hafsat ce tace “Mimi ki kawo musu abinci ko?”
Mik’ewa tayi zata tafi su Sahura tace “A’a Mimi barshi, saida mukayi abinci a gidan kafin muka taho.”
Duk yanda Mimi ta so matsa musu su ci abincin k’iyawa sukayi saboda dattako, basu fi minti ashirin ba suka mik’e zasu tafi, cikin kukaan shagwab’a ta bi bayansu dan rakiya Mama na fad’in sa ta ci uwata idan tana mata shiriritar nan, saida suka kai farfajiyar Shapi’a ta mik’a mata wani dogon bidon da zuma a ciki tace “Yar albarka karb’i tsaraba kinji ki sha abarki.”
Karb’a tayi tana kallon robar Mama tace “To dan hauka ki shiga da shi a haka sai kin nunawa kowa sirrinki.”
Dariya tayi murya k’asa k’asa tana fad’in “Wai nan su fa tsuma ni suke saboda tsohon nan, ko me ya fad’a musu zai iya?”
Sahura ce tace “Magana kike?”
Da sauri tace “A’a ban ce komai ba.” Rakasu tayi suka fita tana jin kewarsu kamar ta bi su.”
Tana dawowa kuma Hafsat da kallon birgewa ta bi ta dan yanda suka mik’e suna tafiya daga yanda take bin bayan iyayenta tana risinawa zai nuna maka tana girmamasu ne bata son ta fi su tsayi.
*Alhamdulillah*👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨
*MATAR MUTUM*
_(K’abarinsa)_
👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨
*NA*
_SAMIRA HAROUNA_
*SADAUKARWA*
_GA DUKA_
*’YAN AMANA TA*
💫✨ *TAURARIN MARUBUTAN NIGER (ASSO.)*🌟
_(Tsintsiya mad’aurinki d’aya)_🤝
☆ *[ T.M.N.A]* ☆ 📖🖊️
https://www.facebook.com/Taurari-marubutan-niger-111773560677003/
_Bismillahir rahamanir rahim_
*39*
Da dare suna komawa gida saida sukayi shirin kwanciya ta samu zumar nan saboda kwad’ayi tayi ta sha duk da ana jin d’and’anon magani, saida ta ji cikinta ya fara k’ullewa kamar zai mata ciwo ta mik’awa Asma’u tace “Sha ke ma.”
Murmushi tayi ta karb’a tana fad’in “Sai yanzu kika da damar bani saboda kina so ki nuna min ke babban Alaji gareki.”
Duka ta kai mata tana dariya tace “Shegiya Asma’u, ke ni me zaanyi da wannan d’an uwan naku, wanda ya haifi kamata?”
Murmushi ta sake yi tace “Ke dai kika sani.”
Har suka kwanta cikinta na k’ulle mata daga baya sai taji har mararta ma wani ciwo ciwo take mata,da haka dai bacci ya d’auketa dan abun ba wani mai tsanani bane.
Kullum hakane ke faruwa Mimi da Asma’u sukan wuni gidan Hafsat ne suna kama aiki, kuma duk da ba taron biki ake ba amma lokacin na matsowa sai aka shiga yin lalle da kitso wasu ma har da d’inki kamar Hafsat da Aisha da sauran yaran.
A gefe guda kuma an gama shirin tariyar Mimi lokaci kawai ake jira, ranar da su aunty Shapi’a suka zo kamar yanda Hajia ta buk’ata dan ganin b’angaren da sheikh ya ware mata da kuma kayan da aka zuba mata bata zo gidan ba sai Asma’u kawai, masha’Allah abun ya birgesu tare da neman zautar dasu, tunaninsu bai wuce yanda yake babban malami ba amma ya daki dukiya haka kamar zatayi kuka, kaya ya mata na kece raini aka cika mata falonta da kuma d’aki biyu.
*Ranar talata*
Cikin tsantsar farin ciki da murmushi d’auke a fuska sheikh ya mik’awa likitan hannu bayan sun gama biyan duk cajin da aka musu yana fad’in “Alhamdulillah, naji dad’i sosai likita, Allah ya saka maka da alkairi, munyi farin ciki sosai.”
Shi ma da fara’a yace “Ba komai, wannan aiki na ne dama, d’an uwanka ya samu lafiya kenan.”
Kallon Asas sukayi dake ta murmushi shi ma cikin zolaya likitan yace “Idan ka ga yayi ciwon cikin nan mai tsanani, ina tabbatar maka fad’a yayi da madame ta daina kulasa a shinfid’a.”
Dariya sukayi shi kuma ya sunkuyar da kai yana murmushi, mik’ewa sukayi suna musabaha kafin sukayi sallama suka fito a ofishin, suna fitowa daga asibitin sheikh ya tari taxi ya kalli Asas yace “Kai kaje masauki ni zan je na ciro mana ticket na komawa gobe insha’Allah.”
Zaro ido Asas yayi yace “Da wuri haka? Na warken ma ba zaka barni na d’anyi yawon bud’a ido ba.”
Tab’e baki yayi yace “Kana da damar da zaka tsaya bud’a ido amma fa ba tare dani ba.”
Murmushin shak’iyanci Asas yayi yace “Sheikh dai na ganoka so kake ka koma wajen matanka ba.”
Hararenshi yayi yace “To kaga laifina ne? Mace biyu kamar d’aya ce aka fad’a ma? Sannan karka manta har amarya gareni fa.”
Tsuke baki yayi yana shiga taxin yace “Dad’inta dai nima amaryar gareni.”
Murmushi kawai yayi shi ya samu wata taxin zuwa filin jirgi dan kam yayi niyya gobe saiya bar k’asar nan dan bayan iyalinshi da yake son had’uwa dasu akwai abubuwa da dama yake so yaje ya d’ora a inda ya tsaya.
*Ranar laraba*
A masallacin aka zanawa Khadija sunanta, sai jibgegiyar sa da aka yanka yan uwa aka shiga sarrafata, duk da ana cewa ba’a biki amma fa dangi an ci kwalliya har mai jego kan ta, sannan mmak’wabta da yan uwa sun cika falo da farfajiya.
Mimi kam tare da Asma’u da su Aisha da Fanna suka je salon aka musu kwalliya, yau kam Fanna duk wayewarta da k’aryar kud’in saita shafawa Mimi lafiya, ba wai kyan da tayi ko tsarin shigarta ba, yanda take kashe tsayuwa ta d’auki hoto su kansu har tana nuna musu yanda zasuyi sai ta jinjina mata. Saida suka gama shirmen hotunansu kafin suka kama aikin da mutane keyi.
*06:00* daidai suka sake gyara shirinsu bayan sunyi wanka Mimi ta sake cab’a kwalliyarta, suna tsaka da shirin Hajia ta shigo d’akin Aisha tana fad’in “Aisho zo mana na aikeki.”
Yatsina fuska tayi tace “Kaji tsohuwar nan kuma, ina zaki aikeni.”
Dak’uwa ta mata tace “Uwaki, sauri ake mana ki zo, gidan Hajia Kubra zan aikeki ga Kabiru nan na jiranki.”
Cikin shagwab’a tace “Hajia Kubra kuma? Ba yaanzu ta tafi daga nan ba.”
Dak’uwa ta sake mata tace “Uwaki Aisha, dan Allah ta so mantuwa tayi kuma abu mai mahimmanci.”
Mik’ewa tayi tana turo baki tace “Ni faa ko gidan data koma ban sani ba.”
Jim ta d’anyi kafin ta kalli Mimi tace “Mimi ai kinsan gidan Hajia Kubra ko?”
D’aga kai tayi a hankali tace “E, amma ban tab’a zuwa ba.”
Cikin rarrashi tace “Yawwa yar albarka to tashi rakata dan Allah.”
Jinjina kai tayi sai Fanna da ita ma tace “To muje tare ko?”
Kallonta Hajia tayi tace “Ba komai kuje, amma kuyi sauri kafin magriba ku dawo.”
Mik’ewa sukayi duk suna gyara mayafensu har Aisha da ba sabonta bane, dan mayafin ma na Fanna ne ta bata ta saka, suna zuwa suka shiga Kabiru ya d’auki hanya da su, hirarsu suke sha sosai har suka isa unguwarsu Mimi a gidan Hajia Kubra, Aisha ce kawai ta fita da ledar a hannunta ta shiga, tana fitowa ba jimawa suka juyo, yanda aka bi ta k’ofar gidansu Mimi yasa Mimi kallon Kabiru tace “Dan Allah Kabiru ka tsaya na shiga na ga gidanmu, wallahi kuka zanyi idan ka wuce.”
Tsayawa yayi inda suka shiga mata dariya, dukansu suka fita sai Asma’u da ita ma ta nufi gidansu tana fad’in “Nima bari na ga namu gidan to.”
Shigewa duk sukayi saidai Aisha ta bi Asma’u ne Fanna kuma Mimi.
Yanda Mama ke kallonta da mamaki da kuma Abba dake alwala yas ta saurin duk’awa k’asa tace “Abba, mama ina wuninku.
Abba ne yace ” Ke uwata daga gidan uban wa kike ana shirin magriba?”
Mama ce tace “Ina ce ma yau ne bikin gidanku? Halan sato hanya kika yi ba wanda ya sani?”
Zunbur Abba ya mik’e yana d’aukar takalminshi da fad’in “Ai kuwa zan ci ubanta a gidan nan, sheikh d’in zaki wa satar hanya?”
Bata motsa daga inda take ba tasa kukan shagwab’a tana rik’o hannun Fanna da ita ma take durk’ushe tana ta kallonsu tace “Wallahi Abba ba satar hanya nayi ba, Hajia ce ta aiko mu gidan Hajia Kubra.”
A zabure yace “Wacece hakanan kuma?”
Nuna mishi k’ofa tayi tace “Abba Hajiar data dawo nan gaban gidansu Bello.”
Mama ce tace “To kuma sai tace ki zo nan? Yaushe ma aka yi aurenki da zaki zo gidan?”
Cikin tsawa Abba yace “Ke tashi ki koma gidanki.”
Sai lokacin Fanna tace “Ina wuninku?”
A tare Abba da Mama suka amsa cikin fara’a, Yaseen ne ya fito daga ban d’aki yana ganinta ya k’araso da murna yana kiran “Mimi ke ce? Lahhh!”
Rik’e hannunshi tayi tace “Yaseen kana lafiya? Shi ne baka jé ka ganni ba ko?”
Dariya yayi yace “Mama ce ta hana, amma zamu je tare da Amir.”
Abba ne ya nunota yace “Uwata ki tashi fa ki koma inda kika fito?”
Marairaicewa tayi tace “Abba dan Allah ka barmu muyi sallah magriba to, kaga fa ba kyau fita ana magriba.”
Jinjina kai yayi jin an fara kiran sallah yasa shi cewa “To kuyi sauri amma.”
Da farin ciki ta mik’e tsaye ta d’auki buta ta mik’awa Fanna, Abba na gama alwala suka fita tare da Yaseen Mimi na fad’in “Yaseen ina Amir?”
“Yana gidan Iya.” Ya fad’a yana wucewa, cikin d’aga murya tace “Ka fad’awa Kabiru ya je yayi sallah zamuyi sallah mû ma.”
Mama dai kallonta kawai take tana karantar duk yanayinta, ba tace mata k’ala ba har sukayi alwala suka laulaya mayafensu suka kabbara sallah akan tabarmar da Mama ta shinfid’a.
Kamar jira take su gama Mama tace “Tunda kun idar tashi ku tafi.”
Turo baki tayi tana kallon Mama, had’e fuska tayi tace “Wato sai mun siyar da hali kike so?”
Girgiza kai tayi ta mik’e tana kallon Fanna tace “Muje.” Mik’ewa Fanna tayi tana jin iyayen sun birgeta akan wannan kulawar ta su, kamar zatayi kuka tace “Mama idan su Yaseen sun zo dan Allah ki tura min su gobe, sannan ki ce Abba ma ya je na ganshi.”
Sororo Mama ta kalleta sai kuma tace “To.” Tana kallo suka fita kafin ta bita da addu’ar shiriya da farin ciki, suna fitowa gidansu Asma’u suka fad’a dan su basu fito ba, da sallama suka shiga saidai babu wanda Mimi ta kula kamar yanda ta saba, d’akinsu Asma’u ta wuce kai tsaye Fanna na binta a baya, suna shiga zaune suka samu Asma’u akan sallaya Mamanta daf da ita suna magana k’asa k’asa, Aisha na gefensu duk ta matsu ko su koma, dan ita inba hali na larura ba sai silamiyya ce ke fitar da ita a irin wannan lokacin a gida.
Tsaye sukayi Mimi tace “Malama ki tashi mu tafi ko? Ko nan zaki kwana?”
Mik’ewa Asma’u tayi tare da Aisha suna gyara mayafansu tace “A’a muje.”
Kallon Maman Asma’u tayi suka gaisa sosai kafin su fito, suna shiga mota wayar Mimi tayi k’ara, tana dubawa ta ga Hafsat ce ta d’aga da sauri tana fad’in “Assakama alaiki.”
Daga b’angarenta ta amsa da “Wa’alaiki salam, Mimi Aisha na kusanki ne?”
“E, gata.” Ta fad’a tana mik’awa Aisha wayar, saida Kabiru ya fara tafiya kafin Hafsat cikin k’arfin hali na abinda bata tab’a yi mata ba tace “Aisha dan uwarki me ya tsaidaku?”
Gabanta ne ya fara fadkuwa kafin jiki na rawa tace “Amie gamu nan a hanya.”
A dak’ile tace “Ba tambayarki nayi kina ina ba? Me ya tsaidaku shi na tambaya, Aisha fitarku kenan mahaifinki ya dawo gidan nan, duk mutanen dake wurin ke ya fara tambayata kina ina? Na lallab’a shi na fad’a masa Hajia ta aikeku amma ba zaku jima ba, shi ne har ki zauna acan an gama sallah, yanzu haka yana shigowa daga masallaci ke ya sake tambaya?”
Tuni bakinta ya fara rawa idonta ya kawo hawaye tana ji aurenta ya tabbata tace “Amie gamu nan tafe, dan Allah ki ba Abie hak’uri kar ya min fad’a.”
K’it! Ta kashe wayar inda Aisha ta mik’awa Mimi ta ta jiki a sanyaye, tagumi ta buga tana tunanin hukuncin da zai mata, Mimi kuma fad’uwa taji gabanta naa yi tana tambayar kan ta “Yaushe kuma ya dawo?”
Duk jugum sukayi a motar har suka isa gida babu wani nishad’i, tare suka rankaya zuwa falon saidai kamar ba’a yi wata hidima a ciki ba, babu kowa saai Hafsat da yaranta zaune an share ko ina anyi turare, Fanna ce ta nufi d’akin Aisha tana fad’in “Bari nayi shirin gida nima.”
Asma’u maa bin bayanta tayi tace “Bari nima na had’a mana kayanmu Mimi.”
Hafsat ce tace “Ki had’a kayanki mijnki zai zo nan ya d’aukeki.”
Da sauri ta kalleta tace “Ya zo ne?”
Da murmushi tace “Sun zo, dama suna so su shammace mu ne.”
Juyawa tayi jiki a sab’ule duk ta rasa me ke mata dad’i, kallon Mimi tayi data zauna tana cire mayafin tace “Ya akayi kuka jima haka?”
Cikin ladabi tace “Wallahi dan naga kusa da gida ne shiyasa na ce mu tsaya na ga gida daga nan mukayi sallah.”
Jinjina kai tayi tace “Hajia ta gaji da jiranku tayi tafiyarta tun kafin ayi sallah ai.”
Murmushi tayi tace “Allah sarki, zamu je gida na bata hak’uri ai.”
Munzeer ne ya fito daga wata k’ofar da Mimi dai a iya saninta bata san ina k’ofar zata kai mutum ba ya kalli Aisha dake tsaye daf da Hafsat yace “Abie ya ce ki je.”
Da sauri ta gyara tsayuwarta ta kalli Hafsat tace “Amie…”
Nuna mata k’ofar tayi tace “Wuce kije.” Juyawa tayi jiki a mace tana share k’walla, shigewa tayi d’akin hakan yasa Mimi kyab’e baki a ranta tana fad’in “Old man shi ma ya iya tsanani haka?”
Jim kad’an Asma’u ta fito da ledar kayansu tana d’auka da k’yar, saida ta zo gaban Mimi tace “To tashi mu tafi Kabiru na jiranmu.”
Mik’ewa tayi a kasalance tana rik’e gyalenta a hannun, saida safe suka ma Hafsat ta amsa musu kafin suka nufi hanyar fita, suna daf da k’ofa muryar Aisha suka ji tace “Aunty Mimi inji Abie wai kije.”
Cak ta tsaya ta juyo da sauri dan da gaske jikinta ya d’auki rawa, sai kuma ta kasa tambayar Aisha sai kawai ta shiga takawa ganin Aisha ta juya ta koma d’akin, gyalenta a hannu ta kasa sab’ashi a kafad’a haka ta shiga inda taji k’afarta ta taka wani basaraken carpet mai laushin gaske.
Waro idonta tayi tana kallon d’akin tana lumshe ido, a hankali ta furta “Old man *d’an duniya*, ashe mbc ce a d’akinshi shiyasa baya buk’atar tashar dan kallo.”
D’asss! Wani fad’uwar gaba mai lasisi ya sake ziyartarta sakamakon ganinshi zaune akan kujera ya hakimce fuskarshi a had’e cikin doguwar riga fara tas, yanda ta ga Aisha ta durk’usa ita ma saita durk’usa tana kallon k’afarshi daya d’ora kan d’ayar jawur da ita gwanin kyau.
Kallon Aisha yayi dake ta share hawaye saboda fad’an daya mata ya mata nuni da yatsa ta fita, mik’ewa tayi tana fad’in “Nagode Abie.”
Mimi na ganin fitarta ta juyo ta kalleshi fuska a tamke, wani sakaran murmushi ta saki tana washe baki tace ” *Tsohon yan matanshi*, ashe ka dawo, sannu da zuwa, ban fad’a maka ba ai Hajia ce ta aikemu, daga nan sai muka d’an lek’a gida mukayi sallah, sheikh kasan wani abu? Wata marar kunyar k’awata take ce min wai matar tsoho, ni kuma nace e tabbas mijina tsoho ne amma adali ne kuma mai hak’uri da yafiya, saida na rufe ido ma na ce mata ni ta bar ni da abuna ina sonka a haka, kuma fa ita ma…hum bari dai na fara kawo maka ruwa kasha akwai labarai fa bayan tafiyarka duk suka faru.”
Mik’ewa tayi tsaye tana aje gyalenya akan kujerar da yake zaune ya zuba mata ido yana kallo, gyara rigarta ta shiga yi tana fad’in “Da aunty Hafsat ta fad’a min kana son miyar hanji, ni kuma gwana ce a wajen iya girkasu, bari na kawo maka ruwa mai sanyi saina d’ora maka.”
Juyawa tayi zata fita ya mik’e tsaye ya rik’o hannunta gam, a hankali ya shiga takawa da ita zuwa uwar d’akinta dan a b’angarenta uwata
Sosai jikinta ya d’auki kakkarwa ta shiga rarraba ido, bakinta ya mutu dan bata san me zai mata ba, d’akin da suka shiga sak irin na Hafsat har kayan ma iri d’aya ne da tsarinsu, amma dake a rikice take sai bata kula ba ta shiga tsatsareshi da ido sanda yake rufe d’akin da makulli.
*Sheikh uwata* 😭
*Alhamdulillah*👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨
*MATAR MUTUM*
_(K’abarinsa)_
👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨👩❤️👨
*NA*
_SAMIRA HAROUNA_
*SADAUKARWA*
_GA DUKA_
*’YAN AMANA TA*
💫✨ *TAURARIN MARUBUTAN NIGER (ASSO.)*🌟
_(Tsintsiya mad’aurinki d’aya)_🤝
☆ *[ T.M.N.A]* ☆ 📖🖊️
https://www.facebook.com/Taurari-marubutan-niger-111773560677003/
_Bismillahir rahamanir rahim_
*40*
Wajen drower kaya ya nufa ya bud’e ya d’auko wata doguwar rigar bacci da hijab, ajewa yayi kan gadon ya juyo ya kalleta fuskar nan har yanzu a tamke, ba alamar wasa a tare da shi ya nuna mata ban d’aki yace “Je kiyi wanka ki fito.”
Da sauri jikinta na b’ari tace “Nayi wanka d’azu fa kaf…”
Yanda ya sake k’ura mata ido sai kawai ta nufi hanyar ban d’akin da sauri, zaune yayi bakin gadon yana kallon k’ofar data shiga, tunda ta shiga ita ma take k’arewa ban d’akin kallo, jiki a sab’ule ta cire kayanta ta shiga yin wankan saidai sam bata da k’arfi a jikinta, tana gamawa kayanta ta mayar ta fito a d’arare.
Yana ganinta ya d’aga kai ya kalleta yace “Kinyi alwala ne?”
Girgiza kai tayi sai kallonshi take a tsorace dan ya canza mata kamar ba mai kiranta a wayan nan ba yana mata hira, fuska a d’aure yace “Je kiyi alwala.”
Juyawa tayi tana fad’in “To.” Ta koma ban d’akin, jim kad’an ta fito ta sameshi ya shinfid’a sallaya guda biyu, nuna mata kayan nan yayi yace “Ki canza waccen kayan ki zo muyi sallah.”
Had’e yawu tayi tace “Sheikh gida zani.”
Juyowa yayi ya sauke idonshi a kan ta yace “Daga yanzu har zuwa safiya karki sake min gardama akan abinda na sakaki.”
Zaro ido tayi ta kyab’e fuska zatayi kuka tace “Safiya? Sheikh Hajia fa…”
Nunata yayi da yatsa sai tayi shiru kawai, d’aukar kayan tayi saida ta zunbula hijab d’in kafin ta cire kayan jikinta ta saka rigar, yanda ya umarceta haka tayi ta tsaya bayanshi daga gefe suka kabbara sallah, raka’a biyu sukayi kafin su sallame ya juyo ya kalleta, d’ora hannunshi yayi a kan ta yana karanta addu’ar “Allahuma ina as’aluka khairuha wa khairu ma jabaltaha alaihi, wa’a’uzu bika min sharriha wa sharri ma jabaltaha alaihi.”
D’auke hannunshi yayi ya mik’e tsaye tana kallo ya bud’e d’akin ya fita, gyara zamanta tayi ta had’a kai da gwiwa tana jiran tsammani, amma fa har ga Allah a can k’asar zuciyarta dukan tara tara take mata.
*Yana* fita falon Hafsat ya sake komawa, abun mamaki sai bai samu kowa a wurin ba, d’akinta ya nufa da sallama a bakinshi, kallonshi tayi ba tare data daina ninke kayanta ba ta amsa da “Wa’alaika.”
Zaune yayi gefenta yana kallon fuskarta yace “Bacci zakiyi ne?”
Da k’yar ta k’ak’aro murmushi tayi tace “Bacci zanyi sheikh, gajiya fa ke tare da mu.”
Kamo hannunta yayi ya zaunar da ita akan cinyarshi, hannunta d’aya ya rik’e yana wasa da yatsunta cikin sigar tuhuma yace “Hafsy me yake damunki?”
Kallonshi tayi da mamaki tace “Ban gane ba sheikh?”
D’auke idonshi yayi a kan ta yace “E, me yake damunki?”
Girgiza kai tayi tace “Ba abinda ke damuna.”
Girgiza shi ma yayi yace “Ba gaskiya bane, kuma ina so yanzu abinda zaki fad’a min ya zama gaskiya.”
Kallon fuskarta yayi yace “Me yake damunki?”
Shiru tayi tana kallon hannayensu dake had’e yana ta wasa da su, kamar ba zatayi magana ba sai kuma ta d’ora kanta a k’irjinshi ta fashe da sanyayyan kuka tana fad’in “Zuciyata ce, laifin zuciyata ce, zafi nake ji wani lokacin da b’acin rai, dan Allah ka min addu’a na daina jin haka sheikh, kaga bana so na d’aga maka hankali, ina so na d’auki Mimi a matsayin yar uwa ba kishiya ba.”
Hannunshi dake rik’e da na ta ta d’ago ta d’ora a k’asan mamanta daidai zuciyarta tana fad’in “Ka min addu’a Dan Allah sheikh.”
Wani numfashi ya sauke tare da d’ora hannunshi a kan ta yana shafa gashinta dake reras da kitso k’anana, murya a sanyaye cikin son kwantar da hankali yace “Hafsat ta wa, nasan me kike ji a zuciyarki kuma nasan ba dad’i, kiyi hak’uri kinji kiyi ta ambaton ubangijinki, Sawwama, aure na da Mimi kima da daraja da kuma soyayyarki ya k’ara min, wallahi Hafsat ina sonki har zuciyata, a duniyar nan bana tunanin akwai wani abu da nake girmama lamarinshi sama da naki, dan haka ki kwantar da hankalinki Mangana, auren nan ba zan tab’a yarda ya zama sila na tashin hankalinki ba, ‘ya ko ‘yar wacece a garin nan ba zata tayar miki da hankali ba kuma ta ci gaba da zama a gidan nan.”
Yanda yayi maganar da sigar bala’i da masifa yasa ta sakin murmushi dan har ranta ta ji dad’i tare da jin kanta ya girmama tace “Me zaka mata to?”
Kumatunta ya shafa yace “Gidansu zan turata mana.”
Murmushi tayi tace “A’a ni dai bana so.”
D’ago hab’arta yayi suka kalli juna yace “Har zuciyata nake fad’a miki maganar nan Hafsyna, wallahi kin ji na rantse duk wacce ta b’ata ranki dole ta samu hukunci mai tsanani a gareni, ke ko ni na b’ata miki saina hukunta kaina bare kuma wani.”
Sumbatar kuncinshi tayi cikin jin dad’i tace “Nagode mijina, ina alfahari da kai.”
Shi ma sumbatarta yayi yace “Ni ma ina alfahari dake, matar da babu kamarta a duk duniya, matar da zata shiga aljanna ba tare da hisabi ba, matar data zama silar tsayuwar sheikh Abdul Waheed, matar data haifawa Abdul Waheed farin cikinshi, Hafsat ke fa kin riga da kin gama zama komai a rayuwata, fatana kawai Allah ya barmu tare har tsufanmu.”
Gyara zamanta tayi a jikinshi ta rumgume shi k’am tana jin wani sanyi na ratsata na kukan da ta samu da kuma maganganun adalin mijinta, shafa jikinta ya dinga yi yana rera mata baitin wak’ar hausa mai dad’in gaske da saka zuciya tsuma wak’ar da tayi shura wak’ar jaruma, tun tana sakin murmushi na jin dad’i tana ji kamar shi ya rerata dominta har bacci ya fara d’ibarta a nan, saida ya tabbatar bacci ya kwasheta ya gyara mata kwanciyarta ya ja mata bargo, ac ya kunna mata ya tofa mata addu’a sannan ya kashe wutar d’akin ya fita cike da tausayi da k’aunar Hafsat d’in.
Yana shiga a zaunen nan take har yanzu kan ta a gwiwa, tana jin an bud’e k’ofar ta mik’e tana kallonshi a marairaice tace “Yawwa yallab’ai, dan Allah ka taimaka ka mayar dani gida, kaga fa Asma’u na jirana mu tafi gida.”
A dak’ile ya ce mata “Ta tafi gida.”
Binshi tayi da kallo sanda ya fad’a ban d’aki, k’ofar ta nufa da niyyar satar hanya ta fita sai gani tayi babu makulli a jikin k’ofar, wanu iska ta furzo da tunanin yaushe ya zage shi bata sani ba, tsaye tayi bakin k’ofar ta rik’e k’ugu tana jijjiga jiranshi kawai take ya fito tayi burususuwa a k’asa tayi birgima dan ya bud’e mata k’ofar.
Ya jima a ciki sosai kafin ya bud’o k’ofar, tar ta sauke idonta tana kallon k’ofar a tsaurare dan kar ma ya ga damarta, saidai yanda ya fito daga ban d’akin ya haddasa mata bugawar k’irji a sanda bata tsammani ba, babu kaya a jikin sheikh sai d’aurin k’ugu kawai na towel kalar yelow mai haske. Da saurin da bata san tayi ba ta durk’ushe k’asa tana bubbuga yatsunta akan cinyarta, bata ji takon tafiyarshi ba sai k’afafunshi ta gani masu kama dana yara kusa da ita, hannu ya zura ta bayanta ya kashe hasken d’akin kafin yasa hannayenshi ya tallabota.
Cire mata hijabin ya fara shirin yi da iya k’arfinta ta bud’e baki zatayi kuka yasa hannunshi ya rufe bakin, cikin kid’ima da rud’ewa duk da ya rufe mata baki tace “Sheikh tsoro nake ji, kaga kai babba ne ko? Dan Allah ka bud’e min k’ofa na fita.”
Cire mata hijabin yayi yana kallon idonta dake zubar da hawaye, cikin dakusashiyar murya k’asan mak’oshi yace “Ryam na kula ba kya jin magana, ba kya gane yarena a sauk’ak’e, kin raina ni kin raina girmana, watak’ila sanin da kika ma wasu yasa kike ganin duk d’aya muke, amma yanzu zan tabbatar miki ba haka bane abun, ba wai a shekaru abun yake ba, zan sa ki yarda dani kamar yanda ni ma na yarda da kai na.”
Takawa yayi da ita zuwa gadon yana neman kwantar da ita ta bank’are tana girgiza kai, yanda yayi wani bake-bake a gabanta ita tasan ba dan Allah yasa ya zama malami ba to da d’an boxing ne shi, dan wani murdadd’en jiki ne dashi b’oye a bayan manyan kayan nan, da k’arfi ya zaunar da ita ya tsaya gabanta k’ik’am yace “Ryam *wacece ke* da zaki dinga ja na a k’asa ba ko takalmi a k’afarki? Me yasa kike yin duk abubuwan nan? Saboda ki hassalani ne?”
Da sauri ta girgiza kai ta janye hannunshi a bakinta cikin kuka tace “Zan fad’a maka, kaga dai ai ranar nan a gabanka komai ya faru ko? To shiyasa nake yin haka a gabanka saboda ina nasan dole kai ma zaka zargeni.”
Rik’e hannunshi tayi jim tace “Ka yafe min kaji, ba zan k’ara ba wallahi zan dinga jin maganarka, ka barni na tafi yanzu kaga dai kafin zuciyata ta fashe.”
Mik’ar da ita yayi tsaye, sunkuyawa yayi cak ya d’auketa gaba d’ayanta, wutsil wutsil ta shiga yi da k’afafu tana zazzaro ido tana fad’in “Baban Aisha ka saukeni, Baban Aisha kaga dai baban k’awata ne ko? Saukeni dan Allah.”
Saida ya zagaya da ita ta d’aya b’angaren ya kalli fuskarta yana murmushi yace “Wannan haukan na ki yana birgeni.”
Kwantar da ita yayi tare da mata rumfa ya lalubo bakinta yasa a na shi ya fara tsutsa.
Kaucewa take tana zillewa amma sheikh yayi ram da bakinta ya k’i saki, haurawa yayi kan gadon ya fara shirin cire mata riga, k’arfi tasa tana son mik’ewa dan abun ya fara fitar da ita a hayyacinta, ba tare daya cire bakinshi a nata ba yace “Shiiiiiii.”
Girgiza kai tayi tana so tayi magana amma ba dama, tsaf ya rabata da rigar ta zama daga ita sai pant d’inta dan bras na tare da atamfarta data cire, jin yana sab’ule mata pant yasa tayi kukan kura ta tureshi amma jim ya lik’e a jikinta.
Shafa k’irjinta ya fara yi a hankali yana lailayasu cikin salo…wasa sosai yayi da ita har ya gama kashe mata jiki lak’was, banda hawaye da motsa bakinta babu abinda take iya wa, tsohon data raina take ganin ba zai iya da ita ba, sai gashi ya kahe😁 mata jiki da mahaukatan salo, ba ma dai k’irjinta daya fi sha musu kai da linda da tsutsa, k’ura mishi ido kawai tayi tana kallo tana addu’a a zuciyarta kar ya zubar mata da mutumci.
Bud’a k’afarta yayi yana rik’e da sojanshi da hannu yana saitawa a hanya sannan yana kallon fuskarta yana furta “Allahuma jannibna shaid’an wa jannibin shaid’ani ma razak’tana.”
Rintse ido tayi tana girgiza kai cikin rarrabe kalamai da tsananin firgici ta fara fad’in “Sheikh kar…kayi…ban…tab’a…”
Yanda ya danna kanshi cike da son ya banbanta mata tsakaninta da kuma wasu mazan yasa Mimi fito da muryarta iya k’arfinta tace “Ahhhh…”
Rufe ya rufe mata baki da tafin hannunshi tare da zaro idonshi yana gigicewa, shiru yayi, jim yayi yana rarraba ido tsakanin fuskarta, shiru yayi a dole yana so ya tantance abinda ya ji gaskiya ne, saiya kasa motsawa saboda jin shi a wani k’aramin wurin da zai iya rantsewa da Allah wurin ya ma hallitarshi kad’an.
Tsurawa fuskarta ido yayi yana sake k’walalo idonshi saboda tuna waccen ranar, yanda take magiya take rantsuwa wa mahaifinta kan cewa bata aikata ba, da kuma tuna ranar da k’awarta tace gaba kad’an shi ne zai fad’a musu wacece Mimi, da kuma tuna kalamanta na yanzun da take fad’in “Sheikh…kar…kayi…ban…tab’a…”
Da wani irin firgici ya shiga d’an mammarin kumatunta yana fad’in “Ke Mimi! Mimi fad’i ina jin ki, me ye baki tab’a yi ba? Fad’a min kinji.”
Cije leb’enta tayi tana luuuuu? Da idonta dake son rufewa dan azabar da take ji, kallon fuskarshi tayi da kallo irin na jin haushi da tsana, bata tab’a jin haushinshi kamar na yau ba, bata tab’a jin tsoronshi kamar yanzu ba. Cikin shashek’ar kuka tana kallon k’wayar idonshi tace “Na ce…maka… Ban tab’a yi ba… *na tsaneka* Abdul.”
Lumshe ido yayi da sauri yana dantse harshenshi, wani masifaffen tausayin yarinyar ne ya ratsa duka ilahirin jikinshi, saiya samu kanshi da kasa aiwatar da komai, gashi dai a cikin jikinta amma sai yake so ya fito dan kar ya ji mata ciwo, amma kuma tsoron fitowar yake dan gani yake kamar tsagata zaiyi yanda ya tabbata ya k’ara ‘yar mutane wajen shigar nan, to ya zaiyi kenan?
_Fan’s ku bawa sheikh shawara, ya fito ko ya ci gaba ne?_
*Alhamdulillah*