WA NAKE SO CHAPTER 1

   January 4, 2025  Leave a Comment on WA NAKE SO CHAPTER 1  Posted in WA NAKESO COMPLETE
Tura Zuwa: XFacebookLinkedin

 WA NAKE SO CHAPTER 1

A kishingide yake kan wata lallausar dadduma irin ta manyan masu sarauta ta. Ba ajin komai a dakin sai karar AC. Dakin ya gama haduwa da kayan alatu kai ba kace a cikin duniya kake ba. Ga wani haske da ya mamaye dakin mai kara mantar da mutum a Inda yake, Yana sanye cikin shiga ta alfarma.

Daga kallo zaka san wannan mutumin ya hada mulki da kudi da mukami. Dan daga yanayin shigar sa da dakin da yake da yanayin walwalar fuskar sa ma abin kallo ne.

Sallama aka yi daga bakin kofa. Da kyar ya iya amsawa. Bayan ya dauki fin minti uku da jin sallamar Wani bawa ne ya shigo cikin shigar ja da blue din uniform din su na fada.

Zubewa yayi akasa yana fadi,

“Allah kara maka lafiya da nisan kwana.”

Yana daga kishingide da yake bai ko da motsa ba. Sai Hannu kadai da ya daga masa ba tare da ya kalle shi ba.

“Yallabai, Hajiya ce ke son shigowa.”

Dagowa yayi a hankali ya aika masa da wani kallo wanda yasa bawan nan shiga cikin hankalin sa. sannan ya kara daure fuska. Ya ce,

“Waya fada mata na shigo gidan?”

Cikin rawar jiki da tsoro da fargabar ya fara magana jiki na rawa ya ce,

“Allah taimake ka. Ban sani ba. Tazo dai ta ce, kai take son gani kuma na fada mata dokar da ka bayar amman tace nazo na fada make….”

Dagowa yayi ya watsa masa kallo kafin ya ce,

“Ya isa haka, amman kasan nace, bana son ganin kowa yanzu. Yanzu lokacin hutu nane,”

Tsaki ya saki.

Sannan ya ce,

“Kace mata bacci nake.”

Ba faden cikin rawar jikin abin bai kai da nisa ba ya amsa da

“To ranka ya dade.”

ya mike da sauri ya fita.

Tsaki ya sake saki. Dan a rayuwar sa ba abinda ya tsana kamar takura. Yana son hutu da nutsuwa. Dole ya bar garin nan. in ba sa’a yaci ba yanzu sai a kara zuwa ace yayi baki. Kai kenan bawa kullum cikin hayaniya da damuwar jama’a.

Ido ya lumshe, kamshin turaren ta ne ya doki hancin sa. Tsaki yayi ya bude ido.

Wata matashiyar yarinya ce tsaye a gaban sa. Fara ce amman bata da hanci haka nan idon ta kananu ne, sai dai Tana da kiba kuma bata da tsayi sosai.

Kai ya dauke ita kuwa ta zuba masa ido kamar taga wani abu. Tsaki yaja ya ce,

“Waya baki damar shigowa.”

Waje ta sama ta zauna ta ce,

“Ni kam har sai an ban damar shigowa wajen wanda nake sa ran zama miji na.”

Shiru yai mata. Ta ce,

“Wai kai me yasa sam baka bani wannan matsayin ne.”

Shiru ya kara. Ta ce,

“A gaskiya ya kamata muyi auren nan ko na samu na canja maka wannan halin naka.”

STORY CONTINUES BELOW

“Keeee!”

Ya daka mata wata tsawa wacce bata san sanda ta fado daga kan kujerar da take zaune ba.

Idon sa jajir saboda surutun ta har ya saukar masa da ciwon kai. Kofa ya nuna mata. Ya ce,

“Kika kara shigowa nan sai kinyi dana sani. Get out.”

Jiki na bari ido na zubar da kwalla ta mike ta fice. A ranta kuwa jin son sa da kaunar sa taji yana kara ratsa ta.

Shi kuwa tsaki ya saka yana dafe kan sa dan wani sara masa da yaji yayi. Kuma ba komai ya kawo hakan ba maganar ta da tazo ta cika masa kunne da hayaniya.

Mikewa yayi cikin tafiyar kasaita ya nufi wata kofa dake a cikin dakin.

Wani falo ne, madaidaici wanda yaji kujeru irin na gidan sarauta ta farare ne tas (royal chairs) sai kayan kallo da labulaye hadi da center carpet duk farare ne amman kai ba kace ana zama a gun ba dan yadda suke tas dasu sai daukar ido da suke yi gwanin ban sha’awa. Dakin sai tashin kamshi yake da sanyi AC da ta cika dakin.

Wata kofa ya kara dosa. Wacce ta sada shi da wani katon bedroom. Kayan gadon irin kayan falo ne sai dai Bed room din kan sa abin kalla ne. Dan shima an zuba masa kaya masu kyau ga kamshin sa na daban ne. Komai dai na bangaren nan da ka kalla kasan kudi bakaramin kuka sukai ba.

Babbar rigar jikin sa ya cire, ya rataye yana bin rigar da kallon tsana. Ya ce a ransa,

‘Shikenan mutun in yana gida kullum cikin saka wannan kayan. Tsaki yayi ya fara cire kayan jikin sa.

Farar fatar sa ta bayyana. Dan jikin sa yaji hutu sai kwanji da yake a mike dan duk jikin sa a murde yake ko dan training da ya sabar masa. Duk jikin sa gashi ne kwance luf luf bama saman kirjin sa. ban daki ya fada yayo wanka. Yana fitowa yaji wayar sa na kara. Kasancewa yasan ringing din ko waye yasa ya mika hannu cikin kasala ya jawo wayar.

Cikin daurewar fuska ya kara wayar a kunnen sa. Magana ake ta dayan bangaren wannan yasa yai shiru yana sauraro. Sai da aka gama sannan ya ce,

“Mamah na fada miki in ina hutawa bana son damu, Mamah yarinyar nan daga zuwan ta ta samin ciwon kai. Mamah shikenan ni ba zan samu hutu ba in nazo gida na huta. Haba Mamah in kuma ban zo ba ku damu dan Allah Mamah kuna bari na ina hutawa a gun aiki ba hutu anan ma in nazo na hutu baza ku bar ni ba.”

Ya gama fadi yana dafe kansa dan ko maganar da yayi ba karamin gajiyar dashi tayi.

Mamah ta can gefen ta cika da mamakin yadda Baban nata yau yai magana haka mai tsayi. Lallai an kai shi bango dan ko ita mahaifiyar sa ta san in za ta shekara tana son suyi hira bai fiye biye mata ba daga eh sai a’ah suke nan.

Hakuri ta bashi. Tana fadin.

“Kayi hakuri Baba nah ai ban san hutawa kake ba kuma ni da ta tambayen zata gun ka bama zan bar ta ba amman kayi hakuri kaji.”

Ajiyar zuciya ya sauke sannan ya ce,

“Gobe zan koma ma.”

Da sauri ta tari numfashin sa ta ce,

“A’ah ka bari ka karasa sati biyun da kace zakayi man.”

Kai ya girgiza ya ce,

“Mamah bazan iya ba. Daga wannan sai wacan ji fa Mamah, yanzu anjima kadan zakiji Abbah ya aiki naje fada. Mamah ni bana son irin wannan rayuwar ta ku wallahi duk takura mutum yake.”

Ya karasa maganar da kyar kamar zai yi kuka. Mamah ta ce,

“Ka dai bari zuwa weekend ka tafi.”

Bai son musu da doguwar magana wannan yasa ya amsa mata da Toh Kawai.

Yana gama wayar ya dafe kai har harbawa kan sa yake, ido ya lumshe can ya bude ssu.

A ransa ya ce,

‘In har na tafi sai kun neme ni zaku ganni. Daga wannan yarinyar sai mutane.’

Tsaki yayi ya haye gadon sai kuma ya saki dan gajeran murmushi wanda in ba jin sa yayi a mood din da yake so ba baya taba yin sa.

Wanda murmushi shi kan sa ba wani yalwatate bane. Amman ba karamin kyau ya karawa fuskar sa ba geen kumatin sa ya lotsa fuskar ta cika da yalear rahamar dan murmushi rahama ne.

Mood din kuwa bai wuce ya ganshi zaune shi kadai ba a gu mai shiru da ni’ima to anan zaka ga dan murmushin sa shima ba wani murmushi bane kawai dai zaka ga fuskar sa a dan sake.

STORY CONTINUES BELOW

Mamah kuwa bayan sun gama wayar ta sauke ajiyar zuciya. A ranta tana mai jin son dan ta na kara shigar ta. Duk da wannan halin nasa tafi son sa a cikin ya’yan ta gaba daya. Haka ma mai martabba yafi son sa. Ko yan uwan sa suna masifar son sa. Sai dai shi fa ba fuska bare har ka nuna masa.

Ko mahaifiyar sa daga gaisuwa yake dinke bakin sa yayi shiru sai dai in ta tambaye shi abu shima daga uhm sai A’ah ko Eh ko a daga kai ko a girgiza.

Tana mamakin sa shi wannan mulkin yai masa yawa. Da kyar ta fahimci halin sa. Wannan yasa ta kyale shi take bi da shi ta yadda yaso. Sai dai addu’a da fatan samun nasara da cigaba a rayuwa.

Ita Mamah tana zaton in har yai aure matar sa zata gyara masa wannan halin nasa. To amman sshi bai kawo maganar mata ba. Ita kanta tasan a irin wannan halin sa ba ko wacce mace ce zata iya tinkarar sa ba saboda tsare gidan sa.

Kuma a ssanin halin sa ma tasan shima bazai tsaya kula mata ba duk da tasan mace dai a bar ta.

Sam Kuwa mace bata gaban sa, bata ma a lissafin sa. Shi fa a rayuwar sa in ba Mamah da kanwar sa ba yakan manta da mace, mutum ne wanda bai da jin mace, wato feeling kuma Allah bai yi shi mai sha’awa ba.

Ko da yake akwai ibada dan azumi kullum cikin yin sa yake. ban da addu’a ta sa da ta iyaye da yan uwa akan Allah ya tsare shi da imanin sa. Ya sanya tsoron Allah a zuciyar sa. Mata na son sa amman ko tinkarar sa basa yi.

Bacci yayi dan sai karfe uku da ashirin ya tashi. Wanka ya kuma yi yai alwala ya shirya cikin wata sky blue din shadda dinkin riga da wando tazarce wacce tai masifar yi masa kyau.

Ko da yake shi me kyau ne daman can. Turare yai wanka da shi, ya hau kan sallaya ya fi minti talatin yana sallah sannan ya sallame ya zauna yai azzkar sannan yai addu’a akalla sai da ya dau awa guda yana ganawa da ubangijin sa da kai masa bukatun sa sannan ya mike ya fito karamin falon sa inda dining din sa yake.

Wajen shake yake da kayan abinci na gargajiya da na zamani. Zama yayi ya bubude fulas din, al kubus ya gani da miyar agushi shi yai sha’awa dan in ba yana gida ba yana manta menene alkubus ma bare ya ganshi ya ci.

Shi kadai yaci ya kora da lemon zobo da Mamah tayi masa da kanta dan tasan yana son sa.

Sai da ya gama yai hamdala sannan ya mike ya koma babban falon sa. Bai jima da zama ba akai kwada sallama. Daman yasan hakan zai faru.

Da kyar ya bude baki ya amsa. Wani ba fade ne, ya zube a gaban sa. Yana kwasar gaisuwa. Hannu ya daga masa kadai.

“Ranka shi dade. Mai martaba na son ganin ka wai kayi baki sun zo maka barka da zuwa.”

Kamar bazai magana ba ya dago ya kalle shi ya ce,

“Kaje kace ina zuwa.”

“Angama ran ka shi dade.”

Ya mike ya fita.

Mikewa yayi cikin tafiyar sa ta kasaita da mulki ta kofar baya ya fara yin cikin gida.

Bashi da tazara da Mamah dan daga part dinta ssai na shi. Dan da duk part din ta ne ma ta sa aka fitar masa da shi dan yadda take son ssa.

Ta cikin lambu da ya raba tsakanin part din Mamah da nasa ne ya shigo ta kofar da ba kowa kebi ba daga shi ssai Mamah ko kuwa kanwar sa da mai martaba.

Lambun kan sa abin kalla ne an kawata shi da bishiyu da flowers kala kala in ka kalli wajen kai ka zata a wata kasar kake ban da gun shakatawa da wajen swimming dake gefe sai grasscarpet da ta kawata wajen gun abin sha’awa da ka shiga gun wani sanyi mai dadi da ni’ima zai ziyarce ka.

Ko da kana cikin bacin rai ni’ima da kyan waje. zai sanyaya maka rai. Bare kuma ka zauna kana ganin tsuntsaye da shakar kamshi da sanyin wajen.

Bangare ne guda wanda yake katon gaske an kawata shi da ado da kayan gidan sarauta haka anan yaji kayan alatu da more rayuwa masu tsada.

STORY CONTINUES BELOW

Yana shiga kamshi da sanyin dakin ya doke shi. Ido ya lumshe sannan ya bude, karamin falo ne wanda aka zuba masa komai ja da baki.

Tafiya ya cigaba har ya wuce ta faloli guda uku masu kyau da tsari da kayan more rayuwa.

A can babban falon ta inda ta saba zama da yamma ya same ta.

Wata datijuwar farar buzuwar mata ce, wacce ta ci ado da kaya masu kyau da tsada.  tana zaune bayin ta na baje suna tai mata hidima. Suna ganin sa suka hau barin wajen bayan sun mika masa gaisuwa. Da hannu yake amsa har suka gama suka gama suka fice.

Kansa a duke ya ce,

“Mamah barka da hutawa.”

Cikin fara’a da jin dadi ta amsa da

“Yauwah Baba nah. Ka fito kenan.”

Kai ya gyada mata kawai. Ya nemi gefen ta ya zauna.

“Kaci dai abincin ko?”

Nan ma kai ya gyada mata.

“To ba abinda kkake bukata.”

“Babu!”

Ya fada a takaice. Kallon sa tayi ta saki murmushi ta ce,

“Ya kamata ka fin ka tafi kaje kaga yayun ka a gida ko?”

“Toh!”

Shiru sukai gane ta gama fadar abinda zata fada yasa ya dukar da kai ya ce,

“Zani gun Abbah!”

“Allah kiyaye. Kayi addu’a ka karanta hasbunallahi wani’imal wakil, da lahaula wala kuwata illa billayil aliyul azim kafin ka fita daga nan haka nan kan k shiga cikin fada. Allah ya tsre ya kiyaye min kai.”

Kai ya gyada yana fadin,

“Nagode Mamah.”

“Allah maka albarka.”

“Ameen!”

Mikewa yayi a hankali ya karasa bakin kofa sai da ya tsaya yayi duk abinda mamah ta fada sannan ya. fita. Tin daga fitar sa aake gaida shi baya amsawa sai dai zai daga hannu kawai. dan zikirin da Mamah tasa yayi shi yake tayi. Inda samo ya saba kullum Mamah cikin bashi wadan nan zikiran take yi wanda shi kan sa yana jin dadin su. Suna dada masa kwarjini da kariya a jikin sa.

A haka har ya karasa fadar da mai martabba yake zama da yamma.

Fadar cike take da jama’a, yana zuwa aka fara zube masa, ana masa kirari, wanda shi ciwon kai ya haifar masa ma.

A hankali yake tafiya har ya karasa kofar fadar, yana tafiya yana karanto addu’oi a cikin ran sa. nan ma gaisuwa aka farai masa ana kirari.

Shiga yayi yayi gun mahaifin nasa.

A kasa ya zauna ya dukar da kansa. Mahaifinsa ya dafa sa,

“Barka da Yamma Abbah!”

“Bar ka dai ‘dana, ya gajiya.”

“Babu.”

“Tin dazu kai baki amman aka ce kana bacci.”

Kai ya gyada masa.

“Mun basu masauki kai kawai suke jira!”

“Nagode Abbah.”

“Tashi kaje suna can suna jiran ka.”

Yana mikewa fadawa suka nufo shi suna masa kirari da yabo. Zasu raka shi ya daga musu hannu alamar baya so kenan.

In da sabo sun saba dan kullum suna tare da shi amman kullum in suka nufo shi sai ya dakatar dasu, abinda yake sawa yake fita ta kofar Mamah kenan da ya gujewa haduwa dashi su taso shi a gaba kamar wani yaro ko wanda ake nema yayi laifi.

Tin iyayen na fada har suka gaji suka zuba masa ido sai dai addu’a Allah ya tsarr shi.

A hankali ya shiga dakin da akace yana da baki. Bai yi mamakin irin manyan mutanen da ya gani ba dan ba yau ya saba ba. Sai dai a ciki ba yace wannan wane bane waccan wane bane, a fuska dai ya san su dan sun saba kawo masa wannan ziyarar in dai yazo garin nasu.

Abokan mahaifin sa ne, amman da yake mahaifin nasa mai mulki ne, wai su da kansu suke zuwa gaishe sa.

Zama yayi suna gaigaisawa har suka tafi. Sannan aka fara shigo da jama’a daya bayan daya ana masa sannu da zuwa.

Can sai kuma fadawa suma suka shigo,

“Ranka ya dade Allah ya kara girma  Allah yasa a gama lafiya Allah tsare ka daga sharrin makiya. Dan sarki jikan sarki, takawar ka lafiya gaba salamun baya salamun. Allah ya cika buri.”

“Ameen!”

ya fada cikin kasaita.

Sai mangariba ya samu kansa. Suna yin sallah ya bacewa mai martaba dan yasan da ya ganshi ba zai bar shi shiga ciki ba. Dan haka suna idar wa yayi cikin gida. Wanka yayi ya saka three quarter wando na kakin sojoji da farar riga mara nauyi.

Zama yai a falon sa yana kallon new yana shan fruit. Har akai isha’i ya mike yai sallah ya dawo ya zauna. Sai tara ya mike ya shige daki.

Wanka yayi ya fito ya tsaya gaban madubi yana feshe fashe da shafe shafe. Sai da ya gama sannan ya hau kan gadon sa.

Al kur’ani ne a kan site dorowar sa, dauka yayi ya fara karantawa azuciyar sa. Har karfe goma sannan ya ajiye ya mike yayo alwala ya hau kan gado. Ya jima yana addu’a samnan ya tofe ko ina ya kashe fitila ya kwanta.

Karfe uku ya mike, bandaki ya fada yayo wanka yai alwala wata jallabiyya ya saka milk kala, ya feshe jikin sa da turare, ya saka wata brown hula tashi ka fiya naci sosai yayi kyau da shi. kai ka rantse balarabe ne. kan sallaya ya hau, sallah raka’a biyu yayi wacce ta dauke shi awa daya sannan ya zauna ya fara lazimi. Ba shi ya mike ba sai da yaji ana kiraye kirayen sallah a waje.

Massalaci ya tafi. Acan suka hadu da mai martabba. Sai da aka idar da sallah sannan suka gaisa. Daga nan xama ya cigaba da yi a massalacin sai da yayi karatun alkur’ani ya kai izifi uku sannan yai aazkar ya jima yana addu’a, Bashi ya baro massalaci ba sai karfe bakwai.

Ya fito yana tafiyar sa ta kasaita mai ban sha’awa a haka ya shiga bangaren sa. Yana shiga ya doshi wani daki dake cikin bedroom din sa. Kayan training ne kala kala a ciki. Rigar jikin sa ya cire ya rage daga shi sai threequater wandon sa. Training ya fara yi. Ba shi ya gama ba sai karfe tara da rabi.

Yana gamawa ya sha ruwa sannan  yai wanka ya shirya cikin manyan kaya milk din shadda da brown din hula. Half cover takalmi brown ya saka sai brown agogo. Wanka yayi da turare ya nufi dining.

Yau ma dining din cike yake da kayan abinci kala kala. Na gargajiya da na zamani. Zama yayi ya dibi kunun gyada da yaji madara. Sai masa da miyar taushe da yaci.

Sai da ya ji ya koshi sannan ya mike ya fita. Tafiya yake cikin kasaita fuskar nan tasa a hade har ya karasa bangaren mahaifiyar ta sa.

Tana Daya daga cikin Falon ta inda ta saba zama da safe dan haka can ya nufa.
Sai da ya gaisar da ita cikin girmamawa sannan ya zauna. Zaman kurame sukai wanda tin yana yaro haka yake in dai ya gaida Mamah zai zauna a wajen har zuwa sha biyu sannan ya mike yaje gaida Mai martabba daga nan ya koma part din sa. Sai yai sallah azahar sannan ya dan kwanta ya huta zuwa la’asar daga nan ya fito ya kara duba lafiyar iyayen nasa. Sai magariba zai koma part din sa haka in anyi isha’i ya fito. Kan ya shiga part din sa sai yaje yai wa iyayen nasa sallama.
Yana zaune a gun kanwar sa Maryama ta karaso gun nasu. Tana ganin sa ta hau washe  baki amman kamar bai gan ta ba.
A gefen sa ta zauna tana fadin,
“Yaya barka da safiya.”
“Yauwah kin tashi lafiya.”
“Lafiya lou ya hanya.”
“Alhamdulilah!”
Zama tayi ta fara bashi hirar skul.  Amman duk ta cika masa kai yake ji.
Wannan yasa bai kai lokacin da yai niyyar zama ba ya mike yai wa Mamah sallama.
Duk da shi kan sa yana son yya zauna a gun nata tana bbashi labarai amman da ta fara kuma zai ji kan sa ya fara ciwo.
Ba daga shi bane hallitar sa ce sam baya son hayani da ya fara jin hayani yanzu nan kan sa zai fara ciwo wanda in ya cigaba da zama kuwa zai iya kai shi ga har kwanciyya dan zai haifar masa da ciwon kai mai tsananine.
Bayan ya tafi. Mamah ta kalli Maryam, ta ce,
“Yar nan kin korar min yaro na ko?”
“Kai Mamah ni ba ruwa nah.”
“Gashi nan kuwa da sai nan da awa zai tashi.”
“Allah Mamah wannan Yayan ko kamar ba dan ku ba. Duk ya fita I zakkah baya magana baya sakin fuska. Kai Mamah Allah Yaya yana da lafiya kuwa.”
“Kaniwar ki!”
Shiru tayi tana dariya.
Zai fita kenan Mujahida ta shigo. Tana ganin sa ta saki murmushi. Maryama dake hangen su ta ce,
“Allah In nice Anty Mujahidda ban kara kallon Yaya.”
Mamah tai murmushi ta ce,
“To bake ce ba sai ki zuba musu ido tinda dai shi taurin kai ita naci.”
Dariya tayi ta ce,
“Bari naga drama.”
Ko kallon ta bai ba ya daga labule,
“Yaya Ina kwana?”
“Lafiya.”
Ya fada yana fita.
Bayan sa tabi da kallo hawaye na taruwa a idon ta. Ji take kamar taje ta rumgime shi ko ta hanashi tafiyar amman ina bataga fuska ba.
Ciki ta shigo inda ta samu Maryama tana tuntsira mata dariya. Mamah ta gaisar Mamah. Kuma na bata hakuri kan halin Yayan nata.
Bangaren Mai martaba ya nufa acan suka gaisa, Abbah yana tambayar sa akan kamfanin sa da yake kular masa.
Da yake bai son magana sai cewa, yayi.
“Abbah zan kawo maka decoment din anjima. yadda zaka ga komai.”
“To masha Alalh!”
Daga haka sukai shiru. Duk wanda yake tare da shi yasan bai son magana in kana son ku zauna tare to kar ka ishe shi da magana ko tambaya. wannan yasa iyayen sa basa yawan tambayar sa abu in ba kamawa tayi ba. Can Mai martabba ya ce,
“Naji Mamahn taka ta ce, wai jibi zaka tafi.”
STORY CONTINUES BELOW
Kai ya gyada masa.
“Saboda me?”
Kamar bazai magana ba sai kuma ya ce,
“Abbah takura min ake anan.”
“Haba Aliyu baka zauna ka mana sati biyun ba. Aliyu muna son ka muna son kasancewa da kai me yasa kai baka son zama da mu.”
Shiru yayi.
“In har kana son farin cikin mu ka bari sai nan da sati biyun. Kaga har daba na hada mana ta zuwan ka. Shekarar ka nawa rabon ka da gida sannan kace zaka tafi.”
“Ba komai Abbah zan jira har sati biyu.”
“Allah maka albarka.”
“Ameen!”
Ya amsa
Sai da sukai sallah azahar yayi dakin sa. Hutawa yayi har akai la’asar ya jima yana addu’a da azhkar din yamma sannan yai wanka ya shirya yaje ya gaida iyayen sa.
Garden din sa ya nufa inda ba komai gun sai shuke shuke da bishiyun fruit kala kala. Zama yayi yana kallon tsuntsayen dake ta shawagi a wajen.
In ya zauna a ggun yana samun nnishadi dan ba hayani ga ni’imar dake wajen.
Ido ya lunshe yana sakin dan murmushin nan nashi wanda in ka gani ka rantse takura shi akai yayi bayan kuma ko ya ya dan saki fuska ba katamin kyau yake ba.
(Ni kam nace wannan in yai dariya ko ya saki murmushin ya zai zama dan kyau kuma oho)
Wajen na burge shi da sashi nishadi. Anan ya zauna har akai sallah magariba yaje yai sallah. Sai isha’i ya je yiwa Mamah sallama anan ta zaunar da shi ta bashi burabuskon da ta girka da kanta. Dan tasan shi bai son cin abincin dare befi yaje ya sha tea ba kawai.
Sai da ya gama yai mata godiya ya tafi dakin sa. Kallo yayi har tara sannan ya shige yai wanka yai awala ya dau kur’ani. Sai goma ya kwanta bayan yai addu’a.
Yau ma karfe uku ya mike. Haka kullum yake gudanar da rayuwar sa. Bayan yaje sallah ya dawo yai training yai wanka ya karya yaje gun Mamah.
Anan ya ce, zai je gidan Yaya Abubakar da Usman da Umar Mamah taji dadi. Daga nan yaje gun Abbah suka gaisa sanna shima ya fada masa.
Yaje ya gaida yan uwan sa inda sukai murna sosi dan suna son dan uwan su sai dai shi ba a gari yake ba kuma iakin sa baya bashi famar zama yau yana can gobe yana can duk da dai main gidan sa da gun aikin sa na Abuja but wani lokacin ana tura shi kula da wasu abubuwan.
Sai ya shekara bai zo ba har shekara biyu ma ba dan komai ba sai dan shi bai son takura gashi in yazo ana hidimomin gidan sarautar nan sai ya ga kamar takura shi ake dan in aka gama har rama yake in kuwa ya koma har ciwo yake.
Ya’yan yab uwan shi duk suka zo suka rufe shi suna murnar sunga Uncle din su. Duk da wannan halin na Aliyu Allah ya bashi farin jini mai yawa ba ga yara ba baga manya ba.
Acan ya yini da zai tafi ya basu kudi masu yawa yace su raba sai doshin magariba ya dawo. Wanka kawai yayi yaji kiran sallah. Sai da akai isha’i yaje gun Mamah take tambayar sa ya suke ya bata amsa a takaice da lafiya. Sanna ya tafi.
Yana shiga yai wanka ya zauna kallon labarai.
Wayar sa ce tayi kara. Ko kallon ta bai ba bare yai tunanin dauka. Haka ta gama ruri ta kuma sai da yaga baza a kyale shi bane sannan ya mika hannu ya janyo ta.
Number shugaban kasa ya gani. Ido ya zaro sannan yayi Tsaki dan ya san akwai wani abu da zai ssaka shi tinda har ya neme shi haka. Ba dan ya so ba  ya saka hannu  ya dannan receive. Gaisawa sukai sama sama. Sannan ya amsa,
“Nan da sati zan dawo in Allah ya yadda.”
Shiru yayi sannan ya ce,
“Ok ka turon na gani.”
Ya katse wayar. Shifa a rayuwa bai son magana. Magana ma wahala take basa.
Major Aliyu mutum ne wanda ya goge a harkar ilimi da wayewa, jinin sarauta ne, kuma soja.
Halaiyar sa kaf na irin gidan sarauta ne waje jan aji da kasaita. Miskili ne na karshe.
yana da kwarjini da shiga rai. Haka nan gidan su kaf ba mai kyau da ilimin sa.
STORY CONTINUES BELOW
Mutum ne mai nasara akan duk abinda ya sa a gaba. Miskili ne na karshe mai wani irin ra’ayi.
Haka Allah ya hallice shi tin yana yaro baka taba gane kan sa baka gane tunanin sa da komai nasa sai Allah kadai.
Ba abinda ya dame shi daga kudi mulki da komai duk basa gaban sa. Yana da rayuwa wace shi kadai ke jin dadin ta ba tare da yai mu ‘amala da kowa ba.
hasali ma sam bai da aboki ko daya a rayuwar in ba abokan aiki ba.
Dogo ne sosai fatar sa fara ce, gashin kansa kwance yake, kai kace balarabe ne shi da saje wanda ya kara masa kwarjini. Yana da dara daran idanu, hancin sa dogo ne, da karamin bakin sa.
Komai nashi mai kyau ne. Ko magana yake sai ya baka sha’awa da burge ka, murmushin sa sai ya sumar dariyar sa kuwa ba a magana dan karshe ce haka nan tafiyar sa abar kalla ce da daukar hankali kamar bazai taka kasa ba. Kai ka zauna da Aliyu sam ba zaka taba son daina kallon sa da baka sha’awa ba.
Allah ya bashi farin jini da kwarjini. Sam Aliyu bai da son mutane, haka bai son shiga cikin su saboda baya son hayani da damu.
Bai son magana ya fi son rubutu akan aaiki. Ko a wajen aiki sai dai komai yayi shi a aaikace ko a rubuce kafin kaji bakin sa zaka dade
Yana son ya ganshi ya zauna a gu mai yalwar iska da shiru. Shugaban kasa na ji dashi saboda jin dadin aikin da yake yi. Sosai yake taimaka masa wajen tsaro da warware matsaloli masu yawa.
Gidan sa na can Abuja sai Kuma na garin su. Yakan debe watanni ko shekara bai zo gida ba. Wanda wani lokacin Sarki da kansa yake yin takakiya yaje dan ganin halin da yake ciki tinda shi ba son zuwa yake ba dan in yaxo an ta damun sa da zuwa gaisuwa kenan.
Mahaifin sa Bafula tani ne, wanda ya jima akan kujerar sarki dake jihar sa a cikin Nigeria.
Mahaifin sa mutum ne mai addini da son talakawa. Yayi karatun boko mai zurfi shima.
Mahaifiyar sa buzuwa ce, wacce yar nijar ce, itama jinin sarauta ce wannan yasa sukai aure. Wanda garin su Mai martaba yaje tin yana yaro shine dalilin kulluwar soyauuar su. Sai kishiyar ta.
Ya’yan su shida. Abubakar, Usman,  sai Aliyu shine ‘da na uku, sai kannen sa yan biyu, Umar da Farouk sai kanwar su kuma autar su Maryama.
Amman sam kishiyar Mamah bata da ya’ya bata taba haihuwa.
Sunan Sarki Kabir Aliyu, da mai dakin sa Rashida Abdullahi.
Abubakar da Usman duk sunyi aure har da yaran ssu, kai har Umar da Farouk ma sunyi amman Aliyu sam bai da niyya. Dan shi ko budurwa bai da ita. Ina yaga lokacin su ma.
Yau da safe bayan yaje gun Mai martabba ya gaishe shi. Yana zaune dan yaji dadin zaman mai Martaba ya ce,
“Aliyu har yanzu dai shiru ko?”
Kallon sa ya danyi ya gyara zama. Bai ce kala ba amman uban ya gane bai gane inda ya dosa ba.
Mahaifin sa ya matsa masa amman ina har yanzu shiru. “Ba akan komai ba sai akan aure.’
Duk da wancan karon Da mai martaba ya takura masa sai ya ce shi bai da wacce Yake so.
Wanna yasa, yanzu yake son kara jin ta bakin sa.
“Akan zancen aure man.”
Shiru yayi can ya bude baki cikin rashin son magana ya ce,
“Abbah ni ban da wacce nake so amman na baka zabi, amman fa Abba a bisa sharadi daya.”
Mar martabba da yaji dadin zai bashi zabi sai yaji dadi. Amman jin har da sharadi sai kalle shi.
Magana ya cigaba cikin yanayi na rashin son yin maganar ya ce,
“Bana son yar masu mulki ko mukami ko masu kudi ko wacce nagode amman banda wadan nan.”
Shiru Mai martabba yayi dan shi da Mujahida ya so ya hada su. To Mujahidda yar kannin sa ce wanda yasan kanin sa yana da kudi gashi hakimi ne kenan dai banda ita a wacce Yake so kenan.
STORY CONTINUES BELOW
Tin a lokacin mai martaba ya dinga tunanin wacce zai hada wannan dan  nashi da ita.
Dan da ya fiso duk cikin ya’yan sa saboda yadda yake zubi da Mahaifiyar sa. wanda a duniya ba wacce mai martabba keso kamar ta.
Ga wasu halaiyar ta sa duk ta Sa ce.  Wannan yasa bai takura masa. Duk da Mai martabba akwai fara’a da son jama’ar sa. Amman kunsan halin jinin sarauta da ji da kai da kasaita to wannan duk Aliyu ya ninka su.
A haka ya karasa hutun sa wanda yai sati biyu cir. Da zai tafi duk iyayen basu so ba. Shiyasa tin asali basu so ya tafi karatun soja ba to amman yana so ya zasu yi da shi.
Mai martaba da kan sa shida Mamah Fulami suka tafi rakashi har filin jirgi. Inda tin daga nan kuma sojoji suka hau bashi tsaro dan bai yadda su kula da shi yana gida ba sai dai duk inda zashi suna biye dashi.
Yanzu haka ma sune, cike a flin jirgin dan kula dashi. Har sai da ya tashi sannan iyayen suka koma gida.
A can kuwa yana sauka yaji kewar gida duk da yana mai jin dadi ya rabu da hayaniya da jama’a masu takura masa da zuwa gaisuwa.
Ranar Monday ya koma bakin aiki. Inda a ranar suka gana da shugavan kasa. Yake fada masa yana son kara jihohi a cikin kasar Nigeria dan haka yana son ya ba da ita riko gare shi.
Bai so ba kuma ya nuna rashin son sa amman Shugaban kasa ya ce,
“Major Aliyu kayi hakuri na yadda da kai da irin aikin ka shiyasa zan baka. Dan haka tin yanzu na sanar maka Allah taya ka riko.”
Bai magana ba bai tanka ba. Shima shugaba kasa yasan halin kayan sa. Dan ba tin yanzu suke tare ba tsohon soja ne. dan haka ma tasu tazo daya a harkar har yake tare da shi gashi yanzu take son mashi wani mukamin.
Yana son Aliyu yana jin sa kamar dan sa. Haka yar sa Suhaila ma na son sa. Dan yayi masa tayin ta ya ce, yayi hakuri ba yanzu zai aure ba. Kuma ko aure zai baya tinanin auren yayan masu kudi.
Dariya Shugaban kasa yayi ya ce,
“Saboda me?”
“Ba duka ne ke da tarbiyya da ilimi addini ba. Ga son zuciya ga raini baka isa da su ba dan sun san suna takama iyayen su wasu ne “
Shiru shugaban kasa yayi dan yasan kusan haka ya’yan nasu suke. Ba a isa dasu ba. Sun saba da gata.
Amman shi yana son sa dan fadar gaskiyar sa rashin tsoro da riko da ibada ga ilimi. Kowa na son Aliyu akwai shi da farin jini duk da fuska kullun a hade take.
Tin da shugaban kasa ya kawo masa maganar nan yake tinani shi tayaya zai fara ma. Shi da bai son hayaniya.
Tsaki yayi, kwanciyya yayi ya lumshe ido shi kadai sai murmushi. Ba komai ya sa shi murmushi ba sai samun kansa a cikin irin yanayin da yake so na rashin hayaniya.
Haka ya kwashi tsawon awa biyu kwance idon sa biyu amman ba bacci yake ba sai karatun alkur’ani da yake yi ma a cikin zuciyar sa. Wanda wannan ya kara saukar masa da wata irin ni”ima, nutsuwa da nishadi a jikin sa da duniyar sa.
Yana nan ya fara jin kiraye kirayen sallah magariba. Mikewa yayi ya watsa ruwa ya fita. Tin daga kan kofar falon sa sojojine har bakin gate da bakin layi da kofar massalaci duk dan basa tsari ne.
Haka ya fita yaje yai sallah sai isha ya koma gida. Yana zuwa Abbah na kiran sa. Sai da suka gaisa yai masa ya hanya da aiki.
Haka Mamah ta karba itama tana tambayar sa ya yake. Sun jima suna dan jan sa da hira duk da ba wani sakewa yayi suna magana ba amman yana basu amsa a takaice. Sun jima sanna sukai masa sai da safe sannan suka kashe.
Suna gamawa yaje dining inda aka hada masa abincin sa. Ci yayi sannan ya je ya watsa ruwa. Zaman jin labarai yayi sannan ya koma ya kwanta.
Washe gari ta safe yai shirin sa cikin shigar kakin sa na sojoji wanda ya amshe yai kyau a cikin su.
Ruwan zafi kawai yasha ya fita. suna ganin sa suka hau kamewa, mota suka bude masa yana shiga driver yaja motar. Sauran suka shiga tasu suka take masa baya.
A haka har ya isa office aiki jingim ya sama nan ya zauna yana ta duba wasu cases da ya bayar da abubuwan da zai.
Sai Azahar ya samu dama yaje yai sallah. Yana dawowa Mamah ta kira da tana tambayar yaci abinci da eh kawai ya amsa mata sannan sukai sallama.
Sai bayan la’asar sannan yakama hanyar yin gidan sa. A gajiye ya koma ya cire kayan jikin sa yyai wanka sannan ya dawo falo.
Fruit kadai yasha ya zauna. Sai magariba ya mike yaje yai sallah bai dawo ba sai da yayi har isha’i yana dawowa ya kwanta.
Mai martabba kuwa yana can yana ta binciken wacce zai hada ta da wannan dan nasa wanda yafi kowa soyuwa a cikin yaran sa.
Sanye take da uniform din makarantar ta farin hijab ne sai ruwan omon wando da riga. Yarinya ce yar shekara Goma sha daya.+
Fara ce doguwa, kyakyawa da ka ganta kaga buzuwa. Akwai gashi. Tafe take daga gani a gajiye take ta shawo rana ga yunwar makaranta.
Gida ta shiga da sallamar ta. Gidan gini kasa ne, sai dai masu gidan akwai tsafta, dan tin daga soro gidan a share yake duk da jar kasar dake wajen har tsakar gidan duk a share yake.
Dakuna guda hudu ne, ajere sai ban daki da madafi da bishiyar darbejiya a tsakar gidan.
Ummah na ganin ta ta ce,
“A’ah Aisha an dawo.”
Kai ta gyada mata. Ummah ta ce,
“To ya makarantar!”
Hijab Aisha ta soma cirewa ta ce,
“Ummah makaranta sai godiyar Allah. Kullum abu sai dada gaba yake. Allah dai Ummah ya cika min buri kiga abinda zanyi a duniyar nan.”
Murmushi Ummah tayi ta ce,
“To Ameen Aisha. Kinga tashi kije kiyi wanka kizo kici abinci kafin lokacin isilamiyya yayi.”
Mikewa tayi ta shiga daya daga cikin dakunan gidan. Kayan ta ta cire ta ajiye sannan ta wuce bandaki tai wanka.
Riga da zani ta saka na atamfa. Wajen Ummah ta dawo. Ummah ta ce,
“Dauki abincin kici.”
Kwanon abincin ta ja ta fara ci. Sallamar Muhammad taji tai saurin daga kai tana kallon sa. Da gudu ta mike tayi gunsa tana fadin
“Yaya oyoyo.”
Ta rungume shi. Kallon ta yayi ya ce,
“Wato dai ke bakya girma kko?”
“Tab bazan taba girma a gun Yaya nah ba.”
Jakar hannun sa tta karba tayi cikin dakin sa da ita.
Ta dawo ta ce
“Wai daman Yaya kana hanya bamu sani ba.”
“Zaki fara din ko?”
Ya fada yana zama.
“Kai Yaya me zan fara.”
Janyo ta yayi ya zaunar. Abincin da take ci ta tura masa gaban sa.
Ummah ya kalla suka gaisa.
“Yaya muci nasan ka debo yunwa.”
Cokalin ya dauka ya fara ci yana ci yana bata cokalin ita ma taci. A haka suka ggama suka dado sannan suka zauna ta fara surutun nata wanda in ta fara sai da kyar take daina shi.
Amman sam Muhammad bai taba gajiya da komai nata surutu zai zauna ya sata aa gaba yai ta kallon ta.
Aisha, ya ce ga Malam Isah da maihaifiyar ta Hafsa. Hafsa yar Nijar ce, wacce acan mahaifin Aisha ya gano ta ya aura. Duk da da kyar aka bari ya aure ta kasancewa jinin ssarauta ce acan.
Wan Mahaifinta shi ya daura mata aure dan mahaifin ta bai yadda da auren nata ba. Haka suka zzo nan nigeria suka zauna ita da mijin ta.
Malam Isah da Malam Habu su biyu ne wajen iyayen su Mallam Isah shine babba. kuma yafi dan uwan ssa samun abin hannu duk da suna a kauye amman kauyen ba sosai ba.
Rayuwar su abar sha’awa. Sunyi zaman shekara kusan goma da aure Allah bai basu haihuwa ba. Har Malam Habu yai aure ya auri matar sa masa’uda.
Watan Masa’uda tara da aure ta haifi dan ta namiji shine aka saka masa Muhammad sunan mahaifin su Malam habu.
STORY CONTINUES BELOW
Watan Muhammad  tara Masa’uda ta kara samun wani cikin. wannan yasa rikon Muhammad ya koma gun Hafsat.
Haka Masa’uda ta dinga haihuwa konika har ta haifi ya’ya hudu duk maza. Duk Mama ita ke taya ta rainon yaran.
Amman Muhammad ya zama na ta. A kannen Muhammad akwai Umar da Shu’aibu da Ibrahim da Mustapha.
Sai da Muhammad ya shekara 10 sannan Allah ya bawa Mama ciki. Zo kuga murna gun Mama da Ummah da Malam Isah da Malam Habu.
Muhammad shi kewa Mamah komai. wata tara aka haifi jaririya mace inda aka ssaka mata Aisha sunan mahaifiyar su Malam Isah.
Tin da aka haifi Aisha, Muhammad ke mata komai hatta raino ko kuka Aisha keyi taga Muhammad ta daina kenan.
Sun shaku sosai inda zatai wa kowa kuya amman banda Muhammad ko ina suna tare in kuwa zashi makaranta tai ta kuka kenan.
Shekarar Aisha uku da haihuwa Allah ya amshi ran Malam isah. Kafin ya rasu sai da ya fadawa Hafsat kan in har ya mutu ta koma gida ta roki gafarar iyayen ta. Kuma tai masa alkawari.
Haka Mamah ta cigaba da zama a garin har Aisha ta shekara hudu a lokacin kuma ta ce zata koma garin su.
Amman dagin malam isah suka ce sai dai ta bar musu yarinya. Haka Mamah ta tafi ta bar Aisha ba dan taso ba. Mama kuka Muhammad kuka haka Ummah da Aisha.
Tin daga lokacin rainon Aisha ya koma gun Muhammad da Ummah. Dan har tafi yadda da Muhammad akan Ummah.
Muhammad shine kashin ta shine fitsarin ta. Ya goyata yai mata wanki wanka dukka. Komai ya samo Aisha. Komai ya samu Aisha.
To haka shakuwar su ta faro tin suna yara har yanzu wanda kauna mai tsanani ta kullu tsakanin Aisha da Muhammad wanda yanzu haka Muhammad ya dawo daga makaranta ne, a wani gari can yake karatu. Inda yake level 100.
Aisha akwai kokari kuma akwai mai da kai. Abu daya ke damun ta irin makaratun garin su wanda ba gyara ba kwararun malamai ko akwai basa kula su koya musu.
Wanda ita Yaa Muhammad shi ke mata lesson wanda sosai take ganewa. A nata ganin tana ganin aa cikin malaman su ma akwai wanda zata iya kurewa. Yanzu haka tana primary 6 ne.
Aisha akwai suturu gata da son mulki dan ko mate din ta kai har wanda suka girme ta zata iya basu command kuma sai sun bi
Burin ta daya ne shine taga tayi karatu mai zurfi ta kuma taimakawa yan uwa da jihar ta bama makarantun su.
Ba kwararun malamai ba bancina ba gini mai kyau.
Burin ta daya taga ta samu ilimi wanda zata zama wata ta kwatowa kasar ta da jihar ta yancin ta.
Takan yawan tinani ta yadda burin ta zai cika. Su ba kudi ba mai taimakon su ba. Kuma tana ganin a gida ba za a barta tai karatu mai zurfi ba. Duba ga yadda ake aurar da yara da wuri. Dadin ta ma dan jikin da take dashi dan sai kai tunanin ko shekarar ta tara a ido.
Kullum addu’ar ta kasance Allah cika mata burin ta. Takanyi kuka in taga akwai makaratu masu kyau amman sai kana da hanya. To su dda basu da hanya dole sai dai suyi wacce suke ko su zauna bba ilimin.
Nutsuwar Aisha da hankalin ta ya girmewa shekarun ta. Ba abinda tasa a gaba inba karatu da cikar burin ta ba.
Duk duniya mutum daya take so kuma take fada masa burin ta da duk damuwar ta wannan bba kowa bane in ba Yaa Muhammad ba.
Komai nata ya sani haka komai zatai sai ta fada masa. Haka nan rayuwar da hagen nesan yafi karfin shekarun ta.
Yaa Muhammad kan zauna ya bata labarin Mamah da Abban ta takan zauna taji tana murmushi. Tana son taje taga Maman ta duk da a gidan da take Ummah ta rike ta kamar yar cikin ta.
STORY CONTINUES BELOW
Yau da Yaa Muhammad ya dawo bata da gun zuwa shikenan tana zaune gun sa tana basa labarin makarantar ta da irin kokarin da take yi. Duk test ko exam sai ta debo ta nuna masa.
Soyayyar dake tsakanin Yaa Muhammad da Aisha soyayya wacce kowa su yake jin yana son dan uwan sa da aure.
Duk da Aisha na da karancin shekaru, amman tana jin tana son Yaa Muhammad kuma bata jin zata iya rayuwa ba shi. Dan kullim shi ke dada mata kwarin gwiwa wajen ganin tai karatu da taimaka mata.
Bashi da buri sai na ganin Aisha na cikin farin ciki walwala da koshin lafiya. A garin da yake karatu akwai yan mata dake son sa. wasu ya dan biye musu a dan taba soyayyar wasu kuma ya ce yana da mata.
Kowa yasan shi da Aisha. Komai Aisha komai ya samo Aisha. Ba mai taba masa Aisha
Washe gari da Yaa Muhammad ya dawo komai da take na gyaran gida tare suka yi shara wanke wanke da girki.
Kasancewar ranar asabar ce ba boko shi yai mata wankin kayan sawar ta da kayan makarantar ta sannan ya goge mata.
Kai ma shi ke tayata wankewa da tsifa. Abin su gwanin sha’awa. dan ma yanzu ta fara girma ya rage shige mata sosai.
Amman da ya goya ta suyi bacci tare ya mata wanka. Komai dai. Mamah da Baba na jin dadi ganin yadda Yake mata.
Haka ma sauran yayun nata duk suna son ta sosai sai dai soyayya da shakuwar su ta fi yawa ga ita da Yaa Muhammad tana kishin sa. In yazo yana bata labarin yan matan sa na ckul tai ta kumbure kumbure. Ko tai ta gwasale su.
In kuwa akace Yaa Muhammad zai koma zo kuga yadda zata tada hankali da kuka kamar me.
Baba Manomi ne sai dai ya kan hada da dan gadi a manyan gidaje ko duk abinda ya sama in dai zai taimaka ya ciyar da iyalin sa shikenan.
Yana da ilimn addini sosai dan har koyar wa yake da dare a kofar gidan sa. Sannan in ya samu lokaci yana shiga isilamiyu ya bada gudunmawar sa.
A haka suke rufawa kan su asiri wanda suke cikin godiyar ubangiji dan basa rasa ci sha da sutura ta dai dai misali.
A hutun da Yaa Muhammadan yayi ba karamin kara shakuwa sukai ba. Dan karatun ta ya kara cigaba dan sosai yake koya mata both arabi da boko.
Sati uku yayi ya fara shirin komawa duk sai suka shiga damuwa da kunci. Ba dan yaso ba da ba zai tafi ba. Haka ya zauna yana lallashin ta ya ce,
“Bakya son in na tafi naje na gama karatu na biya miki bukatun ki.”
Da ya fadi haka zata hau murnar ta manta damuwar ta. Dan ba ta da buri illah taga cikar wancan burin nata na ta taimakawa mara sa shi da kudin ta da karfin ta da dabarar ta da kwakwalar war ta.
So da dama Ummah da Baba kan yi mamakin halaiyar ta da maganganun ta dan duk na manyan mutane ne.
Duk surutun ta batayin na banza zaka ji shi mai ma’ana ko tai ta tambaya kuma duk mutum mai tambaya zaka gane yana da kokari sosai.
Har tasha ssuka raka Yaa Muhammad ya tafi da kewar kanwar sai mai son sa shima mai son ta da son ganin farin cikin ta.
Haka ta koma gida ta kara mai da hanakali kan kararun ta.
+++++++++++++++++++++++++++++++++++++++++++++++++++++++++++++++++++++
Kwance take akan daya daga cikin kujerun dakin. Wanda kyau da taushin su kadai zaka kalla kasan sunji kudi.
Pink kala ne, kujerun dakin haka nan half paint din dakin ma kalar sa kenan da milk. Labulaye da center carpet duk pink kala ne amman su masu haske ne.
Daga ganin yarinyar kasan hutu da jin dadi sun wadatu a jikin ta. Sanye take da doguwar riga wacce daga sama roba ce ta kama kirjin ta, kasa ya bude, multi kala ce wacce akai zane layi layi da kala kala.
Kanta ya sha packing sai kyalli yake. Ba kwalliya a fuskar ta amman tayi kyau da ita.
Chatting take da wayar hannun ta iphone. Murmushi take saki. Bata san me take ji game da wannan yayan nata ba. Indai suna waya hira ta kanji nishadi.
Murmushi ta kara yi sannan ta tura masa reply akan abinda ya tambaye ta. Ido ta lumshe tina tambayoyin da yayi mata.
Wacce ta tsaya mata a ita ce wacce ya ce yana son ta dauko surah daya acikin al kur’ani ta bashi dan meaning sannan akan me aka saukar da sauran su.
Kasancewar ta samu ilimi gaba daya boko da arabi bata bata lokaci ba ta bashi translation din surar da a inda aka saukar da komai nata.
Sai ya tambaye ta akan wa ta fi so a duniya? Nan ma ta bashi amsa da Allah ta fiso.
Ya tambaye ta dan me take son Allah akan kkomai ta ce, saboda shi ya hallice ni ya hallici iyaye na yai min ni’ima da baiwa da ban da damuwa ko na rasa wani abu. Ina son Allah saboda yayo ni a muslma ya bani iyaye muslmai wanda suke kkula da tarbiyya ta suka ssanya ni a makaranta both.
“Daga Allah sai wa kkike so?”
“Sai manzon sa Annabi Muhammad (SAW)”
“Da shi sai wa?”
“Sai Mahaifiya ta da mahaifina da kanwata.”
“Ni bakya so na?”
“Haba dai Yaa Fauwaz tayaya zanki son ka kar ka manta kai ne my lovelly bro da nake dashi kadai kuma nake son sa.”
“Naji!”
Tayi murmushi. Ya ce,
“Wane irin miji kike so?”
“Ina son namiji mai addini mai ilinin both arabi da boko mai sona wanda bazai taba bari na akan laifi kadan ba. ma’abocin son kamshi da iya kwalliya.”
Tambayar sa tayi akan me yai mata wannan tambayoyi. Sai cewa yayi saboda yana son yaji ya take a bangaren karatun ta. Yana son mace mai addini duk da shi yasan bai da zurfi anan kasancewa a inda ya tashi yai rayuwar sa.
Yanzu dai yasan tana da ilimin ta dari bisa dari. Tambaya da ya kumai mata taso ta hargitse ta shine wai tana da saurayi.
Bata san me take ji game da shi ba. Amman tana son su kulla wani special relationship kamar saurayi da budurwa to amman tana da wanda take so taya haka zata faru.
Shine fa tai murmushi ta ce masa,
“Ni ban da saurayi sai wadan da suke so na.”
Yaji dadin wannan maganar kuma a ransa ya kara bata wani matsayi mai girma.
Anan yake fada mata baya kasar yaje amso result din sa.
“Da naso na sauka a gida amman ta gun ki zan sauka.”
Abinda ya fada kenan ya sata murmushi tare da lumshe ido. Tunani take ta yadda suka kara sabawa duk da a lokacin da yake zuwa hutu tana da karancin shekaru wanda ba wani sabo sukai ba.
Kawai da ta dada hankali ne take son zumunci shine har ta amshi number wayar ya’yan yayun Momyn ta suke gaisawa. To shi kadai ne ma baya garin nasu. Amman sauran sun saba kamar wanda suke uwa daya uba daya.
Daga gaisawa suka dan shaku har da chat suke ana ya fara yaba hankalin ta da nutsuwar ta.
Ido ta bude, Momy dake gefen ta ta kalla ta ce,
“Momy kinji Yaa Fauwaz ya je amsar result din sa ko. Momy da first class upper ya fito dan kiji.”
Murmushi Momy tayi ta kalli yar tata wacce takan yawan kawo mata zancen Fauwaz. Ta ce
“Alllah bada sa’a to. Naji ya ce anan zai sauka ya danyi hutu.”
Kai ta daga ta ce,
“Haka ya ce min,”
Wayar ta ce tayi kara tana dubawa taga Fu’ad ne. Murmushi tayi ta dauka ta mike tayi waje.
Murmushi Momy tayi ta ce,
“Fateema kenan.”
Fateema na fita ta wuce gardern a can ta sha wayar ta da sahibin ta Fu’ad.
Sai magariba ta koma cikin gida. Sallah sukai ita da Momy da kanwar ta, Yasmeen sannan Dady ya dawo.
Sai da ya zauna yaji lafiyar ta da ta kanwar ta, da matar sa sannan ya koma sallah isha’i.
A falo duk suka zauna suka ci abinci sanna ta mike ta dauki kanwar ta, tayi dakin ta.
Sai da ta kwantar da ita kasancewa tayi bacci sannan ta shiga tai wanka. Kayan bacci ta saka. Sai da sukai waya da Yaa Fauwaz akan harkar karatun ta sanna sukai sallama.
Fu’ad ya kira yace, ta hau online suyi hira. A can ma sun sha hira da Yaa Fauwaz da Fu’ad.
Fateema yarinya ce yar shekara sha tara wacce ta kammala karatun secondary din ta shekarar da ta gaba ta yanzu haka tana shekara ta hudu a university tana karantar medicine .+
Ita ce ‘ya ta fari a gun mahaifin ta Alhaji Umar da mahaifiyar ta Huwaila.
Alhaji Umar dan kasuwa ne, wanda yake da manyan kamfanoni. Shine da na fari gun mahaifan sa. Su biyu ne daga shi sai Aminu kanin sa. Wanda shima yana da aure da ya’ya biyar.
Yana nan bayan layin mu, Fadila, Suraiyya, sumaiyya da sakina, sai Amir sune ya’yan sa.
Suraiyya ita ce yar sa ta uku kuma ita ce sa’ar Fateema dan Momy ta jima kafin ta fara haihuwa dan har sai da kanin ta Ado yai aure shima ya haihuwa haka ma Kanin Dady Aminu yai aure ya haifi ya’ya biyu samna Momy ta haife ni.
Huwaila ma ita ce yar ta hudu gun mahaifan ta. Mahaifin ta malami ne, wanda asalin sa dan garin Adamawa ne, ya’yan su biyar ne a gidan su daga Hauwa sai Ummu kursim, sai Tijjani, sai Huwaila da Ado.
Duk ya’yan mutuwa suke Hauwa da Huwaila sai tijjani ne kadai suke raye.
Ya’yan tijjani biyu daga Kamal babba sa’an Yaa Fauwaz sai Sani wanda ya girmi Fateema amman abokin ta ne sosai.
Hauwa dan ta daya a duniya Mahmud wanda suke kkira da Fauwaz.
Dan ita Momy daga Fateema sai Hauwa (Yasmeen) ne ya’yan ta. Inda ita kuma Hauwa danta daya Fauwaz.
Suna zumunci kuma Hauwa kanzo in hutu ya samu. Sai dai Fauwaz da bai fiya zuwa ba dan ba a agarin yai karatu ba.
Suna zaune a can lagos. Yana da ilimin sosai sai dai bai da zurfi ana isilamiyya sosai saboda inda ya tashi suna kuka da ilimin isilama. Duk da haka dai Alhamdulilah yana da abinda yake dashi dan Mahaifiyar sa na koya masa abubuwa sosai kuma a isilamiyya ma yana dauka. ya sauke sai dai bai zauna karatun irin littafan nan ba saboda bai zauna a kasar ba da yai sauka wato ya gama secondary sai aka bar kasar dashi. Yana da burin ganin ya auri mace mai addini ko dan ya’yan sa.
Fauwaz mahaifiyar sa ya debo jinin fulani dogo ne sosai, yana da haske da idanu da hanci gashin sa kwance.
Kyakyawa ne, mai aji da nustuwa da kamala. Ya karanci Likitanci wanda yanzu ya gama ya fito da sakamako mai kyau ya zama ccikaken likita mai zaman kan sa.
Fateema ma tana da tsayi doguwa ce, kyakyawa ta karshe akwai miskilanci in ta so. Wani lokacin zata yini batai wa kowa magana ba. Sannan bata da surutu kan tai magana ma wahala ne.
In kaga maganar ta to da Dady ne ko Momy da kanwar ta Yasmeen.
Ta samu gata wajen iyayen ta amman haka bai sa ta baci ba. Tana da hankali da biyayya.
Tana da ilimi both sannan tana da aiki dashi. Kowa na son ta dan akwai ta da farin jini. Ga kwarjini ba kowa ne zai iya tin karar ta da maganar soyayya ba.
Dan duk yadda mutum yaso mata magana da ta doso sa zai kasa tinkarar ta.
Tana da saukin kai bata da son hayaniya. Halin ta kuwa kaf Fu’ad ya gama karantar su.
Dan Fu’ad zai iya rubuta miki littafi akan halaiya da dabi’un Fateema kaf.
Daga Momy sai Dady ne zasu fada masa halin ta. Haka nan yana tsananin son ta dan tun suna yara bata san kanta ba yake son ta haka ma ita.
STORY CONTINUES BELOW
Makarantar isilamiyyar su daya abokin dan kanin Momy ne, Sani. Sani ya girmi Fateema amman mutumin ta ne dan sun shaku.
Ta dalilin sa ne, suka hadu har soyayya ta kullu dan lokacin Fateema bata fi shekara Goma ba. tin tana JS 1 din ta kenan.
A lokacin in zaka kashe ta bata san menene soyayya ba sai dai tasan tana tsananin jin kunyar sa.
Duk da shima a lokacin bai fi shekara goma sha shida zuwa bakwai ba dan time din ya gama secondary school din sa. Amman ya dauki son duniya ya daurawa Fateema.
Duk abokan sa da yan uwan sa sun san da Fateema hatta Mamin sa ma haka.
haka nan an san Fateema bata son yin fashin makaranta ko dan tagan ssa. In Kuwa a aka ce bai da lafiya ita ma zaka ga ta ba lafiya.
Akwai lokacin da yai hatsari zo kuga yadda hankalin Fateema ya tashi har da kuka. Haka taje asibiti duba shi cikin tashin hankali.
Da ya dawo gida kuma ta hada masa abinci da su snack mai yawan gaske ta bayar akai to tin daga nan aka san Fateema sosai a gidan su Fu’ad.
Mamin Fu’ad sosai take son Fateema duk da sai a hoto ta san ta bata taba zuwa ba.
Fu’ad dan asalin garin hadeja ne, mahaifin sa jinin sarauta ne, da yake bai son harkar sarauta yasa ya debo matan sa da iyalan sa suka dawo nan Kano.
Alhj Abdulkadir sunan sa. Da matan sa biyu Mariya da Sa’adatu. Mariya ita ce uwar gida suna zaune lafiya dan baka gane ya’yan amarya da uwar gida.
Fau’ad dan gida Sa’adatu ne, ya’yan gidan sunyi goma amman shine auta. Kuma yanzu daga shi sai yayun sa biyu ne basuyi aure ba.
Fu’ad shine auta a gidan su wanda kowa ke son sa. Baki ne, dogo dan kansu daya da Fateema ba kamar Fauwaz ba da ya kerewa Fateema.
Gashin kan sa a kwance yake luf luf. Yana da manyan idanu, haka nan hancin sa dogone shape din fuskar sa mai kyau ce. Duk wanda ya kalli Fu’ad yasan ya hadu iya kar haduwa.
Ya karanci Economic kammala ya koma yin degree na biyu wato master
Yana da ilimi mai zurfi a bangaren arabiya haka a boko ba zauna ba yanzu ma karo karatu yake.
Yana son Fateema kamar rayuwar sa. Duk farin cikin Fateema shine nashi bakin cikin ta shine nasa.
Zai iya komai dan ganin farin cikin ta, Yasan rayuwar da ta fito yasan duk yanayin ta na son magana da rashin son magana.
Allah yayi Fateema da son kauye wanda ita daga dagin Dady har na Momy basu da wani kauye duk yan cikin birnin kano ne.
Fateema akwai son rayuwar kauye ta ganta taje cikin su. Wannan yana daya daga cikin burin da Fu’ad yake son ya samu kauye mai kyau da ni’ima ya gina musu gida suna zuwa dan farin cikin Fateema kawai.
Kullum suna tare. Soyayya mai tsafta suka gudanar wa dan akalla yanzu sun dibi shekara goma sha suna tate tin basu san.memene sp ba daga wasan yara har yanzu.
Yan uwan Fateema gaba daya sun san da shi haka nan yan uwan sa sun san da Fateema kuma suna son ta.
Bai da buri illa yaga ya gama karatu ya aure Fateema ya bata duk kan farin cikin rayuwa.
Rayuwar soyayyar su aba ce wacce aka faro daga tushe abar so sha’awa da burgewa.
Ana cikin haka Yaa Fauwaz ya zo. Ba a gidan Momy ya sauka ba a gidan Su Kamal ya sauka tinda sune sa’anin sa zai fi jin dadi.
A Ranar da yazo, suka taho gidan su Fateema shi da Yaa Kamal.
Lokacin Fateema na zaune sanye da dogon bakin siket, sai red kala riga. Ta saka black kala hula. Tana zaune suka shigo.
STORY CONTINUES BELOW
Kallon juna sukai suka sakar wa juna su murmushi. Yana sanye da bakin wando da jar riga mai layi layin baki. Idon sa sanye da medical glass. Sai tashin kamshi yake yayi kyau ya kara waye wa da girma akan lokacin da ta san shi.
kunyar sa na ji dan irin kallon da yake min dan haka nai kasa da kai. Sun gaisa dasu Momy ta sa na kawo musu abinci.
Ranar tuwo momy tayi tuwon alkama miyar agushi da taji naman kaji. Lemon zobo mukai wanda aka saka masa cocimber ya ji sanyi yai dadi.
Sai da suka ci suka koshi sannan aka zauna hira. Biyar da rabi ce tayi lokacin dauko Yasmeen daga ckul kuma ni ke dauko ta dan haka na mike na shiga daki.
After dress na dauko na dan kara shafa turare. Mayafi na yafa na fito. Kallo na yayi ya ce,
“Ina zaki?”
Murmushi na yi nace,
“Yasmeen zan dauko a ckul.”
Mikewa yayi ya kalli, Momy ya ce,
“Mum bari muje.”
Kamal da suke hira da Momy ya ce,
“Sai kun dawo.”
Mun fita a hankali muna tafiya cikin nutsuwa sai shi ke dan jana da hira wani in bashi amsa wani in daga masa kai kawai.
A haka har muka karasa makaranta. Yasmeen da bata san Yaa Fauwaz ba tana ganin sa na fada mata waye shi.
Dariya tayi dan na saba bata labarin sa. Yarinya yar shekara biyar da ita. Gwanin sha’awa sai uniform din ta sky blue daga wando har riga.
Daukar ta yayi muka tafi. Muna tafe suna hira dan Yaa Fauwaz akwai son yara shi da Fu’ad ban ssan wanda yafi son Yara ba.
Haka muka karasa gida. Tsarabar mu ya bamu Yasmeen sai murna take tana jin dadi. Godiya mukai.
Sai magariba suka tafi. Da zai tafi yai wa Momy sallama ni dake zaune a falon dakin mu ya leko.
Kallon sa nayi ido ya kashe min ya ce,
“Am going bae.”
“To sai yaushe?”
“Duk lokacin da kike nema na.”
Murmushi nayi na ce,
“Kullum ina neman ka.”
“Sure?”
“Yes!”
“Ok I think gobe in zo!”
“Allah kai mu.”
“Ok bye bye.”
Ya juya yana daga min hannu. Ni kadai na tsinci kai na cikin farin ciki.
Fu’ad ne ya kira kan yazo. Na mike naje na shirya muka tafi can sitting room inda muka saba zama.
Sai da yaci abinci har nake bashi labarin zuwan Yaa Fauwaz. Duk da akwai time din da na bashi labarin sa yake tambaya ta soyayya muke nace,
“A’ah he is just my bro fa.”
Duk da haka Fu’ad bai yadda ba saboda in muna tare Yaa Fauwaz kan yawan kira mu gaisa. Har ta kai wani lokacin in ya kira bana zama a gun saboda baya so.
Kuma Sani shi ya kara saka masa shakku akan in har Yaa Fauwaz ya ce, Yana so na to shi za a bawa dan suna son hadin gida.
Fu’ad kan tada hankalin sa duk da yasan halin sani na tsokana da neman magana.
Amman ko wanne saurayi zai ji kishin a bar son sa. Yanzu ma da na fada yai masa addu’a bama da na fada masa result din sa.
Tin daga ranar kullum Yaa Fauwaz na gidan mu. Duk abinda yake so shi nake girka masa.
A lokacin yana son dan wake, da awara da cake. To in yazo gida kullun zai same su. Dan wake ne dai kullum sai na masa shi kuma yafi son sa da man ja.
Duk lokacin da zai zo zan yi kwalliya haka shima cikin shiga mai kyau yake zuwa. In Yaa Fauwaz yazo tin ina daga daki kamshinsa ke sanar dani.
Sau da dama a dakina muke zama da yake parlour and bedroom ne. in muka zauna sai dai muyi ta kallo dan ban fiya magana ba.
Fauwaz na mamakin rashin magana ta dan ni in ba typing a whatsapp ba ban fiya bude baki in fada Maka yadda nake son abu ba.
Ina da tsananin misklianci wanda ya jade da kunya magana take karai min wuya. Ina da abin fada a zuciya ta amman kunya da rashin son magana sai na kasa magana.
Abu daya na sani shine, kafin zuwan Yaa Fauwaz da ya nuna yana so na ban sa a rai na zan so shi ba na bar shi ne da in yazo kawai ya tafi an gama soyayya.
Amman sai gashi kwanan sa bakwai na fadawa soyayyar sa kamar me?
Kullum muna tare tin safe, in ina aiki yakan taimaka min haka in ina kitchen shima tare muke aiki.
Nakan rasa da wa nafi dacewa. Nakan rasa wa na fi so. Ni nasan bani da zare zare dan ko an ce ana so na na yadda to sai mutum ya gane bana son sa dan ni ban iya boye gaskiyar abu a zuciya ta ba. Dan ban iya faranta wa mutum na karya ba. Haka ban iya nuna maka soyayya ta ba wacce sai wanda nake so kadai nake nunawa wannan kuma ba kowa bane face Fu’ad.
Sai gashi wai yau ni Fateema ni ke son wani. Ina halakanta haka da dan Yayan na ne shi yasa har ya samu wannan gurbin a zuciya ta.
Ya zanyi? Wa zan aura? Duk na kasa zaba. Ina son Fu’ad son da tin ban san mene so ba nake masa.
Wanda a yanzu nake ganin kamar shakuwa ce ba so ba. Yaa Fauwaz kuwa sosai yake dan sani nuna masa yadda nake son sa.
Dan in nace ni ya zanyi kaza? Zai nuna min koma mene.
Yau muna zaune a falo na, Momy da Yasmeen suka leko cikin shiga mai kyau dan unguwa zasu.
Kallo na tayi ta ce,
“Fateema zamuje gidan bikin nan. Sai mun dawo.”
Ta kalli Yaa Fauwaz ta ce,
“Zaka jira na dawo dai ko?”
Kai ya gyada ya amsa da
“Eh!”
Ta juya ta fita.
A system muke kallo wacce system din Fu’ad ce, Password din ma sunan sa ne a jiki.
Amman da Yaa Fauwaz ya ce,
“Waye Fu’ad?”
sai nace,
“dan kanin Abba ne.”
Muna cikin kallon ya dago ya kalle ni. Nima kallon sa nayi. Gefe na ya matso ya kama hannu na.
Ya ce,
“Fateema kin taba zaton zamuyi soyayya?”
Kai na girgiza.
“Kina da wanda kike so?”
Shiru nayi. Ya ce,
“Feel free Baby!”
Kai na girgiza alamar babu. Ya ce,
“are you sure?”
Na kuma gyada masa kai. Ya ce,
“Fateema ina son ki.”
“Nima haka. Amman kai fa ka da wacce kake so?”
Murmushi yayi kafin ya ce,
“Kafin yanzu ba. Amman yanzu sai ke “
Kallon sa nai alamar tambaya ya ce,
“Eh na so wata yarinya wacce muna ckul mukai soyayya. To gaskiya nai mata yarinta kinga tare muka gama ckul kafin na gama komai nai setting nazo na samu aiki zan bata mata lokaci dan she is not young.”
“Yar katsina ce ina son ta before. Munyi soyayya da ita sosai dan in exam ta taho tare muke kwana a area ckul muyi karatu kowa yasan ni da ita.
Kan na rabu da ita nayi zaton ban kara samun wacce nake so kamar ki ba. Sai gashi ba aje ko ina ba na samu beautiful baby. Ina son ki.”
Shiru nayi. Janyo ni yayi ya daura akan cinyar sa. Abinda wani namiji bai tabai min ba. Nan da nan naji jiki na ya fara sanyi yana rawa.
Kallo na yayi yai murmushi ya ce,
“Ki yadda dani bazan yi wani rubbish abu ba u re my sister wacce nake son ta zama matata uwar ya’ya nah.”
Kiss yai min a goshi sannan yai wa idanu na. Ido na lumshe kunne na ya fara kissing yana zira harshen sa a ciki.
Take jki na ya fara rawa sosai. Ganin na tsorata yasa ya matse ni a jikin sa. A hankali yake shafa bayana har na dan nutsu.
Mai dani gun zama na yayi ya mana play din film din da muke gani. Muna kallo yana dan jana da hira ni kuma jikina duk yai sanyi ga kunyar sa da nake ji.
“Baby!”
na dan dago na kalle shi.
“Ki saki jikin ki, ban tabai wa wata wannan abin ba. In ba ke ba kema son kine ya sa. Ina kaunar ki.”
Murmushi kawai nayi sai na tino da Fu’ad, to wai ni *wa nake so ne?* wanna ina so wancan ina so dole dai daya zan aura dan ba a aurar maza biyu. Amman gaskiya da ana aurar maza biyu da dukka zan aura.
“Shin ya zanyi?”
”’Nace mata ki tambayi reader su baki amsa.”’
Sam bansan wanda ya fadawa Yaa Fauwaz ina da wani Wanda nake so ba. Duk da gare shi bai yadda ba.
A bangaren Fu’ad kuwa duk wata kulawa da nake bashi ta ragu wacce ta sa ya kasa gane ni.
Sai da yaje gun Sani yaji labarin zuwan Yaa Fauwaz tin daga lokacin hankalin sa ya tashi.
Duk lokacin da zai zo sai na kawo wata matsalar ba komai bane face ina tsoron kar Yaa Fauwaz yasan da shi. ga Yaa Fauwaz kullum yana gidan mu tin safe sai dare.
Bangaren Yaa Fauwaz yana son mace mai hankali nutsuwa ba dole sai kyakyawa ba dan ya fiso natural beauty bai son kwalliya kwalliyan nan. Wanna na dada burge ni da shi.
Akwai shi da son hijab dan duk lokacin da ya ganni da hijab yai ta yaba ni da kwada ni kan nayi kyau. Haka akwai shi da ibada baya barin lokacin sallah ta wuce shi.
Wayaye ne, wanda ya iya soyayya da kalamai masu dadi. Haka nan Fu’ad ma yana so na amman shi yana son both natural beautyn mutun da kuma time da zan kwalliya duk yana so.
Yana son duk wata shiga da zan kuma zai kwadani yace nayi kyau. Bai taba ganin muni na duk da ni ba mummuna bace amman dole akwai ta inda mutum zai gaza.
In na zauna nakan yi tinanin, sai na rasa *wa yafi so na?* ko kuma ni *wa nake so?*
Zaune muke ni da Yaa Fauwaz muna hira. Yasmeen ce ta shigo wai inje inji Momy.
Mikewa nayi naje. Tace,
“Fu’ad ne yazo.”
“Innalillahi wainna illahir rajiun!”
na fada.
“To Momy dan Allah kisa a kai shi sitting ina zuwa.”
Na koma daki.
Bamu jima ba Yaa Fauwaz ya ce zai tafi iya ka ta kofar falo na koma ciki. Mayafi ne a jiki na dan haka na cire na saka hijab.
Ina fita na hango Fu’ad ya fita. Da sauri nabi bayan a can gefen gida muka tsaya. Kallo na yayi ya ce,
“Fateema me nai miki ne? Fateema zuwan Yaa Fauwaz yasa kin canja min Fateema wallahi ban iya rayuwa bake Fateema kece farin cikina.”
Nidai shiru nayi nai kasa da kai na to nasan na bata masa mutumin da duk lahadi muke tare sannan duk time din da yake free ma muna tare amman yanzu munyi two week bamu ga juna ba kuma ni ban wani damu ba. Bayan a da sai nafi kowa damuwa.
Muna haka na hango yaa Fauwaz ya dawo ya tsaya a kofar gida yana kiran waya. Nasan ni yake kira tinda bai shiga gida. Kirjina ne ya buga. Fu’ad ya ce,
“Kije yana son ganin ki.”
“Nace kyale shi.”
Gida ya shiga. Yasmeen ya sama kadai a falo. Ya ce,
“Gimbiyya ina Anty?”
“Taje gidan Uncle Aminu.”
“Ok!”
Ya fada ya fito. Koda ya fito sai da ya tsaya yana kallo inda muke dan ji yake kamar nice jikin sa ya fada masa nice amman ya tafi kawai.
Fu’ad kuwa dai hankali da nake kwantar masa dan har ya rame.
“Nifa ina son ka. Bansan me yake damu nah ba amman Allah ina son ka.”
Yaji dadi amman kuma yana tsoro, yana tsoron rasani. Anan muka dan taba hira na kara bashi kwarin gwiwa sannan ya tafi.
Gida na koma na kwanta a rai na nace,
“Wai haka ake ji mai hada samari biyu.”
STORY CONTINUES BELOW
Ido na lumshe na ce,
“Tension zan iya kuwa.”
Kai na girgiza
“Ina ban iyawa daga wanna sai wannan.”
“Tab lallai masu hada samari biyu suna shan wahala bare masu da yawa wai to su ya suke jji? Ni na mutum biyu zuciya ta zata buga.”
Washe gari da Yaa Fauwaz yazo sai da yai min maganar jiya da ya ga wata kamar ni. Murmushi kawai nayi.
Bansan wa yaje ya fadawa Yaa Fauwaz Halaka ta da Fu’ad ba tin yarinta har yanzu sai da yazo gida Yake ce min,
“Waye Fu’ad?”
Shiru nayi. Ya ce,
“Tambaya nake?”
Da kyar na iya magana nace,
“Saurayi nane”
“Saurayin ki?”
“Eh yana so nane.”
“Kema kina son sa right?”
Shiru nayi.
“Me yasa kika boyen relation din ki da shi.”
Shiru nayi.
“Kinsan ina son ki ko?”
Kai na daga
“To ban iya sharing naki da kowa. Abinda yake nawa nawa ne kawai banson ina so ana so min.”
“But kasan dai ina son ka ko?”
Maganar ta fito daga baki na kamar an kwato ta.
Kallo na yake, na kalle shi na ce,
“Ina son ka. Fu’ad mun jima ne kawai.”
“Kina so kice baki son sa.”
Shiru nayi a zuciya ta na ce,
“Ina, ina son Fu’ad. Fu’ad ba abin yadawa bane. Bazan taba cewa bana son sa ba.”
Kai na girgiza. Kallo na yayi ya ce,
“But Fateema tin kan nazo nigeria. Nazo kano dana tambaye ki kina da wanda kike so meyasa kika boye min. Sai yanzu da na fara haukan son ki?”
Shiru nayi a araina na nace,
“Na boye maka ne saboda ina son ka.”
A fili na ce,
“Pls Yaa Fauwaz kayi hakuri.”
Mikewa yayi ya tafi gun Momy. A gun Momy ma maganar yake mata. Momy ma take kara fada masa lokacin da muka dauka ni da Fu’ad.
Ranar dai haka Yaa Fauwaz ya tafi ba a dadin rai ba. A raina nasa duk matakin da ya dauka shikenan.
A chat da muka hadu, ya ce,
“Fateema ya kike so nayi da son ki. Totally na rasa ya zanyi.”
“Duk yadda ka yanke!”
“Bansan me zan yanke ba. Bansan lokacin da kika zama rayuwa ta ba. Nayi soyayya kala kala amman taki da ban take. Ina tunanin ko dan muna da relation ne.”
“Ni bansan ya zan maka ba. Ka gane ina son ka. Wallahi ina son ka.”
“Na sani bae nasan kina so na nasan da wannan but that ur Ex fa. I can share u wit someone else fa.”
“Kar ka damu zan san yadda zanyi.”
“Kin tabbata?”
“Eh!”
“Gud!”
Wata hirar muce ta fado min lokacin da yake tambaya ta ta bangarena ba matsala a harkar soyayyar mu. Har record yayi saboda ya zama evidence.
Bangaren Fu’ad kuwa yafi Yaa Fauwaz damu saboda shi gaba daya na juya masa baya ya rasa gane kai na daga gaisuwa shikenan. Amman fa ba dan bana son sa ba.
Ina daki Momy ta shigo, zama tayi a gefe na ta ce,
“Me yake faruwa ne?”
“Momy akan Yaa Fauwaz da Fu’ad ne”
“Fateema ina son Fu’ad saboda hankalinsa da nutsuwar sa kuma kinsan Fu’ad yasan ki in and out.”
Tabbas Fu’ad a gun hankali duk unguwar su albarka yaro ne mai halin manya.
Momy ta cigaba.
“Ina son Fauwaz ko dan dan yar uwata da ya kasance. Ke *wa kike so?* “
“Ni ban san *wa nake so ba?* Duk kan su ina son su.”
Murmushi Momy tayi ta ce,
“Ke macece dole ki ware wanda kike so?”
Mikewa tayi ta ce,
“Ni dai ina son Fu’ad haka nan ban zan ki ‘dana Fauwaz ba.”
STORY CONTINUES BELOW
Ta fita. Kwanciyya nayi duk zuciya a jagule.
****************************************************
Kwance yake cikin yanayin nan nashi na rashin wal wala. Yo yanzu har fuskar ta fi da baci. Kasancewar mai martabba ya shaida masa ya samar masa mata kuma ending month din nan za ai biki.
Sanye yake da farin wando dogo sai bakar riga. Fuskar nan ta sa ta dada kyau gashin kan sa a kwance dashi sai tashin kamshi yake.
Gefen sa Kwandon fruits ne, sai daya gefen fresh milk ta kwalli da cup a kife.
Shi nauyi za a kara masa ta yaya zai iya kula da wata mece yanzu. Tsaki yayi.
Mamah ce ta kira tana fada masa ta hada laife ma. Ya ce, to me take bukata. Ta ce ba komai kawai. Shirye shiryen dinner da event din da zai je ta fara fada masa.
Cikin murya kamar zai kuka ya ce,
“Mamah dan Allah ki rufa min asiri.”
“Me ya faru?”
“Mamah kuyi duk abinda zakuyi amman ku barni da shiga wannan sabgogin naku.”
“Anya Aliyu. Yanzu bazaka yi attending ko daya ba.”
“Mamah kinsan ban son hayaniya.”
“Shikenan sai yaushe zaka iso?”
“Sai na samu time.”
“Dan Allah Aliyu kar kace baza kazo daurin auren nan ba. Ran Mai martabba bazai dadi ba.”
“Mamah zan zo.”
“To Allah maka Albarka. Ya aiki?”
“Alhamdulilah!”
Maryama dake gefe ta amshe wayar a hannun Mamah.
“Hello Yayah!”
Ta fada cikin karaji. Ido ya datse dan har cikin kwakwalwar sa muryar ta.
“Menene Gimbiya?”
Ya tambaya ba dan yaso ba.
“Yaya ina bukatar kudi ne, dan naji Mamah na son hana ka fitar da komai daga aljihun ka.”
“Kar ki damu.”
“Yaya wai baza kazo kaga Amaryar taka bane.”
Shiru kawai yayi ta ce,
“Yaya dan Allah kazo ko da dinner ne.”
Shiru ya kumai mata. ta ce,
“Yaya result fa ya fito. Yaya na fito da pass A dan kaji Yaya ka tayani murna.”
Kai ya dafe dan Maryama akwai surutu. Zai magana Mamah ta amshi wayar. Magana suka karasa sannan sukai sallama.
Mamah ce ta kalli Maryama ta ce,
“Ina mujahidda ne?”
“Uhmm tana daki zata kashe kanta kan wanda bai san tana yi ba.”
Kai Mamah ta girgiza. Ta mike tayi dakin da take.
Kwance ta same ta sai kuka takeyi. Zama Mamah tayi ta dafa ta. Dagowa tayi tana ganin Mamah ta fada jikin ta.
Rungumeta Mamah tayi tana shafa bayan ta a hankali har tayi shiru. Magana Mamah ta fara cikin sanyi da kwantar da hanakali.
“Haba Mujahidda menene na sa damuwa haka. Kada ki manta Allah yana sane dake ki kai kukan ki wajen sa. Kinsan duk abinda Allah ya rubuta sai ya faru. kuma mutum baya aurar matar wani haka nan matar mutum kabarin sa kuma rabo ajali. Duk wannan abubuwan in dai da rabo duk runtsi duk wuya sai kiga kin aure Baba na. Ki daina sa damuwa ki mika komai ga Allah insha Allahu Allah yana sane dake kuma zai dube ki amman ki daina sa damuwa kar ta haifar miki da wani ciwo da zai sa ki rasa kan ki kuma shi Baban nawa ki bar shi da matar sa. Ki ka san me nan gaba zata haifa pls ban son kara ganin ki kina kuka kinji.”
Sosai kalaman Mamah ssuka kwantar mata dda hanakali, har ta dan saki ranta amman son Aliyu kamar kara cusa mata shi ake.
Wai daman haka so yake ya ita amman a lokacin take kara jin son sa. A lokacin take jin kamar zata mutu akan sa. Lallai sso ba wasa bane. To ita in ta rasa Aliyu wa zata so.
Ta dan sake sai dai a zuciyar ta kamar kara azalzalarta ake yi.
Bayan gama waya da Mamah ya dan sha madarar gaban sa. Zai mike kenan sai ga kiran mai martabba nan.
Komawa yayi ya zauna. Gaisawa Abbah yayi cikin girmamawa. Bayan sun gaisa yake,  tambayar sa me zai bukata.
“Aliyu mekake da bukata ne?”
“Abbah bana bukatar komai!”
“Ka tabbata.”
“Eh Abbah.”
“To amman Aliyu ya kamata kazo kafin bikin ko?”
“Eh Abbah ina bukata nima, amman akwai aiki a gabana amman zan daure ko a satin ne nazo.”
“To shikenan Allah ya taimaka.”
“Ameen Abbah. Nagode.”
“Allah yayi albarka.”
“Ameen.”
Ido ya lumshe yana mai sauke numfashi kamar wanda yai wani aiki yana nan kwance idon sa lumahe kamar mai bacci.
Basu jima da gama waya ba sai ga kiran Shugaban kasa nan. Wani tsaki ya saki ganin cikin awa daya yai magana da yawa ga wata zai kara ma.
Dauka yayi da sanyin murya.
“Major AK akan maganar abinda mukai kwana ki ne?”
Ya fada bayan sun gaisa. Aliyu da ya manta akan mene ya ce,
“Na sha’afa akan mene?”
“Akan jihar da nake son in kara budewa, na gama komai kai kawai nake jira ina son nan da wata daya ka fara gudanar da ayuka.”
Kai ya dafe, ya ce,
“Yallabai a dai bari sai nazo kawai.”
“To shikenan sai anjima.”
Ido ya lumshe ya ce,
“Zasu kashe ni. Daga wannan sai wanna. Allah ka taimake ni.”
A bangaren Mai martabba kuwa wata yar gidan abokin sa wanda yake shi ba mai kudi ne sosai ba sai rufin asiri ya samo masa.
Hajara yarinya ce, kyakyawa sai dai akwai ta da rowa ga son jiki. Komai sai dai ai mata.
Tin da taji da wanda za a hada ta take murna dan tasan ko wacce mace zatai burin samun Aliyu matsayin miji dan tana tuna a gun hawan sallah in yaxo wucewa yadda yan mata suke haukacewa masu kyau aji da kudi da.mulki amman baya ta tasu. Wannan yasa su mara kudi suke bunne burin su a zuciyar su sai gashi ita tayi wannan sa’ar har zata aure shi. Wane murna xatayi zata fita zakkah, tin daga lokacin rawar kai da ita ta hau kan ta.
Uban ta kuwa har da zama yai mata hudubar yadda zata nayi da Aliyu dan su samu abin hannun sa.
Ita kuwa sai tai dariya ta ce,
“Baba kar ka damu komai kake so ka samu.”
Mahaifiyar ta kuwa sai tai ta mata fada da nasiha amman ina ta riga ta dauki hudubar mahaifin ta. Kai hatta kawaye canjawa tayi dan za ta auri dan sarki kuma soja mai kudi.
Har fadanci ake mata tana wulakanci da daga kai.
Gari kuwa ya dauka Major AK zai yi aure kowa mamaki yake wannan wa zai aura ai kuwa ta shiga uku. Taya ta samu soyayyar sa. Maganganu dai kala kala wasu na kishi wasu na taya sa murna.
Dan yan mata da yawa sun shiga tashin hankali na yadda suke son sa shi kuma gashi zai aure.

Leave a Reply

Your email address will not be published. Required fields are marked *