WA NAKE SO CHAPTER 7

Fu’ad da yafi minti goma tsaye akai na ban san ya shigo ba har na fara hawaye sai ji nayi yana gogen hawayen ido na. Wannan yasa na dago a firgice ina kallon sa. Zama yayi a gefe na ya kamo hannu na yace

“Dazu muna magana mukai baki right?”

Ban amsa masa ba sai wani sabon hawayen dake, zubo min kai ya dafe yana fadin

“Fateema ba abinda na tsana na gani kina yi kamar kuka. Ina bawa kai na laifin na na kasa baki farin ciki. Dan Allah ki fada min me yake saki kuka?”

Kai ta girgiza masa. Kallon na yake cike da tausawa yace

“Ba zaki fadan ba.”

Shiru nayi. Janyo ni yayi jikin sa ya rungume ni kamshin turaren sa da nawa suka hadu wannan yasa na lumshe ido. Shima jikin sa sanyi yayi yace

“Dan Allah ki daina kukan nan. In kina kuka ina jin kamar ni nai miki laifi.”

“Ba kai min komai ba My.”

“Kin tabbata?”

Kai na gyada yace

“Yi baccin ki.”

Ya fada yana jijjiga ni a jikin sa kamar jaririya. Bacci ne ya dauke ni dan naji dadin kwanciyyar da nai a jikin sa. In ina tare da Fu’ad ina jin wata nutsuwa da kuma jina a cikin kariya.

Tunani ya fara dan ya kasa samun kwanciyyar hankali da kukan da Fatrema take. Ba zai ce Fateema bata son sa ba amman me yake sata kuka dole ya tuntuba ya gano me yake faruwa domin kuwa damuwar Fateema damuwar sa ce dole ya fita da ita daga damuwar da take ciki ko da shi zai dauwama a cikin bakin ciki. Yasha fada mata haka kuma yana jin a ransa ko rayuwar sa zai iya rasawa dan samuwar farin cikin Fateema.

A haka muka debe sati guda sam bani da walwala ko nutsuwa da na kebe kaina sai nai ta kuka wannan ba komai ke kara sani kuka ba sai mafarkan Yaa Fauwaz da nake kuma ba komai yake sani mafarkan sa ba sai yawan tunanin sa da a halin da yake ciki.

Duk kan mu daga Fu’ad har Ni mun rame bama Ni danke ciwo a daddafe amman naki ta nuna masa.

Da yamma ne wajen karfe biyar ina zaune wayar ta tayi kara na dubawa taga Suraiyya ce da sauri na dauka ina fadin

“Surry ina ta jiran kiran ki daga cewa zaki kira ni.”

“Abubuwa ne sukai mun yawa kinsan fa sauran wata daya biki ko?”

“Haka ne ya shirye shirye.”

“Alhamdulilah. Fateema ki fadan menene damuwar ki wallahi kullum da tunanin ki nake kwana nake tashi ina cikin damuwa ta dalilin damuwar ki. Tin kan biki nasan kina cikin damuwa amman na share ne ina ganin da anyi biki abin zai wuce sai gashi shiru har Fu’ad ya kawon karar ki fa. Yace baki da aiki sai kuka shin menene matsalar?”

Hawaye ne ya hau zubowa a idon Fateema.

STORY CONTINUES BELOW

“Kinyi shiru Fateema.”

“Uhmm Suraiyya ta ina zan fara ne?”

Fu’ad da ya shigo gidan ya baro motar sa a waje dan Hajiyar sa na son ganin sa ya biyo yaga ya Fateema take yaji ta fadi wannan kalmar wannan yasa ya tsaya a ta taga ta inda ta juya masa baya yana sauraron su.

“Ina sauraron ki. Ki fadan kome ke damun ki.”

“Hakika ina cikin matsala da tashin hankali. Na rasa yaya zanyi da rayuwa ta. Fu’ad shine masoyi na na farko kuma har yanzu ina son sa sai dai na kasa cire Yaa Fauwaz a raina Suraiyya kullum tunani na yana wane hali ya yake? Nasan ba kyau saboda ina da aure yanzu amman na kasa dainawa. Suraiyya kullum sai nayi mafarkin Yaa Fauwaz yana kara jajjada min son da yake min. Bazan boye miki ba a gaskiya ina son Yaa Fauwaz har yanzu.”

“Me kike Fadi Fateema? Fu’ad din fa?”

“Son sa a jini na yake shima ina son shi.”

“Ke me yake damun ki ne dole a kwai wanda kika fi so *wa kike so?* “

“Dukkan su.”

“Gaskiya Fateema dole da wanda kika fiso. Kuma ni a yadda kike fada min matsalar ki a yanzu Yaa Fauwaz kika fiso tinda gashi kina tare da Fu’ad hakan bai hanaki tunanin sa ba. Shin meyasa kika yadda da auren Fu’ad in bakya son sa.”

“Ki daina fadar haka Suraiyya wallahi ina son Fu’ad. Son sa a jini na yake.”

Tsaki Suraiyya tayi tace

“Ke wacce irin zuciya ce dake. Abinda zan fada miki wallahi ki rike Fu’ad dan bazaki taba samun kamar sa ba domin kuwa yana son ki in kika bari ya kubuce miku sai kiyi danasani nasan har da shaidan a kara tun zura ki akan soyayyar Yaa Fauwaz to wallahi kiyiwa kanki karatun ta nutsu ki zauna lafiya da Fu’ad.”

“Suraiyya ba zaki gane bane wallahi a halin da ake ciki nasan ina cutar Fu’ad kada Allah ya kamani da cutar da nake masa gashi da auren sa ina tunanin wani.”

“Gwara da kika gane hakan ba dai dai bane dan haka ki gyara.”

Hawaye idon ta ta goge tace

“Tayaya zuciya ta ce fa tayaya zan cire sa a zuciya ta ki fada min.”

Sai ta saki kuka mai taba zuciya. Ita kan ta Suraiyya tausayin yar uwar tata takeji. Dan zuciyar ta ta karye akan al amarin. Dan haka tai ta lallashin ta.

Fu’ad da ke tsaye jikin sa ne ya fara rawa shin daman har yanzu da son Yaa Fauwaz a zuciyar Fateema.

“Inna lillahin wainna illahir rajiun!”

Shine kadai abinda ya iya fada hawaye na zuba a idon sa da sauri ya bar tagar ya fita a gidan. Cikin motar sa ya koma ya kifa kan sa akan sitiyarin motar hawaye na zuba a idon sa.

Shin me zai yi yanzu. Son Fateema shine rayuwar sa rabuwa da ita kamar rasa farin ciki da walwalar sa ne. To ita in yana tare da ita ya tauye mata farin cikin ta. Yaya zai yi.

Yana tsaka da kuka wayar sa ta hau kara yana dubawa yaga hajiyar sa ce. Hawayen idon sa ya goge yace

“Hajiya wallahi aiki ne ya rike shiyasa amman gani nan zuwa.”

“A’ah ai kuma magariba tayi ka koma gida ka bar Fateema ita kadai tin safe gobe ka zo ka gaishe min da ita.”

“To zataji insha Allahu.”

Kiran sallah magariba shi yasa ya fita a mota a kofar gidan yai alwala ya shiga masallaci sukai sallah. Har aka idar bai tashi ba bare ya sa ran zai fito. Yana zaune aka kira isha’i tare sukai sannan ya kara zama sam ya kasa tashi har karfe tara yana zaune ya rasa tunanin da zai yi.

Fateema tin da akai isha’i Fu’ad bai dawo ba hankalin ta ya tashi dan haka ta kira sa amman ba a dauka ba. Sosai ta shiga tashin hankali har akai isha’i ta na falo ta kasa tsaye ta kasa ta zaune. Sai kiran layin take kuma ba a dauka.

Kuka na fara dan na tsorata ko wani hali yake ciki a lokacin. Ina zaune tara da kwata taji karar motar sa ta shigo gidan bam san lokacin da ta fita ba daman ban cire hijab din da nai sallah ba. Da gudu na karasa wajen sa yana bude mota na fada jikin sa ina sakin kuka ina fadin

“Ina ka tafi ka barmi?”

STORY CONTINUES BELOW

Rumgume ni yayi yana jijjiga ni yana kara jin son na da kaunar ta a zuciyar sa. Da kyar ya bude baki yace

“To mene na kukan ba gani na dawo ba.”

Kai na gyada masa nace

“To ai sai kiyi murna ko? Kinsan bana son kukan ki ko?”

Kai na kara gyada masa. Hannu yasa yana goge mata ido yana fadin

“To ya isa muje.”

Ina jikin sa muka shiga falo. Muna shiga ya zaunar da ni ya shafi fuskar ta yace

“Aiki ne yai min yawa shiyasa wayata kuma tana silent kiyi hakuri.”

Kai na gyada nace

“Kada ka kuma.”

Kai ya gyada yace

“Bari naje na watsa ruwa.”

“Muje na hada maka.”

“No yi zaman ki.”

Kai na make nace

“A’ah ka fa gaji.”

Murmushi yayi nai gaba yabi bayan na. Kaya ya hau cirewa yana mamakina ji wai dan bai dawo da wuri ba yadda na tada hankalina. Yasan ina son sa amman bai san meyasa nake tunanin wanin sa ba. Anya zai iya zama yana cut ta bayan yasan kuma da wanda nake so.

Towel ya daura ta fito ina ganin sa a haka nayi gaba da sauri. Kamo hannun na yayi yace

“Zo ki cudan baya mana.”

Ido na runtse ina girgiza kai na. Sakin na yayi yana kallon na na fice a guje shi kuma ya shiga yana wanka yana tunani. Zafi yake ji a zuciyar sa da radadi ya rasa na menene a haka ya gama ya fito sanye da three quater da riga mara nauyi.

Ina ganin sa na mike ya karaso ya kama hannun na mukai dining serving nasa nayi amman ya kasa cin ko da spoon uku ne sai juyawa yake. Ganin haka yasa na amshi spoon din ina fadin

“Ya dai ko bai dadi bane?”

“Ina fa yayi dadi har ya gaji da yin dadi.”

“Uhmm ko? To bude bakin in baka.”

Na diba ina bashi. Da kyar yake iya hadiyewa har na gama bashi abincin. muka koma falo karfe sha daya ya mike ya kalle yace

“Dare fa yayi kije ki kwanta.”

Kallon sa nayi dan nasan tun da mukai aure bamu taba raba wajen kwanciyya ba wannan yasa nace

“Kai a ina zaka kwana?”

“Daki na.”

“Saboda me?”

“Zan yi aiki ne.”

Jikin sa na kwanta nace

“Gaskiya ban yadda ba kayi dare a gun aiki sannan ka dawo ka kara kwana kana aiki ni gaskiya A’ah.”

Murmushi yayi yace

“To muje!”

Nayi gaba shi kuma ya kashe kayan wuta yabi bayan na. Bana daki dan haka ya zauna a gefen gadon ya zuba tagumi. Har na fito a wanka bai sani ba na gama shiryawa sannan nazo gaban sa na cire masa hannayen da ya zuba tagumi dashi. Nace

“Amman kasan ba kyau ko?”

Murmushi yayi min yace

“Zo ki kwanta dare yayi fa.”

Fuska na dan bata nace

“Bakace nayi kyau ba.”

Nayi juyi a gaban sa. Murmushi ya saki Allah ya sani yana son Fateema da halaiyar ta amman kuma a yanzu zuciyar sa yake tausayawa domin kuwa yanzu ya gane Fateema akwai soyayyar Yayanta a zuciyar ta.

“Fateema na kinyi kyau kinsan ke me kyau ce komai kika sa ke kike sashi ya yi kyau.”

Murmushi nayi nace

“Nagode amman ai kafini yin kyan.”

Kan gado na hau na kwanta ya mike ya kashe fitilar dakin sannan ya hau kan gado ya kwanta daga gefe. Jin sa a gefe yasa na matsa na kwanta a jikin sa. Yana jina na yai mata shiru kamar yai bacci.

Ranar bai bacci ba dan ya rasa wane irin tunani zai yi. Ya rasa yaya zai yi da son Fateema.

Har asuba idon sa biyu yana saka da warwara. Jin ana kira yasa ya mike ya tada ni. Fita yayi ya nufi dakin sa ya watsa ruwa yai alwala sannan ya wuce masallaci. Mikewa nayi ina mamakin sauyawar Fu’ad. Ban daki na shiga nayi wanka na dauro alwala. Raka’atanil fijir na kawo sanna na mike na tada sallah. Ina idar wa na hau gyara gidan kan Fu’ad ya dawo na gama hada break.

Wanka na shiga ina yi na fito nayi kwalliya cikin wata atamfa ta pink and black tai kin kyau nasha dauri na. A falo na same shi yana waya. Yana gani na ya zuba min ido can kuma saiya dauke kai yana mai cigaba da wayar da yake.

A hankali na karaso na zauna a kusa dashi. Hamnun sa dayan ya daura akan cinya ta ya na kama hannu na yana murzawa yana karasa wayar. Sai da ya gama ya juyo yana kallo na nace

“Ina kwana?”

“Lafiya lou My…”

Sai kuma yai shiru. Kallon sa nayi nace

“Menene?”

“Ba komai!”

Ya fada yana mikewa. Nima mikewa nayi na karasa dining break mukai amman kadan yaci ya mike har bakin kofa na rakashi sannan na koma.

A kan kujera na kwanta ina tunanin da na saba ko kuma nace wanda ya ya zame aiki kullum sai nayi. Ban san lokacin da bacci ya dauke ni ba bayan nasha kuka na na koshi.

Fu’ad kuwa yana fita a gidan ya tsaya a kofar gidan yana mai runtsa idon sa. Yana son Fateema yana son fari cikin ta yaya zai yi kenan. Yafi minti biyar a gun sannan yaja motar a hankali ya kama hanyar gun aiki yana zuwa ya shige office din za ya zauna.

Yana da aiki amman sam ya kasa sai zagaye office din yake yana tunanin tayaya zai bawa Fateema farin cikin ta. Shin me zai yi ya bawa Fateema farin cikin ta ya cire ta a damuwa. Yayi wa kansa alkawarin cewa duk abinda Fateema take so zai samar mata sai dai in ya kaucewa addini in kuwa ba haka ba komai zai bata ko da zai zama silar shigar sa bakin ciki da tashin hankali indai Fateema zatai Farin ciki to shi ya kasance cikin kunci.

_”Tab wannan lallai shine true love. Allah sarki Fu’ad reader me zakuce menene mafita ku bawa Fu’ad shawara_Ya kasa zaune ya kasa tsaye saboda da tunanin mafitar da zai yanke musu. Tunani yake kawai ya sauwakewa Fateema ko ta samu nutsuwa yaje ya nemo mata Fauwaz yazo ya aure ta, domin kuwa yasha fada mata tin kan ya aure ta indai Yaa Fauwaz zai aure ta to bai da haufi domin shima masoyin ta ne. Kuma ya sha fada mata zai iya sadaukar da farin cikin sa akan samuwar nata farin cikin.

Hakika yana kaunar Fateema kuma bai taba tunanin yau zai auri Fateema wata rana ya rabu da ita ba. Sam bai taba kawo haka ba ya saka a ransa shi da Fateema mutu ka raba.

Hakika in har ya bar Fateema to shi tashi rayuwar zata ruguje amman dole ya samarwa Fateema abunda take so. Yana son Fateema son da bai tabaiwa wani irin sa ba. Yana son Fateema fiye da kan sa.

Tabbas dole ya cikawa kansa alkawarin da ya sha daukar wa Fateema na cewar zai iya sadaukar da komai nasa dan samuwar farin cikin ta. Dole ya cika mata wannan alkawarin ko da shi hakan zai yi sanadin mutuwar sa.

Shin tayaya zai iya rayuwa ba Fateema daga jiya zuwa yau yadda ta dinga masa ya mugun tsaya masa a rai.

Waje ya sama ya zauna yana dafe kirjin sa da yaji yana barazanar tsagewa dan yadda yake tunani da saka damuwa har zafi yake masa.

Ido ya runtse yana mai yin salati a fili tare da cije bakin sa.

“Allah kai ka dauran son ta Allah Allah ya bani yadda zanyi. Allah ka bani ikon cika alkawarin da na dauka ka bani hakuri da juriya akan wannan al amarin da nake shirin aikatawa. Ya Allah ka bani dangana ka bani karfin gwiwa akan wannan alamarin.”

Ya fada yana rike kan sa da yaji yana barazanar tarwatsewa dan yadda yake masa ciwo. Hawaye ne ke zubowa a idon sa kamar famfo akan Fateema ba abinda ba zai iya ba.

Ya son ya zauna da Fateema ya bata gata da duk kulawar da zata bukata amman hakan ba mai yiyuwa bane. Wayar sa ya janyo dan zuciyar sa na fada masa ya kira Suraiyya ya kara tabbatar da abinda yake ji a gun ta.

Suraiyya na zaune taga kiran Fu’ad gaban tane ya fadi dan ita bata sa abinda zata fada masa ba ma. Sai da ta katse ta ya kuma kira sannan ta dauka da sallama a bakin ta.

“Assalamu Alaikum!”

“wa’alaikum salam. Suraiyya ya gida yasu Mama?”

Ya fada. Daga muryar sa kadai ta gane yana cikin tashin hankali dan haka tai karfin halin danne damuwar ta tace

“Alhamdulilah ya yar uwa ta?”

“Tana lafiya.”

“Baka da lafiya ne naji muryar ka haka?”

“A’ah ina son ki fadan me Fateema tace yana damun ta.”

“Uhmm tace ba komai fa kawai kewar gida ke sata kuka.”

STORY CONTINUES BELOW

Murmushi yayi me ciwo yace

“Ni kuma sai naga kamar bata so nane.”

“Haba dai ka bar fadar haka kaima shaida ne akan soyayyar da Fateema take maka wallahi Fateema na son ka ko akwai abinda BC ta fada maka ne?”

“No kawai karantar ta nayi ne “

“Ka kwantar da hankalin ka ba haka bane. Fateema na son ka.”

Murmushi yayi mai ciwo yace

“Shikenan nagode sai anjima.”

“Aha nagode.”

Ya kashe wayar yana mai zuba tagumi. Wato Suraiyya ba zata iya fada masa gaskiya ba kenan.

Mikewa yayi ya nufi office din manager dan daman suna son su tura shinyayi wani course a can kasar waje dama ya bari in yai aure ne su tafi da Fateema to tinda haka ne yanzu lokaci yayi da zai tafi bai sani ba ko in yai nisa da ita zai rage jin damuwa a ransa duk da yasan da wuya hakan.

Yana zuwa Manager ya tarbe shi nan ya fada masa bukatar sa ya amshe shi hannu bibbiyu yace kuma daman shi kawai ake jira dan haka ya jira su ya zama kuma cikin shiri a koda yaushe za a yi neman sa. Haka ya mike ya dawo Office ya kwanta dan ya kasa yin komai.

Ranar a kwance ya yini da tunanin mafita kala kala ba abinda ke fitar dashi daga office din sai sallah. Har akai la’asar sanna ya wuce gidan su.

Hajiyar su na falo ya shiga da sallama. Tin da ya shiga tabishi da kallo dan daga muryar sa ya nuna akwai damuwa a tare dashi.

Tana zaune akan kujera wanna yasa ya nemi kasa ya zauna ya tankwashe kafar sa. Sannan yai kasa da kansa. Da kallo take binsa. Domin Fu’ad ba dai hakuri da biyayya ba.

“Ina yini Hajiya?”

Ya fada kan sa a kasa.

“Lafiya Alhamdulilah! Kana lafiya ya Fateeman?”

“Tana lafiya.”

Wayar sa ce ta dau kara wannan yasa ya zaro a aljihun sa. *My* shine abinda ya bayyana akan scrreen din wayar wannan yasa ya gane Fateema ce ke kira.

“Hajiya zan dau waya.”

“Ba komai.”

Receiving ya danna ya kara a kunnen sa.

*Assalamu Alaikum My ya aikin”

“Wa’alaikum salam! Alhamdulillah gani a gun Hajiya.”

“Kai My amman kasan ina son naje na gaida Hajiya ko?”

“Kiyi hakuri zan kawo ki ai.”

“Uhmm bani ita mu gaisa.”

Da murmushi akan fuskar sa ya mikawa Hajiya wayar. Amsa tayi.

Nan suka gaisa daga nan Hajiya ta hau tambayar ta ya gida. Ganin hirar tasu bazata kare bane yasa ya mike yayi bangaren kishiyar Hajiyar sa.

Tana zaune a falo ya samevta. Nan suka zauna itama tambayar iyali tai masa. Sun jima suna hira dan kiran sallah magariba ne yasa yayi alwala ya tafi yin sallah.

A waje ma bayan yai sallah da yan unguwar suka tsaya suka gaisa sai bakwai da rabi ya koma gun Hajiyarsa. Yana zama tace

“A’ah ka tashi ka tafi ka barta ita kadai a gida.”

“To Hajiya amman ai bamuyi hira ba.”

“Wata rana mayi.”

Fuska ya marairaice. Tace

“Tashi kaje kaji Allah maka albarka. Ina fatan ba wata matsala dai ko?”

“Babu.”

“To a gaishe ta.”

Ta mika masa waya yai mata sallama ya fita yaiwa Hijayrar cikin gida itama sallama ya tafi.

************************************************************************************************************************************

Haka aka dinga hawan sallah har na kwana hudu a ciki anyi hutun kwanan biyu. Shi kan sa Alyu da yake ya jima baiyi sallah a gida ba yaji dadin sallah bama in suna zaune da yan uwan sa duk da bai fiya magana ba sai dai yana jn hirarrakin su.

Suma a gun su sunga dan canji daga wajen sa. Kuma sun ji dadi kasancewar sa a tare dasu dan da dane ko hawa bazai ba.

Bayan anyi hawan karshe sai kuma zaman fada na barka da sallah wanda Mai martaba da Iyalan sa zasu zauna a fada ana zuwa ana musu barka da sallah su kuma a lokacin zasu na alherai dan kudi da kayan sawa kala kala.

STORY CONTINUES BELOW

Wanda tin safe ake irin wannan zaman har magariba. Kowa yazo yaga Aliyu sai yai mamaki. Kuma Aliyu ba dai kyauta ba dan ba karamar kyauta in ya tashi bayar wa yake ba tare da yasan nawa a diba ba.

A irin wannan lokacin fadawa da bayin gidan sarki ba karamin alheri suke samuba dan kowa murna yake da sallah da azumi dan ko azumi kayan abncin da ake basu mai yawa.

Bayan sun yi magariba da isha”i ne kowa ya shga dan ya watsa ruwa sannan suja wuce gun mai martaba dan cin abincin dare. Daga nan kuma kowa ya koma makwancin sa.

A washe gari kuma mai martaba da iyalan sa ne suka hadh dan tare ake yini aci abincn rana da na dare a tare. Wanda kowa ka gani a matan Ya’yan yayo abinda yasan Mai martaba da Fulani suke so na kayan abinci da motsa baki.

Kowa da katon basket din sa yake zuwa, banda Hajara da ba ta zo da komai ba kuma su Mai martaba basu nuna komai ba amman sunji dadin abinda surukan nasu sukai msu.

Haka aka dnga hira a tare ma ake sallah. A wannan lokacin ne suke kara shakuwa da sada zumunci. Kuma da dadare bayan an gama cin abinci ma martaba kan yuwa kowa kyauta mai yawa da daraja dan a lokacin ne zai bawa ko wacce suruka kujerar makka guda biyar ko sama da haka ta dan iyeyen ta da wanda taga ya dace sannan ya basu kudi da kaya masu yawa

Haka Mamah ma take musu kyauta mai yawa kowa yai ta godiya hadi da murna. A haka zasu tafi.

Washe gari Aliyu shi ya fara shryawa dan Abuja zai wuce suna da meeting da gwamnoni kuma aranar yake son ya koma garin sa domin kuwa hakurin sa ya kare akan Aisha in ya dada kwana bai ganta ba zai iya shiga wani hali.

Domin kuwa shi kadai yasan a halin da yake ciki dauriyya da karfin hali kawai yake yi. Amman jin sa yake kamar bai da lafiya dan yadda zuciyar sa ke damun sa da son ganin ta ga kewarta da yake ji.

Lokacin da ya fito cikin shirin sa. Yayen sa da kakken sa duk ji suke kamar suyi kuka dan zasu yi kewar sa. Bayan yai wa iyayen sallama yazo ya rumgume duk yayyen nasa da kannen nasa. Maryama kuwa har da hawaye sannann ya shige mota suna dago masa hannu daga matan Yayen nasa har kannen sa. Ya’yan nasu kuwa suna kuka suna daga masa hannu. Duk sai sukanji ba dadi.

Bayan tafiyar sa suma komawa ciki sukai suka cigaba da shiryawa suma wajen karfe biyu kowa ua fito yayi sallama da Su mai martba sannan suka tafi gidan sai yai musu ba dadi.

Hajara kuwa saboda suna shirya abu ita da su sha’awa sai da ta kara kwana daya sannan ta koma gidan gwamnati. Komawar ta kuma taji wani mummuna labari akan wadan da Aliyu ya sauke da kuma kudin da yasaka su maida. A ciki akwai wani Lukman tare suke duk harkalar su da Hajara na kudi su aika da kwangila a basu su cinye kudi.

Ya rufawa Hajara asiri a lokacin ne don yana son ya cimma wani burin sa a gaba bata jima da komawa ba ya aika yana son ganinnta dan sai da ya san Aliyu baya nan sannan ya samu damar shigowa cikin gidan gwamnatin.

A falon ta na saukar baki ta sauke shi. Lokacin da ta ganshi tayi mamaki dan yai baki ba gayun sa na da. Zama tayi tana kallon sa da mamaki tace

“Alhaji Lukaman kai ne ka koma haka me ya faru?”

Wani murmushin mugunta ya saki yace

“Hajjiya ai labari ne mai tsawo.”

Zama ta gyara tace

“Ina jin ka.”

Komai da ya faru ya bata labari sannan ya daura da fafin

“A dalilin haka matata ta sa na sake dan ba zata iya zama dani ba aiki ba. Na rasa aiki na yanzu ban da komai.”

Jikin Hajara ne ya fara rawa. Hajara tace

“To yanzu me kake so in maka?”

“Kinsan dai na rufa miki asiri domin duk abinda aka kamani ina yi har dake a ciki in da na fadawa Mai girma gwamna na tabbata ba abinda ba zai hana kema ya hukunta ki ba ko?”

Kai ta gyada cikin tsoro.

Yace

“Dole ne yanzu kina ragen zafi na farko kenan sai na biyu dole ne duk lokacin da bani da kudi ke zaki bani ko kuma wallahi ina da detail na komai in nunawa Mai girma gwamna.”

Wayar sa ya xaro ya nuna mata duk wasu daga cikin harkalolin da suka dinga gudanarwa tare. Sosai Hajara ta kuma shiga tashin hankali dan tasan Aliyu zai iya cewa zai rabuwa da ita in kuwa ya rabu da ita wa ta kama. Tana samu tana rufawa kan ta da iyayen ta asiri.

Ana girmama ta ana son ta duk ta dalilin Auren Aliyu da take. Shin yau in ba Aliyu duk daina mata za ai lallai gwara ta yadda da abinda Alhaji Lukman yazo mata dashi dan ta cigaba da rufawa kan ta asiri tin da dai Aliyu ba sani zai ba. A boye komai xai faru.

Dagowa tayi ta kalli Alhaji Lukaman tace

“Na yadda amman kuma bana son ana wayan ganin gilmawar ka. In da hali ka fadan a inda zan na zuwa ina samun ka saura communication din manayi ta waya.”

Kallon Hajara yake da wani irin yanayi. Ba tin yau ba yake son Hajara. ashe dai da rabon samun Hajara. A farko ya so ya tona mata asiri amman sai yai tunanin rufa nata ko dan gaba ai kam aikin sa na kyau. A haka kuma sai samu damar da zai hukunta Aliyu tinda ya rabashi da aiki sa da matar sa to shi da rayuwar sa zai rabashi.

Aliyu yana isa Abuja aka turo aka dauke shi. Tin daga airport dan dazon sojoji ne har ya shiga mota suka rufa masa baya gaba da dan bashi tsaro. Gidan sa aka nufa dashi. Yana zuwa yai wanka ya canja shiga sannan aka dauke shi dan karfe 12noon za a fara meeting din gashi yanzu karfe 11:45am.

Bayan ya shiga mota ya bawa drivern sa umarnin yana son nan da 10minute su isa Vila. Ai kam a 360 shi da sauran motocin dake take masa baya suka kwashi motocin suka saki jiniya. Suna karasawa gate din suka tsaya aka bude Gate din ganin wanda ke cikin motar yasa suka basu hanya nan da nan suka shige basu tsayaa a ko ina ba sai a kofar dakin taron.

Cikin isa ya fito sojojin da suke bashi tsaro suka bi bayan sa. Suna zuwa kofar da zasu shiga suka bude masa kofa sannan mutum biyu suka bi bayan sa.

Yana shiga ya tadda ko wannen gwamnan yana zaune wato har za a fara taro. Kusa da shugaban kasa ne ba kowa wannan yasa ya zauna a gefen sa.

Da yake an fara gudanar da Meeting din yasa bai magana da kowa ba ya mai da hankalin sa kan mai magana.

Masu bashi tsaro daya daga cikin su yana masa rubutu shima dake zaune yana sauraro yana dan rubuta abinda zai magana akai. Wato abinda zai yi magana akai da gyara.

A yadda ya tsinta akan son su juya tenure mai kamawa wacce bata fi watanni a fara campaign ba. Duk sun rude suna son Mai girma shugaban kasa ya shige musu akan ko sunci ko basu ciba a ce sun ci dan suna da target na gyaran da zasuyi da an juya. Abinda ya gane suna nufi shine da a shekara hudun da suka cinye saura kadan duk suna planing what to do sai a nan gaba in sun samu sunci zabe na biyu shine zasu gudanar da abinda za suyi.

Abu bai taba bawa Aliyu dariya da mamaki kamar wannan ba. Aliyu na zaune yana sauraron su. Gwamnoni guda talatin duk ke karkashin jam’iyar Shugaban kasa dan haka dasu ake wannan meeting din sai Aliyu da yake representing daya sauran guda biyar din kuma yan wata jam’iyar ne wannan yasa su yan jam’iyar shugaban kasa suke son a musu wannan murdiya.

Bayan kowa ya gama fadar albarkacin bakin sa ne. Har da wanda basu ce komai ba. Shugaban kasa ya kalli kowa sannan ya kalli Aliyu yace

“Ina son ka basu amsa akan abinda kake ganin zan iya.”

Mikewa yayi cikin nutsuwa ya mika gaisuwar sa ga shugaban kasa sannan da gwamnoni. Sannan ya fara magana kamar haka.

“Hakika shugabanci abu ne mai matukar wuya wandan in har Allah ya daura maka dole kayi taka tsantsan wajen ganin ka sauke hakkin al umma. Domin duk shugaban da ka gani to ba kan sa zai ciyar ba al umma zai kula da ita kuma ya sauke hakkin ta.

Dan muna shugabani bashine ya zama kudin da akan turo dan yiwa kasar da muke wakilta hidima ya zama namu wato mu cinye ba a’ah wannan kudin na talakawan mune. Domin kuwa muma duk ana biyan mu kudin da muke gudanar da aiki ga kasar da muke kenan danme zamu ci musu dukiya? Hakika in har muka ci musu dukiya to ranar gobe kiyama sai Allah ya tsayar damu kuma a lokacin ne zamu biya su. Shin tambayata ana shine a lokacin dame zaka biya su?”

STORY CONTINUES BELOW

Ya fada yana bin yan dakin da kallo. Kowa shiru yayi wani murmushi mai ciwo ya saki sannan yace

“To dan me muke daukar wa kan mu wannan bashin da lokacin da zamu biya bamu da sisin kobo na biya sai dai a kwashe a ladan aikin mu.

Shin kasan in kayi aikin ma Allah na karba har ya bamu ladan. Bamu sani ba kaga kenan in Allah bai amsar aikin ka dame zaka biya?

Hakika in bamu ji tsoron haduwa da Allah ba to ba zamu taba daina sa’ba masa ba.”

Shiru yayi yace

“Ba wannan Mai giema shugaban kasa yace na fada muku ba amman na tinasar damu ne sai abu na gaba da zan tinasar damu shine mu tsarkake zuciyar mu. Sannan a cikin masu mana aiki da hidima mu na zabar masu amana da tsoron Allah. Domin kuwa in har ba amana zamu na samu bara gurbi kuma abinda muke ganin ana yi ba ayi dole muna sa ido akan duk aikin da muka bayar ba mu bayar mu zauna mu tankwashe hannu mu ana aiki dan an amshi kudi wato kuma ba aikin ake ba.”

Dagowa yayi yana kallon yadda suke kalloj sa dan haka yayi wani murmushi mai ciwo yace

“Am sorry in magana ta tai muku ciwo amman nayi ne dan gyara. Game da abinda mai girma shugaban kasa ya fada na cewa in fada muku abinda kuke nema yai muku shin zai iya to gaskiya ba zai iya ba. Kowa yasan shugana kasa mutum ne mai ilimi addini da boko kuma mai amfani dashi da tsoron Allah. Shugabanni da yawa sun mulki kasar mu amman aikin da shugabn kasar mu yayi su basu yi ba kuma yana kan yi wannan ya jawo masa farin jin da daukaka da bashi lambar girma ba a iya kasar mu ba har da kasashen ketare. Kuma abinda zan fada shine ko da zai yi ni zan iya yina na dan ganin na hana faruwar hakan bare shima ba zai yadda ayi ba.

Ace mutum ya kwashe shekara hudu yana mulki sannan yazo yana fadin bai gama abinda zai ba duk abinda zai yi sai ya tafi wata tenure wa za a rainawa hankali anan mu ko shi mai girma shugaban kasa. Shawarar da zan baku in aiki kuke son ku gudanar kuje kuyi a ciki wata iku zuwa hudun da ya rage wallah in har kun so kuyi zaku iya dan ni nan na yi aikin da za a kwashe shekara hudu ana yi amman ni nayi a wata biyar dan haka kuma ku kwashi aikin da kuke ganin za ai a shekara biyu ku gudabar dashi a wata uku zuwa hudu.

Batun ko kunci zabe ko baku ciba a tauye wa wanda suka ci bai taso ba dan hakan ina mai fada muku kuje ku kyautatawa al ummar ku ta yadda zasu kara zabar ku sannan in kun gama mulkar su a can su kara son mulkar ku a gaba.

Allah ya bawa kowanne mai rabo sa’a.”

Ya fada yana hade hannu bibbiyu yana dan dukufawa alamar a yafe masa. Ran mutane da yawa ya baci dan a ciki akwai wadan da da yawa sun haifi Aliyu amman su gani suke rashin kunya yai musu har nawa yake shin yaushe ya shiga harkar siyasar da zai zo yana fada musu magana.

Juyawa yayi ga mai girma shugaban kasa yace

“Mai girma shugaba kasa nina ina son na ajiye mulkar wannan garin da nake yi a bawa masu so dama su fito su tsaya a takara.”

Murmushi Mai BCgirma shugaban kasa yayi domin yana son Aliyu sosai jin sa yake kanar Dan cikin sa. Bai da tsoro ko fargaba akan fadar gaskiya. Kai ya girgiza yace

“Sai nayi tunani. Komai da kake yi naji kuma na yaba. Sabuwar jiha ce zanso a gina ta ginin da ko wani ne ya amsa ba zata taba rushewa ba dan haka ni har yanzu ban ga wanda ya cancanci kamar ka ba. Kaje ka kara shirin zama a kujerar ka gaskiya kenan.”

“Akwai mai magana?”

Ya tambaya kowa shiru yayi dan ransu ya baci da yadda Mai girma shugaban kasa yake fifita Aliyu karami a cikin su yaron da bai fi talatin da wani abu ba.

Mai girma shugabam kasa ne ya ce

Hakika duk abinda Aliyu ya fada gaskiya ne. In kun zauna kunyi nazari akan maganar sa fa kenan ku cire son zuciya. Ni shugaban talakawa ne bana gwamnoni ko masu kudi ba dan haka abinda talakawa ke so shi zan musu da haka in ku ga kun sake hawa akan kujerar da kuke to Kun cancanta to talakawan ku sun kara zabar kune kenan suna son ku. Kamar yadda ya fada kuje kunemi soyayyar talakawar ku. Dan Haka abinda zance shine Allah bawa mai rabo sa’a. Bana so kuma kar a kara kirana meeting akan irin wannan matter in ba ta son cigaban al umma ba. Akwai mai magana?”

Ya tambaya. shiru akai. Aliyu ya kalla yace

“Zaka rufe mana taro da addu’a.”

Na Aliyu yayi addu’a sosai mai ratsa zuciya sannan aka shafa. Mikewa sukai aka fara gaisawa amman Aliyu na mika wasu hannu suka dauke kai suka fice.

STORY CONTINUES BELOW

Wani murmushi ya saki mai girma shugaban kasa da akan ido sa akai ya dafa kafar Aliyu yace

“Muje ciki muyi sallah sai kayi lunch ko?”

“Anya kuwa sallar dai zanyi.”

“Saboda me?”

“Ina son na juya a yanzu zan hau jirgin karfe uku.”

“Har ka gama ai.”

Suka shige cikin gida sukai alwala sannan suka wuce masallacu. Sai da sukai sallah sannan ya tilasta masa dole suka wuce cikin gidan.

Dining din shake da kayan abinci kala kala. Tin da ya shiga uwar gudan shugaban kasa take fara’a nan suka gaisa cikin mutun ta juna sannan suka wuce dining. Ya’yan shugaban kasa guda biyu da duk kan su ke son Aliyu kowa ya fito yana iyayi duk dan su burge Aliyu.

Shi kam tun daga kan shigar su ya dauke kai bai kara yadda ya hada ido ko kallon su ba. Haka ya fara cin abinci. Kadan yaci ya mike yace zai tafi dan time din har biyu da rabi.

Mikewa shugaban kasa yayi da iyalan nasa suka rako shi har compound inda sojojin sa ke tsaye suna jiran sa. Yana fitowa suka kame masa sannan suka bude masa kofa. Shugabam kasa yai wa godiya sannan ya juya yana wa uwar gidan mai girma shugaban kasa godiya.

Yan matan kuma suka biyo shi a mota suna fadin

“Handson safe flight.”

Bai kalle su ba yace

“Tnx!”

Ya shige mota aka rufe suka bar harabar gidan a guje. Daga nan airport aka wuce dashi duk abunda zai bukata kan ya fito ya saka a mota dan haka motar ma a aiprot ya same sa dan haka yana zuwa ya tashi.

Tin tana kokarin danne damuwar ta har ta fito fili Ummah ta gane tana da damuwa sai dai tambyar duniya Ummah ta mata tace ba komai wannan yasa Ummah ta zuba mata ido tana mata addu’a kawai.

Aisha kuwa duk ta shiga tashin hankali tin kan azumi rabon ta da Aliyu gashi har yau sallah da kwana bakwai ba Aliyu. Tabbas ji take in ta kara kwanaki ba Aliyu zata shiga wani halin.

Shi me hakan yake nufi meyasa take jin irin halin din take shiga a da in Yaa Muhammad baya nan. Ta kasa gane me hakan yake nufi tafi danganta hakan da shakuwar da sukayi ne.

Yinin ranar a daki ta yini da yake ita mace ce mai rauni daga baya ma kuka ta saka dan ta rasa yadda zatai. Tana kwance raji ana kiran la’asar mikewa tayi ta fita tayo alwala zata dawo daki Ummah ta fito daga daki. Kallon ta tayi idon ta duk ya kumbura.

Ummah tace

“Na shiga uku Aisha wai lafiya? Me yake damun kine? Ko baki da lafiya ne. Ga abinci tin dazu nake cewa ki fito ki ci abinci amman kinki ga idon ki duk ya kumbura alamar kin sha kuka wai me yake faruwa ne?”

“Nifa Umma nace miki ba komai.”

“Wallahi Malam zan fadawa ba zan cigaba da zama dake a haka ba tinda kin ki, ki fadan me yake damun ki.”

Yadda zuciyar ta take a kusa yazmsa ta sakar wa Ummah kuka tana bata hakuri. Ummah da ido ta bita tace tashi bazata fadawa Malam ba amman ta daina kuka da damuwa. Kai ta gyada tayi cikin dakin.

Da kallo Ummah ta bita tana girgiza kai tabbas ta fara hasaso wani abu a tattare da Aisha. Aikin ta ta cigaba tana mai mamakin abun da take tunani akan Aishan.

Shida saura ya shiga cikin gidan sa. Mai gadi na ganin sa ya hau masa sannu da zuwa. Shi ya debi abubuwan da ya shigo dasu ya kai masa falon sa. Godiya Aliyu yai masa ya wuce direct bedroom din sa. Wanka kawai yayi ya fito ya saka wani tissue material din sa milk kala. Yai masa kyau dinkin ya amshe shi.

Yana fitowa karfe 06:35pm hanyar gidan su Aisha ya dauka yana kallon yadda garin ya kara canjawa dan ga wutar nepa nan ma ba kamar da ba sannan an saka bolewhole a waje waje. Unguwar dai ta kara rayuwa tai kyau dan an gina kwatoci masallace an gyara anyi fenti an saka karfet da kayan amfani a ciki.

Wani dadi da sanyi yaji domin ko a haka a ka tsaya an rage wanii bangar bare kuma sauran guraren. Monday za a koma aiki yasan a lokacin da a bude sababbin makartun da ya bude masu kyau da kayan karatu.

Tafiya yake yana jin yanayin garin na masa dadi ga nishadin da yake ciki na zai je yaga Aisha ya kosa ya ganshi gashi ga Aisha. Wanda sai yaga tafiyar kamar bayin ta yake bama.

A haka ya karasa sai dai yana zuwa ana kiran sallah magariba wannan ya sanya ya nufi masallacin dan yin sallah.

Bai kara yadda da aikin da yasa ayi ba sai da ya shiga masallaci yaga an saka tile da karfet masu kyau da tsada ga wuta ga fanka ga kamshin turaren daki mai dadi.

Wani ni’ima yaji a haka akai sallah aka idar yai addu’a sannan ya fito ya aika a gidan su Aisha akan tazo.

Tana daki a kwance dan yanzu zaman daki take tai ta tunanin Da bazata ce ga shi ba. Taji wai Aisha tazo. Har ta ce bazata je ba Ummah tace

“kaje kace inji waye?”

Yaron na fita ya dawo yace

“Wai inji Ak!”

Ai Umma sai ganin Aisha tayi ta fito hannu rike da Hijab kan tai magana ma ta fice tana saka Hijab.

Da kallo ta bita tana murmushi hadi da kara tabbatar da abinda take tunani akai. Tana fita ta tsaya a bakin soron gidan tana kallon sa hawaye na wanke mata fuska.

Shima kallon ta yake cikin wata da bai ganta ba sai yaga ta kara kyau da girma. Sanyi da ni’ina da nishadi duk suka saukar masa. Hawayen da ya gani na zuba a idon ta su suka tada masa da hankali abinda yasa ya matso inda take yana girgiza mata kai kenan.

Hawaye take na farin ciki mai dauke da murmushi. Ji yake kamar ta fada jikin sa dan murnar da take ciki shima ji yake kamar ya rumgume ta ko ya huta da yadda yake jin son ta a cikin zuciyar ta.

Kowa kasa magana yai dan farin cikin da suke ciki kallon juna kawai suka tsaya. Aliyu mamakin kansa yake wai yau shine yake jin farin ciki dan ya kasance da wata ‘ya mace. Bai taba zata ba dan bai taba kamuwa ko jin irin wannan yanayin.+

Bai san so ko makamancin sa ba sai akan Aisha shin ko Aisha zata so shi? Tunanin da yake yi kenan. Murmushin da yake sakar mata daban ne wanda yake tin daga kasan zuciyar sa. Wanda ya kara masa haske akan fuskar sa.

Aishan ma murmushi take hakuranta farare sun bayyana wanda suke a jere farare tas dasu sai haske suke idanun ta na kansa ta kasa daina kallon sa.

Aliyu ya dada kyau haske yayi fresh dashi. Shi ya fara dauke idon sa dan sun fi minti goma a hakan kowa ya kasa gajiya da kallon dan uwan sa.

“Kallon fa?”

Ya fada yana daga kan sa. Dariya ta saki tace

“Ai dadin ta bani kadai ke kallon ka ba Yaa AK nayi missing naka kamar ba gobe.”

“Allah yan mata na? But ba gaisuwa?”

Fuska ta rufe da hannayen ta.

Wajen da suke zama ya nuna mata yace

“Zo mu zauna ki ban labarin yadda kikai missing din Yayan naki.”

Ya koma ya zauna karasowa tayi ta zauna nesa dashi tana wasa da yatsun hannun ta murmushin kan fuskar ta yaki ya dauke.

“Ina yini? Tinda bazaki gaisar dani ba?”

“Kai Yaa AK!”

Ta fada tana dagowa suna hada ido tai saurin dauke nata tana murmushi.

Murmushin shima yayi yace

“Me nayi?”

Share tambayar tayi tace

“Ina yini ya gida da su Mamah da Maryama”

“Lafiya Alhamdulilah! Na same ku lafiya?”

Kai ta gyada ta kasa magana.

“Ki fadan yadda kikai missing dina?”

“Hmmm Yaa AK kenan mu bar maganar kawai.”

“No gaskiya ina son naji.”

Murmushi tayi ta rufe fuskar ta da hannu tace

“Kullum sai nayi tunanin ka. Yau da baka dawo ba kuka zan kwana ina yi.”

Kallon ta ya tsaya yi shin kenan Aisha ma na son sa kome? Jin yai shiru yasa ta bude fuskar ta da ta tufe da hannayen ta. Ido suka hada wannan yasa tai saurin yin kasa da kanta.

Aliyu kuwa mamakin sauyawar ta yake sam Aisha bata jin nauyin fada masa komai amman yau Aisha ce ke jin kunyar sa. Ikon Allah me kenan.

“Kai kayi kewa ta?”

Ta jefo masa tambayar tana kallon sa ta kasan danun ta.

“Kewar ki yasa na dawo yau Aisha domin yau nasha tafiya wadda duk yadda na gaji bai hanani nazo gareki ba. Dana kara kwana daya ban ganki ba a gadon asibiti za a gano ni. Nayi kewar ki yadda baki ba zai iya furtawa ba zuciya ta ita kadai tasan halin da na shiga na rashin ki Aisha.”

STORY CONTINUES BELOW

Sam Aisha bata kawo komai a kalaman sa ba. Sai murmushi da take tana jin dadin shima yayi kewar ta.

Dai dai lokacin da Baba ya dawo Aisha ta amshi kayan hannun sa tayi cikin gida bayan tai masa sannu da zusa. Har Kasa Aliyu ya durkusa yana gaishe sa. Baba ya kamo hannun sa sukai musabaha dan sam bai gane shi bama. Sannan yayi cikin gida.

Da sallama ta shiga cikin gida cike da fari ciki. Ummah dai da ido ta bita har ta ajiye kayan Baba sannan ta fita a soro suka hadu da Baba ta bashi hanya ya shigr ita kuma ta koma gun Aliyu.

Nan suka cigaba da hira abin su amman sam Aisha ta kasa hada ido dashi da ta dago sun hada ido take dauke nata idon dan nauyin sa taji tana yi. itama ta rasa akan me take jin nauyin sa.

Sallah isha’i da aka kira ita ta saka sukai sallana ya tafi masallaci ita kuma tayi gida ciin farin cikii. Tana shiga tai alwala anan tsakar gida tai sallah Umma na mamakin Aisha yaushe rabon ta fito ta zauna a tsakar gida. Har yayen ta suka dawo suka zauna ana ta hira da ita sua yau sun ji dadin fitowar ta.

Aliyu na komawa gida ya kwanta yana nai lumshe ido wani dadi yake ji yau yaga burin zuciyar sa farin cikin rayuwar sa. Wata nustuwa yaji tana shigar sa.

************************************************************************************************************************************

Tin daga ranar da Fu’ad yaji wayar Fateema da Suraiyya bai kara samun kwanciyyar hankali ba domin kuwa a lokacin yana saka da warwarar abinda zai aika ta ne.

Ba komai kuma ke kara sashi a gaba ba sai irin alkawarurukan da yasha yiwa Fateema a da na wanda ba zai manta ba akwai lokacin da ta fara soyayya da Yaa Fauwaz gane irin son da take masa yasa yake yawan fada mata

_”Fateema farin cikin ki shine nawa. Wallahi in har son Yaa Fauwaz shine farin ciki gareki zan sadaukar da soyayya ta gareshi. Nasan Yaa Fauwaz yana son ki to bazan dana sani ba dan nasan zai kula dake ko ba komai dan uwan ki ne bare kuma ga soyayya.”_

Ko kuma ya ce,

_”Fateema in har kina son Yaa Fauwaz zan iya barin masa ke. Sai dai ki sani ina matukar kaunar ki.”_

Irin wadan nan kalaman da yake mata da wanda yai mata a ranar da aka daura auren su suke wayo a ransa. Hakikanin gaskiya yana son Fateema so ba kadan ba yasan rasa ta a rayuwa babban rashi ne zai yi rayuwa ne cikin kunci da kadaici. Amman kuma farin cikin Fateema shine nasa dole ya samar mata farin cikin sa.

Tin lokacin ya canja mata ba ta fannin kulawa ba sai dai a yanayin sa taga canji mai yawa wanda hakan yake damun ta. Wannan yasa ta ke kara shiga damuwa tai ta kukan da bai so shi kuma in yaga tana kukan sai ya kawo akan Yaa Fauwaz ne.

A cikin sati daya da sanin komai Yaa Fauwaz ya rame sosai ga ba kwanciyyar hankali kullum cikin tunani yake ga rashin lafiya da yake yi a tsaitsaye amman yaki yaje asibiti domin wani irin ciwon kai ke damun sa ga zazzafi zazzafi haka nan yaji kasala ga faduwar gaba da ke damun sa.

A lokacin kuma ko office yaje ba abinda yake iya wa duk da a lokacin tafiyar sa tana kan hanya dan Manager ya kara sanar dashi ya zama cikin shiri nan da sati daya zuwa biyu komai zai dai dai ta sai tafiya kawai.

Satin su uku da aure komai ya dai dai ta na tafiyar sa wanda zai je yayi course din shekara biyu. Acan an bashi gida da duk abinda zai bukata.

A lokacin ne kuma Fu’ad ya yankewa kan sa hukunci akan Fateema. Lokacin da office suka kira sa akan tafiyar sa ta zama reafdy an bashi kwana uku ya tafi dan sun masa booking na flight wannan yasa yaje ya samu Hajiyar sa da batun tafiyar.

Tayi murna dan tasan cigaban dan tane da su baki daya amman lokacin da yace bada Fateema zai tafi ba sai ta bata rai ta nuna bata so. Sai da kyar da ya nusar da ita cewar zai dawo ya dauke ta shine ta yadda hankalin ta kuma ya dan kwanta.

STORY CONTINUES BELOW

A ranar yai mata sallama dan yace washe gari zai je abuja ta can za a gama duk abinda zai yi ya tafi. Addu’a tai masa sosai sannan ya tafi da kewar mahaifiyar tasa dan ya sa a ransa shi da Nigeria sai baba ta gani.

Yana komawa gida ya tadda Fateema taci kwalliya cikin wani farin less din ta wamda akai wa ado da bakin zare sai stones dake jikin sa. Tayi kyau har ta gaji da kyau. Tana ganin sa ta mike tana sakin murmushi.

Zama yayi a kujera yana fadin

“Ya gida?”

Fuska ta bata yace

“Lafiya?”

Kujerar da yake ta koma ta zauna tace

“My me yake damun ka kwana biyun nan ne?”

Murmushi yayi yace

“Ba komai me kika gani?”

“Duk ka canja My. Ka fadan me yake damun ka in ba haka ba zan fika shiga damuwa.”

Hannun ta ya kama yace

“My rashin fada miki damuwa ta shi zai fi zama mana alheri.”

Hawaye ne ya hau zubo mata hannu yasa yana goge mata yace

“Please stop crying zan fada miki”

Daina kukan tayi ta tsare shi da manyan idanun ta masu rikitar dashi. Fuskar ta ya shafa yana fadin

“My ba abinda nake so a duniyar nan da ya wuce samuwar farin cikin ki. Akan samuwar farin cikin ki zan iya rasa rayuwa ta.”

Kallon sa take tana gamsuwa da abinda yake fada dan Fu’ad baya karya komai zai fada maka zai fada maka ne daga kasan zuciyar sa sai dai in kaji ba dadi.

Hanmun ta ya kama ya rike a cikin nasa yace

“Farin cikin ki shine nawa. Dan haka akan naki zan iya hakura da nawa in dai ina cikin farin ciki nasan wani kaso na zuciya ta zai samu sasauci akan ace ban baki farin cikin da kike nema ba.”

“But me ya kawo wannan maganar?”

“Saboda ina son ki. Ki sani komai zanyi yanzu ko nan gaba saboda sonki ne zan yi shi. *A sanadin sonki* zan yi shi.”

Hannun ta, ta daura akan nasa tace

“Nima ina sonka.”

Murmushi yayi yace

“Ni nasan da haka nafi kowa sanin hakan. Amman Fateema ki yafen abinda nai miki a baya da wanda zan miki a gaba kinji. Ni na yafe miki duk abinda kikai min duniya da lahira. Allah miki albarka yasa haske da farin ciki a zuciyar ki ya baki ya’ya masu miki biyayya ya baki dukkan farin cikin ki.”

“Amin Amin My. Nagode da kaunar ka. Ina sonka.”

Rumgume ta yayi yana sakin ajiyar zuciya.

Dagowa tayi tana fadin

“Ya naji jikin ka zafi?”

“Haba ke kika ji.”

Fuska ta shagwabe tace

“Kai fa haka kake sai kana boyen abu ko? Wai ni ba matar ka bace.”

Kalar da ta fada sai da ta doki zuciyar sa. Idon sa ya kawo ruwa saurin maidawa yayi ya kakalo murmushi yace

“Ke matata ce kuma ina fatan haka har a gidan aljanna amman bansan me wata rana zai faru ba ina fatan ya zama hakan dai.”

“Me kake nufi?”

“Nothing.”

Kura masa ido tayi kirjin ta nan bugawa shin me Fu’ad ke nufi me yake sa yake kawo wadan nan maganganun ne. Idon ta ya hure mata da iskar bakin sa. Ido ta lumshe tana jin wani iri a cikin jikin ta.

“Muje kayi wanka kazo kaci abinvce ko?”

“Yess Maam!”

Murmushi tayi ya mike ta kama hannun sa suka yi cikin dakin sa. Kaya ya fara cirewa ta shiga ta hada masa ruwa. Tana gamawa ta fito tana fadin

“Na hada maka.”

“Kizo ki tayani?”

Ya fada. Murmushi tayi ta make kafada tace

“Not now!”

Ta fice da sauri. Komawa yayi ya zauna a bakin gado yana bin hanyar da ta bi da kallo.

“Not now!”

Ya maimaita sannan yace

“Shin sai yaushe kenan!”

Kai ya girgiza yana dafe gefen zuciyar sa dake masa zafi. A daddafe ya mike ya shiga bayi dan zazzabi ke damun sa kamar yadda tace taji jikin sa dumi tabbas dumin ne saboda zazzabin dake son rufe shi.

Yana shiga yai wanka ya fito ya shirya sannan ya nufo falon da take. Tana ganin sa yace

“Uhmm My kayi kyau!”

Murmushi yayi yace

“U re more beauty dan me.”

Murmusbi tayi tace

“Zolaya dai amman ai ka fini kyau.”

“Wallahi Fateema kin fini kyau.”

Murmushi tayi ta kama hannun sa tace

“Muje kaci abinci ko?”

Suka wuce suka fara cin abinci. Kadan yaci ya mike ya koma falo yana kallo amman ransa duk ba dadi. Yana mikewa ta bishi da kallo tana girgiza kan ta.

Itama mikewa tayi ta koma falon. Kwanciyya tayi akan kujerar dayake ta daura kan ta akan cinyar sa. Kanta yake shafawa yana wasa da gashin kanta. A haka suke kallon har bacci ya dauke ta. Kallon ta ya tsaya yi yana tunanin zuci shi kadai.

Tin sha daya suke falon har karfe daya ya kasa tashi in banda kallon ta ba abinda yake da kyar ya dauke ta ya nufi daki da ita. Kaya ya canja mata a hankali dan kar ta tashi. Lokacin da ya cire rigar ta ya jima yana kallon kirjin ta jin wani abu na taso masa yasa nan da nan ya zura mata wacce ya dauko.

Kwantar da ita yayi sannan ya shiga bayi yayo alwala yazo ya hau kan sallaya. Sallah yayi sannan ya zauna yana addu’a akan Allah ya bashi ikon da cika alkawarin da yake daukar wa Fateema. Ya jima akan sallaya yana sallah yana hawaye har ya samu sanyi a zuciyar sa sakamakon karatun alkur’anin da yayi. Uku na dare ya koma gado ya kwanta sai dai bacci sam yaki ya dauke shi. Kallon Fateema yake yadda take baccin ta cikin kwanciyyar hankali.

Ido ya runtse sannan ya bude a hankali ya matsa kusa da ita ya shige jikin ta ya rumgume ta yana sauke ajiyar zuciya. Wani sanyi da nutsuwa yaji yana shiga cikin jikin sa. A haka bacci ya dauke shi. Basu suka farka ba sai biyar da minti goma lokacin har an tada sallah a masallaci. Da sauri ya mike ya fada bandaki yai wanka yayo alwala ya fito itama alwala tauy tazo ya jasu sallah. Suna idar wa suka koma gado gaba dayan su.

Karfe shida da rabi ta mike tana mika. Kallon Fu’ad take yana bacci. Ido ta kura masa ido ta lumshe tana mai yin murmushi sai kuma ta mike ta fice a dakin a hankali dan kar ya farka.

Kitchen tashiga ta tsaya yana tunanin me zatai wa Fu’ad. Idea ce ta fado mata dan haka nan da nan ta fere dan kali ta soya ta fasa kwai shima ta soya.

Fulawa ta diba ta zuba kwai yeast kwai sannan ta kwaba doughnut 🍩 nan da nan ta gama ta soya ta daura ruwan tea sannan tai masa farfesun kayan ciki.

Bakwai da arbain da tara ta gama duk abinda zatai ta jere a dining sannan ta gyara dakin ta shige bandaki tai wanka.

Fitowa tayi daure da towel iya kar sa cinyar ta kan ta na dibar da ruwa. Karamin towel tasa tana tsane kan ta. Kan gadonta nufa inda Fu’ad ke kwance yana ta bacci. Karasawa tayi ta zare towel din kanta sannan ta barbaza masa gashin kanta a fuskar sa. Kamshin shampoo da ta wanke kanta ya shaka hadi dadanshin gashin nata wannan yasa ya bude ido.

Fitowa tayi daure da towel iya kar sa cinyar ta kan ta na digar da ruwa. Karamin towel tasa gana tsane kan ta. Kan gadonta nufa inda Fu’ad ke kwance yana ta bacci. Karasawa tayi ta zare towel din kanta sannan ta barbaza masa gashin kanta a fuskar sa. Kamshin shampoo da ta wanke kanta ya shaka hadi da danshin gashin nata wannan yasa ya bude ido.+

Kara shakar kamshin yasa ya lumshe ido. Mikewa tayi tana fadin

“Ina kwana?”

Amsawa yayi da

“Lafiya. Kin tashi lafiya?”

“Alhamdulilah.”

Tayi gaban mudubi tana fadin

“Yau wane irin bacci kake ne? Ko bazakaje office bane.”

“Yau ba zani ko ina ba anjima nake son muje mu gaida Momy!”

Ai bata san lokacin da ta haye gadon ba ta rumgume shi tana fadin

“Dan Allah da gaske My!”

Kai ya gyada mata. Kissing nashi tayi a kumatu sannan ta sauka tana fadi

“Amman naji dadi wallahu.”

Murmushi yake yana kallon yadda take tsalle tana murna. Zai so kasancewa da Fateema har karshen rayuwar sa. Mikewa yayi ya nufi hanyar bandaki.

Har ya kai bakin kofa ya juyo yana kallon ta. Sai ya girgiza kai ya shige kawai. Wanka yayi ya fito daure da towel. Tana gaba mirror har lokacin tana shiryawa. Kofar dakin ya nufa ya fice kawai. Dakin sa ya shiga ya dauki karamin akwatin da ya zuba duk wasu abu masu mahimmanci a ciki. Ba abinda yake bukata sai su dan ba da abinda ya shirya tafiya. Ajiye shi yayi a gefen hado sannan ya hau shityawa.

Ciki kanannun kaya ya shirya farar riga da bakin wando yai kyau dashi wanka yayi da turare sannan ya fito falo lokacin da Fateema ta fito cikin wata doguwar riga ja da fara ta kamata tai mata kyau. Tai simple make up.

Kallon ta ya tsaya yi tana karasowa kamshin ta mai dadi ya doki hancin sa. Jikin shi ta shige. Ido ya lumshe yace

“Kinyi kyau My!”

“Nagode kaima kayi kyau.”

“Tnx!”

Suka nufi dining nan suka karya. Sannan suka dawo falo. Karfe daya da rabi Fateema ta dame shi su tashi su tafi.

“Je ki shirya.”

Ya fada yana mikewa shima da gudu tayi daki ya bita da kallo. Dakin sa ya shige ya fada saman gado yana mai lumshe idon sa. Ya jima a haka sannan ya mike ya bude wardrobe ya dauko wata sky blue din shadda, akan gado ya ajiye ta sannan ya dauko hula da agogo. Kayan jikin sa ya cire ya zura wandon yana cikin zura rigar da shigo dakin. Cikin shirin ta.

Sanye take da wani Blue din less wanda akai masa ado da maroon. Tai kyau dinkin ya amshe ta. Hannun ta sakale da mayafin ta maroon jaka da takalmi duk maroon. Yai kyau har ta gaji da kyau.

STORY CONTINUES BELOW

Rigar ya karasa sakawa ya tsaya kallon ta karasowa tayi ta dauki agogon sa ta kama hannun sa ta saka masa sai ta dauki hular sa ta mika masa ta ajiye masa takalman ta tace

“Muje!”

Murmushi yayi ya dauki karamin akwatin sa ya ce

“Jeki ina zuwa!”

Fita tayi janye da akwatin paper ya dauko ya zauna a baki gadon ya fara rubutu a ciki yayi takardar yana rubutu sannan ya dago idon sa jajir sai ya koma kuma ya cigaba da rubutun. Yana gamawa ya ninke ta ya zura a aljihun sa.

A jikin mota ya samenta tana ganin sa ta saki murmushi tace

“Me ka tsaya yi ne?”

“Ba komai!”

Ya fada yana bude mata motar. shiga tayi ya rufe ya koma dayan side din ya ja motar suna tafiya a hanya yace

“Me zamu kai wa Momy ne?”

“Nothing!”

“Haba dai Momyn tawa!”

Ya fada yana karkata motar sa bakin wani suoermarket. Yana parking ya fita yana fadin

“Ina zuwa.”

Ciki ya shiga bai jima ba ya fito wasu yara biye dashi a baya dauke da kayan abinci kala kala da katan katan din lemuka. A bayan mota suka saka ya basu ladan su sannan ya koma cikin motar ya jata suka tafi.

Suna shiga gate din gidan Fateema ta rufe fuska tana dariya. Murmusho yayi yai parking kan ya gama parking har ta bude mota. Hannun ta ya kamo sai kuma yai saurin sakin ta. Fita tayi a guje tayi cikin gida.

Parking ya gyara ya fito dai dai lokacin da aka kira shi akan tafiyar sa wacce nan da awa biyu zai tafi Abuja. Waya yake amsawa Yasmeen ta fito.

Tana ganin sa tayo gun sa ta rumgume sa. Tace

“Sannu da zuwa Yaa Fu’ad.”

“Sannu Yasmeen ya makaranta?”

“Alhamdulillah. Wai ka shigo.”

Ta kama hannun sa sukai ciki. A falo ya same su zaune Momy Fateema na zaune kusa da ita ta rike hannun ta.

Har kasa Fu’ad ya durkusa yana gaishe da Momy. Momy tace ya hau kan kujera amman ya kasa yana durkushen ya gaishe ta.

Sun jima zaune sannan ya mike yace

“Zai tafi.”

Momy tace

“Haba dai ka tsaya kaci abinci.”

Dan dole ya tsaya Momy ta mike Fateema ta bita ta kawo masa abincin kadan yaci ya mike nan ya zubewa Momy kudi masu yawa. Yai mata sallama ya fita.

Fateema ce ta biyo shi. Nan yasa masu aiki da su kwashe masa kayan motar a shiga ciki dasu. Sai da aka shiga da kayan yace

“Kwana fa zaki yi”

“Da gaske?”

Ta fada tana murna. Kai ya gyada yace

“Zan danyi tafiya ne.”

Sai kuma ta bata fuska tace

“Shine kuma baka fada min ba.”

“Am sorry ya hade hannayen sa gu daya murmushi tayi tace

” ina zaka?”

“Abuja zani.”

“To Allah kiyaye ya tsare.”

“Amin My!”

Hannu yasa a aljihun sa ya zaro takarda ya mika mata. Gabanta ne ya fadi tace

“Menene wannan?”

“In kin karanta kya gani.”

“Ni me zai karanta da baza ka iya fada mi ba.”

“My kenan ba komai ne yake faduwa da baki ba. Amman ki yi hakuri da duk abinda zaki ji ko gani.”

“Kamar ya?”

“My ina son ki. Ina kaunar ki.”

“Nima haka!”

Ta fada jikin sa har ya rumgume ta sai kuma ya sake ta da sauri. Kallon sa ta tsaya yi yace

“A waje fa muke.”

Baki ta turo tace

“To shine me?

Ido ya zaro yace

” ba dani ba.”

Ya zaga ya shiga mota tana dariya tace

“To nagode sai yaushe kenan.”

STORY CONTINUES BELOW

“In munyi waya zan fada miki.”

“Alright Allah tsare. I will miss u.”

Yar dariya yayi yace

“Tin ganzu?”

“Kamar ya?”

“Eh man tin ban tafin ba.”

Dariya tayi yace

“Eh man!”

“Alright bye!”

Ta daga masa hannu har ya fice tana tsaye sai da aka rufe gate ta koma ciki rike da takardar da ya bata.

Cikin jaka ta saka nan ta zauna ta cika Momy da surutu na yaushe rabo.

***********************************************************************************************************************************

Washe gari Aliyu na shiga gidan gwamnati bakin sa suka iso ba kowa bane sai kwararrun likitocin daya debo daga waje dan suna aiki a karkashin gwamnatin sa. Hatta gida je sai da aka gina musu wasu a harabar asibitin wasu a kusa da asibiti.

Haka nan malaman secondary da jami’a duk a waje ya debo su bayan ya duba qualities nasu. Haka nan yasa aka fara bada lesson ga masu zana waec da neco da jamb.

Gidan bread ya gina da kudin sa inda a ko wacce rana ake kai wa unguwa biyar kuma ko wanne guda sai an bashi guda biyu washe gari akai wata ungywa biyar din haka kullum haka ake yi.

Haka zai shiga kasuwa da kudin sa zai siye kayan miya duk wanda yazo a bashi kyauta haka kuma za a bi gidaje ana rabawa da kayan abinci har da kudi. Duk a cikin kudin Aliyu ba kudin gwamnati ba.

Kudin gwamnati ya bar su ayi aikin garin da makarantu da asibitoci da wutar lantarki da ruwan famfo.

Kan kace me garin da Aliyu ke mulka yayi zarra a cikin garuruwan da aka jima da kafa su. Daga gida nageria har wajen nageria sai maganar Aliyu ake ana saka masa albarka. Ba wanda ya kai shugaban kasa murna da Mai martaba da Fulani Rashida ba.

Murna suke da dabi’un Aliyu da yadda yake taimako domin a garin sa yanzu ba mai zaman banza kowa ya bashi abun yi masu son karatu sun yi jamb wasu an fitar dasu daga kasar wasu na wasu garin wasu na cikin garin suna karatu a jami’oin sa ya ginq guda biyu banda poly da health technology.

Lokacin da su Aisha suka koma makaranta taga can ji dan turawa ke koyar dasu rabar murna kamar tai me Allah Allah take a koma gida ta bada labari sannan Yaa AK yazo ta bashi labari.

A kuwa ana tashi ta tafii gida da murna tin da ta shiga take bawa Umma labarin irin gyaran da akai wa makarantar an gyara ginin da bancina ga white board ga komai na karatu ba ma wannan ba yadda aka kawo musu bature malamai.

Ummah sai addu’a takewa Gwamna. Kai ba ma Ummah ba duk al umnar garin sai addu’a suke masa wadan da ya cire kuwa suna can sun hada party daya suna son su fito takara a zangon mulkin da zai zagayo.

Sunje gun shugaban kasa kan suna son a basu dama su mulki garin wai Aliyu ba dan garin bame.

Shuganan kasa dariya yayi yace

“Akan me kuke zon amsar mulkin garin ku menene aibun sa.

Nan suka hau fadar son ransu sai yan kame kame akan mulki yaki ya bar kowa yaci wani abu komai da kansa yake baya bawa wasu su taimaka masa.

Shugaban kasa yace yace kuje ku duba shin wandan da suke tare dashi a da masu amana ne. Zakuga dalilin sa na yin haka.

Sannan ya nuna masa yadda shi kan sa ya daukaka a ta dalili irin abinda Aliyun yake dan haka ya basu hakuri.

Haka suka baro gun shugaban kasa zuwa ba dadi wannan yasa suka canja party suka koma gun abokan hamayar su shugaban kasa suka hada party suna son su kayar da kujerar shugaban kasa da duk wanda ke mulki a karkashin partyn tasu.

Aisha lokacin da Aliyu yazo ai rawa ne kawai batai a gaban sa ba duk yadda take jin nauyin sa hakan bai sa ta ki nuna farin cikin ta ba shima yaji dadi domin farin cikin Aisha shine nasa a yanzu.

Shakuwar Aliyu da Aisha ta kara zurfi. Wanda son Aisha ke kara shigar Aliyu kullum son ta ninkuwa yake a ransa bama in suna tare tana masa magana cikin hikima da baiwa ga hankali da nutsuwa wannan abu na kara saka masa son Aisha.

Ga Ilimi son taimako ga hakuri. Sau da dama ita ke tunasar dashi abubuwa da yawa wanda zai je ya aikata. Sam yanzu bata da damuwa sai na karatun ta.

Lokacin tana SS 2 amman Yaa AK yace ta shiga cikin masu lesson dan itama zata zana jarabawar fita. Murna kamar me wajen Aisha.

Duk abinda ake wani okacin da Aliyu ake aman ba wanda yasan shine gwamna dan basaja yake a cikin su ko in ya bada rabo abu dashi ake yi yana ganin yadda ake gudanar da komai.

Haka nan in ya tashi ziyarar asibit ba tare da kowa ya sani ba kawai sai dai su ganshi akan su shima basa ganin fuskar sa dan space yake sawa da face mask a idon sa. Wani lokacin har ya gama dube duben sa basu san shi bane dan sai su zata ya rako wasu ne ko wani abun. Wanda da kayi ba dai dai ba zai koma gefe ya tambayi sunan ka washe gari sai dai kaga an aiko maka da an dakatar da kai with out salary wani ma kora ce gaba daya.

Karfe tara da rabi na dare ya dauki mota ya fice daga gidan sa. Gidan gwamnati ya nufa ya dauki mutum biyu a cikin sojijin sa suka nufi general hospital. Ba tare da ansan zuwan sa ba sai mai gadi da ya bude ya gansu. A lokacin Aliyu ya fito sanye da dogon wando baki da farar riga kai dogon hannu idon sa boye a cikin bakin glass ya saka facemask tafiya ya fara yi yana kallon harabar asibitin da duk ba gyara dakin nasu jinya ya nufa. Yana shiga ya fara bin gado gado yana duba su tare da ajiye musu damun kudu nasu yawa da fruit.

Haka ya digga shiga ward ward yana duba mara sa lafiya har lokacin likitocin basu san me yake faruwa ba sai da ya gama.da marasa lafiya ya shiga dakin nurses ya samu wasu na chat wasu na bacci suna ganin sa suka mike suna mika gaisuwa bai saurare su ba ya fice ya nufi gun Doctor incharge a duty sai a a lokacin ne marasa lafiya suka san Gwamna ne da kan sa yazo ai kam nan suka hau masa addu’a

Yana gamawa ya nufi gun shugaban zuwan sa kenan dan tana gida aka fada masa yai sauri ya karaso. Nan ya nemi da su fada masa abunda ake bukata a take ya basu kudi sannan sauran abunda za a gyara yace a gobe da dafe za a kawo.

Daga nan ya fito ya harabar asibiti mutane na ta masa addu’a wasu suka fitowa su kazo suna musbaha mata tsofafi na shafa kan sa suna masa addu’a.

Aliyu bai taba ji son kyautawa mutane kamar yau ba yadda tsofafin gun nan kemasa shi yafi komai nasa dadi ga addu’ar da suke masa.

Ai fa washe gari, gari ya dau ka abun alherin da Aliyi yayi a asibit sai sauran asibiti suka fara shiri amman san Aliyu bai a sa a zai je wani gun ba.

WA NAKE SO CHAPTER 7

Leave a Reply Cancel reply

Categories

Pages