WA NAKE SO CHAPTER 9

   January 5, 2025  Leave a Comment on WA NAKE SO CHAPTER 9  Posted in WA NAKESO COMPLETE
Tura Zuwa: XFacebookLinkedin

 WA NAKE SO CHAPTER 9

Alhamdulilah. Sosai na samu kulawa daga gun Momy da likitoci har da nurses da yan uwa na domin kuwa sun yiwa su Momy magana kan kada ana bari na ni kadai dan zan na saka abu a rai na wanda zai kara dagula lafiya ta.+

Wannan yasa ma suka ce a karo mai kula dani dan haka da Momy da Suraiyya muke kwana. Sam basa bari na a kadaici da zanyi wan tunani kuma da safe haka Baba Uwani zata zo da yan gida. bayan sun gamai min allurai sukai sallameni bayan sun kara jawa su Momy kunne akan kulawa dani.

Gidan mu Suraiyya ta dawo haka Yaa Kamal ma dan haka sam basa bari na ni kadai. Kullum tare muke yini suyi ta saka ni dariya da labarai. Dan haka sam ban kawo Fu’ad sai naje bacci ko na kwanta nai ta mafarkan sa. Bana kuka a gaban kowa dan da sun ga mood dina ya canja a lokacin duk hankalin su zai tashi suyi ta tambaya ta menene.

Kwana na biyar da sallama wanda a lokacin satin Fu’ad biyu da tafiya kenan. Bayan na fito a wanka Momy ta shigo dakin. Mai na dauko ina shafawa tana kallo na tace

“Ashe wanka kike naji ki kin jima.”

“Eh wanka nayi.”

Kallo na ta tsaya yi dan duk ido na yayi jajir alamar naji kuka haka nan murya ta har ta dashe dan haka ta zauna a gefen gado tana kallo na har na gama na saka riga da siket na atamfa na saka hula.

Kallon ta nayi ganin yadda ta zuba min idanu. Zama nayi nace

“Lafiya Momy?”

“Fateema wai kwana nawa Fu’ad yace zai yi ne?”

Take naji zuciya ta ta buga dan har sai da tari ya kubce min nai shiru tace

“Kuna ma waya kuwa? Ko akwai wata matsala ne?”

Kuka na fashe dashi na fada jikin ta ina girgiza kai na. Baya na ta hau bubbugawa tana fadin

“To ai ba kuka nace ki min ba. Akwai wata matsala ne.”

Kirji nane ya kulle wanna yasa na dafe da hannu na ido na na zubar da hawaye ga tari da nake duk abin sai ya zamar min goma da ashirin nan Momy ta daukon ruwa amman tarin yaki tsayawa sai da kyar ya tsaya wannan yasa ta mikon na amsa na sha sannan na koma na kwanta ina lumshe ido hannu na daya dafe da kirji na.

Munyi minti talatin sannan na mike zaune kirji na yai min nauyi sosai. Kallon Momy nayi da take kallo na cike da tausayawa tace

“Kinsha magani kuwa?”

Kai na gyada mata. Hannuna takama tana fadin

“Sannu!”

Kai na gyada nace

“Momy Fu’ad fa ya sauwaken auren sa gaba daya”

Da sauri momy ta saki hannu na tana zaro ido hannu ta dafe da kirji tace

“Innalillahi wainna illahir rajiun. Yaushe?”

“Da zai tafi ya ban takadar sai da na kwana biyu sannan na karanta shine abinda yasa na shiga halin da na shiga.”

Na karasa maganar hawaye na zubo min.

“Naga takardar?”

Momy ta fada. Jaka ta na dauko dan bayan na dawo gida naga takardar a ciki abinda ya hanani taba jakar ma kenan na ajiye ta.

Momy na mikawa na koma na kwanta. Karantawa Momy ta fara tana matsar hawaye tana kai inda ya saken ta saki takardar tana aika min da wani irin kallo. Mikewa nayi ina kallon ta a tsorace kan nace wani abu ta mike ta fice min a dakin

STORY CONTINUES BELOW

“Me kenan?”

Na tambayi kai na. Ko da yake nasan dakyar Momy taga laifin Fu’ad nawa zata gani shin to ni me nayi? Kuka na fashe dashi wanda yasa numfashi na daukewa cak dai dai shigowar Suraiyya kenan ta ganni ina dafe da zuciya ta ga numfashi da nake kokarin jan sa.

Falo ta fita a tana fadin

“Momy jikin Fateema ne ya tashi.”

Momy tace

“Me zan mata to?”

Ta mike tayi sama. Yaa Kamal da suraiyya suka kalli juna sai kuma ya mike a guje yayi dakin Suraiyya ce tabi bayan sa a guje. A yadda Suraiyya ta barni a haka ta dawo ta same ni dan haka Yaa Kamal ya dauken muka fice a mota sai asibiti muna zuwa likita ya amshe ni.

Allura yai min sannan ya sakan oxygen sai a lokacin numfashi na ya dai dai ta. Nan likita ya fito ya tafi office. Yaa Kamal da Suraiyya suka bi bayan sa dan ya barni da nurses.

Suna shiga office din ya zauna yai rubuce rubuce a file dina sannan ya ajiye ya dago yana kallon Yaa kamal yace

“Garin ya haka ta faru?”

.

“Me fa?”

Yaa Kamal ya tambaya.

“Jinin ta yai mugun hawa. sannan as sign din ta ya nuna kamar zuciyar ta ta kamu da ciwo. Daman har kwana kin nan da kukai bata cire damuwa bakwa debe mata kewa kamar yadda muka ce.”

Shiru Kamal yayi dan shi ya rasa mema zai ce.

Doctor yace

“To gaskiya sai mun rike ta dan conditon din da take ciki tana cikin hatsari.”

Nan ya rubuata abubuwan da ake bukata ya bawa Kamal sannan suka mike suka fito.

Dakin da nake suka shigo suka zuba min ido suna mai tausayi na ganin duk yadda na kare kamar bani ba. Sun jima a haka sannan Yaa Kamal yq kalli Suraiyya yace

“Bari naje na siyo na dawo.”

“Toh!”

Ta fada tana zama a kan kujera ta zuba tagumi

Da sauri ya fita ya tafi ya siyo komai ya dawo ya ajiye yace

“Bari yaje ya sanar da Momy.”

Gida Yaa Kamal ya koma gida. A kitchen ya samu Momy tana irrkin dare dan haka ya karasa jiki a sanyaye. Kallon sa tayi tace

“Ya akai Kamal?”

“Momy jikin Fateema ne ya tashi.”

“Allah sauwake.”

Ta fada tana cigaba da aikin ta.

“Momy an basu gado ne fa.”

“To ai shine nace Allah bata lafiya.”

Kallon Momy ya tsaya yace

“To anjima in kin gama abinci na kai ki ne?”

“Ka kai ni ina Kamalu? Ba inda zani Allah ya sauwake ai ita ta daurawa kanta.”

“Anya kuwa Momy me yake faruwa ne. Fateema fa nace miki bata da lafiya har an bata gado.”

“Kamal na jika sarai amman ba inda zani Allah sauwake.”

Kallon Momy ya tsaya can yace

“Doctor yace jinin ta yafi wancan hawa sannan zuciyar ta ta kamu da ciwo Momy wai me yake damun tane?”

Duk da Momy hankalin ta ya tashi ta shiga firgici jin halin da nake ciki amman sai cewa tayi

“Allah sauwake.”

Yaa Kamal yace

“Momy wai me yakre faruwa ne?”

“Ka tambaye ta ta fada maka.”

Shiru yayi can yace

“Bari na koma amman gaskiya Momy anjima zan dawo na dauke ki.”

“Kamal kasan Allah ba inda zani.”

Kallon mamaki ya tsaya yanawa Momy ta juya ta bar shi ta cigaba da aikin ta. Ya jiima a kitchen din sannan ya juya ya fita jiki a sanyaye.

Asibitin ya dawo har lokacin ina bacci Suraiyya tace

“Ina Momyn?”

“Momy bata jin dadi itama gaskiya ba zata samu zuwa yau ba.”

“Allah sauwake.”

“Amin!”

Ya fada yana kallo na cikin tausayawa. Can yace

“Wai ina mijin ta ne?”

“Yayi tafiya ne.”

Suraiyya ta bashi amsa tana kallo na.

STORY CONTINUES BELOW

“Amman ya kamata dagin mijin ta su san a halin da take ciki ko?”

“Gaskiya dai.”

Mikewa yayi yana kallon Suraiyya yace

“An kira sallah bari naje nayi daga can zan amso muku kayan ku ko?”

“Toh angode.”

Ya fita. Bayan yai sallah yaje ya debo musi kayan su sannan ya biya ta gida ya amso musu abinci ya dawo asibitin.

Nan suka zauna bai tafi ba sai karfe sha daya sannan ya tafi.

*

Da dare haka na tashi nai ta kuka da kyar Suraiyya ta lalashe ni na kwanta. Nayi mamakin rashin zuwan Momy amman nai shiru.

Washe gari da sassafe Yaa Kamal yazo ya taho mana da abinci. Tea kadai nasha nurses suka shigo suka ban magani sannan sukai min allurai na koma bacci.

Wannan jinyar daga Yaa Kamal sai Suraiyya su ke yini a kai na. Yaa Kamal sai wajen sha daya yake tafiya gida. Baba Uwnai kuwa kullim zata zo da Maman Suraiyya suna kawo mana abinci.

Kwana na uku likita ya sallame bayan ya kara bani dokoki ya bawa su Yaa Kamal ma.

Muna komawa gida na shige falo sai dai naga Momy bata nan dan haka da sauri na na karasa dakin ta.

Tana zaune ta zuba tagumi tana jin sallamata ta dago tana kallo na. Tausayi na ne ya kamata dan na rame sosai wannan yasa tai saurin dauke idonta daga kallona.

Karasowa nayi na zube a kasa ina fadin

“Momy dan Allah ki yafe min tayaya zan ji dadin rayuwa bake ba Yaa Fauwaz ba Fu’ad. Dan Allah Momy ki yafe min.”

Na fada ina mai sakin kuka. Bata kallen ba tace

“Me kika yiwa Fu’ad har ya sauwake miki?”

“Wallahi Momy ba abinda nai masa ni ban san…..”

“Rufe min baki. Tayaya zakice baki san me kikai masa ehee?”

Kuka nake ina girgiza kai nace

“Wallahi Momy ban san me nayi masa ba.”

“Zaki daina fadan baki san me kikai masa ba ko sai na dauke ki da mari shahsahar banza da wofi. Kinje kina masa rashin hankali ko? Maganar Fauwaz kike masa ko?”

Kai nake girgiza ina hawaye nace

“A’ah Momy.”

“Ba zaki fada min me kike masa ba. Shin daman Fateema bakya son Fu’ad kika bari kika aure shi? Wannan ai cuta ce.”

Kai nake girgiza ina mai cigaba da kuka.

Momy tace

“Allah ba zai barki ba tinda kika cuce shi. Meyasa kika bari kika aure shi bakya son sa? Tin farko ban fada miki ki auri wanda kike so ba domin anan ne zaki samun zaman lafiya da kwanciyyar hankalim Shin na nuna miki wanda nake so a cikin mane man ki?”

Kai nake girgiza wa kai na na sara min ga kukan da nake ga kirji na da yai min zafi da nauyi.

“Ban nuna miki wanda nake so ba dan kar ki je ki min biyayya ke kuma bakya son sa. Amman dan me kika yaudari Fu’ad din. To wallahi Fateema duk da Fauwaz ‘da nane na fison Fu’ad domin Fu’ad masoyin kine amman dan uban ki ki fadan dan me kika aure sa dan ki broken heart 💔 nashi ehee?”

Kai na girgiza nace

“Wallahi A’ah ina son Fu’ad son sa a jini na yake. Ana fada in dai da shakuwa sam ba a rabuwa sai dai a kara jituwa. Wallahi Momy ban taba son wani kamar Fu’ad ba. Dan Allah Momy ki yafen ki kira Fu’ad ki fada masa ina son sa dan Allah wallaho mutuwa zanyi in ba Fu’ad zuciya ta zata tarwatse ni ina son sa.”

Wani kallo Momy ke jefa min tace

“Basai naje na nemo mikin shi ba shasha kada ki manta ko da Fu’ad zai dawo a yanzu ba aure tsakanin ku. Kuma kin cuci yaron nan wallahi ni kai na kunya nake. Nasan Fu’ad nasan hakurin sa tin da yai haka kin kai shi bango. Kuma daga jin statement din sa akan farin cikin ki ya sake ki. Dan uban ki menene farin cikin naki da yasa ya sake ki dan kije gare shi. Kada kice min Fauwaz ne?”

Kai na ke girgizawa dan na kasa magana ma na kama kafar ta ina jijjiga wa da kyar na iya cewa

“Momy ki yafe min. Ki nemon Fu’ad ya yafen. Momy dan Allah ki yafen ko naji wani sanyi a rai na.”

“Fateema zan yafe miki amman sai kin fada min yadda zaman ku ya kasance da Fu’ad in kika boyen wani abu ke da Allahn ki.”

Kuka nake ina gyada kai.

Tace

“Ina sauraron ki.”

Cikin kuka na labarta mata komai. Ina kai aya tace

“Wato ke tunanin ki ina Fauwaz yake ko kinyi aure kin barshi ko? Da yake shi cewa yayi ba zai aure ba ke zai zauna jira ko? Fateema wai me yake damun ki da zuciyar ki ne? Yanzu akan Fauwaz kika kashe auren ki?”

Kai na girgiza nace

“Wallahi A’ah Momy.”

“Gashi nan kuwa duk wanda aka bawa labarin nan ai yasan dan me Fu’ad ya sake ki. Shima ya fada ba zai tauye miki farin cikin ki ba zai baki farin cikin ki. To ciwon uban kike dan ya sake ki.”

“Momy wallahi ina son Fu’ad wallahi nafi son sa akan Yaa Fauwaz. Halin da nake ciki na rashin sa ban shiga a lokacin da na rasa Yaa Fauwaz ba. Dan Allah Momy ki yafen ki daina fushi dani.”

Kai Momy ta dafe can ta dago tace

“Da auren ki kike tunanin wani can.”

Ji take kamar ta rufe ni da duka dan dai ban da lafiya ne amman nasan da tini na sha duka a gun Momf. Tagumi ta zuva nace

“Momy ii yafen dan Allah.”

“Ki nemi tuba a gun Allah da wanda kika zalunta bahan kinsan bakya son sa kika aure shi.”

“Wallahi Momy ina son sa.”

Na fada ina kuka. Momy ta dauke tagumi hadi da sauke ajiyar zuciya tace

“Wallahi kinyi babban rashi. Allah ya kyauta.”

“Momy dan Allah ki yafe min ki daina fushi dani.”

“Fateema ya zan miki ehee? Ya zanyi dake amman a gaskiya kin batan rai baki taba batan rai kamar wannan ba.”

Kuka nake ina dafe kirji wannan yasa tace

” tashi kije. Allah ya yafe mana gaba daya.”

Kin mikewa nayi haka xauna dafe da kirji har akai kira magariba Momy ta mike ta shiga bandaki tayo alwala ta zo zata tada sallah gani na a zuane a wajen har lokacin tace

“Tashi kije kiyi sallah!”

Mikewa nayi duk da bana yi na nufi kofar fita adakin. Da kallo ta bini.

Da kallo ta bini ina fita ta girgiza kai tace
“Fateema kenan ban san wacce irin gabuwa bace ke daman haka ‘yan fari suke ne?”
Kai Momy ta girgiza tace
“Hmmm ni kai na nayi rashin siriki mai hankali nustuwa tarbiyya da girmama nagaba. Allah ya kare ka Fu’ad Allah ta baka mace ta gari amman banji dadi da ka yanke wannan hukuncin ba. Nasan Fateema na son ka dan ba zata taba son wani kamar yadda taso ka ba. Meyasa ka kasa gane hakan. Son faranta mata yasa ka kasa gane komai.”
Ido ta runtse tana mai girgiza kai. Tasan asalin soyayyar su dan haka tasan kowa a cikin su zai shiga tashin hankalin da yafi wannan. Shin koshi Fu’ad din yana wane hali?”
Abinda ya tsaya mata a rai kenan. Duk jikin ta yai sanyi ta rasa wane hali take ciki na tunani.
Wayar ta ta dauka ta fara neman layin Fu’ad amman abin mamaki a kashe wayar take. Tsoro ne ya kamata wannan yasa ta mike ta fita a dakin.
Ba kowa a falo dan haka ta fice da sauri drivern gidan ta kira ya mike yazo ta kalle shi tace
“Zaka kai ni gidan su Fu’ad ne.”
“Toh ranki ya dade!”
Ya fada yana nufar gun motar. Fito da ita yayi Mlomy ta karaso ta shiga gidan baya nan ya dauki tada motar ya fice.
Suna zuwa unguwar sallah ake yi dan haka yana parking ya tafi masallaci ita kuma ta shiga gidan su Fu’ad.
“Assalamu Alaikum!”
Tayi sallama a bangaren Hajiyar Fu’ad wanda daman bangaren ta ne a farko na kishiyar ta a ciki dan Hajiyar Cikin gida ma suke cewa Hajiyan.
Gyaran murya Momy taji tayi wannan ya bata tabbacin sallah take dan haka ta shiga dakin. Ganin tana sallah itama ta mike ta shimfidda sallaya da ta gani sakale a jikin kofa ta tada sallah.
Cikin nutsuwa suka idar da sallah dan Hajiya ta riga Momy idar wa. Nan Momy ta idar itama. Addu’a tayi ta shafa sannan ta kalli Hajiya tace
“Hajiya ina yini?”
Hajiya tace
“Alhamdulillah! Ya gida?”
“Alhamdulillah!”
“Yasu Fateeman ina tacewa zan zo na ganta tinda Fu’ad ya tafi bamuyi waya ba ni banje ba ita bata zo ba gashi shima Fu’ad din tin da ya tafi ba a samun sa a waya dan Allah haka ake yi? Ya kama ya tafi ba aji ko ya yake ba. Duk hankalin mu a tashe.”
Ajiyar zuciya Momy ta sauke tace
“Kila wani uzurin ne.”
“Ko wanne uzurin ne ba xai kira yaji ya muke ba ehee?”
“Gaskiya dai ayi hakuri.”
“Ba komai ai. Ya Fateeman ina fatan ba wata matsala bata sa damuwar komai ba ko?”
Shiru Momy tayi can tace
“Abinda ya kawo ni kenan!”
“Me ya faru?”
Gyara zama Mony tayi tace
“Yau satin Fu’ad bitu da tafiya ni sai da yai kwana goma ma sannan Fateeman ke fada min ai Fu’ad ya sake ta.”
Ido Hajiya ta zaro tana fadin
“Ya sake ta. Na shiga uku me tayi masa.”
Nan ta hau tafa hannu tana salati har da ruwan hawaye a idon ta. Hajiya ta daura tana fadin
“Duka duka auren wata nawa yau? Yanzu abinda Fu’ad yake yi kenan? A ina ya koyi haka, a gidan wa ya taba ganin anyi haka. Yayen sa nawa ne? Ya taba ganin anyi saki a cikin gidan su. Yanzu abinda Fu’ad zai min kenan ya kunyata mu dan Allah. Menene aibun Fateema dan Allah yarinya mai hankali da hakuri.”
STORY CONTINUES BELOW
“A’ah Hajiya baki sani ba dai dan gaskiya ni a gani na Fateema ita tai masa abu. Ni daman damuwa ta daya ce a wane Hali Fu’ad yake saboda na kira bai nima wayar a kashe shi yasa nace bari nazo ko ku kuna waya hankali na ya kasa kwanciyya.”
Kai Momy ta girgiza tace
“Ikon Allah. Ki kyale shi duk inda yaje zai dawo ne ai shi ba yaro bane shine yazo yace min an tura shi wata kasar karo karatu. Ashe abinda ya shirya kenan. Zan saka Yayan sa yabi min shi har can zai fuskanci bacin rai na wallahi.”
“A’ah Hajiya dan Allah ki bi komai a sannu ni dai nasan wallahi Fu’ad bai da laifi. Laifin Fateema ne. Dan Allah kada ki yi wani abu. A cigaba da masa addu’a da nasiha dai.”
“Hmmm Hajiya kenan. Wallahi Fu’ad bai taba batan rai irin haka ba.”
“Ni dai nace dan Allah kiyi hakuri kada kisa baci rai da saka shi a zuciya. Dan Allah Hajiya dan Allah.”
“Ba komai Hajiya.”
Nan suka cigaba da tattaunawa a tsakanin su. Momy dai sai hakuri take bawa Hajiya dan ita laifin Fu’ad kawai take gani. Inwata matsalar ce meyasa ba zai fada a magance ta ba sai ya fara saki. Wanda ba a so. Dududu yau watan auren nawa da zai haka. Ita gani take kamar tozarci yayiwa Fateema.
Duk yadda Momy taso ta ganar da Hajiya bata saurare ta ba. Da kyar ta hakura dai sannan tace
“N agode Hajiya in kinje Ki gaida Fateeman sai nazo.”
“Ba komai Hajiya bari na tafi.”
“To nagode.”
Mikewa Hajiya tayi ta raka Momy har jikin motar ta sannan ta koma daki. Tagumi zuba tana tunanin abinda Fu’ad ya aikata.
Hajiya na son Fateema dan yarinyar akwai hakuri da da nutsuwa.
Cikin gida ta nufa wajen Hajiya Babba a xaune ta same ta da yake daman Fu’ad ne auta to gidan yanzu ba kowa sai dai jikoki su zo suyi musu hutu su tafi.
Tana ganin ta tace
“Hajiya lafiya dai ko?”
Dan taga tara ta gota kuma tasan bata fiya zuwa a irin wannan lokacin ba. Hajiyar Fu’ad zama tayi tana fadin
“Ina fa lafiya.”
“Toh me ya faru?”
Hajiya ta tambaya tana gyara zama.
“Uhmm yaron nan Fu’ad man.”
“Na shiga uku ya kura kine ko menene?”
“Tayaya zai kira ni Hajiya yaje yayi abin kunya.”
“Me ya faru ne?”
“Uhmm kinji fa sakin matar yayi”
Da sauri Hajiya Babba tace
“Me?”
Nan Hajiya ta fada duk abinda ya faru. Hajiya Babba tace
“Meya hada sune?”
“Ina na sani ninkai na ya daure wallahi.”
Hajiya Babba tace
“Ni dai nasan Fu’ad da saukin kai da hakuri anya kuwa”
“Hajiya kenan Yadda Fu’ad yake haka Fateema take abin ya dauren kai wallahi.”
“Gaskiya yanzu dole gobe muje komai ko?”
“Haka ne.”
“Allah ya kyauta.”
Momy na komawa gida ta tadda Kamal da Suraiyya a falo bata kalle su ba tayi hanyar sama. Suraiyya ce tace
“Sannu da zuwa Momy.”
“Yauwah. Ina Fateema?”
Ta fada tana yin hanyar bene.
“Tana daki!”
“Taci abinci?”
“A’ah.”
“Please ki kai mata taci ta sha magani. Sai da safe.”
Yaa Kamal dai na zaune ya bai tanka ba. Shi ya mike ya fita. Bai jima ba ya dawo hannun sa rike da leda. Shawarma ce a ciki da dumin ta. Kitchen ya shiga ya dauki lemo yayi dakin Fateema dan Suraiyya ma bata falo.
A bedroom ya same su. Fateema zaune gaban ta abinci amman ta kasa ko da yin spoon daya ne. Yana shiga ya zauna a gaban ta yana kallon ta cike da tausayi yace
“Ya baki ci abincin ba.”
Turasa tayi tace
“Bana so.”
“Me kike so?”
Kai ta jingina a jikin gado ta lumshe ido. Ledar hannun sa ya bude ya ce
“Tashi kici kisha magani.”
STORY CONTINUES BELOW
Ido ta bude taga shawarma ce duk yadda take son ci amman sai ta ji yau bata so ma. Idon ta ne ya kawo ruwa Yaa Kamal yace
“Fateema ki daure kci kisha magani kinji.”
Suraiyya ya kalla yace
“Sweety sauko kici kema.”
Mikewa tayi ta karaso ta zauna a gefen Fateema suna fara ci ya mike yace
“Bari naje gun Baba Uwani yanzu zan dawo in ta gama ta sha magani”
“Toh ya juya ya fita.”
*
**
***
****
*****
******
*******
Tana komawa gida tadda Umma da Baba a tsakar gida. Durkusawa tayi tace
“Sannu da zuwa Baba.”
“Yauwah Uwata kin dawo.”
Kai ta gyada ta mike tayi daki ta.
Taba shiga dakin ta. Ta cire Hijab din jikin ta sannan ta koma ta kwanta tana mai lumshe idon ta. Ba wanda take gani sai Yaa AK. Duk da bata da wani sani a kan soyayya tana jin a jikin ta Yaa AK yana da wani matsayi na daban a cikin rayuwar ta da zuciyar ta.
Shin wa zaya fadawa me take ji dan ta samu nutsuwa. Zuciyar ta tace
“Abokin shawarar ki!”
“Wa kenan?”
Ta tambayi zuciyar tata.
“Yaa Muhammad!”
Zuciyar ta ta bata amsa. Ido ta zaro tana girgiza kai. Sam bata san meyasa ba bata son ta kaiwa Yaa Muhammad maganar Yaa AK duk da dai bai taba nuna mata wani abu ba amman sai taga kamar hakan bai dace ba.
*
Yana komawa ya shige dakin sa. Jin sa yake cikin nishadi kamar wanda aka wa wata kyautar. Duk kasala da rashin jin dadin da yake ji ya neme su ya rasa. Wannan ya kara tambatar masa da son da yakewa Aisha. Ji yake ba zai kara kwatanta hukunta kan sa na kin zuwa wajen ta ba.
Yana shiga ya cire kayan jikin jikin sa cike da nishadi ya fada bandaki. Wanka yayi ya fito ya shirya cikin kayan baccin sa. Turaruka ya fesa sannab ya fito falo. Fura da Nono kadai yasha ya zauna yana kallon news yana gamawa ya mike ya shiga dakin sa.
Ban daki ya shiga ya wanke bakin sa sannan yayo alwala. Kan gado ya kwanta yana mai daukar wayar sa. Kiran Aisha kawai yake jira domin kuwa yace mata ta kira shi.
Ido ya lumshe yana mai sakin murmushi ba abinda yake ji sai nishadi yau yaga Aishan sa farin cikin zuciyar sa.
Aisha na kwance tayi shiru tana tunanin mafita. Dole ta nemi mafita akan wannan al amarin. Juyi take akan katifar ta a haka taji wayar da ta ajiye kan ta fita. Da sauri ta dauko ta tana dauka ta mike zaune. Number Yaa AK ta saka sannan ta fara kiran sa gaban ta na faduwa.
Yana kwance idon sa lumshe yana tunanin ta yaji wayar sa ta fara kara dauka yayi da sauri yana dubawa. Yana ganin sabuwar number yasa a ransa Aisha ce dan haka cikin hanzari ya kashe wayar sannan ya kara kiran ta.
Aisha dake zaune taga ya katse kiran tabi wayar da kallo zata kara kira taji wayar na jara wannan yasa ta dauka ta kara a kunnen ta.
“Assalamu Alaikum!”
Ta fada cikin muryar ta mai dadi da sanyi wacce take yawan masa gizo a cikin kwakwalwar sa. Ido ya lumshe sannan a hankali ya amsa da
“Wa’alaikum salam Yan Mata nah kin koma gida lafiya?”
“Lafiya lou kai fa?”
“Nima haka.”
“Ya aiki?”
“Alhamdulillah.”
Shiru sukai kowa ya rasa abin fada. Aisha duk surutun ta yanzu tayi sanyi bama in tana tare da Yaa AK sai ta nemi surutun nata ta rasa ga wata matsananciyar kunya da take ji.
“Are u there?”
Ya tambaya. Duk da yasan tana jin sa.
“Uhmm!”
Kadai ya fada.
Shiru yayi can yace
“Wato dazu kin kasa jure rashi na sai da kika zo kiga ko lafiya ko?”
STORY CONTINUES BELOW
“Eh man. Hankali na ya tashi na rasa nutsuwa ta. Meyasa kai min haka.”
“Na fada miki ai. Kuma ni ban son inga wannan Yayan naki”
“Yayan nawa?”
“Am sorry ba wai da wani abu na fada ba.”
“Shikenan Yaa Muhammad ma gobe zai yi tafiya yace ta can zai koma makaranta ma.”
“Haba?”
“Sure!”
“Ok yaushe zai gama karatun sa.”
Ya tambaye ta.
Tace
“Yana final year shima.”
“Ok Allah taimaka. Ya karatun?”
Tinowa tayi da ranar da yaje ckul din su dan taso tai masa magana in yazo gun ta to a ranar bai samu yaje ba washe gari dan yaje kuma ta dauko maganar sai zancen Yaa Muhammad ya katse musu maganar. wanda abin na ranta dan haka tave
“Yauwah please na tambaye ka menene alakar ka da Gwamnan mu?”
“Na fada miki brother nane.”
“No wonder!”
Ta fada bata san ma maganar ta fito fili ba. A hankali yace
“Me ya faru?”
“Kasan ranan yazo School din mu. Gaskiya kuna yanayi sosai.”
“Ko? Sa ido kike kenan.”
“No! Yadda ba sanka ai da naga mai kama da kai zan gane sa.”
“Haba?”
“Eh man. Gud yanzu me kike?”
“Ina kwance ne kawai!”
Zai magana kenan ya jiyo muryar Yaa Muhammad na yin sallama wannan yasa yayi shiru. Aisha kuma ta mike zaune tana ajiye wayar akan cinyar ta amsa salamar.
“Kanwata kin fara bacci ne?”
“Eh!”
Ta fada tana mutsuka idon ta. Ledar hannun sa ya ajiye mata yace
“Daman nama ne na siyo miki da Fura.”
Murmushi ta saki tace
“Allah sarki Yaya na. Nagode Allah kara bude.”
“Amin kanwata.”
Ya juya zai fita tace
“Yaya kai baka ci ba ai.”
“Ni naci tuwo na koshi.”
Fuska ta bata abinda yasa ya dawo da sauri ya zauna a dakin yana fadin
“Menene?”
“Ni dai kaci ko biyu ne.”
“Ok naji zanci shikenan?”
Kai ta gyada masa. Yace
“To smile!”
Murmushi tayi yace
“Koke fa.”
Ya bude ledar ya dauki daya yaci sannan ya dauki daya ya kai bakin ta. Amsa tayi ta fara tauna tana lumshe idon ta. Tace
“Yaya nah da dadi amman.”
Yai murmushi ya kara daukar daya yaci itama ya bata. Tinda yaci biyun nan bai kara ci ba sai ita da ya dinga bawa. Ita kuma tana ci tana masa santi. Bayan ta gama ya bata furar amsa tayi ta bula.ledar ta zura ta mika masa.
Kai ya dauke tace
“Please man.”
Amsa yayi ya zuka ya mike yana dauke ledar tsiren yace
“Bari naje sai da safe goben fa zan wuce.”
“Allah kaimu Yaya na. Nagode.”
Ya fice. Furar ta karasa sha sannan ta mike nan taji wayar ta a cinyar ta. Daukewa tayi ta ajiye ta fita. Baki ta wanke ta dawo ta cire kayan jikin ta.
Canjawa tayi ta hau kan gado. Wayar ta ta dauka ta danna sai taga har tym din bai kashe ba. Wannan yasa ta zaro ido sannan ta kara a kunnen ta tace
“Assalamu Alaikum.”
Aliyu da yaji duk abinda ya faru zuciyar sa tai masa zafi dan kishin Aisha yake ji sosai bama da ya gano Muhammad ba dan uwanta na ciki daya bane. Dan haka yana jin tayi magana ya saki tsaki kawai ya kashe wayar.
Duk da bata gane me ya faru ba sai taji ba dadi ta kara trying kiran sa amman har ta gama ringing bai dauka ba. Kwanciyya tayi hawaye na zubowa a idon ta wanda in xa a kashe ta aka ce ta fadi kukan me take bata sani ba.
Can ta kuma daukar wayar tana kara kiran sa amman yaki dauka text ta tura masa tana fadin
“Meyake faruwa ne? Na kira baka dauka ba ko kayi bacci ne?”
Yana kwance yaji shigowar sakon ta duk da ya kasa bacci wannan yasa ya janyo wayar yana karantawa yana gamawa ya ajiye. Ji yake ya dauka yai mata reply amman zuciyar sa ta hanesa. Wannan yasa ya juya ya kwanta zuciyar sa na zafi. Dole yasan abin yi. Dole ya dauke Aisha daga gidan nan dole ya aure ta ko ya huta da Yadda Muhammad ke shigewa Aisha.
*Nace kai dashi aga mai shige mata dai.*
Aliyu mutum ne mai zuciya gashi in abu ya bata masa rai kan ya bar ran sa yakan dade. wannan abin da yaji tsakanin Aisha da Yayan ta sosai ya daga masa hankali domin kuwa har safiyya abin na ransa wanda tunanin da ya saka a ransa har ya saukar masa da wani irin ciwon kai.+
Da safe yana dawowa daga masallaci ya wuce ya kara wanka ya shirya ya fito ya nufi Falo ya dauki wayar sa da abubuwan da zai dauka ya fice a gidan ba tare da ya saka abu ko daya a cikin sa ba.
Yana shiga office ya kifa kan sa ya rasa ta ina zai fara. Kan sa ne ya dau caji dan haka ya janyo wayar sa yana neman number Faisal. Tana shiga yace
“Ya akai na Aisha?”
Tsaki ya saki. Faisal ya saki murmushi yana fadin
“Me kuma ya faru?”
Shiru Aliyu yayi. Murmushi Faisal yayi dan ya san waye Aliyu sosai ya kuma san halaiyar sa dan haka bai damu ba yace
“Aboki na ana bin komai a sannu fa me kuma ya faru.”
Tsaki ya karayi sannan ya bashi labarin duk abinda ya faru. Murmushi Faisal yayi yace
“Aliyu dole ka ajiye wannan miskilancin naka da mulki fa. In har kana son Aisha ta soka dole kana biye mata duk abinda tayi kuma in tai laifi ka fada mata wannan zai sa in tana son ka ta gyara. amman kana boyewa tayaya tasan ta maka ma. Baka nuna baka son abu ba tayaya za a gujewa yi maka.
Nasan daman za a sha fama amman wallahi dole kabi ta a sannu. Ita fa mace yar lallashi ce. Yanzu ita me tasan tayi maka kaine fa ka tsaya kaji abinda zai kashe ka irin haka sai ka kashe wayar kuma dole kana lallabata favin ba haka ba kana ruwa. Yanzu ko ta yadda ka fada min  abinda Yayan nata ke mata ai tarairaya ce da kulawa. Kana zaton zata taba mantawa dashi. Kai ma dole ka koyi irin wandan nan abubuwan da zaka kara shiga ranta amman ka tsaya kana jan aji wallahi kana zaune zakai asara wacce sai daga baya abin zai dame ka. Na fada maka dole kana kulawa da ita kana tarairayar ta yanzu ka mata text mai dadi da kamalan kwantar da hankali. Kada ka kara nuna mata baka son dan uwan ta kaji.”
“Naji amman me zance a text din.”
“Ban sani ba.”
“Please man Faisal.”
“Ka fada mata something little dake mind dinka.”
“Like?”
“Oho komai kuma koya maka zanyi. Go an try by ur self.”
Faisal ya kashe wayar yana dariya.
Kai Aliyu ya dafe Soyayya akwai dadi akwai wahala in ba haka ba ji fa yadda duk ya shiga wani hali. wai shine ya kasa bacci saboda wata. Wai shine ke cikin damuwa saboda wata.
Ido ya runtse yana fadin
“Allah ka dafa min.”
Ya fada yana daukar wayar sa. Wajen text Message ya shiga ya fara typing kamar haka:-
“Assalamu Alaikum Ya ma’abociyar hankali nustuwa da tarbiyya. Da fatan kin tashi lafiya.
Naga sakon ki jiya da daddare bacci ne ya dauke ni. Da fatan kin tashi lafiya. Kiyi hakuri da ban dauki wayar ki ba. Ki sani kece kadai buri na wacce nake son jin muryar ta a ko da yaushe. Fara’ar ki ita ke haskake min zuciya ta. Aisha a ko da yaushe in ban ganki ko jin muryar ki ba na kan shiga tashin hankali. Kwanciyyar hankali na shine na gani a tare dake a ko da yaushe amman ban san tayaya hakan zai faru ba. dan Allah ki nemo kin mafita.
Daga Yayan Ki AK. Ki kula min da kanki.”
STORY CONTINUES BELOW
Aisha na daki a kwance sakon ya shigo mata mikewa tayi ta dauki wayar sakon ta fara karantawa ta karanta yafi sau biyar tana murmushi ta rasa me yasa sakon ya sanyaya mata zuciyar ta. Wane reply zatai masa zuciya ta take tambayar ta.
Sakon ta shiga mai da masa tana fadin
“Wa’alaikum Salam Yaa AK. Ba komai nima abinda na zata kenan daman. Da fatan ka tashi lafiya ya aiki. Allah taimaka nagode da kulawar ka amman na kasa gane inda tambayar ka ta nufa. Ni dai nasan ana fadin in baka son ka rasa mutum ku ku rabu to aure ne zai dauwamar da mutane a tare shin na fadi dai dai. Kayi aiki lafiya nagode.”
Ta tura masa amsa tana kwanciyya tare da tunanin Yaa AK da kalaman da ya turo mata kamar yadda yace
“Ke ce kadai burin zuciya ta.”
“Me yake nufi kenan?”
Ta tambayi kan ta.
“Wacce nake son jin muryar ta a ko da yaushe.”
Yaa Muhammad ke yawan fada mata irin wadan nan kalaman. Shin meyasa Yaa AK da Yaa Mubammad kalaman su ke kamanceceniyya.
“Fara’ar ki ita ke haskake min zuciya ta. “
Murmushi ta saki tana fadin
“Kamar Yaa Muhammad ne ya fada.”
Ido ta lumshe tana mai sakin murmushi. “Aisha a ko da yaushe in ban ganki ko jin muryar ki ba na kan shiga tashin hankali.”
Shin shakuwar su ce tasa suke jin haka a ko da yaushe in basu ga junan su ba abinda take fadi kenan. Takan yawan mamaki domin a da Yaa Muhammad ne in bai nan take shiga irin wannan halin amman a yanzu Yaa AK ma tana jin irin haka.
“Kwanciyyar hankali na shine na ganin a tare dake a ko da yaushe.”
Gaban tane ya yanke ya fadi a karo na ba adadi in ta karanta wannan statement domin kuwa wannan statement din kamar na Yaa Muhammad ne wanda in ya fada  takan ce.
“Ai yanzu ma muna a tare Yaya nah.”
Yakan yi murmushi ne yace
“Haka ne Aisha amman wanda zamu kasance na har abada.”
“Yanzu bana har abada bane.”
“To ina nufin muyi aure.”
In ya fadi haka takan yawan rufe fuskar ta dan wai taji kunya. Shiru tayi tana nazarin kalaman Yaa AK wanda a karshe yace
“Amman ban san tayaya hakan zai faru ba. dan Allah ki nemo min mafita.”
Shiru tayi tana nazari a cikin kwakwalwar ta.
“Shin me haka yake nufi?”
Ta fada. Amsar da ta bashi ta fara tunanin ta.
“Ni dai nasan ana fadin in baka son ka rasa mutum ko ku rabu to aure ne zai dauwamar da mutane a tare shin na fadi dai dai?”
Shiru tayi tana sakin ajiyar xuciya can tace
“Me Yaa AK yake nufi dani? Meyasa nake jin abinda yake ji akai na? Hakika Ni da Yaa AK ba zamu taba kasancewa kamar yadda yake fada ba sai dai in auren saboda ba jini na bane. Yaa Muhammad ba zai taba bari ina auren sa muyi wata mu’amala da wani ‘da namiji ba. Hmmm to ni da na fadawa Yaa AK hake me hakan ke nufi?”
Komawa tayi ta kwanta kwakwalwar ta na kawo mata wani tunani amman tana son ta kawar dashi. Sai dai duk yadda take son ta kautar dashi zuciyar ta na dawo mata da abin.
Karyata zuciyar ta ta dinga yi. Amman abin mamaki abun na kara dawowa cikin tunanin ta. Ta jima kwance tana tunani daga baya ta mike ta fita dan ta fison kada tunanin da zaton da take ya rinjaye ta.
Gun Umma ta karasa dake hada abincin rana. Ta zauna ta dauki salad din da ta gani a tsakar gida tana gyarawa suna taba hira kadan kadan da Ummah.
Can Umma tace
“Aisha na rasa me yake damunki kwana biyu amman dai ban sani ba ko ki fadawa Yayan naki.”
Shiru Aisha tayi. Umma tace
“Nifa ba matsa miki nayi akan ki fada min ba amman dai ya kamata in abun na damun ki, ki nemi shawara. Ban san meyasa kike boyen abubuwa ba kodan bani na haife ni ba.”
Dagowa Aisha tayi idon ta na kawo ruwa. Wukar hannun ta ta ajiye sannan ta mike ta koma gaban Umma tace
“Ummah kada ki kara fadar haka dan Allah. Ni ke na sani a matsayin mahaifiya ta kece uwa ta ki daina fadar wai bake kika haifen ba na dauke ki a wacce kika haifen Umma. Nima na rasa me yake damu nane. Na kan rasa nutsuwa ta ne a duk lokacin da ban ganshi ba. Duk wannan ke sa nake shiga wani hali ban san ina shiga ba sai ke ko Yaa Muhammad kun min magana dan Allah Umma kada ki sake fadin abun da kika fada.”
STORY CONTINUES BELOW
“Ba zan sake ba Aisha. amman waye wannan?”
“Ummah wannan din nan dake koyan karatu fa.”
Shiru Umma tayi can tace
“A ina yake ne?”
“Ya fada min cewa shi dan uwan gwamna ne”
“Gwamna?”
Umma ta maimaita.
Kai Aisha ta gyada. Hannun ta Umma ta kamo tace
“Zauna muyi magana.”
Zama Aisha tayi. Umma tace
“Soyayya kuke yi?”
Da sauri Aisha ta dago tana kallon Umma can ta girgixa kai tace
“A’ah Umma.”
“Kika ce in bai zo ba kina shiga damuwa.”
Kai ta gyada tace
“Eh Umma nai ta tunanin ko lafiya yake. Ni abinda nasan yana damu na kenan Umma.”
Kai Umma ta girgiza tace
“Tashi kije ki karasa yanka salad din.”
Ta mike jiki a sanyaye ta koma ta karasa yankawa sannan ta mike ta wanke ta ajiye.
Umma kuwa tunani ta shiga yi tabbas abinda take zargi kenan. Kuma Baba yai gaskiya da yace ba zai wa Aisha auren dole ba. A yadda ta lura Aisha na son sa sosai wanda itama bata san tana son nasa ba. Wannan yasa taji tausayin Aisha da Muhammad bama Muhammad da ya kwallafa rai akan Aisha.
To ita Aisha kuma in shi yaron bai son ta fa. Lallai akwai damuwa a ranta shin yaya zatai ta ceci rayuwar ya’yan ta guda biyu. Tunanin da ta fara kenan ta rasa mafita sai ta cigaba da musu addu’a Allah zaba masu abu mafi alheri.
Aisha na gama abinda zatai ta shige daki ta kwanta. Karfe biyu ta fito ta shiga ta kara wanka ta dauro alwala sannan ta koma daki. Sallah tayi ta shirya cikin uniform din ta wankakku gogaggu wanda Yaa Muhammad shi ya wanke mata kuma ya goge mata.
Tana sakawa ta feshe jikin ta da turare wayar ta dake kan katifa ta mayar ta ajiye bayan ta duba lokaci. Tana fitowa taga Yaa Muhammad ya shigo gidan.
Kallon sa ta tsaya yi. Sanye yake cikin milk kala yadi wanda ana ganin singlet din jikin sa. Sun masa kyau sosai. Kyan sa da kwarjinin sa ya kara fitowa. Har ya karaso bata sani ba sai da ya hura mata iskar bakin sa a idon ta sannan ta kifta idon tana yin kasa da kanta.
Murmushi yayi ita kuma tana wasa da yatsun hannun ta tace
“Ina ka shiga ne yau ban ganka ba bayan kasan tafiya zakai baka zauna mun yi hira ba.”
Ido yayo waje dasu yace
“Ai naga yanzu na zama sirikin ki baki fiya tsayawa muna hira ba shiyasa.”
Baki ta turo tace
“Ba wani nan kai dai ne baka tsayawa muyi hira.”
Yai murmushi yace
“Muje na rakaki kada ki makara.”
Suka nufi tsakar gidan. Umma suka sama tana daka daddawa da wake da xa ai miyar dare.
“Umma zan tafi makaranta.”
“Amman fa baki ci abinci ba ko?”
Da sauri ta kalli Yaa Muhammad da ya hade rai yace
“Au bata ci abinci ba yana ina?”
“Debo mata a kula.”
Ya nufi gun kula ya dibar mata shinkafa da miya da salad da akayi sannan ya mike yayo inda take tsaye. Tabarma ya shimfidda ya ce
“Bismillah.”
Ba musu ta zauna ya juya abincin ya debo yayi wajen bakin ta dashi. Kafada ta make tace
“Kai zaka fara.”
Kallon ta yayi yai murmushi sannan ya ci sai da yaci ya kara debowa zai bata tace
“Ai kai ne babba two spoon zakai.”
Murmushi yayi ya kara ya kuma ci debo ta kara girgiza kai kallon yayi yace
“In na kara cin wannan sai kinci sau biyar.”
Fuska ta shagwabe kamar zatai kuka wannan yasa yace
“To shikenan yi hakuri bari naci.”
Yana fada ya ci. Ya debo ya bata ta amsa haka suka dinga ci in yaci ya bata taci. Naman cikin abincin kuwa gaba daya ya hada ya bata tana ci. Saura daya a kwanon ta dauka ta saka masa a baki. Ruwa suka sha sannan suka mike suna hamdala.
Umma dake zaune duk tana kallon su. Take so, kauna da tausayin yaran ya shige ta. Dan haka ta kau da kai tana karasa abinda take.
Aisha ce tace
“Umma mun gama zan tafi.”
“To Allah bada sa’a.”
“Amin!”
Ta juya suka fice ita da Yaa Muhammad.
Suna tafe yace
“Yaya nah yanzu daga yau sai yaushe.”
Murmushi yayi yace
“Gaskiya zan iya wata bakwai ban dawo ba kila kawai sai na gama gaba daya.”
Baki ta turo idon ta ya kawo ruwa tace
“Haba Yaya nah saboda yanzu ka daina ji dani.”
“Waya fada miki? Ai ba wanda nake ji dashi kamar ke Aisha matsayin ki daban yake a zuciya ta. Dan haka ki sani duk inda nake tunanin ki yana raina. Kinji banda buri sai na na kasance a tare dake kullum ina kallon kyakyawar fuskar ki sannan ina jin muryar ki mai dadi da sanyaya zuciya.”
Tin da ya fara maganar tunanin ta ya tafi ka kalaman Yaa AK makamantan irin nashi dan haka bai lura a yanayin da take ba kwata kwata.
Sai can ya kalle ta yace
“Ki sani kece kadai buri na Aisha. Please ki min magana naji muryar ki da nake son ji a ko da yaushe mai sani farin ciki.”
Dagowa tayi tana kallon sa ya sakar mata murmushi yana fadin
“Eh kimin murmushin ki mai haskake min zuciya ta.”
Duk da tana cikin rudani hakan bai sa ta ki sakar masa tattausan murmushin ta ba. Shima mayar mata yayi yace
” Aisha a ko da yaushe in ban ganki ko jin muryar ki ba na kan shiga tashin hankali. In na tafi ni kadai nasan me nake ji dan haka na siya miki waya zatana deben kewar ki dan zan najin muryar ki ko?”
Kai kawai ta gyada masa yace
“Yauwah ki kula kinji da karatu kinji.”
Kai ta gyada lokacin da suka zo bakin makarantar su. Yace
“To ni sai wata rana i will miss u Kanwata.”
“Nima haka Yaya nah.”
Ta fada idon ta na cika da kwalla.
Kai ya hau girgiza mata yace
“Don’t cry kinji. Ina nan tare dake.”
Kai ta gyada tana daga masa hannu har ta karasa jikin gate din ta tsaya tace
“Allah ya tsare ya bada sa’a.”
“Amin Kanwata.”
Ta shige sannan ya juya ya tafi. Yana zuwa yaiwa Umma sallama sannan ya tafi dan sunyi sallama da Baba tin safe kuma yaje kasuwa dazu ma.

Aliyu kuwa lokacin da yaga sakon Aisha murmushi kawai yayi a ransa yace

“Da sannu zaki gane manufata Aysher.”

Sai kuma ya dago yana kallon agogo dan ya kosa ya tafi gida yaje yaga Aishan sa. Abinda ya fada har ya sa yayi murmushi ya maimaita kalmar a fili

“Aysher ta!”

Gashin kansa mai taushi ya shafa yace

“Allah ya bani ke Aysher nah.”

Wani murmushin ya kara yana fadin

“Yau ace gani an daura aure na da Aysher shin ya zanji a zuciya ta?”

Baki ya dan cije yana murmushi yace

“I will show u my love and care u will never cry i will do all u want. Zan mai dake sarauniyyar zuciya ta. Sai ko wacce mace tayi sha’awar ki  tace ina ma ita ce ke.”

Ido ya lumshe yana fadin

“Yaa Allah see me through”

“Shin in kuma halaiyar ta irin ta Hajara ce fa.”

Zuciyar sa ta tambaye sa. Kai ya girgiza yace

“Yaa Allah nima ka bani wacce zan ji dadi da ita nasan nayi aure. Sam yaye na ba haka matam suke ba. Even my junior brother’s wife are so care and love to their husband why my wife is different from their own. Why?”

Ya fada yana fada ya mike ya shiga ya dauro alwala. Sallah yazo yayi nafila sannan yai addu’a sosai akan lamarin. Dan har ga Allah yana cikin matsala yana bukatar kulawa amman sam matar sa bata iya ba.

Zai ce tinda yai aure bai taba cin girkin Hajara ba bai taba ganin Hajara ta gyara masa daki ba duk da yasan gidan su gidan sarauta ne suna da masu kula amman duk da haka Momy bata fasa gyarawa Mai martaba bangaren sa ba. To shi meyasa matar sa take haka. Kenan ita  a gidan su bata san duk wadan nan abubuwan ba kome.

Yai mata shiru tana ganin kamar bai damu ba itama kuma bata damun ba. Kwafa yayi ya mike dan yaji ana kiran sallah ya fice ya tafi masallaci.

*

*

*

Da yamma kamar yadda ya saba bayan ya wanka ya sauya kaya zuwa kanannun kaya dan yawanci su yake sakawa in ba yana gida ko ranar jumma’a ba zai yi wuya ka ganshi da manyan kaya. Yana tafe yana tunanin abinda zai soma a wajen Aisha.

Bayan yaje ya zauna a inda suke zama. Bai jima da zama ba ta dawo daga isilamiyya. Fuskar ta dauke da murmushi ta karaso wajen sa. Shima haka. Sallama tai masa ya amsa sannan yace

“Kanwa ta?”

“Na’am Yaa AK ina yini?”

Ta dan durkusa. Murmushi dauke akan fuskar sa ya amsa. Tace

“Bari na shiga na fito.”

Kai ya gyada ya bita da kallo yana lumshe ido hade da shafa sumar kan sa. Bata jima ba ta fito cikin wata doguwar riga wacce take yar kanti multi colour ce tai mata kyau ta daura hijab din ta akan wanda yai mata kyau.

Hannun ta rike da littafin ta. Dan akwai wani aiki da take son zasuyi. Zama tayi ta mika masa littafin. Amsa yayi ya duba yai murmushi ya mika mata yace

“Ai zaki iya!”

Kai ta gyada yace

“Yi in da gyara sai nayi miki.”

Suna zaune ta fara aikin yana kallon ta yadda take rubutun ta hankali kwance bata dago ba har sai da ta gama tana dagowa suka hada ido. Murmushi ya sakar mata tai saurin dauke kan ta tana miko masa littafin. Amsa yayi yana dubawa yana gyada kai har ya gama ya rufe yace

“Da kyau Indo na.”

STORY CONTINUES BELOW

“Baki ta turo tace

“Ni bana son wannan sunan!”

Dariya yayi yace

“Ni kuma ina so.”

Baki taka turowa tace

“Nima Yaa Ali zan na fada.”

Murmushi yayi yace

“To me zance miki Sweety ko Honey!”

Ido ta zaro tana bin sa da wani kallo da ya kashe masa jiki. Murmushi yayi yace

“Wanne a ciki?”

“Uhmm!”

Kawai ta fada tana dauke kanta.

“Kanwata in tambaye ki mana?”

Kai ta gyada alamar tana jin sa. Yace

“Waye saurayin ki?”

Dagowa tayi a tsorace tana kallon sa sai kuma ta dauke kai tana mai girgiza kai tace

“Ni yar karamar nan dani?”

Murmushi yayi yace

“Ai yanzu kin tashi a karama Baby dane kike karama amman yanzu kin girma graduation fa zakiyi.”

“Uhmmm!”

“To in aka ce miki a cikin mutanen da kike rayuwa dasu ki zabi daya ki aura wa zaki aura.”

Shiru tayi tana wasa da yatsun hannun ta dogaye. Kallon ta yake yana murmushi can yace

“Me kika fi so a rayuwa Aysher?”

Ido ta lumshe tana mai budewa tace

“Naga ina taimakon mara sa shi naga na zama mai kwatar wa talakawa yanci domin a yanzu talaka bashi da yanci danne masa ake yi.”

Kai ya gyada yace

“In zaki tafi university wane course zaki yi.”

“Na fison na zama likita but ance karatun bana talakawa bane irin mu. In ban samu na zama likita ba zan so na zama lecturer.”

Murmushi yayi yace

“Ki zabi duk kasar da kike so ni nai miki alkawarin kai ki kiyi karatun likitancin ki.”

Kallon sa ta tsaya yi sai kuma ta girgiza kai tace

“Ba zan daura maka nauyi na ba ga gidan ka da iyalan ka.”

“Kina son ki zama likitan?”

Ya fada yana zuba mata ido. Kan ta a kasa ta dago tana kallon sa.

Gira ya dage mata da sauri ta dauke kanta dan in tana kallon idon sa wani irin abu take ji. Shi kansa yana mamakin kan sa na yadda baya gajiya da kallon Aisha bayan a da bai tsayawa kallon ko wacce mace.

Aisha ma mamakin kan ta take ada sai ta kure shi da ido amman kalli a yanzu wai kallon sa ma sai a sace take yi.

“Kina so?”

Ya katse mata tunanin da take. Kai kadai ta gyada masa yace

“Me kike ganin zai hanaki karatun a yanzu in na dau nauyin ki.”

“Baba zai iya cewa zai min aure.”

Kallon ta yake yace

“Da gaske?”

Kai ta gyada yace

“In ya barki fa.”

“Zan fi kowa farin ciki da jin dadi.”

“Insha Allah Aysher zaki zama likita da izinin manzon Allah abinda nake so dake kawai ki tsaya kiyi karatu kinji?”

Kai ta gyada yace

“Dat gud Baby.”

Dagowa tayi tana kallon sa dai dai lokacin da shima yake kallon ta wannan yasa idanun su suka sarke cikin na juna.

Ita ta fara karfin halin janye nata tana wasa da yatsun hannayen nata. Kallon ta yake yana murmushi farin ciki kwance a cikin ransa da kasan zuciyar sa.

Itama wata nutsuwa da farin ciki take ji wanda bata ta jin su ba irin haka. Kiran sallah da taji anayi yasa ta mike ta kawo masa ruwa. Alwala yayi tana nan a tsaye ya kanasa. Tana kallon sa dan komai yake burge ta yake yi har ya gama ya dago sannan tai saurin dauke kan ta. Murnushi yayi yace

“Wannan kunyar kuma wai yaushe aka samota.”

Baya ta juya masa ya karaso inda take yana leken fuskar ta sannan yace

“To ni dai sai munyi waya ko?”

Kai ta gyada ta yi ciki yace

“Butar fa”

STORY CONTINUES BELOW

Juyowa tayi kanta a kasa ta zo ta dauka yace

“Aysher kenan.”

Tana dauka tayi ciki da sauri kamar wacce ake hankadata ta shige. Kai ya girgiza ya juya ya nufi  masallaci yana mai sakin fara’a.

*

**

***

****

*****

******

*******

Washe gari da safe bayan nai wanka na fito. Anan falo na samu Momy. Har kasa na durkusa na ce

“Ina kwana?”

“Lafiya ya jikin?”

Ta fada tana mikewa ta bar wajen.

Suraiyya ce ta fito a kitchen hannun ta rike da warmer ta nufi dining gani na durkushe a kasa tayo guna tana fadin

“Ya jikin?”

Dan murmushi na saki nace

“Da sauki.”

“Allah kara sauki. Taso kici abinci kisha magani.”

Mikewa nayi na nufi dining din dai dai lokacin da Baba Uwani ta fito kenan.

Momy ce ta karaso tayi serving Baba Uwani sannan ta bar wajen. Farkon ciwo na da aka sallamo mu ita ke min komai amman yanzu ko kallo na bata yi. Da ido na bita.

Suraiyya ta matso ta dibar min tace

“Maza kici kizo kisha magani zan je rabon kati ko zaki rakani?”

Kai na girgiza kawai. Abinci kadan naci ta ban magani  nasha sannan na koma daki na.  Kwanciyya nayi ina zubar da hawaye domin wata irin kewar Fu’ad nake ji.

Ina kwance tazo ta fita bayan tace

“Me zan taho miki dashi?”

“Komai ma.”

“Ro shikenan sai na dawo.”

“Nagode”

Na fada ta fice.

Ina kwance ina tunanin Fu’ad Ba lokacin da na tuna sai satin farko na auren mu lokacin da safe ina ta bacci na cikin kwanciyyar hankali har karfe tara ban farka ba. Shi yai mana koma na gidan shara wanke wanke sannan ya hada mana break. Bayan ya gama ya shiga yai wanka ya fito cikin wata shadda ash kala wacce dinkin yai masa kyau ya amshi jikin sa. Yai wanka da ruwan turare.

Dakin da nake ya taho gani na har lokacin ina bacci yasa ya dagoni a hankali ya daura a jikin sa. Hannun sa ya zura cikin gashin kai na yana susa min a hankali. Cikin bacci nake jin abinda yake min dan haka a hankali na bude ido na. Fuskar na gani mai kyau da ita. Tai kyau tana sheki. Gashin kan sa akwance luf luf dashi. Sai girar sa da take cire da gashi mai yawa kuma a tsari kamar dasa shi akai. Idanun sa manya wadan da suke a dan lungu kadan masu dauke da gashin ido gazar gazar. Sai hancin sa dogo mai kyau siriri bakin sa madaidaici mai dauke da gashin saman baki da gemu madaidaici.

Gaskiya ba karya ba Fu’ad yayi duk wacce ta samu Fu’ad ta godewa Allah domin kuwa ta gama dace a kyau ma kenan bare halaiya da dabi’un sa. Idon sa na kara kalla wanda ya kafe su saman fuskata yana kallo na cike da so da kauna.

Bakin sa ya matso dasu kan idanu na yai kissing dayan sannan yayiwa dayan. Bakin sa ya bude a hankali yace

“Amarya ta bacci ya isa haka ko?”

Murmushi na sakar masa na dauki hannu na na shafa masa fuskar sa dan yai min kyau sosai. A hankali nace

“Kayi Kyau My. Allah ya bani ya’ya masu kyan ka.”

Fuska ta ya shafa yana murmushin da bai barin fuskar sa yace

“My ai kin fini kyau. Ni na fison ya’ya na suyo kamar ki.”

Ciki na ya shafa wanda ya sa tsigar jiki na ta tashi. Ido daya ya kanne min sannan yace

“I can’t wait to see u carrying my…..”

Ture masa hannun sa nayi saboda wani irin yanayi da yake min a cikin nawa. Abinda yasa bai karasa maganar tasa ba kenan. Kan gadon ya kwanta na mike na juya masa baya ina tafiya.

Kallo na ya tsaya yi nace

“Ka tashi ka fita xanyi wanka!”

Ido ya zaro yace

“In je ina? Dan bance zan miki ba ko?”

Ido nima na zaro na make kafada ban magana ba na dauki wani zumbulelen hijab dina na wuce toilet.

Dariya yayi ya mike ya hau gyara dakin kan na fito har ya share ya saka turaren wuta ina fitowa bangansa adakin ba wannan yasa na cire Hijab din nawa ya rage daga ni sai karamin towel dauri a kirjina iya kar sa cinya. Mai na fara shafawa ban aune ba sai jin hannun mutum nayi a saman kafada ta.

Sosai na tsorata har ban san lokacin da na mike a firgice ba towel din jiki na kuwa ya subce ya fadi. Da sauri na durkushe ina kuka.

Towel din ya dauko ya dago ni ina nonnokewa. Muna hada ido na harare shi shi kuma yai murmushi yace

“Ki tsaya na kalle ki mana u re now my property fa.”

Ido na zaro naji wani iri. Ganin yana kallo na yasa na kalli jiki na ina ganin jiki naga ashe ba towel din wannan yasa na fada jikin sa na rumgume shi. Hannun sa ya daura a kan kugu na. Wani irin abu naji yana taso min wannan yasa na kamkame shi ina runtsa ido na. Kuka na farai masa nan ya saken yana juyan baya yace

“Am sorry My shirya bari na fita.”

Ina ganin ya juya baya nayi kofar towel da gudu juyowa yayi yana kallo na yana dariya.

*

Dariya na fashe da ita hawaye na bin ido na. Dan tina abinda nayi wato haka na shige ba komai fa a jiki na maimako na mai da towel dina Dakin da nake na kalla sai naji ina ma ina tare da Fu’ad. Hakika zama na dashi bai cutar dani ba sai dai ko ni na cutar dashi domin kuwa sai abinda nake so yake min. Kullum cikin faranta min da sani farin ciki yake.

Yau ina Fu’ad ya shiga ya barni. Maganar sa ce ta fado min da yake fadin

“My ina son naga kin cika min gidan na da yara masu kama dake.”

Tayaya burin Fu’ad zai cika tayaya kenan bayan ya yanke dukka igiyoyin dake kai na nasa. Shin yasan cewa shine farin ciki na. Waya ta na dauka ina kara dailing number sa wacce na kira yafi sau dubu daga lokacin da na dawo gida daga asibiti zuwa yanzu.

“Ina ka tafi ka barni My ina ka tafi dan Allah kadawo wallahi ina son ka ba zan iya rayuwa ba kai ba kaine farin ciki na ka yafen My ka dawo muyi zaman mu lafiya dan Allah My.”

Abinda nake fada kenan ina kuka da juyi akan gado na.

Na jima ina kuka dan kiran sallah azhar shiyasa na mike na shiga na dauro alwala sannan na dawo na tada sallah. Na jima ina addu’a akan Allah ya zama gata na ya dawon da Fu’ad dina.Ina xaune aka bude kofar dakin a hankali na dago Yaa Kamal ne ya shigo hannun sa dauke da leda guda biyu. Zama yayi a gefen gadon ya ajiyen ledojin a gaba na yana fadin

“Ya jikin?”

“Da sauki!”

Na amsa masa ina jan ledojin na bude daya fruit ne a ciki dayar kuma Rufaidah fura da Nono ce mai sanyi. Yaa Kamal kenan kullum ya fita da abinda zai kawo min. Bama da yasan abubuwan da nake so.

Dagowa nayi ina murmushi hawaye cike a ido na. Kai ya hau girgiza min yana fadin

“Dan Allah kada kiyi kuka.”

Kai na gyada na saka hannu na na goge ido na nace

“Nagode Yaa Kamal!”

Murmushi kawai yayi. Nan na dauki daya na fara sha sannan na mika masa ledar nace

“Ka dauka!”

“No ni ke na kawowa.”

Nayi murmushi nace nagode. Naci gaba dasha.

*

Ba wanda na tuno ina shan furar nan sai Fu’ad lokacin da ya siyo min ya zauna ina sha ya zuba min ido. Dagowa nayi ina kallon sa fuskar sa dauke da murmushi na mika masa spoon din na diba na kai masa wajen bakin sa.

Kai ya dauke na dan bata fuska nima na ajiye robar. Kallo na yayi ya dagen gira alamar menene? Baki na turo nace

“Nima ba zan sha ba in ba zaka sha.”

“Haba My ni na koshi ne gasu nan duk naki ne.”

Ya fada yana turon ledar dake ajiye a kasa. Nace

“Uhmm ni naji. In ba zaka sha ba nima am ok!”

“Am sorry bani.”

Ya fada yana bude baki. da sauri na dauki spoon din na diba na kai bakin sa. Amsa yayi ya lumshe ido yana gyada kai yace

“Kai ashe haka take da dadi.”

Murmushi nayi na ce

“Ko?”

Kai ya gyada yace

“Eh!”

Sannan ya amsa yana bani nima ina na bashi a haka muka shanye roba daya amman duk ya batan saman baki na. wannan yasa ya janyo ni ya sa harshen sa yana lashen baki na. Wani abu naji yana taso min abinda yasa nai saurin lumshe ido na kenan.

*

Ido na, na bude naga Yaa Kamal zaune yana danne dannen wayar sa. Dagowa yayi yana kallo na sai ya zare ido yana fadin

“Kuka kuma!”

Ban san kukan nake ba sai da ya fada na shafa fuska ta ai kam na shafo hawaye wannan yasa na hade kai na da gwiwa ina sakin kuka mai sauti. Kallo na Yaa Kamal yake jiki a sanyaye yace

“Fateema wai me yake faruwa ne ki fada min dan Allah kinji. Menene na kukan ehee? Ko wani abu kike bukata ne?”

Kai na hau girgiza masa. Yace

“Is Alright daina kukan dan Allah kinga doctor yace ki daina saka damuwa ko?”

Kaina gyada. Yace

“To daina kukan kinji.”

Fuskata na hau gogewa. Sai da na gama yace

“Yauwah ko ke fa. Maza shanye a barki. Yanzu zanje na dawo me kike son na taho miki dashi.”

Kai na girgiza nace

“Nagode.”

Mikewa yayi yace

“Alright zan taho da Suraiyya daga nan.”

Nai murmushi nace

“Kundai kusa ku amarce ai a huta.”

Yai dariya ya fice. Ido na lumshe tuna in Fu’ad zai fita ya ta tambayata da me zai kawon kenan duk fitar da zai bai fita haka sai ya kawon abun matsa baki.

STORY CONTINUES BELOW

Hawayen da ya biyon fuska na goge ina mikewa na koma kan gado na zauna ina zuba tagumi.

“Why will u leave me My? After all u know i love u. I can’t do without u. U re my heartbeat my love,  my happiness. Nafi son ka akan Yaa Fauwaz meyasa ka tafi ka barni? Meyasa ka yanke hukunci ba tare da ka tambayen ba? Why Fu’ad? Why?”

Na fada ina kifewa akan gado ina kuka mai taban zuciya. Wanda ina kukan naji zuciya ta na zafi. Na jima ina kwance zuciya ta in banda zafi ba abinda take min. Na jima a haka sannan na mike dan ana kiran sallah la’asar nayi cikin bandaki na dauro alwala.

*

Yaa Kamal na fita ya nufi gidan su Fu’ad. A Compound ya tsaya yasa a fadawa Hajiyar sa. Hajiyar sa na fitowa taga Yayan Fateema tace

“Au kaine kuma aka barka a waje taho mu shiga.”

Tayi ciki yabi bayan ta. A falo ta zauna ya zauna a kasa kan sa a kasa yace

“Ina yini?”

“Lafiya lou ya kuke ya gida?”

Ta amsa cikin sakin fuska sannan ta kawo masa ruwa da lemo. Kan sa a kasa bayan sun gama gaishe gaishen yace

“Hajiya daman Fateema ce bata da lafiya tin tafiyar Fu’ad. Sau biyu muna kwanciyya a asibiti naga ba Fu’ad ba ku ko baku sani bane? Abinda da ya fi damuna yawan damuwar da take ciki Hajiya shine nace ko lafiya?”

Shiru Hajiya tayi can tace

“Ikon Allah amman baka tambayi Hajiyar Fateeman ba ko?”

“Ko na tambaya ba fadan zatai ba?”

Kai Hajiya ta gyada tace

“Haka ne. Jiya da dare tazo gidan nan tazo min da wani alamari mai girma wanda har yanzu yake tsaya min a rai na. Wai Fu’ad ya saki Fateema!”

A razane Kamal ya dago yana kallon Hajiya yace

“Ya sake ta Hajiya?”

“Wallahi nima jiya Hajiyar taku take fada min yanzu haka so muke ayi la’asar mu zo can gidan naku.”

“Ikon Allah!”

Kamal ya fada yana girgiza kai.

Yai shiru Hajiyar ma tai shiru. Hajiya tace

“Me yake damun Fateema? Ko ciki ne da ita?”

Ajiyar zuciya Kamal ya sauke yace

“A’ah na farko a sume muka kai ta asibiti mun zata ma ta mutu. A lokacin Iikitoci suka rufe akan sai daga baya da kyar suka ceto ranta. Bayan nan kuma ta shiga comma dan sai da ta kwana wajen bakwai ta dawo. Anan ya fada mana taga abinda ya razana ta ne har yaso ya taba zuciyar ta. Munyi jinyar sati biyu aka sallamo mu. Kwana mu uku a gida ciwon ya kara tashi inda mukai asibiti likita ya dinga fada dan jinin ta yai mugun hawa ga zuciyar ta da ta kamu da ciwo. Wallahi tin lokacin Fateema bata da sukuni kullum cikin kuka da damuwa ni ban matsa mata da tambaya ba amman dai abun na raina nace zan zo na sanar daku.”

“Allah sarki kila duk sakin ke damun ta. Fu’ad bai kyauta min ba bai kuma kyautawa Fateema ba. sai dai nace Allah ya shirya.”

Kiran sallah da taji anayi yasa tace

“To ga sallah ana yi ko zaka yi sai mu tafi gaba daya can gidan.”

“To Hajiya “

Ya mike ya fita. Yai alwala anan famfo dake a compond gidan sannan ya tafi masallaci. Sai da ya idar sannan ya dawo ya shiga gidan.

Hajiya taje ta kira Hajiyar cikin gida sannan suka fito suka shiga bayan mota ya jasu. Duk da zai je daukar Suraiyya ya fasa sai text da yai mata yace in ta gama ta taho kawai.

Suna zuwa yai parking suka fito. Shima ya fito wayar sa ce ta hau kara ya dauka ya kara a kunne yana answering call. Wannan yasa su Hajiya sukai cikin gida.

Ba kowa a falon dan haka suna ta sallama sai daga baya Momy dake sama ta jiyo ta sauko bayan ta amsa. Tana ganin su Hajiyar Fu’ad ta saki fara’a ta karaso falon tana fadin

“Lalle marhabun sannun ku da zuwa. Bismillah!”

Zama sukai sannan aka fara gaisawa sai da suka gama gaisawa Hajiyar cikin gida tace

“Ashe haka abu ya faru?”

Momy tace

“Wallahi Hajiya!”

STORY CONTINUES BELOW

“To Allah kiyaye gaba ya bada hakuri.”

“Amin mun gode.”

Kamal ne ya shigo yace

“Ah ina Fateema?”

Momy tace

“Bama tasan sun zo ba.”

“Bari na kira ta.”

Ya fada yana nufar kofar dakin Fateema.

Mikewa Momy tayi ta kawo musu ruwa da lemo sannan ta zauna suna taba hira.

A kwance ya same ni idon na a lumshe kamar me bacci.

“Fateema;”

Ya kira sunan ma. A hankali na bude ido ina bin sa da kallo. Tausayin na yaji yana shigar sa.

“Hajiyar Fu’ad ce tazo!”

Da sauri na mike zaune nace

“Sunyi waya dashi.”

Sai kuma na koma na zauna hawaye na zubowa daga ido na. Shin in Fu’ad ya dawo a yanzu me zan masa bayan ba aure tsakanin mu. Abinda yasa naji zuciya ta ta tsinke kenan na fara kuka.

“Menene na kukan wai? Ke kenan kullum kuka haka ake yi shin ba zaki godewa Allah da ya jarabce ki a rayuwa ba. Ina kinsan duk bawa tin daga lokacin da aka haife Allah ke tsara masa duk ‘kaddarar sa da zata same shi a ciki har da ranar mutuwar ka. To ke Allah ya ‘kaddar ta hakan a rayuwar ki kenan baki gode masa ba butulci zaki masa kome? Dan Allah Fateema ki amshi jarabawar ki insha Allah komai zai yi sauki. Amman wannan yawan kukan me zai kara miki in ba ta dada kwantar dake ba ko kin fiso ke kenan kullum a asibiti hankalin Momy da namu a tashe shi yana can bai san kina yi ba. Dan Allah ki daure ki cire damuwa Allah ya riga ya ‘kaddar ta karshen zaman naku kenan a yanzu bamu sani ba ko nan gaba amman ayanzu ya kare to me kuma zaki tsaya yi. Kiyi ta addu’a Allah yasa haka shine mafi alheri sannan Allah ya baki hakuri da dangana ya kawo miki mai zama dake har karshen rayuwarki. Amman in kukan zaki tsaya yi me zai kawo miki zai dawo miki da Fu’ad din ne ko zai sa auren ku ya zauna. Bai zai yiyu ba sai dai kullum ki kasance a wahale. Dan Allah Teemah kiyi hakuri ki mika komai ga Allah. Insha Allahu Allah zai iya miki da sannu komai zai zama tarihi a rayuwar ki kinji?”

Ya fada cikin lallashi. Kai na gyada ina goge hawayen ido na. Ya mikon tissue yace

“Goge dukka ki taso muje ku gaisa kinji amman dan Allah ki daina wannan kukan!”

Kai ta gyada yace

“Promise!”

“Nayi”

Na fada a sanyaye. Yace

“Gud girl taso to.”

Na mike na dauki hijab na saka yai gaba ina bin sa a baya a haka muka karasa falo. A kan carpet na zauna kai na a kasa na fara gaishe da Hajiyar Fu’ad

“Ina yini Hajiya?”

“Lafiya lou Fateema ya jikin?”

“Alhamdulillah!”

“Allah kara sauki.”

“Amin.”

Kai na a kasa na dan kalli gefen da Hajiyar cikin gida take nace

“Ina yini Hajiya?”

“Lafiya lou Fateema. Ya karfin jikin?”

“Alhamduliah!”

Na fada murya ta na rawa.

Tace

“To Allah kara sauki.”

Ban amsa ba saboda kukan ta ya tahon na tushe baki na kawai kai na a kasa. Mun jima zaune suna dan taba hira da Momy can Hajiyar cikin gida tace

“Ashe haka abu ya faru Fateema. Kiyi hakuri Allah yasa haka shine mafi alheri.”

Kai na a kasa na amsa da amin a hankali. Hajiyar Fu’ad tace

“Kiyi hakuri kinji. Kada ki saka wata damuwa Allah yana tare dake kuma zai kawo miki dauki”

Kai na gyada kawai so nake na tamvaye su sunyi waya da Fu’ad amman na kasa saboda nauyin Hajiya da nake ji. A haka suka mike suna fadin

“To Hajiya mu zamu tafi sai anjima!”

Momy ta mike tana fadin

“Nagode sosai Allah ya saka ya bar zumunci “

“Amin!”

Hajiyar cikin gida ta fada. Hajiyar Fu’ad ta kallen tace

“Amman dai zamu cigaba da zumunci ko Fateema.”

Kai na gyada tace

“Yauwah nagode Allah yayi albarka.”

“Amin!”

Hajiyar cikin gida ta fada. Kai na a kasa nace

“Nagode ku gaida gida.”

Suka amsa da

“Gida zai ji.”

Suka fice har da Momy tana mai musu rakiya. A compound suka tadda Yaa Kamal yana ganin su ya shiga ya dauko mota ya fito da ita.

Hajiyar Fu’ad ta kalli Momy tace

“To dan Allah kada a yada zumunci mu cigaba daga inda aka tsaya. Dan ni dai ina son Fateema wallahi.”

Momy tace

“Insha Allahu Hajiya za anayi.”

“Yauwah nagode.”

Suka karasa wajen mota. Momy tace

“Toh ku gaida gida na gode.”

Suka shiga ta koma ciki. A falo ta tadda ni na hade kai da gwiwa. Kai ta dauke tayi sama. Dagowa nayi ina bin Momy da kallo. Hawaye ne ya zubon nasa hannu na na goge shi.

“Shin Momy tafi son Fu’ad ne akai na?”

Tambayar da nayiwa kaina kenan. Sam bata damu dani ba duk dan Fu’ad ya saken.

“Shin ni nace Fu’ad ya sake ni ne? Dukka su basu san irin son da nakewa Fu’ad ba. A satitikan nan ni kadai nasan a halin da nake ciki ga kewar sa ga son sa dake addabar zuciya ta. Amman Momy gani take ni naja komai bayan nima ina son sa da nasan zai haka ba zan taba barin sa ba.”

Zuciya ta na dafe jin yadda take min zafi da radadi baki na na cije ina mikewa a hankali. Har nayi hanyar daki na. na komo nayi sama dakin Momy. Zaune na same ta tana waya. Tana gani na ta dauke kai ta cigaba da amsawa.

“Ke dai bari Yaya abin yana damuna dan Fu’ad yaro ne nutsatse!”

Shiru tayi can tace

“Ya zamuyi sai addu’ar daman.”

Ta karayin shiru sannan tace

“Insha Allahu. Nagode sai anjima!”

Da Mamin Yaa Fauwaz take wayar tin da naji tace Yaya. Wayar ta ajiye na karaso wajen ta a sanyaye na zube kafafuna a kasa ina kama kafaffun ta nace

“Momy dan Allah ki yafe min!”

“Fateema na riga na yafe miki.”

“Amman meyasa kike fushi dani?”

“Fateema dole nayi baki san yadda nake jin daci da radadin rasa Fu’ad da kikai ba. A gaskiya kin konan rai Fateema.”

“Dan Allah Momy ki yafen ki daina fushi dani Momy da wanne zanji da rashin Fu’ad ko da fushin ki. Wayoo Allah Dady nah dan Allah ka dawo ka jikai na.”

Jin na ambaci Dady sai jikin Momy yai sanyi. Kallo na take tana mai jin tausayi na. A shekara daya na rasa mutane masu mahimmanci na rasa Dady ga Yaa Fauwaz ga Fu’ad. Dole abun yai min yawa.

Kuka nake ina fadin

“Momy ki yafen dan Allah.”

Dagoni tayi tana fadin

“Na yafe miki Faeema.”

“Momy kin daina fushin dani.”

Na fada ina rike da hannu ta. Kai ta gyada min tana goge hawayen dake zubo min. Rumgume ta nayi ina sauke ajiyar zuciya.

Ina jikin ta ban san lokacin da bacci ya dauke ni ba har ta kwantar dani ta zuba tagumi tare da zuba min ido. Tausayi na na kamata dan yadda taga na rame sosai. Hawayen da ke son zubo mata ta goge sannan ta daukai daga kallo na dan zuciyar ta na karyewa.

Leave a Reply

Your email address will not be published. Required fields are marked *